لقاء الأستاذ محمد عبد المعبود مع أوائل الجمهورية للثانوية العامة 2024  

ملخص النصائح: ١-علاقتك بربنا اهم حاجه في ثانويه عامه المداومة على الصلاة في وقتها والورد القرآني اليومي❤️ ٢- اليقين في الله إن ربنا دايما هيقدملك اللي فيه الخير ❤️ ٣- ادعي لنفسك ولو مش بتعرف تدعي اقرأ أي دعاء وادعي بيه ❤️ ٤- النوم كل واحد وعلى حسب ايه اللي مناسب معاه❤️ ٥- طبيعي هيبقى فيه drop لكن تحاول تكمل عادي ❤️ ٦- خلي سقف طموحاتك عالي حتى لو من وجهة نظرك الشئ ده مستحيل لكن مفيش حاجه بعيده على ربنا ❤ ٧ - الصحبه الصالحه ❤️ ٨- عدم التوتر ❤️ ٩- ممكن تبدأ متأخر كام شهر عن باقي زمايلك وتتفوق وتبقى من أوائل الجمهوريه ما شاء الله ❤ ١٠- حدد وقت استراحه لنفسك بس بعد متكون حققت الإنجاز المطلوب منك علشان وقت البريك يبقى ضميرك مريحك وتقدر تفصل شويه وترجع تاني للمذاكره ❤️ ١١- العمل بآيات القرآن الكريم وناخدها علاج لنفسنا ( اشاره من ربنا لينا)❤️ ١٢-الحوقله تساعد في تخطي العقبات ❤️ ١٣- التغلب على الظروف مهما كانت صعوبتها متستسلمش ❤️ ١٤- حل من مصدر واحد بتركيز وفهم كل سؤال أفضل من حل كذه كتاب من غير فهم وتركيز ❤ ١٥- حاول تبعد عن المشتتات❤️ ١٦- فترة المراجعات درب نفسك واقعد حل امتحانات محاكاه لنهاية العام وقلل وقتها الطبيعي مراعاة لاي ظروف ممكن تحصلك في اللجنه او تحصل حواليك في اللجنه ❤️ ١٧- ادخل المجال اللي انت واثق انك هتبدع فيه وتحدد الهدف اللي داخل علشانه❤️ ١٨- تحمل المسؤولية ❤ ١٩ - كل واحد بيبقى عارف نفسه هو واقع في ايه فيركز عليه ❤️ ٢٠- متتخدعش بكلام اي حد ❤️ ٢١ - ابعد عن الكلام السلبي ❤️ ٢٢- ذاكر أول بأول ومتراكمش ولو راكمت حاول تلم اللي فاتك بسرعه وطبيعي ممكن يحصل كده بس حاول ميحصلش كده ولو حصل لظرف ما ،سيطر عليه بسرعه ❤️ ٢٣- ذاكر الدرس بعد متاخده على طول راجع كل اللي بتاخده أول بأول علشان متنساش اللي فات وتعاني في الآخر ❤️ ٢٤- ابذل قصارى جهدك علشان توصل لهدفك وتفرح أهلك ومدرسينك وأصدقائك وأي حد كان داعم ليك طول السنه ودايما انسبلهم الفضل بعد ربنا طبعا ❤️ ودي كانت شويه من النصايح اللي اتقالت 🥰 وحقيقي ما شاء الله فخوره بيكم كلكم وربنا يوفقكم دايما يارب ❤️ وبشكر مستر محمد على اللقاء الاكثر من الرائع ده ❤ واخيرا انا دفعة 2025 واطلب من الله عز وجل التوفيق وان اكون مكان الطلاب دول السنه الجايه إن شاء الله ❤ وربنا يوفق الجميع ❤️

اكتر كلام جذبني وركزت فيه جامد واثر فيا كلام الشيخ بلال اللهم بارك اكتر كلام مفيد واختصر كل حاجة بجد ربنا ينفع بيه الامة والبنت اللي لابسة زي شرعي محتشم قاعدة وردة وسط البنات ما شاء الله

