انا كدلك كنت نقول بان البني الصغير ما كنتش بغيتو امامو ولكن كنت نقول امامو هو اعز ابناءي و هو الان هو يبغيني و يدافع علية ادعولو ربي يعطيه ما يتمني و يسهل عليه حياتو
انا عجوزتي الله يرحمها تقولي على زوجي جا غلطة كنت نقولها لوكان ماجاش شكون يتزوجني تقعد تضحك كانت تقولي الحمد لله راه هو العزيز وجاني ولد متربي وحافظ القران
صفية ختي كتبتلك تعليق فليف وجيت نعودهولك هنا كي تتفكري كلامي دعيلي بلجنة تعياي وتبدلي ماعن بماعن وتكسبي لي بغاه قلبك لأن الأيام دوالي كانت يما تقولنا دنيا كيما لكسرة متقعدش على وجه واحد ولي يعاير ويتكبر يولي يقطع قرعة ويكل فيها لان الدنيا بين اصبع الرحمان يقلبها كما يشاء
واش نقلك ياأم أمير راني وليت مدمنة على قصصك لازم كل يوم نسمع صوتك،يعجبوني في قصصك نقايا ومميزين مهيش دايرة فاليوتيوب،والله قصة وحدة متكفيش ربي يقدرك وعقبال لميون مشترك
لبنات دعولي راني دخلت في 9شهر نسلك على خير. عندي ٣بنات الكبيرة عندها 16عام وتشوكيت كعرفت بلي راني بلحمل لكن منقبل منعرف بلي عندي ولد كنت فرحان انا وزوجي وبناتي وكعرفت بلي رح يجيني ولد زادت فرحتي اكثر كنت متمنيا يجيني ولد وكقطعت الامل جاني هو التالي لحمد لله ربي يرزق كل محروم انشاء الله 🤲🤲🤲🤲
ياختي والله كلشي مكتوب والحمدلله لي وليدك راه خدام وتهدري معاه وتشوفيه حتى ولو في الكامرا نتاع تيليفو ن وديما نقولو الحمدلله ولولاد نتاع الوقت متقدريش تعرفي واش يخممو احمدي ربي المهم يعيطلك ويهدر معاك ولي راهم فلحباس ولي راحو وما ضهرش عليهم حتى خبر والديهم مساكن محرقوين عليهم وهاذي ماشي غلطة ومتلوميش روحك ربي يحفظ وليداتنا كامل ويهديهم ويبعد عليهم ولاد الحرام وصحاب السوء هاذ مكتب ربي
ناس تتدخل في أمور خاطيتها حتى وجا غلطة متتقالش أي كلش بمكتوب ربي سبحانه،ربي يريح قلبها على ولدها تدعيلو بالهداية ،وزيد هو على الأقل راه خدام وبصحته هذيك هي لفايدة
يعطيك الصحة اختي صفية على نصاءحك القيمة.ماتفقديش الامل اختي جي النهار وين يرجعلك وماتفقديش الامل يا رب ارجع لها ولدها سالما غانما. واغفر لها على كلامها الذي قالته لها لامه
ياه شادخلهم في ماعينك سبحان الله يبغو دنوب الناس ماتتأتريش خليهم ينبحو حتى لصباح ويدوفي ذنوبك مكان شارب لمافيهاش ماعن قدم قاع راه عندنا ماعن قدم ويدهم طايرين مايلعبهاش هوما الله الله ولله وتدخلي لديارهم وتفتشي ماعندهم تنخلعي
Salut ma sœur je suis de l'Angleterre j'aime bien t'entendre et j'aime tes comptes et pour les gens qui te disent pourquoi tu manges dans une seule assiette On aime bien de temps en temps de manger dans une seul assiette normal c’a nous fait plaisir don’t worry about the peoples
Bravoooooo safia j'adore ta façon de raconté tu est à la hauteur j'ai jamais suivi les histoires vrais comme les tiennes merci on apprend beaucoup avec chapeau bas ma sœur je suis d alger
سلام عليكم صفية ،صح قصة مؤترة كلمة جات غلطة وصلت ولدها يحرق 💔 وما بالكي إمرأة تمد ولادها ولا بنتها لختها ولا حماتها ،والمعانات ليعيشها الطفل بعد ما يكتشف أن الوالدين لرباوه ماشي والديه ،كيف يكون إحساسه تقعدله نقطة سوداء في حياته .الأبناء نعمة ورزق الحمد لله والشكر لله .
اليوم مع وسائل منع الحمل امنو انهم هم يتحكمون في صوالح ربي و نساو انه يرزق من يشاء و يجعل من يشاء عقيما ! حتى اصبحنا كي اقول ربي كن فيكون يتخلعو ! ... و الغريب اقلك غلطة ! كأنهم هم الخالقون زعما هربتلهم 🤣🤣🤣 ! استغفر الله و اتوب اليه ! الله يهدينا . هكذا كامل نرجعو لقول العلماء فيما يخص منع الحمل قالك تنظيم النسل يجوز و لكن تحديده حرام ! ...الناس اصبحت لا تنظم النسل بل تحدّده و يامنو صح على قدرتهم في ذلك و كي ربي ابيّن الايات و قدرته ، يستصغرون قدرة الله بقول "خلطة" اتقو الله يا ناس و احشمو !
🤔صفية 🤔 راكي غالطة في عمر الصبي 12 سنة ايجوز السنكيام ماشي البيام المراهق ايجوز البيام عنده 15 او16سنة عاودي تأكدي من سنه 12سنة طفل صغير ومايقدرش يخمم يحرق
حتى انا صراتلي ولكن بالعكس كانت فرحة كبيييرة وبشرى لنا لانني جبت ولد واحد وبعدها بناات وبقى زوجي متمني نزيدلو ولد وانا تعبت وقررت نتوقف تماما واكتفي بما رزقني الله وعملت كامل الاحتياطاات لاني الد يالعملية وصحتي متدهورة وبقى زوجي متمني ولد ثاني ولم تمر سنة على اخر عملية فوجدت نفسث حامل وكانت المفاجءة ان الله وهبنا اجمل واروع امنية تمنيناها بشرى ابني الثاني الله يحفظه ويرزق كل المحرومات ذرية صالحة ان شاء الله وادعولي اخواتي اليوم من احكي عنه يجتاز امتحان الباك فادعولي وللكل بالنجاح 🤲🤲🤲🤲🤲🤲🤲
حتى انا عندي طفلة وجبتها غلطة وضك راهي عندها 14سنة واختها لكبيرة تقلها جيتي غلطة وانا كي نتقلق نقلها نفس الهدرة. حتى. رجعت كي نقلها بنتي ولا نعنقها تفرح وتقلي اول مرة تقوليلي بنتي