بعيوني كل دمعة ألم تهتف يزهراء كسرو ضلوع السما مو بس ضلع فاطمة والدنيا تنزف دمه وتهتف يزهراء فاطمة لا ترحلي / خلّي نظراتچ إلي ادري بآلام الضلع / بس يزهرا اتحملي قالت امحال الضلع / ذاك يرجع لوّلي شوفه كل يوم إليمر / عمري يذبل يا علي أذانيّ ضرب وعصر وأدماني رض و كسر يا حيدر ونات أجر والمسمار صاب الصدر لمّا العدى عصروني ودعني بآخر مسا ما ظل لك غير الأسى شوف العين بيها اشقسى ما چني خير النسا متألمة خلوني لا تسأل اشحال الضلع خوفي ونيني ينسمع ماريد انه الجرحي دوا بأولادي ودي اجتمع اثر على متوني الضرب والآثار / شاهد وجع وامن الهجوم اللي حصل يا كرار / محسن وقع راحلة بليل البلا / ومنحلّة ودعني طاهرة ومطهرة / يا حيدرة كفّني وللقبر شيعني حامي الحمى يم فاطمة طاح / بإعواله صاح وصفق راح على راح / بأي حالة حيدر طلع وسط الليل يتعثر بحسرة وويل وامن الجفن دمعه سيل يبكي ومشى يحملها بيدينه جهز التراب ومن الحزن راسه شاب عزمه انهدم من المصاب وحده بألمه نزلها حيدر في هالحال نشد لا يبقى يا اصحاب احد وحده ابو حسين قعد يم القبر ينحب ظهره عليها انكسر وفي خده الدموع نهر كلما نهض ما قدر يرجع إلى زينب في عمر الورد / فاطمة تنفقد بعد الصار ودعها علي / والتفت هالولي للمختار هالليلة وسفه ردت لك الزهرا مكسورة الاضالع من العصره بعدك جفوها / لا ما رعوها هلجرعوها / ضيم وقهر بالدار اجوها / ويلي اعصروها وأنت أبوها / خير البشر بنتك يا طه / قضت حزينه ومنهو بعدها / يحن علينا زينب إلى الهم / بقت رهينه تنشدني امي / قبرها وينه