شكرا يا أستاذ لأهتمامك بطلبه الأزهر ❤ وعاشت مصر وعاش الأزهر👊👏

ماشاء الله على دكتورة الأزهر ربنا يحفظها و يزيدها و ينفع بيها حقيقى حاجة تشرف ❤❤❤

نحن طلاب الأزهر عايزين نوصل صوتنا🔊 لكل الناس لأننا موجودين معاهم 👆وهذا هو الاستاذ الوحيد اللي سأل علينا فنشكرك علي جهودك❤ ونرجوا أن الكل مثلك وأخيرا عاشت مصر وعاش الأزهر 💪

احسن حاجه ان الاستاذ محمد آخر واحد ممكن يعلن عن الأوائل ومن أفضل المدرسين حرفيا ٠٠تابعت معاه مراجعات نهائيه وكانت يوتيوب والحمدلله ربنا كرمني بمجموع 94% ودخلت طب بشري المنصوره

ي رب نكون مكانهم السنة الجاية 🥺💞🤲

الي أنا فهمته أن كلهم ليهم طريقه مختلفه يعني مريم مثلا قالت أنا طول منا صاحيه اذاكر وحد تاني قال إنه طلما خلص إللي عليه اعمل إللي أنا عايزه العب اعمل أي حاجة و مثلا البنوته إللي من اسيوط قالت إنها مش بتعرف تركز في السناتر علي عكس مريم كانت بتاخد كله سناتر يعني ب المختصر أن طبيعه البشر أن كل شخص فاهم دماغه وهو صاحب القرار أنه يمشي بطريقه تناسب عقله أو أنه يسمع للناس ويمشي بمبدأ مش مبدأه ❤ وب التوفيق

اكتر حد عجبني كلامه اياد حرفيا زي ماقال الموضوع بنسبه ١٠٠% توفيق من ربنا انا كنت مستنيه منهم كلهم يقولوا الكلام ده

طب انا جايب 402 او 98.1% الحمدلله 😘 والحمد لله مقفل فيزيا 😍 ارفعوا الكومنت ياشباب عشان يردوا

فخورة بمستر محمد عبد المعبود، ربنا يجازيه خير على تعبه، من المدرسين اللي بحترمهم جدًا، لما بشوف فيديو لحضرتك تلقائي بقول يا ربّ يدخل الجنة.

1:04:00 يسلم فوك يا ندى ، من أهم الكلام الي ممكن تسمعه بجد عن تفاصيل بنحسها بس بننسى نقولها في رحلتنا في السنة دي ،شابوه بجد و ياريت تهتموا بالكلام ده للدفع الجاية ، و انا دفعة 24 و كان الاحساس ده معايا دائما خصوصا اني كنت الاول على مدرستي بردو في ٢ ثانوي ،و اول محافظة في تالتة اعدادي،و غير الكلام الي قالته بعد كدا من الصورة النمطية للناس عن بعض المواد ،او التأثر بكلام بعض الطلاب عن صعوبة امتحان أو أن الاحياء متتقفلش و هكذا ، ف حطوا الكلام ده في دماغكم دائما و ربنا يوفقكم يارب

افضل اسلوب فى المذاكره ورحله الثانويه ليها هى طالبه الأزهر بجد تستحق التقدير🎉❤

مع كل لايك هعرف ان حد دعالى ان انا اجيب اعلى من 97% عشان افرح اهلى ❤ ولكم بالمثل ❤

دعوة مامت حضرتك اتحققت عشان حضرتك بتفيد طلاب كتيير جدا و بالتالي الطلاب يفيدوا غيرهم و غيرهم يفيدوا غيرهم و دايرة ماشيه لغاية ما نوصل للكون كله بقا ف كدا يبقى ربنا نفع بيك الكون كله بإذن الله ❤

احساس إنك بتسمع الفيديو وانت أولي طب بشري👨‍⚕️♥️...........

