كلاص ماكنوم بالفاني و الفواكه خطير تقدر تبيعوا حتى ب 16 درهم ♥ وطريقة التغليف للبيع 

السلام عليكم ورحمة الله
ها هو الكلاص ليكاتسناوه كريمي بالفاني و الفواكه حسن فالمذاق ديالو من أي كلاص ممكن ذوقوه و كايطلع رخيص يعني تا للناس د البروجي هذاا يصلاح ليكم بزاف ♥ حيث هادي وصفة تجارية ..
طبعا المقادير هما كالتالي كايخرجوا 25 حبة كبيرة / 30 متوسطة / 40 صغيرة :
وصفة الكريمة فاني ✅ :
1 لتر حليب
180 غرام سكر أي 8 ملاعق كبار
4 بيضات
100 جرام دقيق أي كأس دقيق
200 جرام زبدة
نكهة الفاني
200 مللتر كريم شانتيي + 2 معالق سكر / أو بلاصتو تقدرو ديرو 2 ياغورة فاني
وصفة الكولي ديال الفواكه ✅ :
400 غرام من الفاكهة لي بغيتوا
60 غرام من السكر أي 4 معلقة كبيرة عامرة سكر
100 مللتر ماء أي كأس قل ربع
بالنسبة للتغلاف بالشكلاط كانديروه ب :
شكولاطة السكر العادية + شوية شكلاط ليتحبوا تاكلوها + شوية زيت نباتية
بالصحة و الراحة و الله يسهل على الجميع و أي تساؤل خليوه ليا فالإنستغرام
/ mohamedafechkou