كرار بكان يكذب على الشيخ محمد شرارة | عود ليش ؟ 

الكلام هو بخصوص الكلينكس فألتزموا بهذه النقطة بعد اذنكم لا تنس الصلاة على محمد وال محمد في هذا اليوم

روي عن الإمام الصادق(عليه السلام): إِنَّ فّاطِمَةَ بِنْتَ مُحَمَّدِ(صلى الله عليه وآله) تَحْضُرُ لِزُوٍَارِ قَبْرِ ابْنِهَا الْحُسَيْنِ(عليه السلام) فَتسْتَغْفِرُ لَهُمْ ذُنُوبَهُمْ. 📚كامل الزيارات :ص118

العذر اقبح من الفعل لعن الله كل من اراد تشويه مذهب أهل البيت ولعن الله من يريد تشويه مباديء سيد الشهداء

ترة كلش واضح وين الحقيقة متشوف اشلون الناس مادة اديهاا وهوسة ترة ميرادلهاا ذكاء

المفروض تخابر كرار وتفهمه بالموضوع ما يصير اصور فيديو وتخلي كرار يطلع يوضح

اللهم بحق صاحب_الزمان، فرق لنـا بين الصح من الخطأ، وارنا الصح وابعدنا عن الخطأ. الشخصيتين نعزهم ربي يبين الحقيقه.

كرار ذكر نقطة أنت ما رديت عليها وتنحسب عليك تعتبر بترت الفيديو ، انتقده لأن يطلب فلوس من الناس بالتيك توك ويحلفهم حتى يرسلوا له الهداية

والله اني جنت احب شرارة بس بعد ماشفت مقاطعه على تيك توك صاعد بثوث ويكول الحسين يستاهل اكثر من مليون 😂😂 استغفر الله عود انته شيخ ومعمم ودنيا كالبها اجيب الامام الحسين على برامج تافهة،، اني من هذيج ساعه بعد ما اصدك بأي معمم او شيخ الا الشيوخ الكبار

اخي مع احترامي لك لكنك تركت كل النقاط وركزت على اقل نقطة اهمية تركت الكذب على المعصومين وتركت العمامة ومن عممه ونفي لبنان لتعميمه وركزت على نقطة غير مهمة

اللهم صل على محمد وال محمد وعجل فرجهم والعن عدوهم الي يوم القيامة اخواني اندعولي تقضي حاجتي فدعوه اربعين غريب مستجابه ولكم المثل 🤲

شرارة غير مؤهل للمنبر ولديه شطحات صبيانية كثيرة واساسا من المعيب تطلب كلنس من شخص يشتغل عندك وترجغه وهو مملوء بعرق وجهك من الادب والتواضع تخلي يمك الكلنس ومن تمسح وجهك تخلي بجيبك ومن تنزل المنبر تذبه بالزبل والامر ينطبق على قرصة السماوي للطفل مع ان نيته استعطاف الجمهور ولكته اساء للمنبر الرجاء اخ علي لاتبرر للفاشلين في ايصال رسالة المنبر

شوف تفاهة موضوع الفيديو عافوا المشكله الاكبر الي هي شخص منتحل دور رجل دين وجاي للعراق وهو لادارس بمرجعيه ولا متفقه ولا شي والناس من سذاجتها تمشي وراه و تتبرك بعرق انسان عادي وماعنده اي محاضرات دينيه وفقهيه قويه عفت خذا كله وجاي ترد على كرار بكان ..الله يحفظه لكرار ويكثر من امثاله حتى يردون على السذج

