كريمبو راس العبد 

الكمية لعمل ١٥ حبة تقريبا
لعمل المارينج
٤ بياض بيض
كوب سكر
ربع كوب ماء
ربع معلقة صغيرة بودرة تارتار او معلقة صغيرة خل ابيض
معلقة صغيرة فانيلا
للتغطية:
كوبين شوكولاتة خام بالحليب (او كوب شوكولاتة بالحليب وكوب شوكولاتة داكنة)
معلقتين كبار زيت ذرة
بسكوت ماري دائري للقاعدة
بحمام مائي (طنجرة فيها ماء عم يغلي وفوقها طنجرة اصغر بتلامس سطح الماء) نضيف بياض البيض (بالطنجرة الاصغر) والسكر والماء وبودرة التارتار او الخل والفانيلا.
نحركهم لمدة تقريبا ٥ دقايق (حتى يدوب السكر تماما وتبلش ترتفع حرارة الخليط)
الافضل تستعملوا ايدكم لحتى تقدروا تتأكدوا انه السكر داب والخليط بلش يسخن (ما بدنا اياه ينطبخ فقط تسخين)
ننقله لوعاء العجانة ونبلش نخفق لمدة ١٥ دقيقة (اول شي خفق بطيء وبعدين وسط واخر شي سريع)
حتى تتكون عنا خليط ابيض جامد
نصب خليط المارينج بقمع ونوزعه على البسكوت
ندخلهم البراد لمدة ساعتين اقل شي (انا تركتهم ليلة كاملة) حتى يتماسكو تماما
نذوب الشوكولاتة مع الزيت بحمام مائي او بالمايكرويف لمدة ٩٠ ثانية مع التحريك كل ٣٠ ثانية
ونتركها تبرد
نغمس الحبات بالشوكولاتة الذايبة والباردة
نرجعهم البراد لمدة ساعة حتى تجمد الشوكولاتة
بتتقدم وصحتين
To make the meringue:
4 egg whites
1 cup sugar
1/4 cup water
1/4 tsp cream of tartar or 1 tsp white vinegar
1 tsp vanilla
For the coating:
2 cups milk chocolate (or 1 cup milk chocolate and 1 cup dark chocolate)
2 tbsp corn oil
Tea biscuits for the base