كامل الوزير رسم الخطة مع وزيرة التنمية المحلية ومحافظ الاسكندرية الجديد وفوز حزب العمال البريطاني 

ليه اختار كامل الوزير واقالة أسامة عسكر ومحمد زكي رئيس الوزراء كشف السر ؟
الفريق كامل الوزير رسم الخطة مع وزيرة التنمة المحلية بعد ما خد الاذن من الرئيس السيسي هقول لحضراتكم عن اهم معالم خطة كامل الوزير ولكن بعد شوية خليني اكلمك الاول عن المفاجاة بالنسبة ليا وحى اختيار وزير تنمية محلية واحدة ست احنا ممكن نقبل وزيرة الثقافة او البيئة او الهجرة او الخارجية واحد ست انمنا وزير المحلية واحدة ست ده التحدي الكبير
وزيرة التنمية المحلية بيقولوا عليها المراة الحديدة وهتشتغل المحافظين ليل نهار الحلو فيها انها لابتحب الواسطة والا المجاملات وشكلها هتعمل حاجة حلوه
انا عايز اقولها اول قرار حضرتك تخديه انك تمنعى سير التوك توك داخل المدن الزحمة زاي الشرقية والمنصورة مثلا وعلشان تعملي ده بنجاح ادي تعليمات بمنع اي بنزينة تفول لهم بنزين واللي عايز يشتغل علشان ما نقطعش اكل عيشهم يشتغلوا في القرى والمدن اللي مفهاش تاكسي
الدكتورة منال مخائيل تعتبر اول سيدة تتولى وزارة التنمية المحلية ولما سالنا وقولنا اشمعنى منال مخائيل رئيس الوزراء الدكتور مصطفى مدبولي قال لانها بتاعت شغل وعملت شغل كويس في دمياط
طيب يا دكتور هى كانت بتشتغل ايه قبل ما تكون محافظ دمياط قال كانت دكتورة بيطرية وكان شغلها كله في الطب البيطري والدواجن لكن عملت شغل كويس في دمياط زي مدينة الاثاث وبتشتغل بنظام ومعندهاش ياما ارحميني خالينا نجرب واحده ست في الوزارة دي
بس السؤال اللي بيطرح نفسه هل الدكتورة امال مخائيل هتقدر تمسي تعليماتها على 16 لواء محافظ في الحكومة الجديدة انا شايف ان ده التحدي الحقيقي لان لواء عاش حياة عسكرية ممكن يقابله بعض العراقيل في تلقي اموار وتعليمات من سيدة خصوصا في مجتمع لسه بيعاني من الذكورية للاسف
كمان محافظ الاسكندرية الجديد شكله عنده خطة غير تقليدية هيعملها في الاسكندرية لانه في اول تصريح قال عندي 20 ملف هشتغل عليهم وهدفي اشغل كل الشركات و المصانع المعطلة والمتعثرة وهيكون اهتمامي الاكبر بالمدارس والتعليم واني ارجع الاسكندرية تاني مدينة سياحية وعروس البحر المتوسط بعد ما اصبحت عجوز البحر المتوسط ودي حاجة محرتمة جدا بنشكره عليها
كامل الوزير في اول تصريح له بعد خلف اليمين قال انا خدت الموافقة على الخطة بتعتي في وزارة الصناعة والنقل خلاص من الرئيس السيسي واي مصنع متعطل او مقفول هشغله
وخلال سنة هتشوفوا مصر تانية خالص مصر هتكون زي دول اوروبا واحلى كمان خدمات النقل فيها سواء سكة حديد أو مترو أو نقل بحري او بري هتكون على اعلى مستوى من الامان والسرعة والراحة والرفاهية
المئيعة اللي بتعمل معاه لقاء بتقوله حضرتك كده معاك 3 مناصب ازي هتقدر تلقى وقت لهم
قال انا اديت تعليمات للناس اللي شغالة معايا هننزل الشغل من الساعة 8 صباحا حتى الساعة 10 مساء
هشتغل من الساعة 8 الصبح للساعة 3 في وزارة الصناعة ومن الساعة 3 عصرا للساعة 10 في وزارة النقل
وبعدين انا خدت الموافقة من الرئيس السيسي اني اعيين ليا نواب من الزملاء اللي شغالين معايا بقالهم سنين وقدروا يتعلموا ويمشوا على السستم والنظام اللي حطيته في وزارة النقل يعني هعرف انظم وقتي واشتغل وانجح في ال 3 مناصب ان شاء الله
حضراتكم عارفين اكتر حاجة عجبنتي في كلام السيد كامل الوزير ايه انه قال انا حطيت سستم واهلت فريق عمل ينفذ اللي السستم وده اللي احنا محتاجينه نحط سستم ناجح علشان لو الوزير ترك منصبه السستم يفضل مكمل مش يييجي وزير يقولنا نقطة ومن اول السطر
برده عجبني اول تصريح لمحافظ السويس اللواء طارق الشاذلي قال انا جاي علشان اكمل الطريق اللي كان ماشي عليها المحافظ السابق وهدفي ارضاء اهالي السويس وهنشتغفل وقت اضافي علشان نشتغل وننجح ونرضى الناس
خد بال حضرتك ان سنة 2024 مش هتعدى بالساهل لان في حاجات كتير بتتغير امس قولت لحضراتكم ان رئيس وزراء هولندا مارك روته خلاص ترك منصبه وخد العجلة بتعته روح على بيته بعد ما فضل في المنصب 14 سنة وكان شخص معتدل والعالم ماشفش منه حاجة وحشة واللي جاي مكانه غيره خالص ومتشدد وده هينعكس على السياسة في العالم
اليوم حزب العمال البريطاني بيفوز في الانتخابات وحزب المحافظين بيسخر خساره ساحقة في الانتخابات ورئيس الوزراء سوناك بيتقدم استقالته للملك بالمناسبه سوناك صاحب مسلم الديانة وكنا بنتوقع انه هيدعم القضية الفسطينة ولكن للاسف كان اشد الداعمين لاسرائيل لدرجة انه خد الطيارة بتعته ونزل في تل ابيب بعد اسبوع من طوفان الاقصى وخيب اامال المسلمين والعرب
يعني بالتغيير اللي حصل في انجلترا اليوم هيكون له اثر كبير على العالم زي التغيرات اللي بتحصل في فرنسا وقرب اليمين من الحكم وبرده نتيجة الانتخابات الامريكية هتغير سياسة العالم ومصر بكل تاكيد هتتاثر علشان كده وزير الخارجية بدر عبدالعاطي عليه مهمة كبيرة لان العالم كله بيتغير
كامل الوزير رسم الخطة مع وزيرة التنمية المحلية ومحافظ الاسكندرية الجديد وحزب العمال البريطاني مفاجأة
لو حضرتك تحب تتواصل معايا على الفيس بوك أو التيك توك تفضل
facebook للتواصل معي
/ samehelmasry25
/ s.samehelmasry25
tiktok للتواصل معي
/ sameh.elmasry25
#سامح_المصري
#سامح_المصرى
#أخبار_مصر
#أخبار_مصر_اليوم
#مصر_اليوم
#اخبار
#اقتصاد
#سياسة
#سامح_المصري
#سامح_المصرى
#أخبار_مصر
#أخبار_مصر_اليوم
#مصر_اليوم
#اخبار
#اقتصاد
#سياسة
#التعديل-الوزاري-الجديد
#اسماء-الوزراء
#اسماء_التشكيل_الوزاري_الجديد
#كامل_الوزير
#حزب_العمال_البريطاني