ياريت ندي تقوليلنا إيه هي الكتب اللي حلتيها طول السنه ارفعوا التعليق علشان ندي تشوفه..❤

يا رب محمد يجيب %97.07 ان شاء الله يوم 8/5 السنه الجاية نكون محققين كل احلامنا ''وتذكر 'إن الله لا يضيع أجر من أحسن عملا

اولا مبارك لكل الاواىل وربنا يديم عليهم نعمة النجاح ثانيا يا مستر ممكن تلقى نظرة على باقى الطلبة اللى كانت مع حضرتك وكان نفسها تجيب اواىل جمهورية بس التوفيق محالفهمش احنا نفسنا برضو نشوف حضرتك ونتكلم ونفيد الناس بتجارب نجاحنا حرفيا انا وكتير من صحابى كان نفسنا نطلع اواىل جمهورية عشان نقابل حضرتك بس والله ممكن تبقى تعملنا يوم لطلاب عبدالمعبود نشوف حضرتك فيه ارفعوا الكومنت عشان المستر يشوفه

شَكَوتُ إِلى وَكيعٍ سوءَ حِفظى فَأَرشَدَني إِلى تَركِ المَعاصى وَأَخبَرَني بِأَنَّ العِلمَ نورٌ وَنورُ اللَهِ لا يُهدى لِعاصى

ما شاء الله بجد يستحقوا جدا انهم يكونوا اوائل وبجد استفدت جدا لان الفتره دي متوتره جدا وان شاء هبذل قصاري جهدي علشان خاطر حلمي وحلم اهلي +ان الله لا يضيع اجر من احسن عملا❤❤❤❤ادعولي❤

انا ادبى وقاعده بتفرج بجد وتأثرت وبقول بكرا ابقى مكانهم نسيت انى ادبى😂😂 طيب انا بعيط دلوقت ليه بقى🥺😭 ان شاء الله ابقى من اوائل الجمهورية في ادبى 2025 😊❤❤❤❤

والله كل سنه بحب اسمع لأوائل واسمع نصحيتهم❤ بس السنادي أنا المفروض الدفعه اللي تاخد بالنصيحه ده شعور يعني مليئه بالتوتر وانا أقوله يارب السنه فوق قدراتي فاستلمها انت وباركها وفرحني فيها ثقتي فيك مش في قدراتي الضعيفه

كنت محتاجه الفديو ده بجد انا مراكمه وفي اسوء حالاتي لا شغف ولا طاقه وعلاقتي مع ربنا مش احسن حاجه مش قادره 😢اقعد على مكتب ومش عارفه اذاكر ولا اعمل حاجه وفي نفس الوقت مش عايزه افشل عندي اهداف كتير وصلت لدرجة معظم يومي بعيط من قله حيلتي عايزه احقق حلمي وحلم اهلي وافرحهم انا هتغير وهبدأ الم التراكمات وهجيب اخري وباذن الله زي الايام ده تكون حضرتك بتكرمني وانا نن اوائل الجمهوريه ❤لو حد يقدر ينصحني اكون شاكره لي ❤

الاستاذ محمد عبد المعبود ربنا يباركله حقيقي من افضل المدرسين علميا وخلقيا مفيش طالب الا وهيستفاد منه خلقيا وعلميا

انا اهم حاجه لاحظتها تكون مع ربنا هتنجح مهما كان بقى دروبات مصائب فالله دائما عند ظن العبد به و الله لايترك احدا توكل عليه❤ و صلو على النبي

