إخواني طلاب جيل 2007 ، نتأسف إذا كان الفيديو نوعاً ما يفتقر إلى الترتيب و التنظيم بالأفكار و ذلك بسبب أنه كان مستعجل، عشان هيك بدي ألخصلكم كل الاستراتيجيات، النصائح، الي أنا اتبعتها لكل مادة + بعض نصائح لنمط الحياة في هذا التعليق. - قبل ما أبدأ، نصيحة لوجه الله تعالى إذا بدك أفضل نصيحة لكيفية دراسة كل مادة بالتفصيل، إسمع من الأساتذة لأنه عندهم خبرة سنوات طويلة و خذ ملاحظاتك منهم و الأهم من هيك العمل فيها. ✅- كل واحد إله طريقته و الذي ينطبق على شخص قد لا ينطبق على أخر، ولا يوجد طريقة واحدة هي الصحيحة و الباقية خطأ فنحن نسمع من جميع الناس و نقرر ما هو أنسب لنا حسب ظروفنا ✅- آليات الدراسة و التخطيط مهمة ، (شوفوا أساليب للتعلم و الحفظ) بعض الفيديوهات البتساعد: 1- ru-vid.com/video/%D0%B2%D0%B8%D0%B4%D0%B5%D0%BE-nqYmmZKY4sA.html 2- ru-vid.com/video/%D0%B2%D0%B8%D0%B4%D0%B5%D0%BE-Lt54CX9DmS4.html ✅- نصيحة بالنسبة للبطاقات و الخصوصي: حتى لو إنت ماخد بطاقات أو خصوصي، لا تهمل المدرسة و استفيد من وقتك هناك فبالأخير رح تقضي نسبة كبيرة من الوقت في المدرسة. 🔶 كل مادة رح نقسمها إلى عدة أجزاء مع مصادر الدراسة:
✅ 1- عربي: 🔷 مهارات:- (دوسية الأستاذ ماهر أبو بكر + ضياء أبو الرز)، المحتوى واسع و كبير و يحتاج إلى تنظيم وقت بشكل جيد و تكرار بشكل مستمر لتثبيت الحفظ. في نهايات السنة الدراسية و قبل امتحانات الوزارة أنصح بدوسيات المكثفات (مثال: دوسية مكثف الماهر) لأنها تصنف المادة من حيث الأهمية، مثال:- جذور صعبة تحتاج إلى الحفظ، أسئلة تعتمد على الفهم، أسئلة استخراج مباشر، إلخ. 🔷 قواعد:- لتسهيل الحفظ ينصح باستعمل مفاتيح، للفهم إختار أستاذ قوي ضروري، للتدريب ( قطع إستخراج، دوسيات أسئلة وزارة، حل أسئلة الكتاب، بنوك أسئلة). تعبير:- التعبير كل النصائح الاتبعتها كانت من شرح التعبير في دوسية الماهر + ضياء أبو الرز الله يجزاهم الخير، التعبير أيضاً استعين بأستاذ مدرستك و دوّن أخطائك في مكان ترجعله، و كل ما تكتب أكثر يكون أحسن و تعلم تكوّن مسودة و هيكل تنظيمي للأفكار و الترتيب قبل ما تبدأ تكتب. 🔷العروض:- لتسهيل الحفظ ينصح باستعمال مفاتيح البحور كالتي بدوسية الماهر، للتدريب أسئلة الكتاب مهمة و بيجي منها بالوزارة، للتفريق بين البحور ضروري تكون حافظ واحدة من الاليات الي بتكون في الدوسيات قبل ما تدخل الإمتحان.
