أخبركَ بسرٍّ جميلٍ صغير ؟ كلما أطفأتَ النور ولامس خدّك نسيج وسادتك ، تذكّر وضعَ أهمّ أمرٍ تقوم عليه حياتك في مكانٍ آمن ، فقل ؛ " يا من لا تضيع ودائعه إني استودعتك قول أشهد أن لا إله إلا الله وأن محمداً رسول الله ؛ فردّها لي عند حاجتي إليها " .
هو قيام الليل بيتصلى ازاي💞!! قيام الليل بيتصلى زي صلاة الفجر كده ركعتين وتقول التشهد وتسلم طب عدد ركعاته كام؟ بتوصل ل١٣ ركعة بتبقى ركعتين ركعتين، ركعتين، ركعتين، ركعتين، ركعتين، ركعة واحدة ودي بتبق.ى اسمها الوتر💞. طب انا ينفع اصلي ركعتين بس أو اربعة أو حتي ركعة واحده بس اللي هي الوتر!! ايوه طبعًا ينفع طب هو بيبدأ وقته من امتى!! من بعد العشاء لحد قبل الفجر واللي هو الثلث الاخير من الليل وده الوقت المستحب عشان ربنا سبْحانه وتعالى يتنزل إلى السماء الدنيا فى الثلث الاخير.. وينادى: (هل من سائل يُعطى؟ هل من داعٍ يُستجاب له؟ هل من مستغفر يُغفر له؟ حتّى يطلع الفجر) يعنى دعوتك الصادقة فى الوقت ده.. مُستجابة بأمر الله -ينفع تصلي ركعتين بس أو اربعة -ينفع تتصلى فردًا لوحدك أو في جماعة، يعنى زوجتك واختك واخوك ممكن يكونوا معاك -افضل الأدعية فى قيام الليل (اللهم إني أسألك رحمة من عندك تهدي بها قلبي، وتجمع بها شَمْلِي، وتَلُمُّ بها شَعَثي، وتَرُدُّ بها أُلْفَتِي وتُصلِحُ بها دِيني، وتحفظ بها غائبي، وترفع بها شاهدي، وتُزَكِّي بها عملي، وتُبَيِّضُ بها وجهي، وتلهمني بها رُشْدي، وتعصمني بها من كل سوء) هو قيام الليل صلاة بس!! -لا، القيام مش صلاة بس، بس خلينا الأول نتكلم عن الصلاة بتكون ازاي؟ اولاً: الصلاة بتكون تصلي مثني مثني، يعني ركعتين وتسلم وهكذا، بنقرأ فيهم الفاتحة وما تيسر لك من القرآن -بص القيام مش بيُحسب بعدد الركعات إنما بعدد الآيات، ويكونوا بعشر آيات أو بميت آية أو بألف آية أو أي عدد عمومًا، في حديث بيقول "من قام الليل بعشر آيات لم يكتب من الغافلين ومن قام الليل بمآئة آيه كتب من القانتين ومن قام الليل بألف آيه كتب من المقنطرين" يعني هنا القيام بيُحسب بعدد الآيات وليس بعدد الركعات، كده خلصنا الصلاة ممكن حد ميكونش عاوز يصلي ممكن يقرأ قرآن، ممكن يسبح ويستغفر، الذكر عمومًا، فهي بتكون درجات الصلاة لأنها تشمل قرآن وذكر، وبعديها القرآن، وبعديها الذكر قيام الليل ياراغبين الجنة الشيخ محمد حسين يعقوب بيقول: القيام! مستحيل ربنا يرزق القيام لمسلم غير لما يكون بيحبه ربنا بينزلك للسماء الدنيا عشان بس يسمعك، يغفرلك، يعطيك، يرزقك، بيبقي مستني منك يسمع كلمة يا رب عشان يقولك لبيك يا عبدي بيسمعك رغم لغبطتك، بكائك، ذنوبك، بيحبك أوي والله ونفسه يفرحك بس هو مستني منك كلمه يا رب مستني منك رفعة يد وصدق طلب وركعتين في جوف الليل كل ما أقرأ آية "وَالَّذِينَ يَبِيتُونَ لِرَبِّهِمْ سُجَّدًا وَقِيَامًا" ابتسم واقول يعني اللي بيصلي القيام من عباد الرحمن يا رب ؟ اللي هما اعلي منزله يوم القيامة! مرة سمعت الشيخ محمد حسين يعقوب بيقول: "الحاجة الوحيدة اللي ببقي عاجز عن التعبير عن جمالها هي قيام الليل، تعبان؟ روح قوله تعبان وهو هيشفيك والله، مخنوق؟ صلي قيام الليل وهو هيريح قلبك والله، يابني ده واحد راح الكعبه عاجز عن الحركة تمامًا ولادُه خدوه هناك وقالهم سيبوني مع ربنا لوحدنا وقاله يا رب والله ما هتحرك من هنا غير علي رجلي وصلي قيام ليل ونام حلم ان حد بيقوله قوم اتحرك انت بقيت تقدر تمشي.. قام من النوم مفزوع لاقي نفسه قادر يتحرك... ده القيام ده الفانوس السحري بتاع المسلم أجمل وأطهر ربع ولا نص ساعة، هو "سبحانه" مش بيقولنا تعالوا صلوا عشان عاوزكم لا ده بيقولنا تعالوا اشوف انتوا عاوزين إيه؟ نفسكم في إيه؟ محتاجين إيه؟ يلا أنوي وتوكل علي الله💞
