سيارتك فيها ابل كار بلاي بالسلك عن طريق منفذ الUSB اشبك السلك يو اس بي ويظهر لك بالشاشه بس تكون مفعله من الضبط بالجوال ومفعل سيري ويشتغل على كل موديلات 2021 بخصوص الديكورات عندي حتى الابواب لما افتحها خفيفه والصدام الخلفي عندي من طرفه اليمين جهة الاصطب مو ثابت مكانه قالوا لي بورشة السمكره الشامل انه جيبها نعدل لك تنسيم القزاز وفصالات الابواب والصدام
الله يبارك لك ويعطيك خيرها ويكفيك شرها ، انا معي نفس الموتر ونفس الموديل والفئه لها تقريباً 5 شهور وماشيه الان 7500 ، على 3 الاف كيلو خربت الحساسات الاماميه وصلحوها الوكاله على الضمان وعلى صيانة ال5 الاف كلمتهم بخصوص السواد الي على الجنوط الاماميه وقالو غيرنا لك اقمشه ونفس المشكله ما انحلت ، وبالنسبه للديكورات عانيت من الستاره الخلفيه والشاشه صراحه مزعجه ، والحاجه الاهم الي نسيت تذكرها الي هي لون الداخليه حسااااااس ، اي حاجه تأثر فيه من ناحيه الطبلون الجلد او التكايه او الابواب ، لكن بشكل عام الموتر طيب والوكاله ممتازه مقارنه بغيرها … آسف على الاطاله والله يرزق كل من يتمنى مثل هالموتر باللي احسن منه 💙
الله يعطيك العافية ويبارك فيك انا معي الستة سلندر الرياضية وكل كلامك صحيح هو شوي الديكور لك عليه والتنسيم والعزل الارضي مقبول والزيوت مكتوبة في الكتالوج وافضل زيت هو 5W30 عندك امزويل ممتاز جدا الكامري حبيبة الشعب لازم نهتم فيها وندلعها وفي النهاية تويوتا شيك في جيبك في أي وقت وأي مكان مهما كانت عيوبها
تصحيحا لعلوماتك يابعدي ، معي اخت موترك فيها ابل كاربلاي .. شفت المدخل اللي جنب مدخل الشاحن اشبك فيه سلك ايفون واشبكه بجوالك يطلع لك في الشاشة ابل كاربلاي اضغط عليها وتطلع بالشاشة علطول > خاصية ممتازة جدا وبالنسبة لي نفعتني كثيييييير في استخدام قوقل ماب وفكتني من مخالفات الجوال لاني من الناس اللي مستعد ادفع ١٠٠٠٠ مخالفات جوال بس ما اركب هذيك اللي تعدم الديكور .. تحياتي
أستغفر الله العظيم الذي لا إله إلّا هو الحي القيوم وأتوب إليه سبحان الله والحمدلله لا إله إلا الله اللهم صل وسلم على نبينا محمد سبحان الله وبحمده عدد خلقه، ورضا نفسه، وزنة عرشه، ومداد كلماته.
