خساره ظبطت قهوتي والسماعة وطفيت اللمبة في النهاية طلعت القصه بريالين فكرت فيها أكشن وحماس وقتل والمحقق كونن طلع مبارك زلابه كل يومين وهو في السجن لا ومخلي الأغراض في الفندق وفي السياره وين الذكاء في الموضوع بالله 😂😂
استغرب من غباء أول كمين.. كيف يرسلون له من جوال غريب ويطلبون منه هذي الكميه حتى لو كانت الكميه قليله يعتبر كمين ضعيف جداً سبحان الله... اتذكر حصل لي موقف ماانساه طول حياتي... اخذت ركاب من مدينة إلى مدينة وشخص جاب لي مسجل بيرسله وأخذته وحركة على نياتي يوم وصلت وجهتي للمدينة الأخرى نزلت الركاب واتصلت على المستقبل وجواله مغلق.. ورجعت البيت انام.... سبحان اللي خلاني انزل المسجل معاي البيت يوم نزلته اطالع في المسجل كرتون مغبر وماركه غير معروفه.. قلت مستحيل يدفع عليه ٥٠ ريال فتحت الكرتون ورجيت المسجل وسمعت فيه صوت... فكيت البراغي ولقيت فيه اتوقع قريب الكيلو حشيش وقتها مباشره بلغت الوالد الله يرحمه لأجل ابري ذمتي قدامه وبعدها توجهت لمكافحة المخدرات وماقصروا بفضل الله ثم بفضل جهودهم قبضوا عليهم.. ومن بعدها تركت تحميل الركاب والحمدلله اللي نجاني منها
اذكر مره يوم كنت كداد ايام الثانوي تهاوشت مع واحد وجلدته رضيته رض جاه ملع في كتفه وانكسر خشمه ورضوض وجروح بوجهه واشتباه ارتجاج بالمخ الوكاد انا كنت ناوي ادخل الكلية الامنية ولا ابي سابقة تسجل علي وهو رفع قضية واحتمال فيها سجن ٣ شهور وتعويض بعشرات الالوف وهذا كداد مثلي فكان يسولف ان معه ارسالية إلى حلبان ب ٥ آلاف ريال قلت له تتنازل ولا الحين ابلغ عليك عاد هو كان بالمركز وسيارته بعيده فتنازل وعقب ساعتين بلغت امن الطرق عنه اني شاك في شخص طالع ٢٠٠ كيلو بارسالية ب ٥ آلاف المهم طلع ناقل ٢٠ مسدس جلوك
قال: الحسن البصري رحمه الله ما اظن يعذب الله رجل يستغفر قيل :له كيف ذالك !!! قال :كيف يلهمه الاستغفار ثم يريد به الاذى (( وما كان الله معذبهم وهم يستغفرون )) الضيق الذي يمر بك يحمل رساله معناها؛ ترقب للخير الذي سيأتيك
يارجال هالقصه بسيطة جدا ولا فيها اي اثاره ادخل الحاير وشوف القضايا الي يوقف شعر جسمك ناس محكومه 15 و عشرين سنه مو مبارك الزلابه الي مستأجر فندق وحاط الاغراض فيه وين الحريص
والله هرجتك ما اقولها في استراحة، من بداية القصه ادور الذكاء والذهاء طلع انه مبلغ على المخبر، بالله هذي هرجه تنقال لا ومسوي تشويق بالقعده ونبرة الصوت 😂
يويل امها الحكم بيد القاضي هم يستعملونه كا اسلوب ضغط في وقت حرج انت تتنما فيه الخلاص وتقر ويسجل اقرارك حتى ممكن تعترف بشياء ما سويتها حتى اغلب المتهمين ينكر امام القاضي بعد ما يراجع نفسه ويكتشف انه اعترف لا شعورياً ما انقول الا الله يحمينا ويحميكم ولا يحطكم في موقف مثله
والله يا اني استمتع يوم اسمع قصصك ، وطريقة سردك للقصه ، اوقات اتمنى كل يوم يكون لك قصه ، حقيقه امتعتنا ، اسال الله العظيم ان يفرج همك ويسعدك سعادة الدارين ❤️❤️❤️
_سيّد الإستغفار: اللهم انت ربِّي لا إلـهَ إلا انت خلقتني وانا عبدك وانا على عهدِكَ ووعدك ما استطعت ، اعوذُ بك من شرِّ ما صنعت ابوءُ لك بنعمتك علي وابوءُ بذنبي فاغفر لي فإنهُ لا يغفرُ الذنوب َإلا انت💛💤.
