الsensor او الحساس او المستشعر هو واحد من اهم و الcomponent و اكترها استخداما في مجال الالكترونيات و مجال الكنترول علشان كده من المهم جدا لاي حد شغال في مجال الelectronics او الكنترول انه يكون ملم بشكل كافي بالsensors و النهارده هنحاول نشرح كل حاجة خاصة بالsensors و هنوضح تعريفه و استخداماته و تصنيفاته و انواعه.
في تعريفات كتير خاصة بالsensor و لكن التعريف الاسهل و الاكتر وضوح هو ان الsensor عبارة عن جهاز بيقوم بتحويل كمية فيزيائية معينة زي درجة الحرارة او الضغط الى كمية كهربية معينة زي الجهد او التيار.
و بالتالي نقدر نستنتج من التعريف ده ان الsensor عبارة عن جهاز بيستخدم في استشعار الكمية الفيزيائيةدي و يقوم محول الاشارة دي لكمية كهربية معينة.
و في تعريف تاني للsensor و هو ان الsensor عبارة عن جهاز الكتروني بيقوم بتحويل الاشارة الفيزيائية الى اشارة كهربية.
طب الsensor بيتصنف بناء على ايه؟
في تصنيفات كتير للsensor و لكن التصنيف الاكتر شيوعا هو ان الsensors بتنقسم لجزئين active sensor و passive sensor.
طب ايه هو active sensor و passive sensor؟
1)الactive sensor هي حساسات بتولد فرق جهد و بتتصرف زي generator فالنوع ده من generator بيقوم بتحويل الطاقة المرتبطة بالكمية الفيزيائية اللي الsensor بيستشعرها الى طاقة كهربية سواء كانت جهد او تيار او شحنة كهربية و النوع ده من الsensor بيقدر يشتغل من غير مصدر تغذية خارجي .
و اشهر مثال على الactive sensor هو photovoltaic cells اللي هي الواح الخلايا الضوئية المستخدمة في انتاج الطاقة الكهربية فالخلايا الضوئية دي عبارة عن sensor بيقوم بأستشعار الكمية الفيزيائية اللي هي في الحالة دي هتبقى هي
الشدة الضوئية الى طاقة كهربية سواء تيار او جهد.
2) اما النوع التاني هو الpassive sensor و هي عبارة عن حساسات مبتولدش فرق جهد و النوع ده من الsensor بيتصرف كمقاومة متغيرة و بالتالي لازم في النوع ده علشان يخرجلنا طاقة كهربية لازم يتوصل بمصدر تغذية خارجية .
طب ايه هي انواع الsensors؟
في الحقيقة في انواع كتير جدا للsensor طبقا للسبب و الغرض اللي هتستخدم معاه و الكمية الفيزيائية اللي بيستخدم معاها و اشهر انواع الsensors هي:
1)حساس درجة الحرارة اللي هي (Temperature Sensor).
2)حساس الضغط اللي هي(Pressure Sensor).
3)الحساسات التقاربية اللي هي (Proximity Sensor)
4) حساس الموجات تحت الحمراء اللي هي (IR Sensor).
5)حساس الرطوبة اللي هي (Humidity Sensor).
6)حساس المستوى اللي هي(Level Sensor).
7)حساس التسارع اللي هي(Accelerometer).
8) حساس الموجات فوق صوتية اللي هي(Ultrasonic Sensor).
و دول اشهر انواع الSensor و اكتر استخداما و هنبدأ نشرح كل واحد منهم بالتفصيل.
1)Temperature Sensor اللي هو مستشعر الحرارة و بيعتبر النوع ده من بين أنواع ال Sensor الأكثر استخداما و انتشارا وبتتمثل وظيفة الSensor في قياس التغيرات اللي بتحصل في درجة الحرارة .
و فكرة عمل الTemperature Sensor ده هو ان كل ما اتغيرت درجة حرارة
الوسط المحيط بال Sensor اتغيرت بعض خصائص الSensor زي المقاومة أو الجهد الكهربي و بالتالي نستنتج من ده ان الكمية الفيزيائية في الSensor ده هي درجة الحرارة اما الكمية الكهربية هي هي المقاومة او الجهد الكهربي.
و الTemperature Sensor في منه انواع كتير و بيدخل الTemperature Sensor في تطبيقات كتير زي الكومبيوتر و الموبايلات و السيارات و التكييفات.
2) Pressure Sensor اللي هو مستشعر الضغط و في النوع ده بتكون الكمية الفيزيائية هي الضغط و الكمية الكمية الكهربية هي التيار او الجهد او الشحنة الكهربيةو الPressure Sensor بتتصنع من أغشية رقيقة و اللي بتكون قابلة للإنثناء أو الإنحناء نتيجة تطبيق ضغط ما عليها و في انواع من ال Pressure Sensor بتعتمد في فكرة عملها على الbinary system اللي هو النظام الثنائي اللي بيتكون من الصفر و الواحد و بيستخدم ال Pressure Sensor بكثرة مع السوائل و الغازات.
3)Proximity Sensor اللي هو المستشعر التقاربي و هوعبارة عن non contact sensor و النوع ده بيستخدم في الكشف عن وجود جسم ما قريب منه
و الProximity Sensor بينقسم إلى عدة أنواع فرعية وهي : inductive proximity sensor اللي هو المستشعر التقاربي الحثي و capactive proximity sensor اللي هو المستشعر التقاربي السعوي و optical proximity sensor اللي هو المستشعر التقاربي الضوئي و ال Proximity Sensor بيستخدم بكثرة في والسيارات والطائرات و الموبايلات و اجهزة الامن و الاستشعار و البوابات الالكترونيةو السلالم الكهربية.
4)IR Sensors اللي هي مستشعرات الموجات تحت الحمراء فهي عبارة عن مستشعرات بتعتمد في مبدأ عملها على ضوء الصادر من الاشعة تحت الحمراء
و في نوعين من الIR sensor و هما الحساسات المرسلة الtransmitive sensor والحساسات العاكسة اللي هي reflective sensor.
اول نوع منهم و هو الحساسات المرسلة الtransmitive sensor و في النوع ده بيكون مرسل الاشعة هو infra red led و مستقبل الاشعة بيكون عبارة عن دايود ضوئي و فكرة عمل النوع ده هو ان ال transmitter و الreceiver بيتركبوا قصاد بعض بحيث ان المرسل يبعث الاشعة تحت الحمراء و المستقبل بيستقبل الاشعة دي بحيث ان لما يمر جسم ما بينهم و يقطع الاشعة دي يستشعر الsensor مرور الجسم ده و الIR sensor بيستخدم في السيارات و الموبايلات و الروبوتات و البوابات الالكترونية.
29 авг 2024