الحمد لله غسلت الثلاجة يعني درت ميناج كبيير قبل اسبوعين راني نعاود خفوفي ومحافظة على النظام في نفس الوقت غدوة نخرج نقضي ونكسي بنتي ❤❤ الجمعة نغسل زوج طابيات ونظير زوج انوعا حلوة ساهلة نتاع طبقات والمعمول باش السبت نصبح صايمة ومدايرة برنامج لعرفة بحول الله ماندير والووو ندير خبز الدار وفقط وهكا نكون الحمد لله وبعد المغرب ولفكور ندوش ولدي وبنتي والسلام ❤❤
انا درت هاذوك الايام لميت لخزاين و لميت القش تاع الشتا و نتوياج تاع الدوش و تولات و اليوم كملت الكوزينة و غدوة نخرج نقضي حاجاتي و العشية نمسح الغبرة تاع الشمبرا خاطر نظيف و الحمد الله ربي يفوت علبنا العيد بالصحة و الستر و العافية
خواتاتي غانا في عواشير دعولي غاه زوج غابني بزاف دعولي ربي يديه و. يهنيني منه كي درت نتواياج للكوزينةقبل رمضان ضربلي قرعة فينغرات في بلافو و ططرقت و تخيلو المنضر و بزاف بزاف امور و الضرب كرهت كلش و نقي وين يشوف حمد و انا عندي وسواس قهري في نضافة و مانيش مالفة هاك