سبحان الله الحمد الله لا إله الا الله الله أكبر لاحول ولا قوة إلا بالله سبحان الله وبحمده لا إله الا انت سبحانك اني كنت من الظالمين اللهم صل وسلم على نبينا محمد
حاب اوضح للي ت/يدعي عالمروجين هذا ابتلاء من ربي وفيه بعضهم مال لقى غير هالوظيفة ف ادعي لهم مو تدعي عليهم لو واحد من اهلك او ابوك او اخوك ما رضيت بهالشي كل واحد فينا ربي ابتلاه بشي فا راح تدعي اليوم على الشخص بكره ربي يبليك او يبلي ابن لك او اخ لك♥
اول شي هذا مو عذر أنه ما حصل وظيفه في مليووون شغله تقدر تتكسب من وراها غير المخدرات ثانياً الله يبعدنا عنها يارب العالمين ويكفينا شرها وسواء اخ او ولد عم أو قريب لا سمح الله، الله لا يقدر خبيث الله يشغله بنفسه ويكفينا شره واذاه هذا هو اللي جابها ع نفسه فـ لا تعطي مبرر أو عذر للمخطي اللي مثل كذا هذا مو ابتلاء هذا غباء الله سبحانه وتعالى يقول وما ظلمناهم ولكن كانوا أنفسهم يظلمون.
القاضي عادل في حكمه .. أعتقد لو كان فيه دلائل زيادة من النيابة العامة قد تصل العقوبة لحد القتل! لذلك يمكن ربي يريد للمروج الهداية وبرضه 7سنوات ماهي بسيطة. الله المستعان
Gun Gungun لا والله عقوبه ضعيفه وهذا الرجال دخل مرتين السجن ولا تاب عاد يتوب بعد سبع سنوات صدقني بيخرج ويرجع زي اول هذا اذا ما كانت عقوبته الإعدام المفروض ينسجن عشرين سنه يخرج وهو ناسي اسمه وايش كان يسوى ومستغربة من هذا الحكم في بلدنا لانسان كان يفسد في الأرض ويضيع الآلاف الشباب ويمكن غيرهم الله يكف بلاه ويتولاه بما هو أهل له
saleh adnan شوف يا أستاذ انت وانا واهل البلد هذه كلها يعرفون ان الرشوة والحمد لله غير منتشره عندنا وخاصة بين القضاة لكن انا اعتقد انه لم يحكم عليه بالإعدام وهي عقوبة المروج لانه لم يوجد ما يثبت انه مروج ولم يتم القبض عليه بالجرم المشهود وهو انه كان يبيع المخدرات وكل التهم الموجه ضدة انه عنده كميات كبيره من المخدرات ادعى انها لاستعماله الشخصي وهو مالم يصدقه القاضي لان الكميات اكبر من ان تكون للاستخدام الشخصي لكنه أيضا القاضي لم يجد ما يثبت انه بائع لانه زي ما قلت لك لم يمسك بالجرم المشهود لهذا القاضي حكم عليه بسبع سنوات فقط ويمكن هذا الحكم للاستعمال فقط وان كان كذلك فالحكم عادل وانا لما قلت حكم ضعيف فلأني كنت أتمنى ان يأخذ عقوبة أقوى لكني لست بدارسة ولا ممارسة للقانون وأحكامه وحيثياته عكس القاضي
لا إلـه إلا الــلــه . سـبـحـان الـلـه الـعـظـيـم . لاحـول ولا قـوة إلا بـالـلـه الـعـلـي الـعـظـيـم . الـلـه اكـبـر . اسـتـغـفـرالـلـه واتـوب إلـيـه يارب احفظ لي امي♥️♥️🙏🏼. يارب حقق لي ما اريد وأسكن بقلبي الراحــه والطمأنينة .
والله اني اعرف الرجال هذا شخصيا وهو رجال كفو وقد اهداني تيشرت قيمته الف وعليها والرجال توه انحكم ماصارله فتره الله يخارجه ويهديه كان مستأجر فندقين فندق فيه الأغراض وفندق جالس فيه و صدق ان الرجال يملك فلوس ماشالله لكن الغبنه الأيام اللي يبي يقضيها في السجن
انا من يوم شفته يقول ( الحي اذا احد باع فيه من غير اذن مبارك بيموت او بيأذونه ) وانا داري انه يشوف افلام هوليود واااجد😂💔 ، يبوي بيع وشراء والعين تراء والحكومة تقراء وشكلي بنطرح 😂
Y S أي احد يتخرج بمعدل وتخصص يحتاجه سوق العمل راح يتوظف الي يتخرج لي اعلام ولا شريعة وجغرافيا ومدري وش وبجي يصيح يبي وظائف قله كل تبن ولد خالي رجع من كندا بعد ما جاه موافقة من برنامج خادم الحرمين الشريفين للابتعاث واليوم هو موظف في ادارة الأسهم في إحدى البنوك وراتبه 30 الف ما شاء الله.