ملاحظات حول الفيديو الأخير : ⚠️ - اولا : كان الهدف من الفيديو هو ايصال رسالة للناس بان يكونوا من ( الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ ) ومو اي احد ناخذ الكلام منه حتى وان كان شخصية معروفة - ثانيا : احنا بالفيديو مدنذكر ماضي الناس ونكول شوفوا تره عدهم ماضي .. لا طبعا وإلا الحر كان عنده ماضي والله غفرله بساعة وحده وممكن الكل يكون عدها اخطاء سابقة حتى اني لكن احنا دنكول تره هالشخصيتين هم هيج عدهم تصرفات خطأ من قبل ولحد هسه مستمرين عليها - ثالثا : الكل معرض للهفوات والاخطاء وهذا مو يعني ان نكعد ننتظر زلات ع العالم حتى نحجي عليها ونهدم تاريخه وخدمته كلها .. لا طبعا بعيد عن هالشي اني والا محمد شرارة من شوكت عليه هالملاحظات .. واني ممنزل عنه شي ، بس هسه صار لازم اذكره بهالفيديو كمثال - رابعا : ليش نزلنا هذا الفيديو بهالوقت مو وقت سابق لان بسبب حركة السماوي الاخيرة صار الناس الهمج تتهم الشعائر والخدام كلهم بالخداع وصار الكلام ضد المذهب مو ضد الشخص وحركته لذلك صار لازم نكول ان هالتصرفات ما تمثلنا وانما تمثل الشخص نفسه - خامسا : الخطباء الذين ذكرتهم ونصحت بمتابعتهم كانوا ( بعضا ) من اساتذة وخطباء الحوزة يعني مدا اگول هؤلاء فقط زينين والباقين لا اصلا اكو بعد قامات كبيرة من الاساتذة والخطباء المميزين اللي لو ذكرتهم القائمة ستطول بس اختاريتلكم ( بعضهم ) .. - اخيرا : كلنا معرضين للخطأ فنسأل الله ان يكتبلنا الخير والتوفيق والثبات ويهدينا ويهدي كل الاسماء اللي ذكرت للطريق الصحيح 💜

زين اخ علي شفت لمن قال ان العلماء بلبنان قالو مانعرفه

الي جاي انشوفه بالمقطع العديد من الناس شايله اكلنس والناس جاي تأخذ منه بركة وليس كما يقول محمد شرار .. فلم تكون موفق بالرد على كرار ولم يكن مخطئ

حسين كاعد جواك وينطيك كلينكس ولاكثر من مره هناك ناس همج او فقره او على فطاريتهم وتصدك بكل شي

اخي علي تبرير محمد شرارة غير مقنع نهائياً لان الفيديو جداً واضح واذا لاحظت انو الناس اغلبهم لازمين كلينكس وينطوه لمحمد شرارة ما اعتقد الأخ كرار مخطئ

اللَّهُمَّ صَلِّ عَلَىٰ مُحَمَّدٍ وآلِ مُحَمَّدٍ وِعٌجِلَ فِݛجِهِمَ صَلاةً زاكِيَةً، نامِيَةً كَثِيرَةً، دائِمَةً طَيِّبَةً، لا يُحِيطُ بِها إِلاَّ أَنْتَ، وَلا يَسَعُها إِلاَّ عِلْمُكَ، وَلا يُحْصِيها أَحَدٌ غَيْرُكَ ♥

كرار بكان انسان محترم ومثقف وانتقد ظاهرة من مظاهر التبرك الغير صحيح ولكنه احتمال اخطأ بحق الشيخ محمد هذا لايعني ان كرار بكان مخطيء-في انتقاده بل كان انتقاده ضد البدع

عود صدك تحجي انت. ماتشوف الناس ملتمه عليه والفيديو ترا واضح يعني حتى الاعمى يشوف😂😂

الاخ كرار محتواه راقي حاشاه من الكذب انسان صادق وملتزم

على كل حال العاقبة للتقوى التأني بنقل المعلومات والاحتياط هو الطريق الصواب واحيانا ترد اخطاء عند كل من هو غير معصوم عن الخطأ واحيانا غير متعمدة فاحمل اخاك على سبعين محمل وانا احمل اخي كرار بكان على محمل انه اورد المعلومة باستعجال والله اعلم

