جربتي؟ اغلب الناس بديورهم و بسياراتهم Fiat الطلب اكثر من الموجود الناس منين جابت دراهم؟ Aadl الناس كامل راي تستنا و عندهم دراهم يخلصو سوق السيارات مترتق لحوانت معمرين لبنات معضمهم ب iphone ,هذو كامل في الجزائر 💜
اني نشوف فالتعليقات مخي حبس وعلاه ما ديريش نورمال من يحب بنادم يدير تقدر تعيش بالقليل موش ضروري تكون عايش ملييح وباغي دير الصوالح وبعدين مكان حتى واحد ضرب واحد على باش يتفرج فيه ولا يدير كيفوا كلها وقدرة استطاعتوا كاين واحد يقدر يعيشبمليون ويعيش مليح وكاين يعيش بعشر ملاين على قد فراشك مد رجليك وانتادرى بروحك
سلام عليكم عيدك مبارك وكل عام وانت و اسرتك بالف خير يا سارة ضربتي الوتر الحساس هذا الموضوع راني نخمم فيه كل وقت وحسيت بلي راني بزاف متاخرة على جال طول حياتي نخدم قريبة للدار وقلت مانحتاجهاش وضرك كبرت ومرضت ما عدتش نقدر وندمت بزاف لكن عولت راني حابة طريقة تساعدني على شراء السيارة تكون فعالة نتمنى تنوريني بفكرة مليحة تعاونني وشكرا ❤
تفرجت الفيديو ديالك بالصدفة، ولكن مانشاطركش الراي كي تبيع ذهبها على من يكتبوا السيارة؟ تكتبها على الزوج ماراحسش يمدهالها وكل مرة يخرح بشغالو وهكذا ماستفادت والو راح ذهبها وشدت الريح.
أنا عندي البارمي من قبل الزواج وشريت سيارة فبداية الزواج من مالي الخاص. ويسوقها الزوج وانا نخاف. وظرك كبرو لولاد ورجع يوصلنا بالتشناف. والسيارة ردها خردة .
وشرايكم تكتبو منشورات وشكاوي الى الرئيس لفتح استراد السيرات اقل من خمس سنين الحل الوحيد لهبوط اثمان السيرات الغاليا لازم نتحدو ونبكو لسيادة الرئيس باش اشوفلنا حل
الأخت راكي متأكدة راكي عايشة 2024 و فالجزائر منيتك حنا درنا شحيحة تاع العيد بسيف باش لحقناه و دوك راني رايحة نبدي شحيحة الدخول المدرسي و ياربي نقدر و ما فيها لاتحواس و لاهم يحزنون مع مدخول واحد مستحيل ديري سيارة الحمد لله لي قدرت نبني داري هادي شحال بركاو ما تستغباو عقول الناس بأفكار وهمية
اختي فهميهم بلي الواحد ما يقدرش يدير كامل التحديات في ظربة لازم كل مرة عندك تحدي ماتقدريش دري تحدي اضحية و تحدي ذهب و تحدي سيارة و تحدي حوايج للدار و تحدي الدخول المدرسي و رمضان اسمحلي هذو معظمهم عندهم دخل بسيط باه ديري كامل تحديات مستحيل الا دوي الدخلين بصح التحدي يبدا من اولويات راكي كثرتي جحيحات و الاظرفة ماشي ننتقد باه ننتقد عندي تجربة كبيرة في التدبير راكي خالعتني كل يوم ظرف جحبحة جديدة طونوبيل تاع 30 هههه ياو تخسري كثر منها تشري تاع 80 وياربي طونوبيل عاىلة ثانية كوني واقعية لازم يكون عندهم مدخول آخر اي حرفة دخل باه يقدروا
و الّله يا ختي غير حتّى اللي عندهم دخلين معناها خدّامين امراة و رجل و ما يقدروش يديروا تحدّيات بزّاف على ضربة و رانا شفنا الكبش برك عاد بشانو فما بالنا بالذهب و الطّونوبيل و... و... تلفوهالنا كامل..... أنا تعجبني sabrina am ديما تقول بللي ما تديرش تحدّيات بزّاف نحسها واقعية