✅ 2- إنجليزي: 🔷مهارات:- أسئلة الكتاب و أجوبته النموذجية مهمة، للتدريب ( أسئلة وزارة + تدرب على القطع + بنوك أسئلة). 🔷 القواعد:- الشرح خليك مع أستاذ قوي، و لكن أسئلة الكتاب مهمة، و الحل جزء أساسي طبعاً. 🔷 التعبير:- كل ما بتكتب أحسن بكون أفضل (طبعاً مع تحديد مدة زمنية معينة)، خلي عندك خطة و خطوات لكيفية الكتابة و استخراج الأفكار، إسمع من الأساتذة الأخطاء الشائعة للطلاب و دوّنها، درب حالك على العصف الذهني، دير بالك من التوسع، إستفيد من زملائك و شوف تعابيرهم، كمان نصيحة مهمة إذا إنتا في الإمتحان و في جملة بدك تكتبها خايف الgrammar يطلع غلط، استعمل جملة ثانية متأكد منها، في كلمة خايف الspelling يطلع غلط لاقي بديل إلها.
✅ 3- رياضيات: 🔷- الأفكار البتعلق عندها، المسائل البتغلط فيها دونها على (كتابك، دوسيتك) و إرجعلها من وقت لأخر. 🔷- حل إختبارات مع تعيين وقت ضروري للتغلب على الخوف و التمرن على ضغط بيئة الإمتحان، استعمل دوسيات الاختبارات التي تحدد الوقت لكل إمتحان. 🔷 - عند ضيق الوقت، (مثال:- الدراسة قبل الإمتحان) إن تشابهت أفكار الأسئلة، حل إشي بسيط منها و إرجع للأمثلة الثانية في وقت لاحق يتوفر فيه الوقت. 🔷 - 20 علامة أكيدة بالمعدل = أهمية كبيرة = وقت طويل = الإستعانة بأستاذ عنده خبرة + تدوين ملاحظات أول بأول + جهد كبير. ✅ 4- فيزياء: 🔷- فهم الشرح و حفظ تعاريف المصطلحات ( المادة الحفظ) مهمة جداً كالحل. 🔷 - نصيحة حل إمتحانات كثيرة مع تعيين وقت كالرياضيات. 🔷 - أسئلة مقترحة و أفكار جديدة من الأساتذة اللي عندهم خبرة مهمة، فنمط أسئلة الفيزياء بتختلف حتى لو كان نفس الموضوع.
✅ 5- أحياء: 🔷 - الدوسيات التي تنظم محتوى الكتاب بإستعمالها (الجداول، الرسومات) مفيدة و ملخصات كتاب التمارين و إثراء و توسع مفيدة أيضاً. 🔷 - التكرار بشكل مستمر على مدة السنة حتى ولو بشكل خفيف ( قليل دائم خير من كثير منقطع). 🔷 - الرسم، الخوارط المفاهيمية للمساعدة على الحفظ. 🔷 - أسئلة الدرس و أسئلة الوحدة للكتاب تحل و تفهم و تدرس. 🔷 - الأجوبة النموذجية للأسئلة مهمة (من المركز الوطني لتطوير المناهج). ✅ 6- الكيمياء: 🔷 - الحفظ: نفس نصائح الأحياء. 🔷 - الحل: أسئلة الدرس و أسئلة الوحدة للكتاب مهمة و رح تلاقوا الأساتذة بحطوها بالدوسيات أصلاً. ✅ 7- الدين و التاريخ: 🔷 - المفاتيح و الإختصارات لدى بعض الأساتذة جداً مفيدة. 🔷 - دلالات الأحاديث و الآيات (للدين) عن طريق الكلمات المفتاحية طبعاً ( تقريباً كل الأساتذة بعملوا هيك). 🔷- التكرار، التكرار، التكرار.
نصائح للتحفيز و نمط الحياة: 🟢 نصيحة #1: اجعل صلتك مع الله تعالى قوية، و لا تقصر مع الصلاة، و تذكر قوله تعالى :﴿وَأَنْ لَيْسَ لِلْإِنْسَانِ إِلَّا مَا سَعَى (39) وَأَنَّ سَعْيَهُ سَوْفَ يُرَى (40)﴾ - سورة النجم 🟢 نصيحة #2: جيب أي مثل، حافز أو حتى رقم المعدل البتطمح تجيبه و حطه بمكان عندك بالغرفة ضلك تشوفه عشان يعطيك حافز. 🟢 نصيحة #3: النوم ساعات كافية و الحفاظ على مواعيد نوم جيدة أساسي. 🟢 نصيحة #4: افحص بشكل مستمر مستوى الفيتامينات، المعادن، المواد غذائية في الجسم، لأنه قد ينتج إرهاق عن نقصهم. 🟢 نصيحة #5: إذا التلفون نقطة ضعفك، في تطبيقات كثيرة ( أو من خلال الإعدادات) بتساعد على تنظيم الوقت عالتلفون، و إعطاء حد أقصى للوقت المستغرق على تطبيق معين. 🟢 نصيحة #6: حافظ على التمارين الرياضية بشكل خفيف و سريع.
