لالا غير خليها في اليوتوب خير سميرة بكري كانت مليحة مدت المجال لنساء دوك ولات غير اشهارات ولا غير بن بريم روح الماءدة تستاهل كل خير وصفتها صح تحسهم تاع زمان وديكور سامبل تاع زمان وبطبع
يحصراه فكرتني في ايام كنت مع امي واختي انديرو هذه الحلويات بكميات كبيرا في عراسنا تعلمنا على امي كل شيء ربي يشفيها ان شاء الله وهذي هي الحلوى الاصيلة الله يعطيك الصحة
تحبي هاي ليك الوصفة و ادعيلي ربي يفك همي و سحري و ينجحني في قرايتي و حياتي جيبي دقلة تمسحيها بقماش نظيف زوج مرات و مرة ثالثة اذا حبيتي بماء زهر و لازم تتمسح مليح ميقعدش فيها الغبار من بعد تفتحيها بلموس بلماء تفسديها شق برك تخرجي لعظم تعها و لا لعلف من بعد تحشها الحشوة عندك انواع 1عجينة لوز : كيلة لوز نصف مرحي كيلة سكر ناعم تزيدي ترحيهم مع بعض و تلايمي بماء زهر و ممكن ديري شوي غليكوز فيهم 50غرام جوز 50لوز محمصين و مرحين ماشي بزاف كيما تع بقلاوة تجمعيهم بنيسلي او عجينة الفول السوداني 3جوز الهند ديرلو نيسلي و تكثريلو باسكو يشرب و تغطيه و تعاودي ترجعي ليه بعد نص ساعة تلقابه شرب هذاك نيسلي تزيد تعاودي ديريلو و كيما تحبي نيسلي ابيض ولا نيسلي كرمال و لا حتى توفا و يجي ذوقها بنين خليها تحبي تخليها شوي سايحة و لا عجينة المهم اتأكدي انو جوز الهند طري ماشي ناشف تحبي عجينة شكولا لكن مننصحكش بيها لانو فيها بزاف مكونات و ممكن متصدقلكش تحب الخدمة و الاتقان بزاف نجيو لتزين تحبي تذوبي شكولا نفضل انك تستعملي نوعية مليحة كيما اومباسادور و لا حتى ماكسون معليه او وجدان اذا غلفتي بشكولا بيضاء ديرلها زوج طبقات يعني تنشف و عاودي غلفيها ام سوداء و بالحليب طبقة وحدة
ماشاءالله تبارك الله عليك كلش بالطبع والشان كي العادة التقليدي الأصيل كلش يتاكل وما يترماش مشي كيما حلويات الديكور والتبذير الله يبارك في رزقك إن شاء الله 🤲🤲
