الله يبارك فكرتيني في عجوزتي الله يرحمها برحمته الواسعة ويرزقها الجنة كنا كل ربيع نفتلوا العولة تاع عام وبفضلها تعلمت ♥️♥️♥️ربي يرحمك يا يما ويجعلها في ميزان حسناتك.
الله يبارك ربي يعطيك الصحة لكن هناك ملاحظة كي تخرجي الكسكسي ما تحطيش في قصعة باش ما يعجنش حطيه في طرشونة كبيرة جديدة ولا ازار خاص بالمطبخ باش يمص الماء وما يعجنش باش حتى تفوريه رطار ما يجراله والوا
الله يسلمك حبيبتي نزيد نفرحك اقسم بالله العلي العضيم غير الأول ألي فتلتو بعتو بسومة شابة ربي يبارك فيك أن شاء الله ويسترك و يفرحك بكل غالي و عزيز عندك....
ما شاء الله وربي يبارك في صحيحتك فكرتيني في أيام طفولتي كانو دارنا يفتلو للعام،بصح ضركا والو ميمتي كبرت وعيات،بصح درتيلي الكوراج باش نتعلم،،،وإذا مصلحليش نڨلبو رخساس،هعععفايزة من بوسعادة نموت عليك أول مانفتح اليوتيوب اول وحدة نتفرجها لازم.
الله يعينك صح كاين الرطوبة في المناطق الساحلية و لكن حطيه في البلاكار و حطي فيه الفلفل اكحل و الساسافيندا كيما دارت ما يخسرش. احنا في دزاير و في جيجل تاني كاين الرطوبة و لكن عمره ما خسرلنا الطعام مع انه نفتلوا بالنص قنطار.
يعطيك الصحه يا الشاطرة الله يحفظ ويصون صح كانت أمي الله يرحمها علمتني وكانت تستعمل ماء ڨلاصي باش ميتعجنش وفي الأخير تمحصو بالفرينه ومبعد تفورو وتيبسو الله يبارك عليك يعمي عين الحاسد
يعطيك الصحة يجعلها في ميزان حساناتك أن شاءالله ياربي بتوفيق والنجاح توحشتك أنا راني فتلت قنطار والبركوكس 25كيلو والحمدلله ناكلوه بالصحة أن شاءالله ياربي تعلمو يالبنات الحمدلله رجعنا كيما زمان فتلي غير بالكسكاس
ربي يطرح البركة ويعطيك صحيحتك ويجازي عجوزنك خيرا تدبيرة باش ينشف الطعام ليه ليه شعليلو الفانتيلاتور او كليماتيزور عن تجربة وفرشيه فوق الكارط لنحطوه فوق الطوابل في المناسبات ومن ال تحت فرشتلو السشيات تاعع السميد أو الفرينة بعد م تغسلوهم وتخيكيهم يولو سربيح كبير روعة الروعة أحسن من ليزور وكم لي مزيتك يا الفحلة ونعتيلي المحمصة والبركوكس عجبتني طريقتك في التوضيح سلسة مباشرة وواضحة 👍👍👍👍👍👍👏👏👏👏👏👏❤❤❤❤❤❤
شكرا الاخت انا ثاني نفتلو في الدارهو و البركوكس...ماشي عيب المرا تخدم في دارها عاى فكرة انا ام ثلاث اطفال و استاذة و عمري 27سنة المرأة العاقلة تكون عونًا لزوجها على نوائب الدهر، وتصبر على نكبات الحياة، فالنعمة لا تدوم لأحد، والزوج حين يرى زوجته صابرة صامدة، تقوى عزيمته، ويقوى على مواجهة الحياة، ويزداد حبه وإعزازه لها، وليس العكس عليه أن يشكرها والمرأة العاقلة تتعلم فن التعامل مع الواقع، وتتعامل مع متغيرات الحياة ومع ظروف الزوج المادية والنفسية بذكاء وحكمة.