اللهم كن لوليك الحجه ابن الحسن صلواتك عليه و على ابأ ىه في هذه الساعه وفي كل ساعه وليا وحافظا وقادا وناصرا ودليلا وعينا حتى تسكنه أرضك طوعا وتمتعه فيها طويلا برحمتك يا أرحم الراحمين

ترا حيروتونا منو الصادق ومنو الكذاب.. وللعلم احد مقاطع كرار حط فيديو لمحمد شرارة وهو عم يغني.. ماعاد نعرف 😢

ترى كلامك صح المفروض الواحد مو گبل يحكم على الي گدامه، وبعد كل واحد ورأيه الشخصي 😊

اللهم صلِّ على محمد وآل محمد ❤

اللهم صل على محمد وآل محمد الطيبين الطاهرين وعجل فرجهم ياكريم والله ما ندري شبجت علئ الانسان العادي ارحمو من في الأرض يرحمكم من في السماء يم الحسين كلشي ما يضيع

بس المفروض منك ما تخلي هاي العباره مال (كذب) المفروض تستبدل هاي العباره بعباره تسرع بالحكم او عباره اخرى تحياتي اخي ❤

بعد اخوك واضحة مو شخص واحد الي ينطي الكلينس من كل الجهات استلم كلينس يمينا وشمالا لو هذا اليشتغل ويا بي كمزة كلساع يطفر يمين يسار

اللهم صل على محمد وال محمد احسنتم التوضيح والعمل في ميزان حسناتكم ياريت محد يسرع بالحكم على خدام العتره الطاهرة عليهم السلام

بس المقطع مبين واضح انه ياخذ المحارم والقماش من للناس يلي أمامه و يرد يعطيهم لاشخاص مختلفين ونوعية القماش والمحارم مختلفة في كل مرة .ما من مساعده.لو من مساعده مفروض المحارم ياخذها من نفس الاتجاه ومفروض تكون نفس الشكل والنوع اذا من نفس الشخص واضح أيضا أن الحاضرين يلي أمامه كلهم رافعين قماشة ومحارم بأيديهم يريدوا يعطوه للشيخ للبركة معناته انهم شافوا شرارة يوزع عرقه فرقعوا قماشة يعطوه يتبركوا فيها.يعني واضح ان الحاضرين أمامه هم أيضا كانوا فاهمين انها حفلة توزيع عرق يعني يا خواطر فكرية انت الذي تكذب لتدافع عن شرارة وأيضا شرارة يكذب ويحلف بالكذب ليبرر لنفسه

وانت صدكت بشرارة ؟؟؟ حبيبي يكذب

أللهم صل على محمد وآل محمد وعجل فرجهم ياكريم 💫🦋

اخ علي انتة وكعت بنفس الأشكال الي اشكلتة على كرار لما "اتهمتة" بالكذب او انو هوة ممتاكد من صح المعلومة ليش انتة سالتة لكرار وكلك اي فعلا اني ممتاكد او جنت داكذب؟ ميصير تطلق الأحكام قبل متتاكد من نفس الشخص حسب ماانت كلت (نحكم علظاهر) صح لو لا؟

يعني بس استاذ كرار حجه عليه اشو كل الناس وكل الشيوخ انتقدت شراره مو بس على الكلنكس وعلى كلامه الفاكس من يكول للشباب كل شي سو وروحو للحسين كل ذنوبكم تنمسح هذه هم جذب وتسرع

حتى مسألة اللينكس لو تلاحظ ياخذ من عدة أشخاص

كرار صح كلامه انت دتمسح عركك و تنطي للعالم تبرك تره احنه مو اغبيا لهل درجه بس مو صوجك صوج الي الناس الي تسوي هل امور

اللهم صل على محمد وال محمد الطيبين الطاهرين وعجل فرجهم ياكريم موفقين ومأجورين ان شاءالله بحق محمد وال محمد الطيبين الطاهرين…

كرار بكان انسان محترم وكلامه صحيح وصادق ❤

اخوية ميحتاجله روحة للقاضي احنة نصدگ بلكلام لو بلفيديو فيديو واضح يمسج وينطيهم وماصوروهة ونشرو الا لان شافو هذا الشي كدامهم وصورو

