لما بتحاولى باستمرار تخلى النرجسي سعيد لما بتحاولى باستمرار تصلحى الوضع بينك وبينه كل ماتتعاملى على طبيعتك وتسامحى وتغفرى وتبقى من اول وجديد عايزة المركب تمشي وتبقى الحياة هاديه ومستقرة وتيجى على نفسك فى سبيل دة
مع الاسف هو بيشوف دة على انه ضعف منك بيشوف انك معندكيش قوة ولا قدرة تبعدى عنه بيشوف ان تأثيرة عليكى قوى جدا بيشوف انك ساذجه وبيضحك عليكى سهل جدا يقنعك بكل اللى بيعمله فيكى ويخليكى تساعديه كمان انه يأذيكى اكتر
لما بتديله فلوسك ومرتبك لما بتحطيه على قاعدة التمثال وتألهيه بيشوفك حمقاء وغبيه معندكيش عقل وبيفضل يضحك عليكى من جواة مستمتع وهو شايفك كدة وشايف نفسه قادر جدا يتلاعب بيكى ومخليكى زى الخاتم فى صباعه
هو عارف ومتأكد انه مايستاهلش المعامله دى هو عارف انه مايستحقش اى حب او احترام عارف انه مفيهوش حاجه عدله تخليكى معجبه بيه اوى كدة ولا تعمليله كل اللى بتعمليه دة ولا تتفانى اوى كدة فى ارضائه واسعادة عارف انه مايتحبش علشان كدة هو من جواة بيضحك عليكى وبيشوفك سهل يتلاعب بيكى ويستغلك ويستفيد منك هيقضل بغشك ويخدعك متعمد هيفضل يؤذيكى وهو متأكد انك مش هتقدرى تردى عليه هيستمر فى اللعبه دى لأنه عارف ومتأكد انك عايزة تلعبيها ومش قادره تبطليها عارف انه لو بعد عنك هتجرى وراه علشان كدة بيعمل دة وهو متطمن وبيرجع لورا وبيتفرج عليكى وانتى بتتعذبي بيتفرج عليكى وانتى بتتغيري وبتتبدلى لواحدة مطفيه وضعيفه بيتفرج عليكى وانتى بتتغيري للأسوء بتغيري طريقه تفكيرك وبتغيري تصرفاتك علشان ترضيه وما تخليهوش يزعل او يغضب منك
عارف انك بتطارديه وبتجرى وراة لانك خايفه من الفشل خايفه من كلام الناس عنك خايفه من انه يسيبك وتبقى لوحدك
علشان كدة مهم جدا جدا انك تقدرى قيمه نفسك وتحبي نفسك
النرجسي بيقولك فى كل مرة هو شايفك ازاى. شايفك ازاى لما بياخد منك فلوسك او بيخليكى تعامليه على انه ملك وانه بطل. لما بتموتى نفسك علشان ترضيه وتسعديه
علشان كدة بقولك ركزى على نفسك بطلى تتعاملى مع النرجسي على انه شخص مميز وسوبر وساحر لأنه مش كدة هو مابيديكيش اى ميزة فى حياتك هو عارف انه بيدمرك عارف انه بيؤذيكى وبيستغلك بس بردو ماترميش اللوم كله على النرجسي لازم تبصى لنفسك هو عمرة ما هيتغير انتى اللى لازم تتغيري وتحبي نفسك اكتر لازم تحطى نفسك فى المقام الاول هو هيفضل كدة يتلاعب بيكى ويستغلك لأنه مايقدرش يعيش من غير ما يستغل حد انتى اللى لازم تفهمى خطته كويس وتستوعبيها لو حسستى النرجسي انه مش فارق معاكى وانه كلامه على انه هيسيبك وان العلاقه دى ماتنفعش وبدل ماتفضلى تعيطى وتقوليله ليه طيب انا عملت ايه يخليك تقول كدة بدل ما هو يقولك انا مش قادر اكمل فى الجواز منك وانتى تفضلى تتحايلى عليه انه مايسيبكيش وريله انه مش فارق معاكى
