قبل مانكمل الفيديو انا صراتلي في بنتي الصغيرة دخلتها شاركت في بطولة وكي شافو عماتها الميدالية والتصاور تاعها والله سلكتها وسلكتها بنتي طول وعرض بنتي انقاطعت على الدراسة وانا على أبواب الانفصال الحسد مذكور في القرآن و يجيك من اقرب الناس لا حول ولا قوة إلا بالله في المريضة قلوبهم
يعطيك الصحه علي الدعم تاعك ليناوحرصك بكل الطرق باش نتقدموا للامام ربيي يوفق كل واحده وتوصل وين راهي حابه أنا درت الإرادة نقصت في الوزن والحمد لله راني فرحانه أنا بديت بالصيام صمت في الاول ثمانية أيام حسيت روحي خفيفه نتعشا الشربه عاديه أو لاسوب بلا خبز والسلامه العاديه والبيضه أو سكالوب ومدير شربات تع القارص وشويه سكر والخبز الشعير ودامت علي الصيام الاثنين والخميس والايام البيض شوفي شحال النحيو من الاكل تصومي بلا ماتفقي 11او12نيوم وبدون حرمان والايام الخريف ناكل عادي واش نطيب لأولادي ومع الصباح نشرب الماء كاس أو زوج واذا نسيت نورمار نشرب القهوه كحله فيها سكر والحليب واحدو مع حبه قاطو ولا واش كاين وكي نفطر ناكل الخبز بصح ماشي كما مولفه ماحرمت روحي حتي منحاجه تحسنت كثير وفرحة بيا وشجعوني وجهي صافي وراني خفيفه ولحوايج لي. مكانش اجوني ولا اجوني هايلين وأعراض عليا أنا ماكنتش كامل متخيله بلي نقدر انصوم ولا ندير الرجيم منقدرش محال بصح وعيت عقلي الباطن وفهم ولازم ينقذ هاذا الجسم من الهلاك والتنمر وحبيت نولي شابه و وصلت لواش ٠بيت صومو تصحو والله غير ادعولي داوموا بلاكو ديرو واش تقدرون عليه لا رجيم قاسي لإوالو وتشهيتو حاجه كلوها والمداومة تصنع المعجزات يا اله بداو والله مراح تندموا توصلوا النتيجه لي راكم حابينه غير بهاء الطريقه صموا شويه في شعبان وتكملة مع رمضان وتفرحو فالعيد ويتقبل منا الله وإذا عجبتكم الطريقه ادعولي والاولادي ربي يحفظهم بالتوفيق
انا عندي لواساتي ساكنين قريب لي بزاف وخوهم لي هو الزوج كيما نقول بالعامية دفلة كي تندفل يعاودها لهم يروحلهم لديارهم و يقلهم قاع شاكين سرار داري قاع عندهم يخاف منهم يموت
يابنتي أنا ظهري بدا يتقوس ايييييه بديت نحزم فيه وراني معولة نسقموا بالرياضة اللي أني كان نسمح في روحي نولي نعكز ماذابيك ديري ارادة شوفي اياك والرجيم ماعنهده حتى معني لازم تنظمي ماكلتك. هايليك نصائح من عند أختك: أولا السكر نقصيه حليب أشربيه هكاك خلي السكر غير للقهوة. نقي الدهون خاصة القليان كثري شربات كالكرم والخضلر صحن سلاطة يتبعك كل ماتجوعي على العشرة على اغداء وقت العصر والعشاء خاطر الجوع عدوك الأول. دخلي زيت الزيتون لأكلك جمدي القارص لعام كامل وكل يوم على الريق ديري تيزانة كمون مع القرص دون سكر : ملعقة قهوة كمون في كاس ماء غالي غطيه لمدة ربع ساعة واشربيه مع عصرة قارص. ديري قارورة 2 ل ماء كل ماتعطشي اشربي منها. اشري ميزان قيسي كل أسبوع البسي ملابس تجي قيسك تماما وألعبي رياضة على حساب المكان اللي حابة دخليه. حفزي نفسك رمضان الخيرات مقبل صومي وصلي التراويح مايتم رمضان تنقصي 10 كيلو بقدرة الله. ماتنسايش تدعي ربي سبحانه وتعالى وبعدي على القصرات خاطر فيها غير الحلويات المدمرة للصحة.