لا ما اخطا لان جان المنظر غير لطيف وجان يكدر الشيخ يكول تبركو بمنبر الحسين لانه منبر رسول الله هو اولى بالتبرك والله الرايات المعلكيه للحسين بس اشدها بسرعه تنطينه امرادنه توجهنه لخصوصيات الحسين فقط

اخي انت غلطان ، محمد شرارة يكول طلبت اكلينيس وانت اذا ترجع للمجلس الي قرأ بيه موجود اكلينيس وحتى المقطع الي انت ناشرة اذا تابع المقطع بالمنبر اكو باكيت اكلينيس ههههه، النقطة الثانية حتى لو نفرض طلب اكلينيس فماكو داعي ياخذ من الجمهور يعني ياخذ ع كد المسحة وفي امان الله اذا اتابع المقطع اخذ من اكثر من واحد والمفروض اذا نيته مو تبرك المفروض ميرجع الاكلينس للاشخاص المتفرقين الي انطوه ، يعني توضيح اني احتاج اكلينس اخذا من واحد امسح العرق وخلص مو كلساع اخذ من غير واحد وبعدين ارجعة اله واكول لاااا مو تبرك وكل الكلام الي حجاه محمد شرارة من باب الدفاع عن نفسة علمود بلكي يثير عاطفة الناس والرجل الله فضحة والكلينس بالمنبر موجود وراه وهذا يثبت كذبه على الناس اذا ترجع للمقطع تلكه اكلينس موجود فلماذا ياخذ كلينس من الناس ، خلاصة الكلام اذا قراءة تعلقي فعليك التروي والتدقيق وليس الكذب يا استاذ علي لانك استعجلت ومطالب بمقطع اخر تبين انحراف هذا الشخص وشكرا

نعزي انفسنا والأمة الإسلامية بفقد الحياء وتدني الأخلاق والقيم والمبادئ عظم الله اجرنا،إذا مات القلب ذهبت الرحمه واذا مات العقل ذهبت الحكمه واذا مات الضمير ذهب كل شيء لا حول ولا قوة الا بالله العلي العظيم استغفرالله العظيم اللهم ارفع مقتك وغضبك عنا أستغفر #العشق_محمد_شراره

اذاً قم بالرد على باقي الخُزعبلات لهذا المُختبئ خلف العِمامة الشريفة، من فضلك اخينا العزيز♡~.

