والا كان الرجل كسول وما قطرش على المسؤولية شكون الضحية الاولاد ديري واجبك خليك مكافحة الله اعاون لان الام هى المدرسة الأولى كافحي من أجل أبناءك الله اشافي الجميع
انا دخلت نشوف ونسمع الحكمة ههههه جيت من عند ندوة مسكينة بقات ولكن النية تغلب كلامك صح لكن منقدرش نتبوحط حنا المغربيات عندنا غي ݣود كنبغيواونبينو راسنا راحنا حادݣات ولكن النية تغاب هاذا مبدئي صحيح الصحة كتمشي ولكن هاذشي لي عطا الله شكرااااااا اختي على النصائح❤
السلام اختي تبارك الله عليك هاذ الأشياء كاع لي ذكرتي انا بعينها وشحمها او فاش كنمرض غير شوي ونشد الفراش واحد اليومين كلشي يقلب وجهو ولكن اختي وليت حتى انا كنسوط لي عجبوا تبارك الله لي معجبوا اتطرطق وليت كنقلب غير على راحتي هيت هزيت المسؤولية ديال داري وخوتي لي بغا شي حاجة تقضى ليه ي تصل بيا 👍👍👍👍👍👍
Daba l9alb dyal had la video howa aghlabia ghadi ygololk wlah bhali katdwi 2lia rah kadwi 2lik 😅 o lhadafe hia nti madiri walo daba lmochkil machi f wach khask tkoni hadgua wla la lmochkil wach bnadm najhe f hyato wla la wach kay9dr i gérer hyato wla la hit mnin katkon najhe f hyatk o martah ay haja kadirha katbanlk mobarara mnin katkon fachle f hyatk kaybda ybanlk lmajhod dyalk kolo mawaklch rah zwaj mabni 3la takamol machi 3la sira3e wach hadak li kaydrab tamara o kaychad l2asa 12 heures machi hadgue z2ma? Wach bdarora hadak mnin kaysali khdamto wla kaychad la retraite dyalo kayji chi had y3tarf lih b dakchi li 9dam lmojtama3e?? Chfti mn lkhar bhal had lkhitab lhadafe dyalo howa tafkike dyal l osra mn l dakhl li ma9adrch idir chi wadifa mnha9o maydirhach walakin ib3ad 3la li kaydiroha o mayfradch lwisaya 3la nas.
شكرا على الرأي ديالك اخي الكريم وهادوك اللي كيقولو فعلا بحال لاكادوي عليا راه الكلام قاسها وحسات بيه. لكن الموضوع هنا لا يعمم على الجميع لأنو كل واحد عندو نظرة للتعاون وكل واحد عندو طريقة معينة في العيش. واللي فهمت انه انت ضد هاد لكلام اللي قالت لكوتش المرأة خاصها تضرب تمارة وتعطي جهدها وتعاون المحيط اللي ضاير بها من زوج وعائلة..وجيران..واصدقاء....و...و باش كلشي يضحك وينشط ويكون مرتاح وفاللخر تلقى راسها جسديا ونفسيا وروحيا سالات. انا كنشوف انه هذا الكلام ماكيشجعش على التفكك الاسري أو غيره وإنما يحمي هاد المرأة من الاستغلال يعني مزيان انها تكون حادكة ويكون وسطية واعتدال في الواجب وتساعد اللي احتاجها فالمساعدة خير لكن فنفس الوقت خاصها تفكر فراسها وصحتها"هذا واقع" لأنو كاين نساء تبارك الله كتكون حادكة وفشما جيتيها وكتعرض للاستغلال بهاد المعنى من المحيط اللي ضاير بها وهادشي لدرجة ماتقدرش تقول لا أو عييت أو مريضة." هاداك نهار لكحل ديالها😅" الموضوع هنا اخي موجه بالتحديد للمرأة على المستوى الفردي والمحيط القريب اللي ضاير بها وليس على مستوى المجتمع باكمله. تحياتي لك وشكرا لك على الإضافة للفيديو🤗
![كوتش ابتسام جات تقرس الحادكات المغربيات😅🫅 واش متافقين معاها ولا غير كتخربق⁉️😲 ]الفيديو الأول]📢](/img/logo.svg){kind=logo}
