...المراه المغربيه فيها و فيها ...انت كتخاطب واحد الفئه قليله ... اما الباقي و الله حتى عايشين الطوب و الله ماعلابالهم الراجل ... الخدمه و النيفو و التقافه العالية و الرجال كيحتارموهم بزااف ❤❤❤
@@DigitalsMasters المعاناة د المراه حلها واحد و وحيد و لا ثاني له... خاصها تخدم قبل الزواج . ضروري الذخل ... المشكله ماديه ...كون العيالات نعملوا لهم ذخل و نعطيوهم سكن باسمهم ... و الله وحدة ما تصبح مع ش راجل .... والى قبلات تبقى... هو و الله حتى يولي كلب و يطبق جميع الشروط ديالها.... كيحكرو العيالات لان المراه لي كتولد و تبقى غ باركه ...كتولي يشوفها بحال مو .. و انا كون كنت راجل غادا تولي بحال مي فعلا.... المراه خاصها تخدم و تتريني و تخرج تجري ف الغابه و تمشي تخرب مع صحاباتها كل اسبوع واخا ماتخدمش تعمر وقتها و تعمل الضايره مع صحاباتها و اخا غ المسمن واتاي ويجي يلقى التكركير و الضحك ف الدار و يرجع من الباب و الله حتى تكبر ف عينو يقول دايره الصحابات علم الله اش كيقولوا و يولي ضارب لحساب ... الى شافها مشغوله عليه شويه و عندها الصحابات و المشاوير ديالها و تتزيز و تخرج. ...و الله حتى يولي مخلوع عليها .... العيالات باركات حالتهم خاله و محزمات بالطبلية ... و فاش يدخل كتولي سرباي ديالو ...كيف يحتارمها
انا نختلف معاك اخويا لباشا فنقطه ..ماشي لنرا الي ضال فصالونات ولا اللبسه الغاليه الي تخلي الانوثة تطلع والراجل يجري وراها ..المشكل فنساء انو كاين فئة تتزوج ومتصدقش راسها وتمدلو قدر فوق القياس وتلسق فيه بحال قرادة وتخلي الهدف تاعها انها تسعدو . والاصل انو الهدف تاعها انها تسعد راسها وهاد الراحل ربي عطاهولها باش تحقق بيه هاد الشي ..تتعلا فراسها بطريقة الي تبغي الا سبور ولا خرجة ولاخدمه ولا غير قصرة مع الصحابات ..المهم تكون فرحانة وماشي السعادة تاعها الا رضا سيدي راجلي وهادي حي من التقه بنفس ..كاين شي عيالات لازين لا فورمة لاثقافه وتلقها واثقة بروحها وراجلها تابعها ...وشي وحدين الزين الثقافه والحطه ربانيه وراجلها فمستقل بيها ...الا مخبيتيش راسك وقيمتي راسك كيفاه تسناي ولد المرا يقيمك ..
لا لا، اسمح لي غير تتخربق! هاذيك القضية ديال المرأة خاصها تساهم ماديا باش الرجل ياخذ برأيها ما كاينش. أنا عندي زوج خوت، واحد واخد امرأة خدامة (إطار في إدارة حكومية)، والثاني واخد امرأة جالسة في الدار. اللي جالسة في الدار الراجل موفر لها كل ما حلات عليه فمها: كاتب لها الفيلا، كاتب لها الفيرما، كاتب لها شقة في اسبانيا، داير لها بلاصة طوموبيل ثلاثة، الذهب... وما يخرجش مية درهم حتى يتشاور معها ( والفلوس فلوسه هي ما مساهمة معه بوالو)، والمشكل أنه كان مزوج قبل منها بموظفة وما كانش داير لها هاذشي. والأخرى، امرأة خاي الثاني: الموظفة الإطار، تيصرف معها النص بالنص، وتيتحاسب معها على فلوسها كل آخر شهر فين داتهم، وحالتها مهلوكة بتمارة ديال برة والداخل، وجلابة مقادة ما عندهاش، بحال جميع الموظفات منهم أنا نيت. النقطة الثانية ديال الرجل الأوروبي اللي ضربتي به المثل، مشى هذاك الزمن، الرجل الأوروبي والغربي اليوم طلعات له في رأسه هذيك الأسطوانة ديال المساواة والمرأة المتحررة، في الغرب دابا النهار من اللي تيبغي يتزوج تيمشي لشي دولة أسيوية وزياده شي وحدة ما عندها ما تدير لا بمساواة لا بتحرر.