🤨🤨🤨لي تحب ما يدخلوش الناس فيحياتها،حتى هي تخطي ساحة الناس وماتدخلش في الغاشي🤐،مش تحسد ومبعد اتحب ربي يكمللها بأهدافها،والله ماتشوفها،هذي هي قاعدة الكون،والحسود لاتباركلوااااااا
شكرا على هذه المعلومات و النصائح القيمة فأسال الله ان يزيدك توفيقا واجرا و مزيدا من العطاء وان يعرف كل نساء الجزائر بقناتك حتى يستفيد الجميع. اللهم اغفر للمسلمين و المسلمات و المؤمنين و المؤمنات، الاحياء منهم و الاموات
السلام عليك اشكرك على هذه المعلومات الرائعة التي تقدمينها أنا نخدم استاذة و الحمد لله لكن كلشي نحسو ماشي مليح الخدمة شكلي كل الجوانب التي تحيطني لا تعجبني ولا أعرف لماذا ؟!اتمنى أن أجد حلا معك شكرا
الله يبارك فيك يا اختي الكريمه ربي يسترك راني حابة نعرف كيفاش نكون كتومة لاني انسانه منعرفش نخبي واش ندير خاصه من الاهل حتى في موت زوجي خاصه أقارب زوجي لم يزوني مع اني مليحة معاهم راني أعني يا اختي
كيفاش ندير مع راجلي ساكنين وحدنا وبعاد وربي مهنينا بصح هو كل صغيرة وكبيرة يهز تلفون ويخبر كامل خوتو البنات والرجال هذا هو المشكل الوحيد لي مازم علاقتنا اتفه حاجة يخبرهم
هههه نفس المشكل انا لي نديرها تخبر الغاشي واش خيطت شحال من جبة خيطت شحال من كفة وشكون جا يخدم عندي وين مشات تشري سلعة والمشكلة نقول كامل الغاشي العايلة الجزارين في التليفون حتى حبست الخياطة وماعادتش تجيني الخدمة بزاف كيما كنت ومؤخرا شديت طفل ماماه خدامة نشرتني حتى مرت حمايا راحت شدت زوج صغار هههه والله مالقيت حل هههه
ان شاءالله تزيدي تحكي على الناس لي يعاندو.. ويديرو اي حاجة ديراها.. غير يقلدو فيك في ابسط حاجة.. تحساهم يديروها بالذمة باه يجوك فالطريق و يفشلوك ويطيحولك المرال. وغيرها وغيرها
صح عندك الحق أختي، المجتمع تاعنا يدخل روحو في كلش و يسقسي على كلش و يحوس يعرف عليك كل حاجة، أنا كنت الحاجة اللي نجي نديرها لازم يعرفو بيها و أنا اللي كنت نقولهم، كنت غبية نحسب فالناس يحبولي الخير كيما نحبو ليهم، بصح كي جاتني الصفعة فقت على روحي، ذرك أي حاجة نديرها واحد ما يسمع بيها على خاطر حتى واحد ما عندو الحق أنو يسقسيني على حياتي الخاصة. وبارك الله فيك أختي على التذكير بالآخرة و الاهتمام بالدين، نفس اهتمامي دايما نقول أنو لازم نكونو واجدين لأنه ممكن يجينا الموت في أي لحظة.
كي تغلقي باب غرفتك يدقدقولك متخليش؟؟؟؟ كي تخرجي من دار واش تقوليلهم ؟ انا شخصيا الستر لما تكوني مع ناس ميسقسوش او ساكنة وحدك فقط اما عندما تكوني مع ناس دارك كلش تقريبا يعرفوه عليك كاين حتى يحطو وذنيهم في الحيوط
صح اختي قريبتي زوجت بنتها بدون عرس في لاصال و ماعرضتش ناس بزاف غي الجدات فقط...و اعتذرت منهم لان ظروف قاهرة منعتها..من ذاك اليوم خاصموها و عايبوها و قطعوها...و طلقوا فيها الدعايات😣
والله غير سواسوة تخمامك كيما تخمامي انا هكا درت بيسك انا عايشة مع ناس داري وبديت نخدم وماحبيتش يعرفو ندخل الشومبرة تاعي نغلق الباب ونخدم حتى لحقت واقيل شهر ولا شهر ونص باش سمعو بصح الحمد لله واحد مازعف بصح انا نحب نخدم وحدي واحد مايعرف واش ندير حتى ندير هذيك الحاجة لي في بالي امبعدا مادخلنيش اذا سمعو ولا لالا
@@sakina_688 ما شاء الله اختي ربي يباركلك في عملك ويرزقك من واسع برك لا مافيهاش ازعاج تقوليلي لمن راكي تخدمي قصدي كيفاش جيبي الخدمة خاطش راجلي مانع عليا الفيسبوك والانستغرام راني غير مع اليوتيوب ولادخلة لاخرجة كيما معظم الجزائريات الله المستعان 😪
سلام عليكم حبيت نفرغ ليك قلبي انا زوجي تزوج عليا بحاجة اني جبت غير بنت وحدة وهو حاب الاولاد حاولت معاه كثير بلي هذا واش كتب ربي والو مع امو كانت تعاون فيه على هذا الشيء . وبعد كي تزوج فقت بيه بلي راه يتكلم مع بنات اخرين في فيس البوك مع انو زوجتو الثانية جابتلو بنت معتش متحملة الوضع وتعبت نفسيا وجسديا وراني نفكر في الطلاق مع انو زوجي من قبل ميتزوج كنت ديما نكتشف بلي يتكلم مع بنات في التليفون
يا اختي فكري جيدا اذا كان عندك سكنه خاصة بيك وتخدمي تحملي مسؤولية الطلاق ولكن اذا كان بعد.ما تطلقي وتروحي ببنتك عندك اهلك وتشوفي مزيرية وحدة اخرى غير اقعدي عند راجلك وبنتك تكبر تحته وربي يهديه
المشكل ف الزوج اللي يحكي ليماه كلشي على خصوصياتي و لوكان نروح عند طبيبة يخبرها هي الاولى و اذا كنت خارجة يقول لي روحي خبريها من الليل بلي راكي رايحة الصباح باسكو عايشة معاها. و بخصوص اللي قالي تغلقي الباب بالمفتاح يا ختي انا ما نقعدش في شمبرتي ساعة آليز باسكو عجوزتي تجي تدمر الباب و تدخل عليا و تقول لي وشبيك ما خرجتيش. راني جايفة و زدتي فتحتيلي الجرح
السلام اختي انا جديدة معاكم كنت شفت فيديو نتاعك وبعثتلك بصح بلاك كنت متاخرة وراني حابة نكون معاك مياشر حبيت نعرف وقتاش يكون اللايف نتاعك باش نكون فالوقت واناخياطة منذ 35سنة ولكن ما لقيتش روحي وما درت والو نخيط كلش ونحشم وما نعرفش ندير الاسعار وكامل يقولولي تخيطي باطل راني حابة نتعلم من عندك الله يجازيك وراني نتبع الفيديوات نتاعك هايلين وفقك الله وبارك الله فيك