سلام والله صرالك كيفي انا تاني كريت داري جديدة كلاتهالي ياكل راسها المسخة وكلت عليها ربي وما نزيدش نكري داري ربي يخد الحق في كل واحد راه يضيع في هذي الدنيا.
اختي بشري حبيت نقلك حافضي على صحتك انا كنت كيما راكي نهار كامل وانا في الرغاوي في دار الدرك وفي داري والان صحتي راحت وليت يدي منقدرش نرفدهم ربي يخليك صحتك ويبعدعليكالعين الله يبارك❤❤❤❤❤
هههههههه انا نسامح ونقول منزيدش نحكي مع لي ظلمني بصح منقدرش الله غالب منشدش في قلبي المهم بالنسبة للكوزينة انا كي نقيها منطيبش فيها هداك ليوم 😂تغيضني منعرف شكون كي حالتي
الوقت لي رانا فيه ديري الخير طيلة حياتك يكتبوه فالرملة وتغلطي نهار من غير قصد يكتبوها فالحجرة والحيطان والمواقع العالمية المهم الله يسهل على كل انسان وكل واحد وتجربته فالحياة يتعلم يصفي اوراقه مع الله وهو يبعد عليه شياطين الانس والجن لانه ما اصابكم من مصيبة فمن انفسكم
🌺❤️لااعلم مافي بيوتكم٠ولكن أسأل الله إن كان فيها "مريضا "ان يشفيه وان كان فيها "مهموما "ان يفرج همه ،وإن كان فيها "مديونا" أن يقضي دينه ، وإن كان فيها مبتلا أن يعافيه وإن كان فيها" ميتا "أن يرحمه ويرحم موتانا وموتاكم ويجمعا بهم في الفردوس الأعلى
انا كل خطرة نسامح بصاح ماشي سهلة باش تنساي سورتو كي طيحي في ناس ميعقلوش على خيرك يتفكرو غير حاجة لي ماشي مليحة وينساو قاع شادرت من الاحسن نجبد روحي قاع على ناس خير وخير باش تعيشي غاية كيما انا وقفت مع عجوزتي في سبيطار في وقت كورونا شهر وبناتها مجاوش كانو يخافو من مرض وكي خرجت بداو بيا انا الاولى في الحقرة هده العبرة
هدرتنا سبسيال شااااابة هادي يمرق وحدها نفهموها غير احنا سعدييين يعطيك الخير بشري راكي قالعة عليا الوحشة نتفكر هدرتنا و عادتنا راكي مع خويا في لابرقاد لوكان يكتب ربي و نجي عنده والله غير نطبطب عليك نبووووسك تعجبيني
انا قاع لدرت فيه الخير جبد بيا الحسيرة و سمى فيا الهدرة لمافياش امالي كل واحد في طريقه و انشالله المولاقاة عند ربي نهار تلتقي الخصوم تماك ماينفع غير الصح انا بالنسبة ليا هاد العباد مانعرفهمش و مايدوروش في عقلي الا حاجة وحدة نقولها حسبنا الله ونعم الوكيل
ياختي سامحنا وسامحنا وصفينا قلوبنا بصح كاين ناس لي كي تسامحيهم وتوليلهم يحسبوك راكي خايفا منهم ودلقيلهم العرب يليق تجبدي روحك وخلاص لي مايبغيلكش الخير وما يبغيكش ما نظنش لا يتبدل إلا إلا تبدلتي عليه
يعطيك الصحة ....وديما ديرينا همسات والله صوتك يريح....ومنجموش ننسو قاع سييت بصح مقدرتش كاين شي صوالح يهدمو لبنادم والله غير يهدموك من داخل تولي والو...ربي ياخد الحق
ربي يقدرك حبيبتي ❤حتى انا كي يكون الفايونس و الا الحيط مسبك ندير الرغوة سخووونة و نشمخ الحيط من بعد السبك يسخن و يطرا ثمة نبدا نحك جهة بجهة حتى نكمل كلش و نمسح بالفروطوار اللي عنده قطعة مستطيلة لاصقة فيه و عليها نشاف هااايل يعاون بزاف شريتو 910دج في العاصمة و ماتنساونيش خياتي بعدما تتمتعو عند الغالية جوزو عندي خياتي مرحبااا بيكم 🌹
انا تاني كنت كارية سكنتي كان فيا دين 😢لوكان تشوفي كيفاش لقيتها كااارثة وانا عطيتهالها جديدة كلشي نقي وبيض سبحان الله لقيتها حمرا بالوسخ الحيطان لي ميشلار مهرسين البوطاجي كحل بالوسخ والماء الدوش قلعو السبابيل من بلاصتهم راني كل صلاة نحتاسب عليها ربي ونقولها انا خصمك يوم القيامة 🤲
