نتي كتعاودي وانا كنبكي نفس حكايتي غير بابا كان مبرعنا لبس وماكلة غير مشتا ولكن كان العيادات وتشتات الفلوس والسلف من عند الناس واخة كان عندو ونفس الاحساس عيشاه انه يمشي يتواصل براجلي وتسلف من عندو الام ديالي مرضات بالسكر والقلب والضغط وفي الاخر جاها السرطان وماتت
باك حتى راجلك ما فلتوش العياذ بالله عل ميكروب ياويلي ما تبقايش تصيفطي ليه حتى نتي حتى حاجة هذا راه وباء مالو ياك عندو الماندا ديالو و حتى إذا روتريتي راه فلوس التقاعد غدي يكفيوه بوحدو بسم الله الرحمن الرحيم هذا سرطان ماشي اب ما تعاوديش لراجلك حتى حاجة و ما تبقايش تجاوبي باك نهائيا مغدي يرتاح حتى يدرك نتي للي فيك شوية ديال الضو فخواتاتك نسايه هذا مغضوب عليه عيشي حياتك واش هذا مسودنك قبل زواجك و ملي تزوجتي اففف شحال من عائلة باهم متوفي و عايشين بخير ماشي ضروري يكون اب بحال هاكا و نتحملو فعايلو
اهلا وسهلا عزيزتي ..مرحبا بملاحظاتك القيمة ...انا في عطلة ومتواجدة في فندق لذلك هناك ازعاج وضجيج ...ساعود قريبا لبيتي بإذن الله وتعود الأمور لنصابها...تحياتي لك🤭🤭
لازم وضروري تنبهي راجلك من الجشع ديال الاب ديالك. والا راه غدي يطيحك في مازق مالي كبير. ذكرتيني بزوج امي مع فارق انه امي كانت تاخد مننا وتعطيه اكثر واكثر وتقول هذا الي كتب علينا الله. بسببه ضيعت شقى العمر كله وامي تسانده للان.😢
فكرتيني في اللذي مضى اختي حتى انا كرهت رجال وتعقدت بسباب الواليد وخصوصا واحد الموقف ما يتنساش ليا نهار دانا لواليد لبجعد وكرا لينا بيت ديك ليلة حيث كنا في فاس و دزنا على بجعد قالنا تعالو نكريليكوم هنا نباتو هاد ليلة دانا عند واحد خيتي كان كرا لينا عندها زمان جينا حنا وخوالي وسيدة كانت طويلة وزوينة و مزيرة من لور لواليدة غير وصلت عند لباب وجها تلون جلسنا شوية كان داز لمغرب وهو يبدا تيتناقش مع لواليدة تيخرج فيها عينيه وتيقول ليها نوضي تكعدي هي قالت ليه اويلي راه ليل هذا قال لها ماتعاوديش لكلام اشنو كان باغي السيد بغاها تطلعنا لسطح في هذاك ليل نجلسو فيه كاملين وهو يبقى لتحت وهداك لي كان طلعنا سطح مافيه ضوء وانا غير تنشوف في وجه لواليدة مسكينة عينيها باغية تبكي وغير حابسة دموع انا وخواتاتي ماكناش صغار يعني تنفهمو وعرفنا علاش لواليد بغى يبقى وحده انا من داك نهار كرهتو كان عزيز عليا لكن قلبي جمد من جيهته لانه هاديك ماشي كانت اهانة غير الام ديالنا كانت حتى لينا ماحتارمش بناتو معاه مابقاش كبير في عيني كيفما كان وخا كنت عارفة انه تيفسد لانه مني كان تيجي من طاليان داك شهر وهو تقريبا ماتيباتش في دار لكن انه يكونو معاك بناتك وتدير هاد لحالة في حضورهم نزل من عيني با كان عندو قيمة مع ناس وكبير بعقله و بهيبته وكرمه قدامنا وقدام ناس هاديك صورة كلها طاحت مع انه كان كريم مني كان تيجي من ايطاليا اما في مدة العام لي تيجلس تماك كان تيصيفط لينا ماندة ما تتكملش لينا شهر اخر شهر تندوزوه خبز واتاي ومني تيجي هذاك ساع عاد تنشوفو من الخيرات مالذ وطاب المهم الواليد الحمد لله تاب مني كبر وشد صلاتو وبعد على الحرام الله يسمح ليه على لعذاب وضرب لي كانت مي تتشوف في هداك شهر
