تعيشي أقراي تعليقي مشكلة ماما هي تبذير المال، بابا الحمد لله عندو زوج شهريات و حانوت و داير التاويل و داير سيارة و دار، بابا عندو الذكور قلال و يفضلهم و حنا البنات بزاف و ماشي قاع دايرنا في الحساب موفرلنا الاكل و الشرب و فقط و لكن الحمد لله، و الذكور عاطيلهم الحرية التامة في التصرف في المال زوجهم و ضروك راه يصرف عليهم بالرغم من أنهم خدامين في الوظيف العمومي و من كثرة اللي حنا يكرهنا ولات ماما تان تكرهنا، اللي زوجت تهنات اما اللي قعدت كيما أنا رانا ضايعين نشوفو المال قدام عينينا يطايش لكن حنا من أفقر البنات و اللي تزيد تغيضك أكثر أنو ماما تان تخلص 500 ألف و بابا يعطيلها الدراهم و مايحاسبهاش تقعد تشري في صوالح مافيهم حتى فائدة و لا تشري لروحها وهي عجوز ، كي نقولها اشريلنا حنا رانا صغار تقولنا ماعلاباليش بيكم وديجا هاذو دراهمي و تقطع معانا الهدرة، و الكارثة الكبيرة هي أنو اي مرأة تجي تشكيلها تقولها ماناش لاحقين أيا تروح تعطيلها الدراهم ولاو النسا يستغلو نيتها و عارفين بلي تكرهنا أيا شحال من وحدة دارت التاويل غي على ظهر ماما، كاين وحدة كل شهر تجي تطلب من عند ماما وهي لاباس بيها ولادها دايرين سيارات و عقار و أرملة و تخلص لكن لقات ماما نية أيا كل شهر تكذب عليها و تدي في دراهمها، وهاذي غي حكاية وحدة لوكان تسمعي حكايات و حدوخرين راسك يحبس، العام اللي فات طاحت مريضة مكاش اللي شاف فيها قالها الطبيب عملية مالقاتش دورو عندها لحد الان ماعندهاش وتقولي خاتم ذهب أيا سلفت ودارت العملية وحبست التبذير وفي اشهر قليلة جمعت قريب 10 ملاين، لكن عادت حليمة لعادتها القديمة و رجعو الناس تستغلها و يديرو في التاويل على ظهرها خاصة مع المعيشة اللي غلات ولاو ينهبو فيها بلا رحمة و بلا حشمة، ان شاء تهدري عليها و تقدري تقنعيها وديريلها القلب أنا جربت معاها كل الحلول ماقدرتش نقنعها و زيد بابا راه مريض ولينا نتجنبو المشاكل و اي وحدة عندها نصيحة مفيدة تقولهالي
