صباح الخيرات 💞 تعليق هذا خاص لاصحاب القنوات المبتدئة أو اللي يحب يفتح قناة ، اللي عندها حاجة مش فاهمتها ، أي استفسار، أي سؤال ، تخليلي تعليق وأنا نجاوبها باللي نعرف ومانبخلش عليها . انشاءالله يجي نهار واليوتيوب في تونس يولي متاح للناس الكل وربي يوفق الجميع❤❤
يا سمحة تستاهلي كل خير أي عمل يكون بضمير ومحبة واخلاص تكون ثمرته النجاح والرزق المال يزيد باذن الله الله يزيدك من نعيمه على هذه النصاءح القيمة والبسيطة
انشالله مبروكين عليك سموحة، ثمار جهدك و تعبك و صبرك، الافادة بالمعلومة ما تلقاها كان عند صاحبات القنوات (الصغار) اما قلوبهم كبار، سبحان الله، ام البنات
ماشاء الله عليك اختي العزيزة قلتلك لازم تعملي في الاذاعة والآن نقترح عليك تعملي مقدمة برامج(تنشيط)❤صوت حلو و حضور رائع👌👍😘الف مبروك القبض لعقوبة للذرع الفضي والذهبي ان شاء الله 🌹👀
وعليكم السلام 🌹 تسجل فيديوهات على تليفونك وتعمللهم مونتاج ومن بعد تمشي اليوتيوب تنزل على علامة + وتهبط الفيديو تكتبله عنوان وتعمل الوصف متاعك وهكذا محتواك حصري مش متاع حد اخر وما تحطش موسيقى عليها حقوقهم
يعطيك الصحة عالتوضيح ما شاء الله عليك الفرق بين تونس و مصر الي هوما يشجعو بعظهم ياااااسر هاني ندخل نتفرج ساعات فيهم و الله شىء يبهت مشاء الله و يحبو بعضهم عكسنا احنا حاشى البعض احنا يتفرجو و يسبو و يتسخسرو فيك جام و هي لكلها ارزاق من عند ربي موش من عند العبد ربي يعينك و يوفقك انشاء الله
ورينا خطوة خطوة اشنوا عملتي بش عملتي قناة وهل فكرة التدريس في القناة وتويهم كفاش تعيش واشنيا مهارتك فكرة باهية أنا بش ندعمك نبرتاجيلك فيدياواتك ديما عندي برش اصدقاء معايا تو توصلي الكود بين❤
بالله يا سماح حبيت نسوق ملاحظة، علاش البعض من صاحبات القنوات، انا شاهدة على كلامهم و منطقهم كي كانو في اولى خطواتهم و كيفاش توا كي زعمة كبرت شوية قنواتهم ولاو يتكلمو، على اقل كلمة متاع ابداء رأي، مثلا فالمشتريات او تغييرات بيت او حتى في روسات، و لا حتى علاش غبت، تسمعك ما تكره، اسمعوني انا حرة نعرف اش نعمل و اللي باش يكثر برشا مالنقد راني نبلوكيه مش من عندي برك و زادة مالقنوات اللي هو مشارك فيها، و... و.... ناقص كان يخرجولهم مالبورطابل و يجبدولهم شعوراتهم، والله تقول في حمام ، جاب ربي لا نعلق عليهم هالنوع متاع القنوات و اصلا نحيت اشتراكاتي معاهم. علاش قلت الملاحظة هذي على خاطر حبيت نقلك بالله يا سماح خليك كيما عرفناك الضحكة والتبسيمة في وجوهنا، كلام طيب، وجه بإسم الله ماشاء الله صبوح و نير اللي ما يزيدنا كان طاقة ايجابية، خلي بيناتنا كلمة الله يرحم والديك ليك و لينا، في مقدورك انك تصفي القروب من غادي لغادي من غير شوشرة و تسميع كلام، نحاولو نبنيو قناتنا على الاخلاق و الاحترام اولا و اخيرا و اللي باش تدخل جديدة تلاحظ هذا و ما باش كان تلقى حسن الاستقبال انشالله ربي يوفقك سموحة، ام البنات
صباح الورد أم البنات🌺🌺 ههههههه شكراااااا جزيلا على تعليقك طوييييل أما حلو 😘😘😘 أنا متفقة معاك في اغلبية اللي قلتله ولكن يلزمني نكون محايدة علاش لاني ببساطة أنا في حياتي العادية ومانحبش نبدي رايي في أي حد كل واحد له حرية الاختيار بقى شنوة أنا نؤمن باحب لغيرك ماتحب لنفسك وحب الناس هبة من عند ربي سبحانه لازم يكون القلب على نسبة كبييييرة من الصفاء والنظافة والحمدلله من أول يوم حليت القناة عمري مابخلت على حد بالنصيحة والمعلومة خاطر برشة ناس سبحان الله مايفهموش فالانترنات والحسابات نتمنى اليوتيوب يكبر في تونس والناس الكل تستفاد لأنه ببساطة مش حكر على أي حد
صباح النور سماح انشاء الله مبروكين عليك العاقبة لضرع الفظي وانشاء الله الذهبي علاش لا اول حاجة تشريها هوا الميكرو 😅😅😅 على خاطر كي تصور بلا منتاج والكاميرا بعيدة منسمعكش الصوة ضعيف برشة شفت فيديوات المصريين يركبو ميكرو صوة في حوايجهم أنت مرا طموحة bravo 🎉🎉🎉 ربي معاك وربي يحبب فيك خلقو وربي يفظلك شهاب على فكرة ولدك و ولدي نداد آدم عمل 14في جوان ربي يحفظهملنا أنا اختك الفة.