يعطيك الف عافيه يبو راشد كفييت ووفيت م شاء الله والله يبارك لك بحلالك انا اللحين موتري مشت ١٤ الف تقريباً والحمدلله م في عيوب LE💯 وحطيت زيت تويوتا 5w40 وفرقت معي الصرفيه واجد مشيت من حايل لين الرياض ممشى الطريق ١٤٠ وصلت الرياض مشيت مسافة 645كم مصفر الرينج من محطة داخل حايل الى حي القادسيه شرق الرياض البانزين قبل النص بشوي يعني بين ربع الفل والنص م شاء الله والزيت حق تغيرة الوكالة عبيت من جرش بالرياض ونفس المسافه والسرعه وصلت حايل تحت النص بشوي يعني بين النص والربع
والله ياشباب من ناحية تنسيم الابواب انصدمت واحد من الشباب اخذ لكزس ES 2021 ونفس الكلام عنده تنسيم بسبب المريات الي جاية على الباب يمكن يكون بل الكامري اعلى شوي لان القزاز مهو مدبل مثل الافلون واللكزس فل المشكلة عامة من كامري الى ES
ما شاء الله الله يعطيك خيره ويكفيك شره انا معاي 2018 gle استخدام 3 سنوات و شهرين ممشاه حتئ ألان 107 الف فيه عيوب بس قليل ممكن عدلوها في المديل الجديد الله اعلم اولآ مشكله خربت طرمبة الماء و صلحتها على الضمان و اصوات قربعه من السقف و أصوات هوا في فتحة السقف و الباب الامامي رجعته الضمان بس ما أستفدنا شي نفس الوضع و اخر مشكلة علق علي موزع الهواء على القزاز الامام و الأرجل اعزكم الله بصراحة تقروشت وقتها لأن الجوا حار حولت افصل البطارية بس مافي فايدة غير برمجة ب 100 ريال وبعدها فصلت أسلك موزع الهواء و ارتحت لا يرجع يعلق ذي أغلب المشاكل حتئ ألان
حبيت اضيف ان شركة لكزس شارطة على ابوجميل مايحط الا زيت 5w30 تخليقي بالكامل لسيارات لكزس علشان سمعتهم لانهم يعرفون انها افضل لزوجة مثلهم مثل هوندا شارطين نفس الشرط على الوكيل
انا الي معي 21 glex ممشاها الحين 22 الف الموتر كفو بكل ما تعنيه الكلمة والعيب الوحيد الي عانيت منه هو التنسيم وحليته الحمد لله والديكورات لا توقفها ف الشمس وابد
السلام عليكم أفادنا بتجربتك الله يعطيك العافية للتنسيم وكيف حليتها علشان الناس تستفيد وتدعيلك ان معي 2020 التنسيم من عند القزاز الامامي السواق مزعج جدًا بس تعودنا عليها تحياتي لك اخوي؛؛؛
طبعًا الزيت الي استخدمه زيت تيوتا الذهبي 5/40 👍🏻 صرفية البنزين 👌 العزم كويس طبعًا هذا بالصيف الزيت الشتاء استخدم ٥/٣٠ فوكس تيتان او موتر كرفت او امزويل وبإذن الله الجميع يستفيد من المعلومة 🤲🏻🤲🏻🤲🏻
سلكون من محلات الزينه الي يطلع بالحراره مو القوي يعني متى ما تبي تشيله تقدر تشيله وقطن طبي فك المثلث وعبه قطن ومن تحت الجلده حط السكون على حواف الجلده كلها
ماشاءالله الكامري بشكل عام ممتازه بس مشكلة التنسيم شي يقهر لان معي توريس مديل 2011 اقارنها بعزل كامري 22 او افضل منها … ونا صراحة ناوي اخذ كامري 22 بس نسبة العزل هي اللي بتردني عنها . وابي نصيحتكم الله يعطيكم العافيه
الكامري جباره جدا مميزاتها واسعه وصرفيتها ممتازه اذا بنزين الهايبرد بالخط سيء نورها الامامي جبار تكييفها ماشاء الله ودخليتها رايقه العيوب العزل سيء جدا بعد ١٤٠ صوت ديكور الشاشه مزعج الاناره الخلفيه صغيره الموتر نازل مره يحك بالمطبات اذا محمل قطع غيارها غاليه رساوتها بعد ١٤٠ اذا الخط هواء يلعب بها لعب
انا اغير فوكس تيتان ٥ ٣٠ هو الافضل والارخص من الجملة من ناحية لزوجة ٢٠ ٥٠ هذا ماينفع وبيثقل على المكينة والتكايات بيلعب بالمكينة مع الوقت نصيحه لحد يغيره
