السلام عليكم...عندى فراخ بيضاء متربية مع فراخ حمراء عمرهم 37يوم وباكلهم نامى 21% بعد عمر 20 يوم ...هل استمر بالنامى حتى نهاية الدورة لكلاهما ...كل سنة وسعادتك طيب ...وللعلم وزن البيضاء الان متوسط 2.5كجم اما الاحمر الان لم يتجاوز متوسط 1.3كجم
اولآ :- يا صديقى لازم تعرف ان الوزن الطبيعى لليوم 32 هو 1850 جرام يعنى حضرتك متأخر حوالى 100 جرام ثانيآ :- الاوزان المعتادة عند كتير من المربيين فى عمر 32 بتكون من 2000 جرام الى 2400 جرام ودى بتكون الاوزان السوبر قبل اى خلاطات او اى فيتامينات لازم حضرتك تشوف كام نقطة الاول قبل اى خلاطات اول شئ و اهم شئ فى اسهالات او امراض معوية ولا لأ تانى شئ امراض تنفسية ولا لأ تالت حاجة درجاة الحرارة مناسبة لعمرهم ولا عالية ومش قادر تنزلها و التهوية مناسبة ولا لأ لان سبب التأخير اللى عند حضرتك دة مجاش فى يوم و لية دة على الاقل المفروض يكون ظهر معاك من اليوم 21 و على الاقل هتلاقى كان عند حضرتك حاجة من 3 اللى ذكرتهملك فوق و غالبآ هتكون اسهالات او حرارة و تهوية عشان كدة لازم نعرف السبب الاول و نعالجة و بعدها ان شاء الله تأضر تستخدم خلاطات تساعدك فى تحقيق الوزن المناسب مع ان حضرتك متأخر قوى الخلاطات او الاشياء اللى ممكن تساعدك رقم 1 الخميرة البيطرية ممتازة جدآ و رخيصة ( ممنوعة فى وجود اسهالات ) رقم 2 - 10 جرام حلبة مطحونة + 20سم عسل اسود على كيلو العلف ( ممنوعة فى وجود اسهالات او لو فية علاج كوكسيديا ) رقم 3 - نزل غسول كلوى و منشط كبد 4 - نزل مضاد سموم 5 - نزل ه سيلينيوم و ان شاء الله خير بس نصيحة من اخ ليك حاول تلاحظ الاوزان كل اسبوع و خصوصآ خصوصآ الاسبوع الاول اهم اسبوع فى الدورة قدرت توصل بالكتكوت الى 160 كدة يبقى بنسبة 60% الدورة هتعدى على خير حتى لاقدر الله لو جالهم اى امراض الكتكوت بتكون صحتة كويسة و يقدر يقاوم المرض
السلام عليكم و رحمه الله وبركاته مش المفترض يا دكتور نأكل البادي لحد وزن لا يقل عن 0.5 كيلو و النامي لحد وزن 1.5 كيلو و بعد كدة ناهي ؟ ارجو تعمل حلقة قريبة عن كدة
دكتور بارك الله فيكانا لقيت فرخة من الفراخ تسمين ابيض جسمها مليان هواء تحت الجلد فرغت الهواء وتركتها فترة لاقيتها جمعت هواء تاني في جسمها كله !! ده ايه المرض ده؟
يفضل عند تغير العلف من بادى الى نامى او من نامى الى ناهى انك تخلط العلف يومين على بعض عشان الفرخة ميحصلهاش اسهالات و بالنسبة لمضاد السموم امشى على الجدول الطبيعى لحضرتك اللى هى غالبآ هيكون يوم مضاد سموم و تفوت يومين و هكذا امشى طبيعى خالص لان مضاد السموم مش مربوط بتغير العلف