كيفاش التليفون خلاك تصير زومبي 🧟‍♂️!! 

.لما كنت صغير كان حلمي نشري تيليفون
وكي كبرت عرفت انو هذاك تليفون بالذات كان هو سبب مشاكلي كامل
لوكان نسقسيك نتا علاش تستعمل تلفون
راك تستعملو للترفيه ولا تسيي تهرب من مشاعرك السلبية او ربما افكارك لي تدور داخل راسك
هي كامل تصرالنا تع تولي للدار عيان بعد يوم طويل تع قراية ولا خدمة غير تدخل لدار تحكم تلفون وتقعد تسكرولي تسكرولي
باش تخلي عقلك مشغول بعيدا عن مشاكلك اللي صراولك خلال يومك
احنا حاسبين انو السبيل الوحيد للهروب من الواقع هو الانغماس فعالم لميتافرس تع لخرطي
الحل مش في الهروب الحل راح نقولهولك فهذا الفيديو نرسملك خريطى تبينلك كلشي
سما مدلي شوية من وقتك وهايا نبداو
اولا اذا كنت من جيل الالفينات ولا حتى التسعينات خليني نقولك بلي حنا اول من شهد على تطور التكنولوجيا
وثاني حنا اول جيل يتأثر سلبا بهذا التقدم التكنولوجي
مينذاك نحسد الناس لي فعمر بابا ويما
اللي عاشو حياتهم كامل فإتصال بالواقع مكان
ني مسلسلات ني سوشل ميديا ني ني مأثرين ني الراس ني يوتوب ني العاب
ملقري هوما تاني كان عندهم مشاكل
بصح على الاقل باينين مشي كيما ضك تشوف طفل فعمر صغير كاره حياتو قاعد يشوف ناس كامل ناجحة على انستغرام ناس تسافر وهو قاعد
ملقري معلابالوش بلي كي عندو ماكلة ياكلها ودار وين يرقد وصحتو مليحة راه خير من 70% ملناس
بصح التيليفون يشوه نظرة تاعو للواقع
انا تصرالي مينذاك ننوض صبح نشعل تلفون نشوف خبر عيان مع صبح يفسدلي كامل نهاري
متوسط استخدام تلفون يوميا فالعالم هي ستة سوايع ونص
وكي
خرج الانترنات السريع هنا فدزاير ف2006 حتى 2010 ولا عندنا اكسس ووصول لأي حاجة تخطر على بالك بضغطة زر
راك تيماجيني من يوم ما خلق سيدنا ادم الى وقتنا هذا
جامي صرات انو نتا في دارك تقدر تشوف في يوم واحد
واش ملوك العالم والحكام من قديم الزمان مقدروش يشوفوه في حياتهم كامل
انا كي كتبت فلعنوان بلي تلفون يخليك تصير زومبي مشي هكاك برك
لأنو تعريف الزومبي هو الحي الميت
شغل نتا
حي بصح فنفس لوقت مراكش عايش
جماعة لي عندو خوه ولا ختو صغيرة غير مكلاه يخليه وحدو مع تلفون
بسك هو عقلو صغير ومنطقة الحصين فالدماغ لي مسؤولة على اتخاذ القرارات راه ميكتملش النمو تعها 100% حتى عمر 18 سنة
سما كتمدلو تلفون مراحش يقدر يتحكم فروحو
شغل مديتلو يسوق طونوبيل فلوطوروت زادم بميا كلم/ساعة بلافرانات
ميعرفوش صلاحهم و
لعقل تاعنا مخلقوش ربي باش نعيشو بيه هكا
ربي خلقنا باش نعبدوه اولا
باش تكون مبدع خدام تدير سبور تقرا تتعلم تتواصل مع ناس
تستكشف
نقوللكم الحل ساهل تبعو هذي الخريطة
اولا للزم تكون عندك بوصلة توجهك للهدف تاعك
الهدف تاعك انك تقلل من استعمال تلفون قدر المستطاع
سورتو مع صبح
نتا كي تنوض وتحكم تلفون عقلك مزال مفطنش 100% ديجا دخلتو فعالم تلفون
شغل كيما طونوبيلات لقدم كي تجي تشعلها لازم تخليها تسخن قبل امبعد ديماري بيها
مشي غير تنوضها ديماري ديركت نفس شي عقلك
ولازم تعرف بلي كي تنقص متيليفون راح يكون عندك وقت كبييير للزم تعمرو بأي حاجة تفيدك
انا نفضل انك تقعد تخزر فلحيوط ولا تخرج تمشي برا ولا انك تكونيكتي
خاوتي منيش سور من هذي لمعلومة بصح
قالك كريستيانو رونالدو محبش يشري تلفون لوليد حتى فات 14 سنة