كعكة الكنافة الوصفة التي أدهشت الجميع مذاق عربي ولاغلطة 

بسم الله والصلاة والسلام على رسول الله
تابعوني على حسابي عالفيس والانستغرام وصفات كتيرة ومنوعة
1salt.and.sugar
mlh.wskr
_______________________________________________________
كعكة الكنافه كعكة بيروت
بوعاء منحط ملعقه صغيرة خميرة. ملعقتين سكر ملعقتين حليب بودرة ( اختياري)!
ملعقه صغيره محلب ( سر النكهة)
كاسة مي دافيه ومنحرك. منزيد ملعقتين زبت
كاستين ونص طحين الطحين حسب اللزوم ممكن نحتاج زباده ملعقه او ملعقتين وممكن كافي ورشة ملح برأس الإصبع
منعجن كلشي مع بعضه بشكل جيد لتتشكل عنا عجينة متماسكة مو كتير طريه ولاناشفة
منغطيها ومنتركها نص ساعةلتتخمر
بعد التخمير منقطع العجين ل 6_ 8 كرات حجم البيضه تقريبا أكبر شوي او اصغر شوي متل مابتحبي حجم الكعكة ومنغطين
منجهز صحن مي وصحن سمسم محمص تقريبا 200 غ
منبلش ب اول كرة من العجين منبللها بالمي بتغطيس خفيف او بفرشايه لو ممكن نستعمل بخاخ وبعدبن منغطسها بالسمسم ملبسها بشكل جيد لتتغطي تماما بالسمسم وهلأ
منرش شوي سمسم على سطح العمل ومنرق الكرة على شكل قرص او رغيف
منحط الاقراص بصينيه الفرن ومنغطين لتخلص كل الكميه
منخبز الكعك بفرن حامي تقريبا 20_ دقيقة او لن وفهم نفخ ا وتحمروا
منطالع الكعك من الفرن منغطيهن حتى ماينشفوا
منفتح الكعكة متل رغيف الخبز منحط قطعه من الكنافه بالجبنه (( رح تنزل الرصفه الكنافه مع طريقه تحضير الجبنة بفيديو تاني ان شالله)))
منزيد شويه قطر ومنسكر متل الصندويش َمتقدم
طبعا ممكن استعمال الكعك للموالح مو بس الكنافه
بيتسخن لثواني بسيطه بالميكرويف بيوجع كأنو مخبوز تازه
اتمنى تعجبكن الوصفه وماتنسونا من لايك ولست اك في القناه ومشاركة الوصفات مع اصدقاءكم حياكم الله 🌺🌺