مش قادره أقول حاجه غير ربنا ييسرلي الطريق الصحيح اللي أنفع بيه أمه نبينا محمد صلى الله عليه وسلم ❤❤ أول مره شوفت مستر عبد المعبود حسيت بالقبول إتجاه الماده خصوصا أني بعدي فيها بالرفع بس الحمد لله تحسنت كتير مع أني لسه مشتته بس إن شاء الله ربنا يكتبلي التوفيق و أقدر أدخل طب بشري عشان بجد عقلي في مشاريع كتير جدا هحتاج فيها الطب و ربنا يباركلك يا مستر و ينفع بيك الكون كل زي ما والدت حضرتك قالت ربنا يباركلها في صحتها❤❤❤

السنه الجايه بأذن الله 10/6 هاجى اقولك انى حققت حلمى ودخلت طب بشرى لانى حلم انا وامى وابويا وعيلتى كلها🥺💜💜💜💜💜💜💜💜

ما شاء الله رؤي جميله جدا وخجولة ❤ربنا يوفقها ويحفظها❤ ويكونو دايما ناجحين جميعا ومتميزين❤

كُلنا يَاربّ كُلنا بلا إستثناء 🤍 ‏ أن يُصاحبنا الجبّر كرفيق عَزيز لا يُغادرنا الدَّهر كُله..🥀

حق لنا أن نفخر نحن فتيات الأزهر أقسمنا يمينا لا نقهر وكتاب الله بأيدينا نقتحم اليابس والاخضر❤

بنت الميس رانيا رحاب احسن وحده و محتشمه ماشاءالله ويارب وفق الجميع🎉

دائما طالبات الأزهر مشرفينا❤ واهتممكم بطلبة الأزهر بيشجعنا

بنت المنيا ربنا يحفظك لأهلك و يبارك فيكي قليلين ال زيك اليومين دول والله انت فخر لكل واحد

طلاب مستر محمد اؤال الجمهوريه كل سنه و مستر محمد بنفسه اول جمهوريه في مجاله كل سنه وربنا عظما 😎😎😎😎😎😎❤️❤️❤️❤️

اللهم انى أسألك بااسمك الستير ان تسترنى فوق الأرض وتحت الأرض ويوم العرض عليك 💗💗💗

ربنا يرزقني بمجوع 97 و اكون مكانهم السنة الجاية (حسبنا الله سيؤتينا الله من فضله إنا الى الله راغبون)❤

ياه رحاب فخر الأزهر يارب أكون مكانها يارب مريم تكون الأولي علي الجمهورية هي وكل من قال آمين سواء ثانوية عامة أو أزهرية يارب🥺❤️

يعم عيب والله تسحب الشاشه ومتصليش علي النبي والله خسران❤

‏﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾ ‏- سُبحان الله . ‏- الحَمد لله . ‏- لا إله إلا الله . ‏- الله أكبر . ‏- أستغفِرُ الله . ‏- لا حَول و لا قوة إلا بالله . ‏- سُبحان الله و بِحمده . ‏- سُبحان الله العَظيم . ‏- اللهم صل و سلم على نبينا محمد وآل محمد .

شكرا يا مستر على اهتمامك بطلبه الأزهر وعاشت مصر وعاش الازهر

انا معرفش اياد بس حقيقي فخوره بيه وانه عايز ينفع بلده ويزدهر بيها ربنا يوفقه 😊😊

الله يبارك فيكي يا رحاب ❤رفعت محافظة المنيا و بني سويف الله يباركلك ❤الله يباركلك لأهلك ❤عبال اختي ❤ارجوكم ادعولها تبقي زيكم ❤❤❤❤😢❤❤

ماشاءالله اللهم بارك عليهم انا دفعة 2024ومستمتعة جدا اني بسمع ليهم ربنا يكرمهم ف اللي جاي❤

مبسوطه جدآ بمركز ديرمواس المنيا محافظتي❤ يارب السنة الجاية اكون مكانهم يارب ماشاءالله عليكم اللهم بارك❤

