ما يبرّد واهج الشـوق و شعـور الهيـام غير سردا تطوي البعـد بالسرعـة طـوي بديها من خلف ما هوب مثلـه مـن أمـام مستوي في حال و بحال ما هـو مستـوي خشمها عبرود طلقـه و موخرهـا ابهـام رافعـه راعيـه باشـارة ٍ مـا تنـغـوي لا بدو دعا السفر و اعلنوا ربـط الحـزام و ارشادات الأمن لو ترتطـم و لا تهـوي و استلمها و احد ٍ خبرتـه عشريـن عـام كبتـن ٍ بالله و بكتابـه ايمـانـه قــوي مسلم عنـده خبـر بالحـلال و بالحـرام جابله ربي على الديـن و سلوكـه سـوي و اصعدت مثل أشقر ٍ فوق جو الصيد حام ال مراوحها مـع الجـو لجـه و حـدوي مثل ما يدوي صدى صوت رعّـاد الغمـام صوتها صداه عبـر الفضـا يـدوي دوي صنعة اللي ما عرفوا لا صلاه و لا صيـام شعب ٍ أكثرهم ما هو عارف ٍ منهـو ذوي بالنهار إلـى تعلـت كبـر فـرخ الحمـام دونهـا آلاف المسافـات تزويـهـا زوي و ان تغطلس بينك و بين رؤيتهـا الظـلام كن في روس اجنحتهـا مشاهيـب بـدوي دوبهم دكّوا عـن دلالـه الربـع الحشـام تحتها من وقدت السمـر جمـر ٍ مجثـوي دايم وربعه علـى جلسـة ٍ عنـده احيـام أبلـج ٍ ليـن جنابـه لربعـه و حـمـوي ما لي إلا هي إليا جاء للأشـواق احتـدام و قامت الذكرى على القلب تكويني كـوي لي شهر و شوي عيني محاربهـا المنـام و دي احضر جـوازي و ادور لـي خـوي بيني و بينه مسافـات و حـدود و نظـام واحـد ٍفرقـاه شاويـة ٍ فـؤادي شــوي بس أبا زوره مثـل مـا يـزارون الكـرام لين عيني مـن قبالـه و شوفـه ترتـوي لو بغيت اصبر و اكابر و اقو ل اني تمـام ذيب حبه بيـن جـرد المحاديـب يعـوي كان ما لي في دروب الهوى شف و مـرام لين شفته و اشهد انـه هـواة المهتـوي يا سلام الله علـى السلهمـة و الابتسـام و يا سلام الله على اللي ما بيله مطـروي كن ما الله حط في منطقة خصـره عظـام و كن غيره ما احتوى مثل ماهو محتـوي لا قعد مـا ودي يقـوم و ليـا قـام قـام تلوي أعناق البشـر قومتـه يمـه لـوي تقل بين أعلى الجسم و اسفل الجسم انقسام شي من جسمه مرتب و شـي ٍ فوضـوي استلمنـي فـي جبروتـه أشـر استـلام ليـن طيّـح معنويـات رأس المعـنـوي الغرام إليا بطـش فيـك ملعـون الرسـام ما يعـرف هـذا قبيلـي و هـذاك خلـوي يكبـر الرجـال أمـام المهمـات الجسـام و يصغر الرجال أمـام الجمـال الانثـوي ما يتحمل نظرة العيـن و ارخـاي اللثـام لو باسه بأس رحمة حيـاة ابـن جلـوي
(الكلمات) مايبرد واهج الشوق وشعور الهيام غير سرداً تطوي البعد بالسرعه طوي بديها من خلف ماهو بمثله من أمام مستوي في حال وبحال ماهو مستوي خشمها عبرود طلقه وموخرها بهام رافعه راعيه بشارةً ماتنغوي لابدو دعا السفر واعلنو ربط الحزام ورشادات الأمن لو ترتطم ولا تهوي واستلمها واحداً خبرته عشرين عام كبتنً بالله وبكتابه إيمانه قوي مسلماً عنده خبر بالحلال وبالحرام جاب له ربي على الدين وسلوكه سوي وصعدت مثل اشقرً فوق جو الصيد حام المراوحها مع الجو لجه وحدوي مثل ما يدوي صدى صوت رعاد الغمام صوتها صداه عبر الفضا يدوي دوي صنعة الي ماعرفو لاصلاه ولا صيام شعب أكثرهم ماهو عارف منهو ذوي بالنهار اليا تعلت كبر فرخ الحمام دونها آلاف المسافات تزويها زوي وان تغطلس بينك وبين رؤيتها ضلام كن في روس اجنحتها مشاهيب ابدوي دوبهم دكو عن ادلاله الربع الحشام تحتها من وقدة السمر جمراً مجثوي دايم وربعه على جلسةٍ عنده حيام ابلجٍ لين جنابه لربعه وحموي مالي الا هي ليا جاء للاشواق احتدام وقامت الذكرى على القلب تكويني كوي لي شهر وشوي عيني محاربها المنام ودي احضر جوازي ودور لي خوي بيني وبينه مسافات وحدود ونظام واحداً فرقاه شاويةٍ فوادي شوي بس ابا ازوره مثل مايزارون الكرام لين عيني من قباله وشوفه ترتوي لو بغيت اصبر وكابر وقول اني تمام ذيب حبه بين جرد المحاديب يعوي كان مالي في دروب الهوا شف وغرام لين شفته واشهد انه، هواة المهتوي ياسلام الله على السلهمه والابتسام ويا سلام الله على الي ماابيله مطروي وكن مالله حط في منطقة خصره عظام وكن غيره مااحتوى مثل ماهو محتوي لاقعد ماوده يقوم وليا قام قام تلوي اعناق البشر قومته يمّه لوي تقل بين أعلى الجسم واسفل الجسم انفصام شي من جسمه مرتب وشياءً فوضوي استلمني في جبروته أشد استلام لين طيح معنويات راس المعنوي الغرام إليا بطش فيك ملعون الرسام مايعرف هذا قبيلي وهاذاك ابدوي يكبر الرجال أمام المهمات الجسام ويصغر الرجال أمام الجمال الانثوي مايتحمل نظرة العين و ارخاي العظام لو باسه بأس رحمة حياة ابن جلوي (لافي الغيداني)