يسعد يومك ياطيب والله يعز علي تركيب هذي النخلة حتى لو كانت من النوع الزيد حرامات وهيه بهذا العمر وتبين نشطه والله اعرف السياج وما أضحي بهذي النخلة شكرا اخي عالفيديو ربي يسلمك ويعافيك
قال رسول الله صلى الله عليه وآله وسلم أكرمو عمتكم النخلة السلام عليكم أخي الكريم بدال ماتجمرهه أنقلهه المكان آخر ولك الأجر والثواب وأرجو المعذرة من حضرتك
وعليكم السلام أخي حامد البصراوي أحسنت النشر بذكر رسول الله صلى الله عليه وآله وسلم ،اكرمو عمتكم النخله ،والله اني قمت بتجميره حسب رغبة صاحب الدار ،لانها كانت مابين السياج وجدار البيت ،تحياتي❤️🇮🇶🌴
الله يحفظك اخي العزيز ويبارك فيك ياطيب ❤️❤ اشكرك على الملاحظة والاهتمام والحرص ،اني طلبت من صاحب الدار مهله يومان لأجل قلعها من الجزور لكن أصر على قلعها في نفس الوقت ،للعلم ان بتلو السياج الارضي صار على جذورها يعني تحتاج تبويش وحفر جانبي وهذا يأثر على البتلو والعمل يكون مكلف ومتعب ،تحياتي❤️🇮🇶🌴
حيا الله ابو علي الذهب..البطل..الله يحفظك.. والله خفت عليك من وضع الفروند..التبليه.. على رأس الجماره..إحتمال تگع تنكسر الجماره.. ممكن طلب..يا غالي.. نريد حلقه منك..گاعد ترتاح..وتسولف بعض الحوادث التي مرت بك..طول العمل المبارك.. أسأل الله يحفظك بحق الزهراء.. تحيات من جنوب البصره
الغالي والطيب ضياء المعين الله يحفظك اشكرك على الملاحظة ،اخي العزيز احنه متعودين على العمل من سنين طويلة ،انشاء اني مستمر وياكم داءما تدلل تحياتي الى جنوب البصره ❤️🇮🇶🌴
نافح ( مغرم ) جديد بعالم النخيل و طرق و اساليب العناية به و تكريبه و جنيه .. لكم مني افضل الشكر و التحايا ابو علي و الى كل الاهل في العراق العزيز ، اخوكم امحمد من واحة قبلي بالجنوب التونسي
السلام عليكم اللهم صل على محمد وآل محمد اسأل الله ان يحفظكم ابوعلي الغالي المعلومات الي تقدمها بكل محتواك واسعة ومفيدة ونتعلم من عدها هذا اولاً وثانياً محتاج منك ليف النخل والجمال اذا تكدر تحصله النا واكون ممنون من جنابك الطيب وعندي ملاحظة اذا تتقبلها من خادمك الصغير بالنسبة للمصور لازم يكون مركز وياك خطوة بخطوة ويصور كل تحركاتك وكيفية التكريب والتجمير بعض الاحيان لعله الكاميرا تتحرك من ايده او هو مامركز وياك كأن يصورك من الجانب حبيبي هي مو صورة هذا مقطع فيديو والفيديو يختلف عن الصورة اذا يصور الشخص في احد الجوانب مو مشكلة بالنسبة للصورة اما الفيديو لا يختلف التصوير لازم يكون الشخص متوسط الكاميرا وبالنسبة لليف والجمار اذا ترسلي صفحتك بالفيس او الرابط اراسلك عالماسنجر وارسلك العنوان واكون ممنون وشاكراً لك وارجو ان لاأكون قد اطلت عليكم بالكلام ومن بعد الكلام نقول لكم السلام متابعبكم من بغداد عامر الساري وخادمكم
وعليكم السلام ورحمه الله اللهم صل على محمد وال محمد احسنت اخي عامر السراي من بغداد اهلا وسهلا بيك حياك الله اشكرك على تعليقك الجميل وشعورك الطيب ،بالنسبه الى الجمار وليف الجمار نحن لا نتاجر فيه ولانبيعه لانه تجمير النخل نسبة 5%فقط النخله التي يكون موقعها فيه اشكال اما قريبه عن بيت سياج شارع او قطعه سكنيه ، اما المصور طالب مدرسه فعلا يحتاج الى ممارسه اكثر انشاء الله وصلت الفكره ،اما التواصل او الرابط الفيس ،اني ماعندي فقط القناة ،بالنسبه الى رقم الموبايل هذا سادس سيم كارت غيرته بسبب اصحاب النفوس المريضة ، اني اعتذر منك اهواي اخي العزيز اذا عندك اي سؤال عن طريق القناة ،تحياتي❤️🇮🇶🌴
السلام عليكم يا أخي هضيمة هذه النخلة عمرها ليس اقل من ١٠ الى ١٢ سنة . تقطعها بسبب البناء . كان بأمكانكم نقلها بواسطة رافعة او ماكنة رفع النخيل والاشجار عن طريق وزارة الزراعة .