عندك الصح الكاوري طلعوا ليهم النسويات في الرأس مساواة من بعد 50 عام خرجات على المجتمعات الأوربية الي ولات المرأة كتحكم فيها الراجل بالقانون ولا يقول ليها بغيتي المساواة شديتوها اوا عري على كتافك كنشوف اوروبيات كتضرب الفأس والعتلة في بني الدار ولا شقة والراجل عاطيها Les jeux vidéos 😢 وملي تيكون كاوري راجل ديال بصح تيمشي يجيبها من روسيا ولا اسيا الي باقي فيهم الدور ديال المرأة كتقابل ولادها والراجل تيخذم ويجيب ليها. شحال من نسويات ندموا انهم مبقاوش الرجالة الفحولة
كلامك هذا مرة ماشي واقعي أن هاد الإنسان رزقه كله كاتبه لمرأة وهو فاتح فمه مستحيل إلا اذا كان مسحور مغياب على عقله وهي عاملة فيه مابغات مرته بالشعودة لأن الرجل في هاد الوقت ذكي مايمكنش يعطي ماله وأملاكه أما اذا كانت هي كتطلب منه هادشي باين طماعة العجب
@@silakaya3992 هاذشي اللي عاودت في التعليق ما زدت عليه حتى حرف، ربي شاهد. مسألة ثانية، امرأة خاي ماشي من النوع السحار ولا الطماع، الحق يُقال، ما قالت له اكتب لي ولا اعطيني، ولكن من ذاك النوع اللي تيعرف شنو تيدير، اللي تيخدم عقله مزيان. ومن النوع اللي مقابل داره وشغله، حتى بناتها مربياهم مزيان، تحلف عليهم ماشي بنات هاذ الجيل.
الله على هضرة تكتب بماء الذهب و تعلق عميقة جدا مستحيل ان الله يكون عاف نيتك خير و ميعطيكش و اذا كانت شيحاجة مانعة عليك الرزق فممكن مراتك باب الرزق عنها مفتوح و الشي لي معارفينوش بزاف ديال العيالات انه يكفي انها تكون فرحانة و دايرة البهجة لدارها و لراجلها و لوليداتها باش تكون مصدر رزق للبيت كلو ❤ عن طريق زوجها او اي طريق يوصل الرزق
كلام فارغ ولا اساس له من شخصية المراة...وباش تتكلم مع المراة تادب شوية فكلامك .حيت ماشي كل النساء من داك النوع لي كيتيق بكلامك ....وزيدون خصك تكون مرا باش تصدر احكام واراء على العيالات ..
راه اختي ماشي كولشي عندو بحال راجلك انا راجلي حتى هو مكيديرش شي حاجة بلا خباري و انا كذالك ولي بغيتها كايديرها ليا مكانخرجش حتى كيخرجني هو و بيخير ولكن كينين نسا بغاو غير الاحترام و ملقاوهش فهمتي
@@fatimazahraeab-by7en❤شابوا لك نتيا الوحيدة مبين تعاليق لي فاهمة مزيان حياة زوجية معرفتش علاش كل وحدة تتعلق على حساب علاقتها هي بزوجها حتاش راجلها مزيان اصحاب ليها كلشي بحال راجلها خاصها تقول الحمدلله على هاد نعمة تسكت حتاش رجال انواع كاين نوع لي مفيهش حس احترام لا حنان لا مودة لا رحمة لا حياة سعيدة غير لمشاكل ديما ماشي مرة مرة تلقيها صابرة تتولي جسد بدون روح تتفقد شغف في علاقة زوجية بغى من راجلها غير الاحترام ملقتوش الحمدلله على كل حال
مرة تقول، الرجل يتبع شهوته. مرة تقول شي حاجة ديالك خاصك بك انت... خاصك تكوني ذكية... و علاش هاد الرجل ما يكونش ذكي!! مرة تقول عليه مكلخ، مرة تكلم عليه بانه عندو مشاعر و ذكي.. من الآخر، الانسان معقد. و الواحد يديها في راسو و في صحتو. الدايم الله
@@MimibBbeta وايه اختي الله احفظك مشكلة اني مزال جديدة مخدامش شي خدمة زوينة كنت تنخدم غير مرة في سمانة في تنضيف دابا راهم عطلة بغيت غير نسولك لا جات على خاطرك عطيني انستكرام ديالك لا لي كان فيسبوك بغى نسولك على شي حاجة ضرورية اختي راني تالفة هو داير ليا الحرب دابا ملي رجعت سكنت معه حتاش غير يومين مقدرتش على ديك دار تاع نساء معنفات حتاش تحيدوا لك تلفون مدة شهور انا مقدرتش خصوصا اني مزال متنعرفش اللغة مزيان لقيت بنات Albanze او اطالية بولدهم انا بحدي طاح عليا ضيم جيت