بربي يا مدام كيفاش نعمل vérification de la chaîne youtube avec le numéro de téléphone ؟ محبش يتقبلي حتى نومرو تونسي؟ لازمني ligne من البرة ؟ انتي شنوة المشغل اللي استعملتو ( orange, Telecom ،ooreedoo)؟ شكرا على المساعدة
أنا عامالة اثبات ملكية من عامين ماكانش فما المشكل هذا الحل الوحيد تشوف شكون يسكن البرا ويكون ثقة برشة بش يعطيك نومروه تثبت بيه الملكية والا تتواصل مع فريق الدعم متاع يوتيوب وتقلهم على مشكلتك
تقصد البنك ؟؟ بالنسبة ليا عملت بالبوسطة ماتاخذش برشة عمولة ساهلة مش صعيبة تعمل حساب edinar ب15د وتسحب بالكارطة واهبط تطبيق d17 اتبع بيه وتنجم تعمل حساب بالبنك كيفما stb كيف كيف حتى هي تعملك كارطة للسحب وتهبط تطبيق اتبع بيه لما عمولتها أكثر يعني القصان برشة إذا مدخولك يبدأ صغير وانت واختيارك
عيش اختي الغالية 😘 حاطة في صندوق الوصف رابط برنامج PicsArt للصورة المصغرة ساهل فالخدمة لازم تختار صورة مزيانة وواضحة وتنجم تزيد تكتب فيها عنوان يجلب الانتباه بخلاف عنوان الفيديو
أكيد لازمها اعدادات لازمك تحل قناتك على اليوتيوب من كروم وتعمل الاعدادات متاعك وتفعل ميزة التحقق بخطوتين لازم تدخل أشوف قنوات التعليمية تو تفهم مليح شوف قناة علامة استفهام أو رؤيا للمعلوماتية
الربح فاليوتيوب عن طريق المشاهدات ابتداءا من 1000مشاهدة في 24ساعة ومالاعلانات زادة يزيد بيهم الربح والاعلانات انواع فما الغالي وفما الرخيص وانتي تتحكم في نوعية الاعلان والا توقفهم وتكتفي بالمشاهدات وكيما قتلك انت وبلد اللي تجي منه المشاهدة
في تونس اصحاب القنوات يحبو كان التصفيق و التبندير و التشكرات اما النقد البناء يرفضوه و يسخسخو اللي ينقدهم رغم يحطلهم like !!! و ديما يهدو الناس بالبلوك : block!block!block !!!! ساعات المستوى يكون اسخف من السخافة و يحبو الناس تشكرهم عليه !!! اليوتيوب يحب ثقة في النفس اكثر من التجمل الفارغ !!! "ام جنى" المصرية نجحت وهي تريش في الدجاج فوق السطح المعفن ولا يهمها في اللي يشكر او يذم !!! الناس تنقدها و القافلة تمر !!!!
صحيح موجود فما الباهي وفما الخايب أما ماتنساش اللي فما برشا عباد مايعرفوش ينقدو ويوجعو غيرهم بكلمة ولو كانت صغيرة تحب تنقد انقد أما باحترام هكا والا لا
صحيح اختي كلامك !!! اما ما تنساش قداش الرد متاعهم يكون عنيف !!!! على كل اليوتيوب خبزتهم و التونسي مسو في عينيه و ما تمسوش في خبزتو !!!الله يرزق الناس الكل !!! انا الشيء اللي ينرفزني هو المنتا ج اللي يلخصو بيه الاخطاء و الثغرات في الوصفات !!!كيما البناية متاعنا : الليقة تجيب !!!!
يعطيك الصحة.. ياخي يلزم تكون القناة مرتبطة بحساب جمايل حصري للقناة موش معمول بيه فيسبوك ولا غيرو؟؟! وهل يلزم يكون حساب تجاري؟ انا عامل قناتي بكونط جمايل عادي وعامل بيه فيسبوك متاعي وغيرو مالتطبيقات؟ هذاكه ما يخليش عندي الربح يتفعل في قناتي وقت نحقق الشروط بإذن الله ؟ ارجو الاجابة
اول مرة نشوف قناتك انشالله تصرف بالهناء والصحة عزيزتي ❤قداش كلامك زاد شجعني بااااارشة كنت ديمة نقول بالك تعب وشغبة على الفارغ 😊عندي عام فالقناة اما مازلت من كار دزا باش يكملو السوايع ربي يسهل فيهم 🤲بالطبيعة وين تحط روحك تلقاها ومدام تاعبة على رزقك ربي يباركلك فيه اشتركت عندك وانشالله معرفة خير❤❤❤❤وربي يزيد يوفقك اكثر واكثر عزيزتي