الله لايبلانا ويحفظ عيالنا وبناتنا دمار المخدرات والله انتبهوا على انفسكم ولا تغركم ه الاشياء والي طايح فيها بسرعه ينقذ نفسه ويتركها قبل لاتهلك جسمه وعقله نصيحه من قلب محب
اللي بالكومنت يقولون وين الاكشن ، هو م يبي يكبر البياع بعيون المشاهدين بقصد انه مجرم ويحذر من فعلته للناس وانا مقدر هالشيء. لكن لمح لبعض كم حياته يوم يقول يدخل مبالغ ما تدخلها مؤسسات و يوم يركب سيارات ويستأجر بفنادق غالية ، وفوق ذا مشغل عنده ناس يشتغلون له . استنتاجي هو يطلع ممكن ١٠٠ الف ف الشهر ممكن تنقص شوي او تزيد شوي لان اللي يشتغل ع ٥ كيلو حشيش مستحيل يشغل عنده ناس الا اللي يشتغل فوق ١٠ ، وبالفندق اغلب المضبوطات حبوب واضح لقى شغله فيها لانها تدر ذهب اذا لقيت المشترين الصح وترك الحشيش شوي وتركه لمعاونيه لان حياة الشوارع واكشنها لها اهلها . وهذا السبب اللي خلاه ينزل بدون اغراضه بالفندق م توقع خويه يطلبه حشيش لا وقايل الرمز الامان بعد وطالب كمية قليله. المهم الله يحفظ السعودية واهلها ويعزها ولا يعز عليها 🇸🇦
نايف العنزي معروف اي شخص مستحيل ياكل هالكميه الي ذكرها لكن هاذي روح لو قالو له كلها كامله ونطلعك راح ياكلها اي شخص لكن المخدرات مفعولها يبدا بعد 5 دقائق من التعاطي في الخمس دقائق راح ياكل ورح يجي المفعول جدا قوي وبكذا يكونو ذبحو روح (فهاذا الشي غلط) 🌹
h 7 الا ذكي بالمحالات الاولى لو اي احد غبي مكانه بيسلم المخدرات ويتم القبض عليه من اول محاوله بيع لكن هذا كان مُدرك الي يصير وما قبضوا عليه الا بشهود رغم انه ما مسكوه وهو يروج
اسأل الله وادعو الله ان كل من روج المخدرات واعدم شبابنا واهلك اسر وتسبب في فصل شباب من وظائفهم او عدم قبول الشباب في الوظائف وتسبب في السجن الاخر او تسبب في جنون بعضا منهم اسأل الله ان يهلكه وان يشغله بنفسه امين يارب
اول ما قريت عنوان الفديو قلت شكل ولد اسكوبار جاء عندنا في الاخير طلعت هذي القصه اقسم بالله ان اغبى منه مافيه و القصه نايمه وسالفة ان ماسك عدت احياء ما يقدر يبيع احد غيره فيها ذي كيس
زي قصة ابو حبيل مروج المخدرات طلع فساد عسكري والأهم (المدير) يحتاجلكم تعرفون من العمل المحترم عندنا بجدة مين مروج مخدرات الشبو والمسكرات والممنوعات مع (مدراء) وزملاء العمل (والمدير) المناوب (ومدراء) مؤسسي كليات البنات...الخ اكيد فساد (المدير) له علاقة خصوصا هناك فساد عسكري وصحي مشترك وقح أمامنا اسمه سوء استخدام سلطة يستخدمون عساكر فسدة ولا ننسى علاقة عساكر مركز شرطة السامر بجدة ظهر عدد من العساكر أصحاب الخلوات والفواحش ومهربين ممنوعات بمعنى اوضح شبكة فساد عسكري شهدنا على فسادهم وبعد أن تم شكوتهم مسحوا جرائم فسادهم العسكري من اجهزة حاسب مراكز الشرطة وأجهزة حاسب وزارة العدل بالإضافة للتلاعب في الجوالات ...الخ هذي الامكانية الكبيرة والملفته في السلطة واجهزة حاسب الدولة يحتاج لها فساد (مدراء ) مراكز شرطة جدة بالإضافة للفساد القضائي وذكروا عساكرنا لهم أقارب ومعارف في الصحة يزبطون لهم تقارير طاعنه زي جريمتهم في م.الجدعاني بجدة زي جريمة ابوحبيل ظهر الفاعل (المدير) المحترم + وكثير من جرائم التزويرات (مدير) التقارير الطبية حتى كثير من التزويرات صارت قدامي عيني عينك والتلاعب في التقارير طبية والطعن في الحواس..الخ وأخيرا علاقتهم بجرائم الأمراض التنفسية ونقل العدوى والسجاير وكوفيد١٩...الخ وتبرير فسادهم بالمذكور في التقارير الطاعنة وأما اثارة الوطنية والدين اسلوب قديم لكل مجرم يحاول تسكيت الشهود عليه
صراحة القصه محتواها بايخ جدا المفروض لو ذكرت المده الي كان يبيع فيها بعد ماطلع من السجن او المبالغ الي قد جمعها او كيف كان يبيع او كيف كان يجيب المخدرات والأشياء الي زي كذا ياخي بيض الله يصلحك روح شوف بريكنق باد وبتتفل على مبارك البياع
