سلام عليكم متحركة في البيت من فظلك تكلمينا على الصلاة خاصة انسانة تكون من مقيمي الصلاة ما شاء الله و كانت تحفظ القران و طالبة علم و بدات تتراجع فالحفظ و الحضور معنا في طلب العلم و بعدها انقطعت كليا و لما تواصلت معها قاتلي راه عندي تهاون كبير حتى في الصلاة و أحيانا تمر يومين او اكثر دون صلاة اسال الله لي و لكم الثبات و ان يجعلني من مقيمي الصلاة و من ذريتنا و ربي يرد صديقتي اليه ردا جميلا دعواتكم
اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد
انصحيني متحركة تعيشي انا قاسمة مي في نفس الدار مع عجوزتي وولادها ثلاثة بلا زواج وانا لي نسيقلها ونسيق الكولوار لي نفوتو عليه لزوج وكي يجو ولاد سلافي لي ساكنين بجنبنا نقولهم نحيو صبابط ولا نهاوشهم كي يجيبو لوسخ دور عليا انا بورتو لوكان منسيقلهاش واحد ما يجي يحوس عليها وكي منروحش تبدا بالمعاني والمشاكل وانا تغيضني عجوزة كبيرة نقول نروح مي كي درلي جاست برك نبدا نلوم فروحي ونقول وش داني انصحيني انت والبنات لي قراو تعليقي بليييز
نصيحتي لك ديري اللي عليك وخليها على ربي قبل ماتروحي تسيقيلها احتسبي هذا العمل لربي ومايهمك ردة الفعل تاعها خلي جزاءك على ربي وكما ديريلها دوكا ربي يسخرلك شكون يعمالك بالمثل كتكبري والجزاء من جنس العمل كانت عجوزتي ربي يرحمها كنحبط ليها ونسيقلها تقولي: اخدمي الخير تلقى الخير وصح الحمد لله ربي ميسرلي جميع أموري
انا فهمت عفسة في هاد الدنيا الناس لي تقييميهم والله ياكلوك ولي متقيميهومش هوما لي يجرو موراك وربي معاك انت هدري متسانيهاش هي ديري حدود في هاديك الدار حاجة متعجبكش هدريها وربي معاك
انا اختي نقلك أحتسبي الأجر عند الله و خدمي عجوزتك لوجه الله و باه تربحي راجلك و ثاني ما ديريش على هدرتها راهي كبيرة و الإنسان يتبدل كيكبر وديري دايما في بالك نتي تاني يجي نهار و تكبري, و على ولاد سلايفك معليش تهدري قال يا وليدي نحي سباطك وفهميه بالمليحة وكتر من هكذا ماكانش ما تتهاوشيش على جال هذا الشيء صدقيني راح تربحي ناسك و راحت بالك و بلا ما تديري كتر من مجهودك , و السلام
في اي علاقة كانت اجتماعية ..اسرية ..او حتي الحميمية الطرف المتظرر هو الطيب فقط لأنو يمشي بنيته وطيبته مع كل الناس لذا يتلقي الصدمات والطعنات دون سابق انذا ر مما يؤثر على صحته النفسية والعقلية والجسدية وراح تزيد الطين بلة إذا كان عندو اطفال راح يلقي نفسو في صراع ...صراع اجتماعي وصراع نفسي ويكون غير متوازن وبالتالي ميعرفش يربي اطفالو على العقيدة الصحيحة ويكونو هم ايضا عرضة للأستغلال ويكونو ايضاضحايا للمجتمع وبالتالي مش راح تكون اسرة متوازنة وتنشأ على الصراع الخارجي والداخلي ...والله المستعان على ذلك فقط الواحد يستأنس بقول وعلى نياتكم ترزقون
احيانا السكات الورد الجياح كما اناوخياتي اسكتنا اسكتنا اسكتنا حتى حسبونا انسا خاوتي جايحين مايحسبونا ماايقيمونا كي انروحو الدار بابانا يخلقو المشاكل باش مانزيدوش انروحو واشانقول حسبيا الله ونعما الوكيل فيهم
لن ترضى عنك اليهود والنصارى حتى تتبع ملتهم ...هادو اليهود والنصارى أما أهل الزوج مايرضلوش عليك أبدا وأبدا تبعي ملتهم ولا تبعي دين باباهم مايحملوكش مايحملوكش خصوصا كي تكوني مميزة وعندك مبادئ هذا واش استنتجت خلال السنوات الأخيرة عيشو حياتكم وخليو الناس تهدر واش تحب هادرين هادرين 👊
اليوم حبيت نحكيلك حكايتي الصراتلي في 2023نعتبر عام انزعت فيه الاقنعه صراحه وبفضل دعاءي ربي بعدني شوفي انا ملي دخلت عروسه سكني زوج حيط نصف مع بيت عم زوج كانو يبانو ماشاء الله حتى انا كنت فاتحتلهم داري وبينتتنا كما يقلك عيش وملح وعبر مرور الزمن عرفتهم داخليبن فحياتي بزاف حاجه متتحرك فداري حتى يخبرو بيت شيخي على كل شيء اشيياء صغيرة ويحكوهالهم وحتى جماعه الي نجمعوها يروحو يجرو لبيت شيخي ونميمه دايرة كارثه عندهم حسبي الله ونعم الوكيل فيهم وانا كنت دايرى نفسي كلعميا وبيت شيخي جامي يڨطعو فيهم ولايحكولي بيت شيخي بيناتنا القدر فقط ومكاش مداسرة بزاف حتى مرت عن زوجي ذيا تقلي راكي كما بنتي وكنت صح مأمنتهم انا مهبولة ودارت عروسه ونهار الي خرجت عروستها بسكنتها عرضو ڨاع فميلتهم وانا الرحلة ومخبرونيش حتى قريب هبلت بلبكي وعياط قلت انا علاه مخبرونيش علاه وعلاه والف سؤال في قلبي حتى اتأخذت القرار وقلت صايي نحيهم فحياتي انا جارتهم ومخبرونيش على رحلة وهما يعرفو عليا كل صغيرة وكبيرة سبحان الله حتى فذاك شهر بعت السكنه وربي سهلنا وشريت بعيده عليهم وانا مرحتلهم مودعتهم درتلهم نفس ضربا الي ضربوني بيها صراحه جروحني قلبي تجرح أو مره بصح زوج خبر عم وبقاه على خير وبيناتهم اتصال بصح انا راني الحمدلله الحمدلله في نعمه كبعدت على جيرتهم بصح خطرات يحكمني تأنيب ضمير دمرلي نفسيتي صراحه نقول لو كان بقيتهم على خير ولو كان ولو كان قلبي باغي يخرج بصح كنتفكر واش دارولي نكره نهار الي جاورتهم صراحه بصح الله غالب شخصيتي ضعيفه وقلبي شين ومنحب نضلم حتى انسان وانتي اليتبوز الوحيده الي قلبي تفتحلك واش رايك قوليلي انا صح ولا نطلب سماح ولانعيش حياتي ولازم ننسى الماضي انا جاورتهم مده 12عام بصح كسكنت هما ثاني طلعوا شنايفهم عليا