السلام عليكم سيارتي ماشية الحين 600كم باقي بأكياسها وعلى حال الوكاله 2021 العيوب : صوت تنسيم بشكل غير طبيعي أبدأ أبدأ وعندي توسان 2022 والنترا 2021 لما أطلعها مافيه أي تنسيم إطلاقا السبب : التصميم الخاطئ الغبي اللي انتهجته شركة تويوتا واعتمدته من الرسام الغبي وهو تصميم الكبوت وتصميم المرايات القبيح .. المرايات صمموها على الباب لتقليل الضوضاء وثبتوها على الباب جو بيكحلونها عموها .. لا أحد يدقق في التنسيم أو يحجز موعد في الشركه الموضوع خطأ في تصميم الكبوت والمرايات وانا جربت وصفطت المرايات والسيارة ماشية وخف التنسيم المميزات : عبيت بنزين احمر فل ب140 ريال ومشيت حوالي 215كم بدون ما يتحرك عداد البنزين ما شاء الله تبارك الله وهذا الشي للأمانه مالقيته بأي سيارة بصراحه
معي نفسها اخذتها قبل رمضان كلامك صحيح ولكن الحمد لله ما فيه طقطقه في الديكورات ولا في الستاره ولكن فيه شي مضايقني اذا حملت السياره النور الواطي يعمي الناس ما ادري وش الحل ؟
طيب انا افكر اشتري كامري 2022.2021 استاندر وفي ناس يقلون موب زين ما تصلح وضيق انا ابيه عشان الشكل و الصرفية وانا طالب.هل هي وسيعه من وراء مريحة.. والله يرزقنا ويرزق كل محتاج
انا حطيت زيت موبيل 1 ..... 5w30 وبنزين 91 وسيارتي كامري 21 gle بالقوة تمشيني 700 داخل البلد وش السالفة وعندي ملاحظة على الانوار الامامية ممتازة وقوية الواطي لكن العالي زي قلته مرتفع فوق ولا يزيد كشفة للطريق هل الكل نفس مشكلتي ولا ارجع للوكالة من ناحية النور وشكرا
انا موتري 11 استخدم 5w30ممتاز ماشاءالله لاكنه غالي ولا فيه فرق عن 10w30طبعن اتكلم عن فوكس تيتان عندك ذول انصحك فيهن الي تبي واذا تبي نصيحتي 10w30منتاز مافي فرق بينهم وخفيف واسف على الاطاله
ياغالي عندي سؤال ومحتاج اجابه منك لاهنت: انا مقلقني شي بالموتر قبل اشتريه وهو اني احس الموتر طامن من الارض يعني نازل واخاف انه يصقع بالمطبات وخصوصا لو معك عائله
انا عندي كامري 2020 هايبرد ملاحظ حاجه اذا مشيت بسرعه خفيفه في شارع فيه مطبات او حفر صغيره وامسك فرامل حتى لو دعسه خفيفه اسمع اصوات من تحت الموتر واحس كأن الفرامل يفك شوي يعني ماتوقف السياره بالكامل مقارنه بالخطوط المستوية هل هذا عيب عندي او انه عادي بكل السيارات ؟
اهتمو للكتلوج في الزيت واهتم للتصنيف انا عندي هايلكس فكيت الكتلوج وحصلت تصنيف 20W50 تصنيف SL او SM يجي مكتوب ع علبة الزيت وريحت عمري من النصايح الي مالها داعي
اذا صار اسود يعني الزيت ادى مهمته بتنظيف المكينة من الشوائب وعموما مش معنى انو صار اسود يعني فقد لزوجته واذا هو لعشرة الاف بدله على ٧٠٠٠ افضل لأن استخدام المكيف بالصيف يجهد المكينة لكن بالشتاء تقدر تكمل عليه ل ١٠ الاف
من ناحية الطقه اللي يمين هي خفيفه ولا تذكر لكن من يوم طلعت الموتر من الوكاله وهي فيه ورجعت لهم في تشيك قالو ما فيه شي واتوقع انها من ( الحساس لانه تركيب من الوكيل واللي يشتكي دايم اللي سياراتهم جي ال اي عكس الاستندر ما فيها حساس والباقي يجي حساس وكاله )
افضل زيت للكامري 2018 الى 2022 0w16 الذي يوصي به الصانع وليس الوكيل او المستخدم وسالفة انه مايتحمل الحراره هذا مجرد راي لا اكثر سؤالي لك هل تعرف كم تصل درجة حرارة المحرك بعد التشغيل ؟؟؟
حمد الله انا موتري مافيه تنسيم ولا طقطقه الديكورات استغربت من كلام الناس حتا خويي جربت موتره نفس موديلي وفيه تنسيم درايش والعزل ماش والديكورات والفتحه بس انا يالله لك الحمد مافي تنسيم واموي طيبه بس في مشكله في صوت طقطقه ف المكينه اذا شغلت وانت واقف تدعس شوي تسمع صوت المكينه طقطقه خفيفه مره
م شاء الله انا وياك سحبنا المواتر تقريباً بنفس الشهر انا ممشى موتري حالياً 11500 الحمدلله كل العيوب اللي ذكرتها ماطلعت معاي ولا لاحظتهاا حتى وان شاء الله م اواجهها لكن فقط التنسيم وهذا لأن المرايه على الباب والقزاز ماهو مدبل مثل الافالون ف هذا يخلي صوت الهواء مزعج.
