السلام عليكم اخ صابر أحسنت وبوركت وجزاك الله خير على ما تقوم به للشباب العربي الأمة العربية تستحق لعديد من الناس مثلك يخرجها من التخلف العلمي والتكنولوجيا. دمت في رعاية الله وحفظه. لم أفهم تكنولوجيا مصورات المراوح والله الا بفيديوهاتك المروحة كما يقال عندنا في تونس. شكرا اخي صابر الف شكر
استاذ صابرربنا يعطيك الصحة والعافية ..لاحظتك في فديو عملت غسيل لمروحة بالبنزين .في هذه الحالة البنزين موش يمكن يزوب عازل الورنيش علي الملفات؟..ثم عازل الكورنيش هل هو نفس ورنيش الاحزية ؟..ثم اني رايت بعض الفديوهات لبعض الاخوة عمل غسيل لموتورخلاط بالماء الساخن .هل يمكن نغسل به ايضا المراوح في حال لم نجدبنزين?وايضا الماء الساخن الا يزيل ويذوب عازل الورنيش ؟!...نرجو الافادة والمساعدة
السلام عليكم يا بشمهندس انا عندي مروحه سقف الملفات التقويم والتشغيل سودا وغيرت ال3 اطراف الاسلاك لانهم كانو شايطين وشغلتها اشتغلت لكن بطيئه وبالنسبه للبلي فيه خشونه لكن بسيطه يعني مش لدرجه انها تبطئها ثانيا اختبرت بالسيريا بين الملفات من المفروض ان يكون فيه عازل فالمفروض بقشر جزئ لكن هنا من غير ما اقشر بيلقط سيريا فهل ده السبب في بطئها ان يعتبر العزل اكثريته اتحرق ولا ايه
لو سمحت يا هندسه عندي مروحه انترناشونل نوعيه قديمه ملفات الشتغيل 20 ملف وعدد لفات الملف الواحد 300 ومقاس السلك 2 وانا حاليا مش لاقي المقاس ده هل ينفع اللف بسلك 1.5 او 2.5 مع حساب فرق العدد ولو هبنفع هيبقي العدد كام للملف وارجو منك انك ترد عليا ضروري لاني محتار فيها وشكرا ليك
تسلم ايدك يا عم صابر....فضلا وليس امرا لدى مروحة تايوانى تعمل على١١٠ فولت و٢٢٠ فولت ممكن طريقة تحديد خروج ال٢٢٠ فولت والغاء ال١١٠ فولت واكون لك من الشاكرين.
لو سمحت يا هندسة بالنسبه لماتور تلاجه الهوا خارج منه ضعيف ولما تكتم الهوا الخارج منه دقيقة او 2 مش بيخرج المهم فتحت ماتور التلاجه بالصاروخ ولقيته مليان رايش حديد طبعاً نضفت وغسلت تمام وغيرت جوان هل كده الهواء الخارج هيزيد ولا لأ وممكن اركبه التلاجه تاني ويعيش وله لأ وشكرا
في شئ مش واضح الان عدد الملفات دي متصله بيبعضها يعني انت لفيت عدد الملفات مع بعض فقط بسكل ملف 400وبعدكده كملت الملف الاخر بعدده برده وهكذا مش كل ملف مقطوع سلكه ري مخدة الصاروخ مثلا صح
عم صابر الجميل عندي قلب مروحه سقف بس بياناتها ١٤ مجري او ١٤ كويل بس وليس ١٦ . وسلكها ٢ ديزم . ممكن ألفها ب سلك ٢.٥ ديزم علي نفس عدد اللفات دي ٢٥٠ و ٤٠٠ اللي حضرتك قولتها ؟
فيه فردة تقويم بتتربط مع فردة تشغيل وتخرج كأنها فردة وحدة اللى هى com وبيتربط بيها طرف كهرباء عمومى ويتبقى فردة تقويم وفردة تشغيل اللى بيتربط بيهم طرفى المكثف
ملحوظه صغيره بيانات بلاده الاصليه للناشونال الأصلي سمك 1.8 سم 16 مجري 350 لفه تقويم و300 تشغيل سلك 2.5 ملحوظه المروحه الوحيده اللي تقويمه اكبر عدد من التشغيل اما سمك 1.4 و 1.6 فالبيانات تقويم 400 والتشغيل 350 سلك 2.2
ممكن استفسار يا بشمهندس محمد و يا عم صابر ... انا عندى مرواحه فريش بنجفه و مفتاح سرعات خارجى و مواصفاتها هى 16 مجرى و سمك المجرى 1.5 سم و عدد لفات سلك التقويم 400 و التشغيل 390 لفه و السلك مقاس 1.8 دوزيم و المكثف 2 ميكروفرات و البليه 6202 معلش كل مره بعد ملفات التشغيل و ملفات التقويم بيطلع بعد يعنى مره يطلع 390 و مره 400 لفه فعايز تصحيح للارقام ده ... و كمان لو لفيت بسلك 2 دوزيم هيجرى حاجه لأن مش لاقى سلك 1.8 دوذيم و حاسس ان سمك سلك التشغيل اكبر من سمك سلك التقويم بس الراجل بتاع السلك قالى انهم مقاس واحد اللى انا عايزه عايز بيانات هذا الاستيتور بمعطيات عدد المجارى و سمك المجرى اللى يعرف يقول لى علشان مش عايز اغلط و لو زاد سمك السلك 0.2 دوزيم يعمل مشكله و لو زادت او قلت عدد اللفات 10 لفه فى المجرى الواحد يعمل مشكله .... ارجو الرد قبل شراء السلك تحياتى للجميع