حابب احكي لجيل 2006 واطلع ، ما في طريقة دراسة وحدة او اسلوب واحد لتجيب معدل ممتاز لانو طريقة عمل مخنا مع المعلومات بختلف من شخص لأخر اضافة على اختلاف قدراتنا العقلية وظروفنا والخ ، صح في قواعد عامة بتمشي على كل البشر -تقريبا- لذلك اسمعو على سبيل الاسترشاد وكثر سماع كثير واسمع من الكل حرفيا لكن انت اتخذ القرار بالأخير لأن انت ادرى بالي بناسبك وكون رأيك الخاص فيك الي بدي اوصللكم اياه الناس آراء يعني ولا توخذو اي كلام لناس ناجحة على انها قرآن منزل ولازم تطبقوه ميه باميه واي طريقة غير هيك فاشلة ، اوعى تفكرو هيك المفروض انتو اكثر ناس تعرفو عن حالكم نصيحة اخيرا وركز فيها : معدلك يتناسب طرديا مع بر الواليدن
فش اشي اسمه اعلى بثلاث علامات واقل بثلاث علامات في صف 11 طول ما بتشد حالك وبتدرس وبتتعب الله ما راح يضيعلك تعب، أحد الأقارب جاب 88% في صف 11 وبالتوجيهي جاب 98.4% فرع علمي
كأفريج تغير معدلات من الأول الثانوي للتوجيهي تقريبا 3 علامات، و لكن هذا لا ينفي احتمال وجود تغيرات عالية و أشخاص حققوا إشي مبهر و يستحق الإحترام بإنه تغير معدلهم بشكل كبير و إيجابي، فهو أفريج بالنهاية. و يمكن لأي شخص إذا بذل الجهد الكافي و اشتغل عخطة دقيقة إنه يغير معدله بشكل إيجابي و كبير. شكرا على تعليقك لأنه كثير مهم عشان يوضح الصورة 🤍🤍
شكرا لجهودكم , بس يا ريت لو يكونوا فيدييوهاتك اطول من هيك ولو انك فصلت لكل مادة اكثر يعني دقيقة تشرح فيها عن كل مادة ما بتكفي , و بما انو انتوا جايبين هاي المعدلات ما شاء الله المفروض تقدملونا تجربتكم بشكل اوضح من هيك يعني صراحة كطالب جايب الثاني على المملكة عم بقدملي نصائح زي طالب جايب 90 , والطالب احمد حسان شو بقصد انو كان معتمد على المدرسة في مادة الاحياء وهو اسمو موجود ضمن طلاب الاستاذ حسام عياش .