يا رب السنة دي تكون أكثر سنوات حياتنا ازدهار و نجاح و تفوق🥺❤️‍🩹

ظننا ب الله انه لن يضيعنا ❤❤ يارب مكانهم السنه اللي جايه

احب اقول لحضرتك يامستر جهزلي الدرع من دلوقتي وان شاءالله بإذن الله تعالي زي الايام دي تبقي حضرتك بتكرمني وانا الاولي علي الثانويه العامه ❤❤ وبشكر حضرتك جدا علي مجهودك الرائع الجبار معانا 🤍

ما شاء الله تبارك الله ❤️ عقبال ثانوية عامة 2025❤❤ واجي احتفل معاهم بقا لأنها سنة تخرجي من الكلية 😂❤❤❤

اللهم توفيقاً في كل دربٍ وتيسيراً في كل أمراً يارب الستر والصحه واول جمهورية يارب بإذن الله

ياجماعه انا دفعة ٢٤ مجبتش مجموع عشان ربنا موفقنيش بس فككم من كلام العيال اللي بتقول الامتحانات صعبة وكده بالعكس الامتحانات حلوة وتتقفل عادي انتم بس ذاكروا كويس وحلوا كتب اسئلتها كويسه هتلاقوا امتحان اخر السنه زيهم

ياارب ابقى منهم السنة الجاية ويسلام لو الاولى واجى اقعد مع المستر كده ❤ يارب يارب انك على كل شئ قدير...

اياد رفع راس بلدنا وفخر ليا انو يكون صحبي وربنا وعدنا ٢٠٢٥

دكتورة مريم إيهاب محافظة قنا محافظتي يارب اكتب لمريم محمد تبقي مكانها وتطلع الأولي علي الجمهورية يارب🥺❤️

كل الشكر والتقدير لمستر محمد عبد المعبود علي اهتمامه لطلبه الازهر

انا دفعه ٢٤ سمعت الفديو مش عارفه ليه بس حابه اقول خلاصة الموضوع هو توفيق ربنا في الاول والاخر يعني بعد ما تجتهد وتتعب وتعمل كل اللي عليك وربنا وفقك هتوصل لو ربنا موفقكش مش هتوصل للحاجة المعينة اللي انت عايزها ساعتها ممكن يكون شايلك حاجة تانيه

النهارده 6/10/2024 يارب اللهم طب بشري عين شمس واكون من اوائل الثانويه العامه السنادي واقابل مستر عبد المعبود بإذن الله يارب انا وكل من يتمني شيء وبإذن الله ارجع للكومنت دا بعد النتيجه❤

‏‪1:29:37‬‏ هي اتكسفت ليه ؟؟😂

`كيف نصلي علي النبي محمد ١٠٠٠ مره` ؟ *اللهم صل وسلم وبارك على سيدنا محمد وعلى آله عدد حروف القرآن حرفاً حرفاً، وعدد كل حرف ألفاً ألفاً، وعدد صفوف الملائكة صفاً صفاً، وعدد كل صف ألفاً ألفاً، وعدد الرمال ذرة ذرة، وعدد ما أحاط به علمك، وجرى به قلمك، ونفذ به حكمك في برك وبحرك، وسائر خلقك* 🥺💐

اللهم بارك مع انى دفعه أكبر بس كانت تذكرة جميلة بحاجات كتير فى حياتى جزاكم الله خيراً الشيخ بلال و رحاب زهرة الأزهر

يا رب أجبر بخاطري واجيب 99% نفسي في طب بشري ادعولي أفرح أهلي وأكون معاهم السنة الجاية 💟

بفضل الله رايحه خامسة كلية و كل سنة بسمع الفيديو و بستفيد جدا من المستر و الطلبه حقيقي ربنا يبارك فيهم و يوفقهم في الي جاي يا رب ❤❤❤❤

انا الحمد لله طب بشرى ٩٥.٦١ اونلاين كان نفسي اقابل حضرتك جدا بس الحمد لله علي كل حال ❤❤

‏‪54:51‬‏ ربنا يبارك في حضرتك يا مستر حضرتك سوي نفسيا جداااااا وقدوة لينا كلنا و لأي حد❤❤❤❤