لما يقولك العلاقه دى مش نافعه قوليله ان شالله عنها مانفعت لما يقولك انا مش قادر اكمل فى جوازنا قوليله ولا انا هاتلاقيه خاف ورجع هو اللى يفكر ورجع هو اللى يجرى وراكى حسسيه انه مش فارق معاكى تكملوا ولا ماتكملوش ومش فارق معاكى هو مبسوط ولا مش مبسوط المهم انتى حاسه بأيه حسسيه انك مهمه اوى عند نفسك اهم منه هو هتلاقيه خاف وغير كل اساليبه معاكى علشان مايخسركيش وكمان هيستغرب من قوتك وهينشغل باله هى ازاى بقت كدة هيفضل يفكر ويعمل المستحيل علشان يرجعك تانى تحت سيطرته وتحت رجليه هيموت نفسه علشان يرجع يكسرك هيلون نفسه زى الحربايه علشان يرضيكى وبعدين يوجعك يبقى طول ماهو شايفك ضعيفه عمرة ماهيحترمك هيحترمك بس ويقدرك ويعملك الف حساب ويفضل يجرى وراكى ويحاول يرضيكى وما يبصش لحد غيرك طول مانتى بتحبي نفسك وبتقدريها وبتحترمى نفسك وحاسه بقوتك على فكرة النرجسي عارف ومتأكد انك قويه وتقدرى تسيبيه فى اى وقت وعارف ان هو اللى ضعيف وما يقدرش يعيش من غيرك بس اللى انتى بتعمليه فى نفسك هو اللى بيخليه يعمل معاكى كدة
جربي كدة تغيري طريقتك مع نفسك جربي تحبي نفسك وتحترميها وتقدريها جربي ماتهمليش نفسك وتقولى مش مهم انا المهم انت والاولاد جربي كدة هتلاقيه بيتعامل معاكى بطريقه مختلفه تماما
طول مانتى مخليه النرجسي هو كل دنيتك ومالكيش عالم خاص بيكى بعيد عنه هيفضل فاكر انه معندكيش اختيارات غيرة النرجسي بيبقى عارف انه كل حياتك مالكيش حياة من غيرة كل حاجه رابطاها بيه هو فرحك وزعلك حبك وكرهك سكوتك وكلامك كله رابطاة بالنرجسي هو شايفك ازاى وهيكون رأيه ايه لو عملتى عكس اللى هو عايزة منك هو عايز يحس انه مهم علشان كدة بيفرض سيطرته عليكى حتى لو على حساب صحتك ونفسيتك ونفسيه اى حد مش مهم المهم يحس انه عايش وموجود وقادر يتلاعب ويخدع ويخون ومحدش يحاسبه علشان كدة ماتخافيش ابدا انك تسيبي النرجسي بالعكس حسسيه بدة طول الوقت حسسيه انك مستعدة تنهى العلاقه دى فورا ولو على حساب اى شيء وانك متأكدة انك هتلاقى اللى يقدرك ويحترمك ويعرف قيمتك
انتى تقدرى تتحكمى فى كل دة ولازم تتحكمى فى كل دة
لغايه ماييجى الوقت اللى تسيبيه فعلا وتعيشي حياة طبيعيه وصحيه مافيهاش اى مناورات ولا خطط ولا خبث
عاشان كدة ولغايه ما الوقت دة ييجى لازم تشتغلى على نفسك وتتغيري من جواكى وتحسي بقيمتك وبكيانك وماتقوليش ابدا ابدا خططك للنرجسي ولا تكلميه عن احلامك وطموحاتك ماتروحيش تقوليله ولو على سبيل انك تهدديه مثلا انا نفسي اشترى بيت يبقى بتاعى. انا نفسي اسافر وما ارجعش
انا نفسي اخد اولادى ونبعد من هنا اوعى تقوليله ياريت كان فى ايدى شغل او ليا مصدر دخل لأنه ببساطه هيعمل اقصى ما عندة علشان ما ينولكيش اللى نفسك فيه دة. لأنه عارف انك لو اشتغلتى هتنجحى وهتحسي بنفسك وهتتغيري وهتسيبيه
26 авг 2024