نا 2007 اول علمي والسنة الجاي ان شاء الله بكون توجيهي ممكن تنصحوني شوي يا 2006 العلمي وممكن كمان تقولولي ابلش من هسا ولا لسا بدري انا صراحه بفكر اني ابلش بشهر 6 وهسا ابلش تاسيس وممكن تقولولي اذا بجد المواد الاول ثانوي بتعتمد على التوجيهي لاني تقريبا اخذت السنه سياحه وسفر وممكن تعطوني اسماء معلمين شاطرين على اليوتيوب او بطاقات وشكرا لاي حد حيرد علي بجد الله يوفقه وينجحه توجيهي بالمعدل الي بحلم فيه ويحقق حلمه ويلا شدو حيلكو
صراحة الله يجزآكم الف خير الاثنين ، ومن ناحية طريقة تقديمكم الي معترض عليها اغلب التعليقات بصراحة أنا ما شفت فيها اشي بالعكس بترفّه عنا شوي مش كل الوقت بحياتك كطالب توجيهي لازم يكون جد جد وطريقة النصيحه لازم تكون جديه مش لازم ع فكره احيانًا النصيحة الي بأسلوب الشباب هون هي الي بتنفع مع كتير ناس ، الله يوفقكم يارب ويسعدكم دنيا وآخره بالتوفيق + التقدم في طريقة التصوير والمونتاج خرافي تبارك الرحمن أختكم المحبه 🤍🤍
يعطيكم العافية بدي اسأل هسه الامتحانات يلي بتكون المملكة كلها بتشكي منه بيكون جد صعب ك طالب ممتاز ومراجع اكثر من مرة وعنده ادارة للوقت صعب يفلل والا عادي بس المملكة مكبرة الموضوع ؟
طلاب المدراس الخاصة يخي 💔😂 بنجلط لما تحكي استاذي المدرسي مرارتي بتنفلق استاذنا كان بلسانه يحكي حرام تكون حصص توجيهي هيك بالتسيب هذه استاذ بصير يدخن بالصف يسب ينظر يجمعنا الشعبتين مع بعض ٦٠ طالب بصف واحد وضع حسبي الله ونعم الوكيل فيكم يا أساتذتنا وفي المدير وفي اللجنة الرقابية في الوزارة وفي كل واحد ما بتقي الله ون بحلل قرشه عشان في الاخير كنانة يطلع ع صوت البلد بحكي فش مبرر الطالب يروح للمنصات المدرسة بتوفر كل اشي اله يزم مشان الله
@@Rayyansofficiallانا بنت +طبعا هادفه ومحتوى كثير متعوب عليه للعلم انا متابعيتك من اول فيديو ع قناتك وشايفه التطوير من تصوير ومونتاج احسن بكثير من اول ما عمري ضيعت فيديو من فيديوهاتك او نصيحه من نصائحك بس ما بعرف ليش كتبت هالتعليق ولا يهمك مضاعفات التوجيهي 💀💔
يعطيكم العافية يا رب،، بارك الله فيكم،، بس عندي سؤال هسا بالنسبة لماده الكيميا والفيزيا والرياضيات بالامتحانات الوزارية يعني ليالي لامتحان شو ندرس بالزبط فيهم وشو نعمل هل بس نراجع قوانين و مفاهيم واذا في نقاط ضعف اراجعها منيح ولا كيف لانه معروف هدول المواد فيهم كم هائل من الاسئله والمفروض احنا اصلا حليناهم قبل الوزاري ف شو لازم اعمل بالضبط بأيام الامتحانات الوزارية لهدول المواد يا ريت تحكيلي عن تجربه وشو الأفضل 💙
طيب معدل المدرسه مهم حتى لو انه معلماتي بالمدرسه ما بشرحوا صح وبجيبو اسئله مش منطقيه غير اني بروح على المدرسه مش مراجعه لسا فبخبص لاكني متابعه مع الاساتذه يلي ماخدهم بطاقات وبحل معهم امتحانات هل ممكن ما اجيب المعدل يلي بدي اياه اذا كان معدلي بالمدرسه بالمره
يا اخوي يا ريان انا عندي سؤال هسه انتم قلتوا انه كنتم تحلوا اسئله كتاب طيب انا لما افتح كتاب رياضيات الاسئله ما معها اجابات كيف كنت لما تحلها كيف تتاكد من اجوبتك انها صح ولا غلط وين تلاقي اجوبه الكتاب وكتاب التمارين وشككرا سلف 🙏🤍
عندي مشكلة اني درست وحده التكامل كلها وخلصتها وبعد فترة اجانا امتحان عليها فراجعتها قراءة قبل الامتحان عشان بس الملم افكار وبس اجيت امتحن ماعرفت احل اشي... مع اني كنت حال المادة بس كنت ادرسها اول باول