لا تفكر تاكل مربين كويتي قبل لا تشوف الوصفة 

"اللي بالجدر يطلعه الملاس"
وماكو احلى من مربين الكويتي الخنين 🇰🇼 هذي طريقتي السريه اضعها امانه في ايديكم 💜🙏🏼
.
بالمقله
نكرمل البصل بعدين نحط عليه ربيان والبهارات وهي
(هيل-فلفل أسود-كركم-دارسين-بزار)
البهارات ملعقه من كل بهار
تالي نحمس ونضيف السمن ومعجون طماطم
لمن يستوي ويتقوس الربيان ننزل عليه الكزبرة والشبنت واللومي الاسود وملعقة ملح ونحمسه لمده دقيقتين وصار جاهز يا معلم 👨‍🏫
.
الحين نشيل الحمسه من مقله ونخلي منها شويه وتالي نحط ماي حار في مقله علشان تتشرب الحمسه
.
بالجدر
ننزل عيش مغسول مع ملعقة سمنه وملعقه ملح ونصب عليه ماي الحمسه ويصير مستوى الماي فوق العيش بشوي ونخليه يتسكر يا باشا عشرين دقيقه.
.
بعد العشرين دقيقه ننزل الحمسه على العيش من فوق ونخليه يتسكر هم بعد عشرين دقيقه على نار 🔥 هاديه طبعا ... وبالعافيه.
.‏
*ملاحظه: طبعا انا حسب الرغبه عفوا قصدي الملح 🤣
.
‏#kuwaitrestaurants #kuwait #restaurant #icecream #الكويت #ايسكريم #مطعم #مطاعم #لذيذ #حلا #أكل #اكل #يمي #طازج #روعه #ياسلام #شكن #تشكنفيليه #برجر #بطاطس #chicken #sandwich #burger #كوكيز #cookies #chocolate #cadbury