@@لينهروان-س5خانا عندي ستة عشرة سنة وانا نفتل تعلمت فدار شيخي وليومنا هذا عندي اربعة اطفال واليوم بنتي راها تساعدني وكي نقول راني نفتل يضحكو عليا ويقلولي شكون راه يفتل ليوم والله مكاين كيفه نتاع ليد وتتهناي كي ديري لعولة نتاع لعام احسن من المشري نفتل نفس فتيلها والله يجي روعة
غربال الزرع احنا في جيجل نسموه الخرّأج باش نتخلصوا من البراكس و بعدها كذلك moyen و الاخير الرفّاد. انا كذلك وليت ندير هكذا. اصلا ماما تفضل دايما تفتل وحدها. و انا تعلمت فقط بالنظر لان ماما ربي يحفظها تتقلق هههه لكان مانخدمش كيفها اذن اتفادى ذلك و نتعلم فقط باستراق النظر
@@moufida شوفي اختي حنا مانديروش السميد ومن بعد تزيدي الما ومنبعد السميد ترشي مرة وتلوي مليح حتى تشوفي الفتلة الرقيقة كامل طلعت ثما تطعمي يعني ديري سميد باه تنشفي الطعام مليح وترفدي وهكا الطعام مايجيكش مزاوج بمعنى خشين وكي تجي تمحصي ماديريش الفرينة باه كي تكوني تعاودي فيه للاكل ما يعجنش ديري شوي سميد لي فتلتي منو ومحصي ومع هذا شابو ليك اختي مرا ونص
هههه نفس الشعور كنت نشوف النساء يجو كل صيف يقتلو نقوللهم علاه عليكم كلشي راه يتباع التعب والميزيرية بصح عرفت انو مكانش كيما بنة اليدين حتى ولادي حسو بالفرق وسااااهل غير احنا نهابوه جربيه اختي وغادي تفرحي بيه ان شاء الله
تعطيني طاقة ايجابية خاصة في الروتينات والتدوير و انا من محبين هذه الفئة من المؤثرين المتفائلين والفرحانين بكل ماهو يفرح الغير و يسعدهم ابقي كما انتي بدون مجاملة ولا مرة تفاخرتي بنفسك و تكلمتي عن غيرك من اصحاب المهنة وقلتي انا درت وانا فعلت وماعنديش ليزابوني كباقي اليوتيوبرز عندك حاجة جديدة تباطجيها معانا و النفسية محتاجة ناس كما كيفك بالقليل والواجد وواقفين والحمد لله ابقي كما انتي وسوف تنجحين دنيا وآخرة متتبعتكي الدائمة من معسكر
يعطيك الصحة انا موالفة نفتل مع عجوزتي ولكن قررت نفتل وحدي و نحقق حلمي. بلا معاونة حبيت نعتمد على روحي و الحمد لله حسيت روحي كي كملت حققت انجاز عظيم. و فرحت بيه من قلبي و الحمد لله الذي بنعمته تتم الصالحات.
نهار حطيتي البوست نتاع الفتيل،علقت وكتبتلك قصة الفتيل،انا كي نشوف الجفنة والسواور نعيا قبل ما نفتل،مالينا خرجونا لعرورة مالفتيل نتاع الطعام والبركوكس،كانت امي فتالة من الطراز الرفيع هههههه،ودارنا كبيرة وتجي كامل العائلة تفتل ويعجبك الحال غير اللي تجيب قنطار ،هوما يقعدو زعما يفتلو ،هوما يلوزو ويرمو وحنايا زعما الزلاڨات نطيحو كتافنا باش نخدموه مليح ويا محاينك يتنصل ذراعك باش.يقولولك حبسي الزليڨ وصيريه،ونزيدو نطيبولهم الفطور وجيبيلي الماء والملح.وطيبيلي فنجال قهوة ،روحي فوري زيدي انشري وحركيه وعسي الزواوش باش ما ياكلوهش ........الخ ياو لارمي نتاع النسا،المهم كرهونا فالفتيل قبل ما نوصلو لديارنا ،يعطيك الصحة يا الفحلة .
ههههه ايام زمان مهما كان خير من ضروك على الأقل كنا نتلايموا مع العائلة .ونفوتوا الوقت فالفايدة .وذلك الطعام أجي بنين خير من تاع ضروك .وزاد راهي غالي وقيل نولوا نفتلوا وخلاص .في العطلة الصيفية .انا كنت نفتل في عمري 14 .وضروك نسيت الفتيل هههه .
هاني رجعتلك حنونة الله يعطيك ماتتمناي اليوم صبحت على عجوزتي طلبتها فالسياير وفتلت بالطريقة تاعك و الحمد لله راني فتلت وخرجت الكسكس مشاء الله حتى عجوزتي جات شافتها حارت هههه ربي يشدلك صحتك اول مرة في حياتي نفتل