كيف دلس محمد شرارة على فضيحته : الحق أقول ان المنتحل شرارة كشف لنا عن سر مهم في شخصيته فالرجل لم يكن كذابا على أهل البيت فحسب بل يعرف كيف يحول جهله وتجاسره الى ظلامة ليس لها وجود أصلا ثم يحول انظار من يضحك عليهم الى تلك الظلامة المصطنعه لينسي متابعيه السذج حجم اخطائه الكبيرة ولذا ينبغي التنبيه على أمور ، ولكن قبلها نشير ان المذكور لم يترك مجال لحسن الظن لا في قضية المنديل ولا غيرها. 1- ان ايراده لروايات مكذوبة على منبر سيد الشهداء دون تورع ونقله لقصص مختلقة وروايات موضوعة يأخذها من محرك البحث جوجل دون تحري او تدقيق ثم كذبه على الجمهور الحسيني بمسألة ارتكاب الذنوب ومن ثم تجاوزه على تأريخ زهير بن القين وانه كان من اهل المعاصي والعربدة قبل التحاقه بالحسين ع والانزال من قدر هذا الفدائي البطل ليتلاعب بعواطف مستمعيه المخدوعين بطنطنته ثم بعدها تجرأه على لعن شيوخ الشيعة سليمان بن صرد الخزاعي ورفاعة بن شداد الأنماري من فوق منبر سيد الشهداء و لعنه للتوابين كافة ووصفه اياهم انهم من اهل النار وتصوير الامر كأنهم هم الذين قتلوا الحسين ع وهذا من دجله الفاضح. وهذه لم تكن هي الأخطاء الوحيدة انما كانت هي القشة التي قصمت ظهر البعير فالرجل تحت المتابعة ووصل به حد الكذب والافتراء الى حد لايمكن قبوله ابدا وعلى الناس ان تفهم ذلك. الرجل محتال لدرجة كبيرة بحيث حول الانظار من تلك الأخطاء الجسام الى ظلامة مصطنعة مكذوبة مدعيا ان الهجمة التي حصلت عليه من أهل الدين وحماة المنبر والمذهب والعقيدة هو بسبب تصريحه عمن ظلم فاطمة ع وهذا يضحك الثكلى وحتى من نقل الرواية (( يا جد قتلني فلان وفلان… الخ )) من العلماء والخطباء قديما وحديثا كانوا يصرحون ويعتقدون بأن من أسس الظلم على أهل البيت هم أهل السقيفة والمنتحل شرارة هنا يقطع مقطعا قديما له في ذلك أخذه من المشهور المتداول عند الخطباء وكأنه اكتشف البارود ليضحك ويكذب من جديد على أيتام آل محمد مدعيا ان الهجمة التي شنت عليه بسبب تصريحه بهذا التصريح الخطير الذي لم يعهده التشيع من قبل فيا سبحان الله على اكتشافه الخطير. وهذا يكشف عن خبثٍ في سريرته وكذب وتدليس متعمد ويعطي مؤشرا لكل من كان معتقدا بأن في نفس هذا الكذاب الأشر الذي لا يستحي من الحسين ع بقية فطرة باقية فيظهر بالنهاية ألا وجود للصدق في كلامه البتة . مما يضحك الثكلى هو تباكي هذا المنتحل وتأكيده بأيمان مغلظة انه لن يترك الحسين ع ويعطي تصورا لمستمعيه وكأن الحوزة العلمية والمجلس الإسلامي الشيعي في لبنان والخطباء وأهل الدين الذين انتقدوه وحذروا منه وأصدروا فيه البيانات وكأنهم طلبوا منه ان يترك التشيع ويبغض الحسين ع ويتنكر لمصيبة الزهراء وهذا دجل ما بعده دجل ثم يأتي بعدها لاستعراض انتصاراته وبطولاته بأن شارب الخمر ذاك والعربيد ذاك قد اهتدى على يديه وبذهابه سينحرف الشباب كافة عن دين الله ولن تبقى لدين ال محمد باقية ، في المقابل كل مراد الناصحين له هو ان يتورع عن الطعن بالحسين ع وأصحاب الحسين ع وان يكف لسانه عن الكذب واستفراغ الجهالات على مستمعيه وان يحترم المنبر الذي ليس من اختصاصه ويعطي لنفسه الفرصة ليتوب ويسحب مقاطعه المكذوبة على أهل البيت من التداول لعل الحسين يقبله ان تاب توبة نصوحا وإن كان الظاهر من إصراره على الكذب انه لن يرجع والله الهادي والمعافي.

زين ليش محمد شرارة عاف الكتاب اللي طلعة محمد بكان المنسوب لـ المجلس الشيعي بلبنان وگالوا انو هو مو شيخ وشيخ وعمم نفسة بنفسة. وحذروا الناس من تصرفاتة غريبة بصراحة؟؟!! .

اللهم صل على محمد وعلى آل محمد الطيبين الطاهرين

زين ليش العالم متجمعـة علية ؟! هـو يگول الولد الي اسمة حسين ينطي كلينكس علمود يمسح العرق العالم شنو وليش هم الي دينطوا كلينكس وقطع قماش (جفية)..