يارب نكون مكانهم في نهاية السنة ..... اللهم وفقني ومن معي في هذه السنة🤲❤

ادعولي انجح السنه ديه يا جماعه واحقق حلمي ولكم بالمثل

دفعه 2025 🙂 يارب نحقق كل الى بنتمناه 🤍🥺 يارب انا كل ايد تصلى على النبى تجيب فوق 90%

يا رب حقق حلمى زى ما هو حققوه *‏ربي تركناها لتدبيرك وتسهيلك وأنت خير المبشرين* . 🤲♥️يارب اعنى على مزاكرتى يا رب

يارب نكون كلنا مكانهم كمان كام شهر موفقين ورافعين راسنا واهلنا فخورين بينا ونحقق احلام مسيرتنا التعليميه يارب اجبر بخاطرنا❤❤

أنا دفعة 2025 ودايما بحب أتابع الأوائل، إن شاء الله السنة الجايه أكون مكانكم كده ومحققه حلمي ،ادعولي بقا 😊❤❤

الحمدلله 97,8دفعة 2024،وأوائل الجمهورية فرقت على حاجة بسيطة ،كله بسبب الفرنساوي بس الحمدلله على كل حال 😂❤

يا مستر بالله عليك خلينا الحصة في المنصة كلها علي بعضها او تتيح لينا محاضرات السنتر 😢

ربنا يوفقهم جميعا يارب ويوفقني انا دفعه 2025 واجعل كلية طب بشري من نصيبي ونصيب كل من يتمناها لإنها حلمي من زمان 🤲🤲❤

مشاء الله عليكم جميعا وربنا يوفقو في كل اللي جاي يارب بلص شكرا جدا لمستر محمد عبدالمعبود علي هذا القاء الجميل ❤❤.

للأسف معملتهاش ومكنتش وسطهم بس الحمد لله على كرم ربنا وعطاياه :(

ربنا يكرمنا ويوفقنا بإذن الله ونحقق اكتر من اللي نفسنا فيه ونبقى مكانهم السنه الجاية اللهم آمين 🤍

انا حبيت مريم ايهاب اوى ما شاء الله عليها بجد عفويه و حلوة اوى و شخصيتها جميلة و ضحوكة ربنا يبارك فيها ان شاء الله و يرزقنى المكان دا السنة الجاية ان شاء الله بنت بلدى 😂❤❤❤❤

اللهم بارك علي زهره الازهره ربنا يثبتها ويزيدها ولا يفتنها في دينها وارزقنا اللهم امين

بجد ما بطلتش عياط وانا بسمع الفيديو يارب اكون السنه الجايه زيكوا بالظبط ويفرح والدتي يارب 😭❤❤❤❤

أنا مراكمه ويعتبر لسه مبدأتش جد ولسه عندي الاحسن بس خايفه أكون متأخره بس انا عندي يقين بالله ان اكون الاحسن واحقق حلمي ان ادخل طب بشري بمجموع عالي الفيديو ده اداني دافع ان اذاكر اكتر وان فعلا (ليس للإنسان الا ما سعي وان سعيه سوف يرى )عندي يقين وثقه ف الله ان أكون زيهم السنه الجايه ان شاء الله ربنا يحققلنا حلمنا كلنا يارب ادعولي ولكم بالمثل

و الله الواحد قصر أوي في أول السنه يا رب أعوض التقصير و أبقا في مكانهم 🤍🤍

بجد كمية طاقة إيجابية في الفيديو رهيبة 🥹🥹❤... إن شاء الله السنة الجاية أكون مكانهم ❤❤