@@souadbardjaوالله مرات تقول يهدر و تقول راهم في كوكب اخر... زوج مداخيل إذا دارو تحدي كبش العيد... يلقا وو الدخول المدرسي جا يجري بلا تهنيات و مناسبات. انا تبانللي الشهر مسكين..... يحير واش يدير ر
السيارة القديمة مشروع فاشل راح تاكل كل شهر قيس ما تصرف على زوج ديار رانا قاع فيها ولا الواحد يسمح في كرشو باش يخدمها والطوموبيل المليحة غالية 😢ياحسراه الواحد كان حلمو دار ومالحقش ثم سيارة ومالحقش ثم صار حلمنا كبش وما لحقناش .الله المستعان تروحي تساومي حاجة قيس ما تلمي دراهمها عام أو عامين ياتزيد يا ديسباري وترضاي بالحاجة لي قيس دراهمك وتخسر في نص المدة تاع لم الدراهم .الحكمة يكذب عليك الواحد يعيش كل نهار بنهارو ياكل ويداوي ويلبس والحمد لله إذا خرج الشهر بلا كريدي .مستحيل ماكثة فالبيت شهرية راجلها ثلث ملاين وعندها ثلث ذراري تلم الدراهم فهذا يتطلب معجزة وللأسف زمن المعجزات انتهى ربي معانا وصح عيدكم
ليس المهم في زيادة الشهرية و في نفس الوقت الزيادة الفاكشة في الغلاء في كل الميادين. اختي المهم في زيادة الانتاج المحلي في الامور الزراعية و الصناعية و زيادة الصادرات للخارج لكي تزيد قيمة العملة الوطنية. سبحان الله ثمانية سنوات على الاستقلال كان الدينار الجزائري ضعف الفرنگ الفرنسي لان هناك مصانع منتجة و صادرات الى كل دول العالم و لكن حينما اغلقوا المصانع و الشركات تدهور حال العملة الوطنية. سبحان الله عملة الصحراء الغربية تطبع في الجزائر و قيمتها 4 اضعاف الدينار اليس هذا غريبا؟؟؟؟؟؟؟ على الرئيس الانتباه لكل السماسرة في كل الميادينو الا ستكون عملتنا اخر عملة في العالم. الجزائر هي هي و لكم مسيري الدولة هم من يرفعون شان البلد او هبوطها
يا اختي الكريمة لي قاعدة تقولي بيعي دهبك واشري سيارة راح نعطيك تجربة تع مرت خويا لي باعت دهبها وشرا خويا طاكسي قدر ربي دار بيها اكيسيدون هو سترو ربي والحمد لله بصح الطونوبيل ولات باطة حتى كي باعها جابتلو مبلغ رمزي وراحت الطاكسي وراح الدهب
هذا مكتوب ربي و انا نعطيك مثال جارتي عندها 4 دراري زوجها كان خدام في شركة خاصة حبسوه على غفلة كي خلاصة الكونطرا مالقاش خدمة جارتي باعت ذهبها شراو طوموبيل و خدم بيها طاكي و بعد 5 سنين زاد خدم مع ياسير ماشاء الله راه بدل سيارة عندو symbol راهم يسترزقو منها 🤲 كل حاجة و مكتوبها هذاك الذهب كان قادر يتبحرلها يسرقوهولها .....الخ والله يا اختي الدنيا مكاتيب
صح مكتوب ربي، بصح السيارة كي ديريلها تأمين شامل (tous risques) ما تخسريش فيها راس مالك يرجعلك. على هادا مالازمش التهاون في التأمين حتى ولو غالي يبقى ضروووورة مع السيارة.