Thank u brother forbyour show ,i love your show my brother 🙏❤💯💙💪

اخوي انت اكيد عمي الفيديو واضح وضوح الشمس 😂

والي يگول الاخ علي يريد يطش وكذا هو ممحتاج قناته حتصير ١٤٠ الف تره

اخي محد يعترف بالشي اليسوي ف ما اكدر اعتبر الصوت رد انريد الفيديو كامل واطول ونفتهم والا الصوت اي واحد يكدر يسوي

الله يهديه يارب العالمين لكن محمد شرارة طلع بث مباشر على التيك توك و يستجدي كبسات و مشاهدات و تفاعل

صحيح كرار غلط بنفطة الكلينس بس هذة الغلط ما ينطي الناس الي ب التعليقات الحق أنو يبرئونة و يكولون أنة شخص ما غلط بهواي شغلات ثانية مثل طلبة ب التيك توك على تكبيسات و دعم علمود الأمام الحسين و علمود أبو الحسنين

الله يوفقك اخ علي بجااااه الحسسين الشهيد بردت كلبي بلكي الله توصل رسالتك الى الاخ كرار بكان لانه شخصية مؤثره وناصحة اليوم في مواقع التواصل الاجتماعي وحسب اعتقادي كرار تسرع في الحكم على الشيخ محمد شرارة ان شاء الله يضهر الحق لانو ثنينهم عزاز وناخذ بكلامهم ونصائحهم ونقتدي بيهم لمحمد وآل محمد عليهم صلوات الله اجمعين

للأسف استاذ علي دفاعك عن أي شخص يسيئ لأهل البيت غير موفق تحياتي الك

اللهم صل وسلم على نبينا محمد وعلى آله وسلم وعجل فرجهم ياكريم يارب العالمين

هل تعلم بأن المجمع الفقهي في لبنان قد اصدر بياناً أكد فيه بأن ( شرارة) ليس بطالب علم حوزوي، و جرّده من عمامته ، و منعه من اعتلاء المنبر الشريف، فراجع جزاكم الله خير الجزاء.

اللهم صلِّ على محمد وآل محمد 🤍

اللهم صل على محمد وعلى آل محمد

ترا كلام كرار صحيح وواقعي وابسط شي من فتح بث ويدور فلوس بثواب الحسين انسان استغلالي بأسم الحسين ومحد يكدر ينكر هالشي والحوزه الي في لبنان تبرأت منه

وترا حَتى الفيديو تكدرون ترجعون اله جان يقرا عن الامام علي ( ع ) وما جان يغني 🙂🙂 شهل تسقيط !؟ قصديي ع تهمة انو هوَ يغني سابقًا .

هذا مقتنعين بي مذيع 😂 هي مثل ماكالوا لاتضرب الصواعق سوى المرتفعات شافوا كرار جاي يقرب الناس للصحيح كالوا خلنطيحه بس اللَّه عز وجل اذا شاف العمل أله يخلي ينمو❤

وماذا عن تسجيلاته التي يصرح فيها بأنه يشترط مبالغ ضخمة بآلاف الدولارات جراء خدمة الحسين عليه السلام؟؟؟ هل هذه فيها كذب وتجني عليه؟؟ كفى عبثاً بتراث أهل البيت عليهم السلام ممن ليسو بأهل لحمل هذا العلم

شبيكم هليام واحد ياكل بثاني اتناصحو ابيناتكم ليش هلفضايح وين حب الحسين ع وين منهج علي ع عسه ماواحد غلط غلطه شهرتو بي ماتكدر اتخابره أو على الخاص وانصحه ساعد الله كلب صاحب الزمان

السلام عليكم حبيبي بس تكدر تستفسر هوه ليش شيخ مامعترف بيه وماماخذ دروس حوزويه❤

كرار بكان انسان صالح مايمكن يكذب ونحنا نصدقه بأي شي من ثقتنا فيه الكبيرة

كلامكم على راسي وانا احترم الشيخ محمد شرارة ولكن إذا كان محتاج للكلينكس لماذا يتجمهر الناس حوله رافعين اياديهم والمقطع الذي يغني فيه