اضافه على تعليقي لاتنسى اهم ايجابيه نعومة الموتر مع المطبات وعزله الارضي جيد جداً ورداً على كلام اللي يقولون الكامري نازله وتحك عند أي مطب لا تحكم على نظرتك للموتر اسأل مجربينه 🤚🏼.
يا شباب ومستخدمي السيارة الجبارة هذي .. سؤال وبدون زعل … نفسي اخذ كامري الجراندي او اللومير لكن ( هل سمعتها مش كويسة بحيث ما تمر من عند اي النقطة الا وتصبح محل شكوك ويغثونك انا اكره ما يجيني الشعور هذا ) .. سؤالي والله حقيقي
بالنسبة للمعارض ماتستحقها بسبب غلاهم يعني ستاندر ب 126 الف والوكالة 99500 حتى ماوصلت 100 واذا مثلا راحت الضريبه بتصير 85 الف واغلب السيارات المنافسه صارت غاليه
بالنسبه للزيت ترا مو كل الزيوت مثل بعض لازم نفرق بين اللزوجه والتصنيف يعني موش بس اللزوجه 5W30 اقول خلاص اركب اي شركة لازم اشوف التصنيف وش كاتب في الكتيب عشان نسبة النبخر وما الي ذلك غير كذا فيه زيوت افضل بمراحل من زيوت تيوتا والزيوت المحليه مثل لوكاس لكوي مولي موتل امزويل بنزويل موبيل المستورد وليس المحلي وما الي ذلك من الشركات العريقه
من الآخر يوم صارت تتصنع في اليابان صارت جودتها سيئة من عزل وديكورات وازرار ضعيفة والستاره الخلفية فيها اصوات والركن الخلفي خلف الباب اليمين بعضها يطلع اصوات والفتحه فيها طقطقة وغيرها ...
التجميع ياباني وليس الصناعة . واكثرية هذي العيوب ليست موجودة بهذا الموديل ، الستارة خلفية تركيب والازرار بالعكس ليست ضعيفة ولا شيء ولكن الاخ يبالغ . واتمنى ان يكون كلامك من تجربة وليس ثرثرات وبلبلات القروبات .
@@Al000sl هل تملك تويوتا او هل تعمل عند عبداللطيف جميل او لك نسبة ؟ وش هالاسلوب والألفاظ وش مضايقك ، عموما اسلوبك وألفاضك تعكس عقليتك وشخصيتك وتربيتك .
كلها تبطي وكلها تكرف وكلها كويسه لكن لا تاخذ العلم من مقطع حقين كامري ، رح اي حساب معروف واسال ويجاوبونك بدون تحيز لاي نوع موتر انا معي مازدا حالياً ومبسوط جداً ولو يرد الزمن لورا م اخذ الا مازدب برضو لكن م اقولك خذها لان مدري وش جوك واحتياجك ، اذا معك عايلة المازدا م تناسبك لانها ضيقة من ورا ومثل كذا
@@ascxgab87.n لا ي رجال نوعية الزيت سيئة جدا غيرته حطيت تويوتا خفيف اول ما طلعت لي المشكلة السياره كانت ماشيه حول ٤٠ الف الحين ماشاء الله قربت من ٣٠٠ الف …. بس انا انصحكم ما احد يحط نفس هالزيت يتبخر بسرعه تراه