سارة أنا معنديش سكن منكذبش عليك حابة طونوبيل أنا والزوج معندناش بصح نقولو الأولية للدار نهار نتهناو من السكن ساهلة والحمد لله والله نروحو نحوسو منخليوش بلاصة مع Les Agences مشينا حتى من الصحراء وروحت الحمد لله بصح همي الوحيد السكن نسناو في عدل قولي لبنات يدعولي ربي يفرج عليا بالسكن هذا ما نطلب 😊😊 شكراً حبيبتي على التحفيز شجعيناا أكثر واكثر ❤❤❤ بوسة كبيرة من عنابة
سلام سارة لكليم شعلتها قبل العيد لاكن ليوم في المساء طفتها كاين البرودة رحمة ربي والله غير صح ماشي مليحة الفسيليتي واحد يلقا روحو ديع بزاف دراهم في الدين لخرجو ربي يفرحك و يرزقك بالخير
@@MohamedTika-rk7sm انا درك 3 ملاين فالشهر وحدي و ملقيتش كيفاه نشري مام نتقشف نخببيهم عام كامل يطلعلي 36 مليون 😭😭 و ملقيتش واحد ينصحني بطريقة عن تجربة 😭
حبيت نلايم نشري طونوبيل تاع 40 مليون هكاك مي خفت نولي نصرف غير على بياساتها زوجي عندو طونوبيل قديمة شوية قاسمة معانا المصروف الله المستعان هو يوصلني اهدريلنا على هذا الموضوع
سلام ختي كيراكي صح عيدكم كل عام وانتم بخير والله ختي عندك الصح أنا شريت فريقو فاسيليتي 700فالشهر راني حاصلة والله ندمت بصح ماقدرتش نلم دراهم باش نشريه ماعليش راني فرحانة به في هذا العيد الحمد لله
سلام عليك راكي تهدري على الجرح لي راه مدمرلي حياتي بمعنى الكلمة انا معاك في التفكير انا متزوجة 26سنة كتكوني مع انسان يفكر زين انا انا رامي مع انسان تفكيرو حابس مكملناش سكنتنا في عام 2001 تخيلي وعلى اساس نشرو سيارة من ثما وحنا نتخبطو فالمشاكل لحد الان اولا دي كبرو وراهم يخدمو وحنا في نفس المشكل مانيش نفصلك فالحياة لخطرش طويلة انسان عنيد وحابس هذا لقولك مايرحم مايخلي رحمة ربي المهم مشكلتنا الا مع السيارة والله ايهمال في كلش الا فالاكل وخلاص الفواتير الحاجة لخرى يقولك ماتحبوش تفهمو يخسر فيها الا على السيارات القديمة لدرجة امي كرهت حاجة سموها سيارة وناس قصدي اهلي كرهو من حكايتي ومشاكلي والمشكلة ذركفي ولادي كرهو حتى من ابوهم كاش نصيحة من فضلك لهدر المال مش باغا شتت الاسرة على اخر الوقت وشكرا
كنت نخاف لكن صدمت المرة الأولي وتانية وتالتة رجلي ترجف فات الاسبوع الاول صدقيتي تنحات الخلعة ولات متعة الان عندي شهر وانا نتعلم الحمد الله مع العلم لبارمي عندو خمس سنين مليح ديتو
قناة تحححححححفة ومضمون في القمة ربي يبارك فيك يا اختي لعزيزة وربي يعطيك ويمنيك ما شاء الله عليك ❤❤❤ مشتركة جديدة من تيزي وزو دعواتكم لي بالذرية الصالحة يارب وربي يفرحكم خياتي وشكرا 😘😘💞
سارة شكراً هادو لي فيديو كتير منهم 😅. المهم حبيت نقول بلي بعت طوموبيل ديالي باش ندير دار ما ندمتش بصح مازال ماوالفتش النقل الجماعي نويت نطم و نخلفها بربي إن شاء الله. و حكاية الفاسيليتي صح يزيدو بزاف بصح أنا عفست على قلبي و جبت électroménagers نقصت بزاااف تعب على روحي خاطر علابالي راني في فترة نصرف فيها بزاف و صعيب باش نخبي فالوقت الحالي. أخيرا لازم كل وحدة دير القلب باش تقدر تشري الشي لي راهي حايباتو .
صباح الخير حطيتي على الجرح درت طونوبيل وكتبتها باسم الزوج في الاخير طلقني وداها قعدت في قلبي حبيت نشري طونبيل عندي شويا ذهب مخبياتو لبنتي حبيت نبيعو ونشري طونوبيل قلقت نهار كامل في بيس نفسيتي دمرت انصحيني