4:36 مو دفاع عن كرار لكن حقيقة شوف العالم شلون ملتمه عليه ومسح وجه ورجعه وبعدين اجاه واحد وهم رجعه يعني الشكل يبين تبرك انوبه هذا فجأة طلع شوية تره خومو واحد قراله كتاب لو يعرف كلمتين سوه الناس رجل دين ومنبر إضافة يجدي بالتيكتوك يريد كم كبسة اخوان كبسو هو هيج رجل الدين يسوي؟

اي جان يمسح عركه وتفاله لاتغيب الحقيقه مع الاسف عليك حسبالي انتي منصف

قاعد يحلف بالحسين او مادري شنو يقول انا صادق ماأحتاج احلف 😢

ربي يحفظكم خدام أهل البيت عليهم السلام لعنه الله على كل شخص خبيث

اذن لماذا عرضت رأي الشخص (كرار) في قناة خواطر فكرية

اكو انسان عاقل يصدق بمحمد شرارة وهو يكذب على المعصوم بكل وقاحة وهذا المقطع ما كان بالشارع وقضية سالفة الضغط هذي قديمة يضحك بيها على المغفلين

انا كنت وي محمد شرارة وضد كرار لكن هسه ورا ما شفت الفيديو كامل صرت وي كرار. يعني 3 مرات يمسح وياخذوها مِّنه؟ واكثر من شخص مو الولد التقصده (حسين)

احسنت توضيح مهم وفيديو كرار بكان بي أخطاء

أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ ۗ أَإِلَٰهٌ مَّعَ اللَّهِ ۚ قَلِيلًا مَّا تَذَكَّرُونَ (62) أَمَّن يَهْدِيكُمْ فِي ظُلُمَاتِ الْبَرِّ وَالْبَحْرِ وَمَن يُرْسِلُ الرِّيَاحَ بُشْرًا بَيْنَ يَدَيْ رَحْمَتِهِ ۗ أَإِلَٰهٌ مَّعَ اللَّهِ ۚ تَعَالَى اللَّهُ عَمَّا يُشْرِكُونَ (63)

اني جنت حاضر بهذا المجلس ماعتقد اكو احد اخذ كلينكس يتبرك بي وهاي معلومة انتقلت غلط وحتى شغلة اذنب والحسين يشفعلك كان بعدها وقبلها هواي كلام مرتبط بالكلمة واقتُطع لغرض التسقيط .. والله اعلم

المشهد واضح الشيخ شراره كان يمسح عرقه والناس حوله يسلمون عليه ولم يكن يعطي المحارم للشباب ومحبه الناس للشيخ منذ مده اثارت غيره بعض الناس على ايش تتهم شخص الناس تعرفو وتعرف أخلاق ا يكفي ظلم عباد الله

وبيه مقطع يوضح حقيقة الكلينكس .. بس ما لقيته الحين

الكل يدري ان محمد شرارة استفاد من التبرك اكثر من الفن والطرب 😎

فعلاً ( إن بعض الظن اثم) .. والاعتراف بالخطأ فضيلة ..

طيب ليش من يمسح العرق يرجعها الهم ليش مايخليها يمة ؟

هناك ورق تنشبف (يعرف بالكلينكس) من الأمام وهناك بما يسمى (جفية) من جهة أخرى

شلون تسميه شيخ اذا هو يمسح بعرقه وينطيه لبعض المراهقين عود بيه خير!!

حجينا يا شيخ فتح بث بالليل بال2 بعدين يطلب منهم يدزوله ع التيك توك هاي مليون مدري شني لعيون الحسين واهل البيت ويدزوله اسد واشياء ثانية هاي مو استغلال بالدين؟ يعني ديستغل اهل البيت علمود كم فلس صدگ چذب يعني لبنان طردته العراقيين يلفوّن شكو واحد عاجبهم انت غير تدور المعلومة الصح قبل لا تطلع وتحچي

كرار بكان شاب مثقف ودائماً يطلع حقائق بعض المخادعين #كرار_بكان

قال تعال (قل هل ننبئكم بالأخسرين أعملا (١٠٣) الذين ضل سعيهم في الحيوة الدنيا وهم يحسبون أنهم يحسنون صنعا (١٠٤) سورة الكهف

