الله يعطيك العافية ومشكور يا عم خالد والله اني مثلك في كل مره احتاج توصيله ما اروح اشتري توصيله جاهزه لا انا اشتري السلك منفصل لحاله واشتري الفيش واشتري العلبه وانا اصلحها في البيت عندي صحيح كلامك انك تضمن شغل يدك افضل من ان تشتري شيء جاهز وما تضمنه
اعجبني جدا فكرة القفيز لاني اسوي دايم وصلات بس ماقد جا في بالي احط قفيز الف شكر والله يجزاك خير وماكنت ادري ان الرؤوس الثلاثية تنرقع كنت اعاني 😂😂 ابدعت و افدت وعن تجربة والله يالتوصيلات هذي تعيش وقت طويل فعلا افضل من الجاهزة
مشكور ويعطيك العافية على مرورك الطيب ..من ناحية الفيوز هي تحميك بعد الله لاقدر الله وشغل مرتب ومضمون بعد الله لانه شغلك اذا ضبطته وعارف زين ما تخاف منه .....من ناحية تصليحها وبيعها لا بد من تصريحها من جهة الاختصاص زي التجارة وكبراءة اختراع لك ...وفق الله الجميع
السلام عليكم عندي سؤال عندي محول ثلاثي فيه اربع اماكن واحد منهم لما اجي احط الشاحن يطلع صوت كهرب بس الاماكن الثانية مافيها شي ايش اسوي هل اشتري واحد جديد ولا اوديه عند واحد يشوف ايش المشكلة ويصلحه ولا ايش اسوي لاني ما افهم بالكهرب واخاف ينفجر علي المحول
جزاك الله خير.. سؤال يالغالي : السلك الابيض ابو ١.٥ او ٢ او٤ بوسطها سلكين هل كل واحد لابد يكون بمكان محدد ولا عادي اشبكهن يمين او يسار كله واحد ؟ انا الان فاك وصله كهربائيه لأنها ياصلها كهرب ويطفي بعد الفك لقيت احد السلكين ماهو راكب صح وحوله سواد وعرفت السبب يوم جيت ابي اربطهن لقيتهن متعاكسات (( تراي مصور قبل اشتغل عشان ماحوس الشغله )) المهم الاسلاك اللي في داخل التوصيله ازرق واحمر ومكربات لكي تشابك الاسلاك اللي جايه من السلك الابيض اللي داخلها ايضاً ازرق واحمر رجعت لصوره فلقيتها متعاكسات الازرق مع الاحمر فهل عادي ماتفرق؟؟ المعذره على الاطاله لكن هالحرص هذا هههههه جاء بعد مااحترقت دفايه قدامي ولحقت عليها وفصلت الكهرب وسلمنا الله ووقتها لو ماني حولها احتمال كبير بيشب المجلس حمانا الله وياكم من كل شر