انا شايفة ان مش كل شخص جاب مجموع عالى يبقى اجتهد اكتر من اشخاص جايبة اقل منهم فى المجموع فى كتير اوى عيال ممكن تكون ذكرت اكتر من اوائل الجمهورية بس ربنا مش كاتب انهم يجيبوا مجاميع عالية وكمان مش كل واحد جاب مجموع قليل يبقى مذكرش لأ فى كتير ذاكر بس مجابش فى الاول والاخر ده بيبقى توفيق من ربنا بس ده مش معناه انك متعملش اللى عليك اعمل اللى عيلك وزيادة

اللهم بارك🤍 نماذج مشرفة خير الشباب انتم والله ربنا يبارك فيكم ويرزقنا كلنا العزيمة على تحقيق آمالنا 🤍 #دفعة25

كان نفسي اقعد السنادي على الكرسي دا معاهم 😭😭😭 بس ولله الحمد دخلت هندسة وحققت حلمي بردو فإعدادي هندسة حاليا 🥰. والحمد لله حتى يبلغ الحمد منتهاه لا ننكر فضل الله علينا ومنته وكرمه وتوفيقه ان حقق لنا كل احلامنا عدا هذا 😊😊 يلا ان شاء الله آجي مع اختي السنة الجاية 😂 هدني وراها لحد ما تقعد هنا 😂

ان شاء الله السنه الجايه مستنيه لقاء حضرتك بجد لانك اب قبل ما تكون معلم لينا ربنا يبارك في حضرتك وان شاء الله نكون قد ثقة حضرتك فينا ودايما الاوائل من طلابك يارب❤❤

انا جايب 404 بنسبه 98.54% ارفعوا الكومنت عشان يردوا

اللهم بارك 💗💗💗💗💗💗 عقبالي يارب 💗 ادعولي أجيب مجموع فوق 95% وأسعد والدي ولكم المثل 💗

يا رب يا مستر اكون معاك السنة الجاية و اجي و احكي قصتي و ازاي وصلت لحلمي 😢 يا رب اللهم وفقني لطريق تحقيق حلمي يا رب العالمين

بجد ربنا يبارك ف حضرتك ي مستر ❤ حضرتك بتسألهم الاسئله اللى ممكن اى طالب يحتاج انه يستفسر عنها لذلك ماشاء الله الفديو فيه كمية استفاده مش طبيعية ❤❤

شكرا ي مستر لاهتمامك بطلبة الازهر ❤💫

لا تنسوا الدعاء لإخواننا في غزه والسودان و سوريا و لبنان 😢❤❤

ربنا يوفقهم في الثغر اللي ربنا اختارهم ليه، مش مجرد كلية فـ كلًا منهم على ثغر، ربنا ينفع بيهم وبعلمهم

ما شاء الله ❤يارب أبقي مكانهم السنة القادمة بإذن الله علشان أفرح أهلي أنا طمعانة في كرم ربنا ❤❤

دكتورة / مريم إيهاب فخر مركز نجع حمادي و فخر محافظة قنا

يارب ابقى مكانهم ف يوم من الايام يارب يارب مفيش حاجه تدل بس انت رب المستحيل😢❤

ما شاء الله ❤ ربنا يجعلنا وكل من قال آمين بمثابتهم وفى مكانتهم ❤️

يارب اكون مكانهم السنه الجايه ❤ وربنا يوفقني و يحققلي حلمي ❤❤ وافرح بابا وماما ❤

ي رب اجيب طب بشري تالته ثانوي دفعه 2025انا وكل من قال امين ❤❤

اكتر حد بجد عندها فهم متحضر وعارفه هى بتعمل ايه الدكتوره سلمى إلى جنب المستر على طول انا شفت ليها لقاء قبل كده فى اول السنه بصراحة رائعه وهتحقق حاجة كبيره فى المستقبل والبنت الازهريه انت اصلا سكر كده لنفسك وكلكم بصراحه مميزين فى جهدكم والشيخ بلال برضوا حد تحسوا القران فعلا معلم على شخصيته اسال الله أن يوفقكم جميعا وانى ابقى فى مكانكم السنه القادمه وافرح أهلى بإذن الله ❤