لاتعطي كل إنسان مكانة اعلى من قدرة ولاتقلل من شأنه كل إنسان يخطى لم يكن هنالك إنسان كامل الكمال لله جل جلاله هذا خطأ وهذا هيج والاخر زين ماكو إنسان كامل لاتكثروا من الكلام بأمور غير متأكدين من صحتها ان زماننا جداا يحتاج الى دقة ومعرفة ومطالعة والإمام علي عليه السلام يقول أحمل اخاك على سبعين محمل ؟ وعن الامام جعفر الصادق (عليه السلام) : ( إذا بلغك عن أخيك الشيء تنكره ، فالتمس له عذرًا واحدًا إلى سبعين عذرًا فإن أصبته ، وإلا قل : لعل له عذرًا لا أعرفه ). أقروا وتطلعوا كي تميزوا الصح كن الخطأ ولاتنعقوا خلف كل ناعق والعون والتوفيق من الباري جل وعلا.

حسيت ما يحتاج تبرير لان الشغلة واضحة وكرار حجية صح وما بي شائبة

اخي العزيز انا متابعي قناتكم ارجو ان تتكلمو عن الرواديد والقصائد المطروحه التي تسيئ الى المذهب و الى المنبر الحسيني مثل قصيدة باسم الكربلائي ( حسين يغازل الله بطيحة العباس) وهذا مثال وهناك الكثير للأسف

يا اخوان خدام الحسين لا تفسرون تصرفاتهم بطريقة سلبية مو الحسين يجازيكم حرام ياخي كفاكم انتقاد. دعو الخلق للخالق منو خلاكم تحاسبون 👎

اذا تريد ترد عليه نصحه بلسر مو تسوي فيديو اتمنى تبحث عن الموضوع كرار كلامه عقلائي

انته ويانه ضدنا? منو شرارة منو بطيخ لو صدك تريد مصلحته جان نصحته بينك وبينه مو كدام العلن لو بس تريد تسويها فئات وتصعد مشاهداتك? اذا برر موقف الكلينس ما يبرر كلامة وكفرانه على المنبر

اللهم صل على محمد وآل محمد وعجل فرجهم ياكريم قال الامام الصادق عليه السلام( والله لتغربلن ثم لثغربلن ثم لتغربلن حتى يذهب الكدر ويبقى الصفو صدق ابن رسول الله صلى الله عليه وآله وسلم هذا حالنا اليوم الاغلبيه كامت تخربط والله مندري بعد نصدك منو نعوف منو أخر شي كمت اسمتع بس للقديمين خدمه المنبر الحسيني رضوان الله عليهم هاي شيوخ تيكتوكيه ومدري شنو خل يتعلمون من القدامى حفظ الله شيخ زمان الحسناوي خادم الامام الحسين الكبير انتبهوا لكلامه والله كل كلمه تسوا جبل من ذهب ليش لان الكلام ماخوذ من اهل البيت عليهم السلام فالاحسن ابقوا ع ساده وشيوخ اللي امثال شيخ زمان الله يحفظه اللهم عجل لوليك الفرج يالله

هسه انا اصدك بمحمد شراره من بعد ماكذب كل هاي الايام وطلع هو معمم نفسه

معذرةً اخي علي فيه شيخ آخر واضح يوزع مناديله بركة بعد مسح وجهه لا اريد ذكر اسمه

اللهم صل على محمد وال محمد المرحوم الشيخ الوائلي رحمه الله والشيخ جعفر الابراهيمي حفظه الله محاضرته موساعه ونص شنهي هلخبره

وفقكم الله بحق الحسين عليه السلام لتبين الحق انا بعد كلام كرار امعنت النظر وأصبحت لا اريد متابعت كرار بكان

السلام عليكم سؤال و هل الشيخ محمد شرارة بالأساس شيخ أو مجرد لابس عمامة