يارب جيب ال600 أنا وكل حدا درس وتعب انشالله انتو قداا قربنا نخلص..بس انشالله يكون الوقت مناسب مع طول الأسئلة ومايصير فيني متل الدورة الاولى لما وصلت ع اخر مسألة اكتر شي خايفة من الوقت 😢بس انشالله خير❤❤
هاد الفيديو كان السبب بعد رب العالمين بإني اتشجع وأأكمل للرياضيات أنا دورة 2023 جبت بالدورة الأولى 575 والكل قلي مو مستاهلة تأكملي وأنتي جايبة 235.9 وكنت متمنية من أول السنة إني سكرها لأنها أكتر مادة بحبها وحبيتها بسبب آنساتي وبسببك أستاذ أكملت وسكرتها ورفعت مجموعي لل238.4 ومعه حق مشان التوتر ضمن الامتحان وقبله انا كنت رايحة عالتكميلي وكأني رايحة حل نموذج بالبيت اتطعلت عالورقة وقلتلها أنتي مارح تحددي مستقبلي انا مستقبلي تحدد وعلاماتي كتير منيحة وبتجيب الفرع اللي بدي ياه أنا بس بدي ارفع علامتي لأني بستاهلها وجبتها 600 والحمدلله وانا هلء تحضيرية دمشق ادعولي اتوفق وجيب الفرع اللي بدي ياه يا رب شكرا كتير أستاذ 💗💗💗 والشب أحمد كتير محترم وخلوق موفق كتير بحياتك
بدفعة 2022 اكملت الرياضيات من 548 زادت ل593 بس اهم شي للطالب يحل المكثفة بتخلي طريقة التفكير سريعة جدا بالامتحان لان بتكون متوقع أي صيغة للسؤال ..واليوم انا بفضل استاذ فارس و الحمد لله طالبة تحضيرية و مزنوقة بالفيزيو ادعولي 💜💜
أحلى شي قالو مستعد ضحي بوقتي منشان أنقذ حياة الناس ❤❤ بس هيك أشخاص بيحقلها تفوت طب مو أي حدا بس لأن جاب علامة وهوي مو خرجو الطب او حتى جاب علامتو بالنقل وبس لأن العالم بتقول طب والطب أحسن شي لهيك بيدخل طب وبيطلع فاشل بس لأن ركد ورا الحكي متل ما قال الشب أنت مو مستعد تضحي بوقتك وحياتك ما خرجك تأنقذ بالمستقبل حياة الناس أنا بالنسبة إلي متل ماقال صعب عليي هيك فترات دراسة ومافيني اتحملها لهيك إذا بجيب علامة الطب أو لا مستحيل أدخل طب لأن مو مستعدة بالمستقبل حدا يخسر حياتو بسببي بس لأني مو متمكنة من الطب ولأن فتت بس رغبة بالسمعة أنو شوفو هي دكتورة يمكن هوي عم يحكي بشي وأنا حكيت بشي تاني بس لأن عنجد كتير كتير زاد الحد كل ما حدا جاب علامة يلا بتصير دكتور وبتعالجنا بس منشان السمعة.....
يعطيكن العافية طلاب الباك 2024 حابب احكي عن تجربتي بالرياضيات بالباك 2023 انا مادة الرياضيات كنت متل الشب كتير حبها وقول بدي ال 600 بهي المادة دونا عن غيرها انا درست هالمادة بحب كبير واهتمام كبير كمان انا قدمت اول دورة جبت 579 للأسف تاني مسألة تسرع بلاشتقاق روحلي ال21 علامة كان مجموعي اول دورة 237.4 عقد ما كنت مبسوط بهالمجموع زعلت كتير ع اكتر مادة بحبها وأكملت واصريت اني جيب ال 600 وأكملت وطلعت العلامات مع اني كنت واثق انو ما معي ولا غلطة طلعت 590 وقتا ما تقبلت هي الفكرة أبدا وقدمت اعتراض وقتا كل رفقاتي انو شو هالمجنون هاد ع 10 علامات بدو يزيد والف الحمد لله بعد26 يوم انتظار لاعتراض طلعت العلامة وجبت ال600 يعني ع آخر نفس بس آخر شي حققت اللي كان ببالي ❤ الفكرة انو هي الفترة اكيد صعبة وفيها شغل أعطو كل طاقتكن للشي اللي بتحلمو فيه وضلو حاولو فيه لآخر نفس واتذكروا دائما انو الله ما بضيع تعب حدا وما في شي مستحيل طالما الواحد عم يتعب ويجتهد والله يوفقكم جميعا ❤
@@ragnoormeh للصراحة العاشر والحادي عشر الن أهمية يعني بالباك بالرياضيات بس انو ترميمن مانو صعب ممكن بس تركز ع كم فكرة بالصيف تشتغل علين من العاشر مثلا مجموعات التعريف والتوابع الصحيحة والجذرية والكسرية وحل المتراجحات كمان والمعادلات من الدرجة التانية والتالتة يعني الدلتا وهالشغلات هي واكيد الاشتقاق والنهايات والأشعة من الجزء التاني بس هيدول حتى لو ما رممتن عادي موجودين بشكل مفصل بالوحدة 2 و3 بالجزء الاول طبعا وبالتوفيق يارب ❤️
@@ragnoormeh طالما مشتغلة ع هالشغلات منيح قبل فلا تخافي هوي اكيد هيي مانها مستحيلة ابدا يعني حتى انا لركزت تماما كان باول الدوام بايلول الوقت معك كتير هلق اهم شي انو كل ما تاخدي وحدة لا تتركي فيها اي تمرين الا وتحليه طبعا ما عدا كم سؤال بالوحدة بكون واضح انو ما بيجو وخصوصي بالاتمتة واهم شي حل الاتمتات قد ما فيكي لكل وحدة وانك تلاقي اكتر طرق مختصرة وسريعة وطبعا هاد مع الإعادة كلو مضمون أنا في شغلة كنت اعملها بالرياضيات انو ما اقطعها ابدا كل يوم لو تمرين واحد واهم شي لا تراكمي ابدا وهبي الرياضيات لما تكوني عم تدرسي دائما بلشي كلمة كلمة من السهل للصعب لانو قد ما حليتي اكتر بصير عندك دافع للدرس طبعا لا تواخذني ع الإطالة بس هي تجربتي بتمنى تكوني استفدتي منها ولا تخافي ما في شي صعب ابدا وموفقة انشالله باعلى العلامات
أنا كنت عم ادرس من مكثفة الاستاذ فارس جقل الحمدلله جبتا ٥٨٥ وحسنت ودخلت تحضيرية وطبعا بالتكميلي ما اخدت دورات ولا شي بس تابعت الأستاذ في معكم وقت كومة بس نظموا وقتكون والله يوفقكون و جد ممنونه كتير للأستاذ فارس جقل
هاد التعليق حابة طمنكن ك طلاب في إنو المكثفة باذن الله كافية ❤ تناقشت أنا و طالب عالفيس كان منزل بوست عم يسأل في إذا كانت مكثفة الاستاذ المبدع فارس جقل كافية لتضمن 600 بالتكميلي قلتلو اي قال حتى لو اجت الاسئلة صعبة بالدورة التانية ما رح يجي براتا قلتلو اي وطلاب كتير قالتلي بركي ضربو مكثفة الاستاذ فارس و جابو براتا قلتلن معناها بجيبولكن اسئلة وطنية او ديانة او شي مادة تاني من المريخ بدل الرياضيات وهالشي مستحيل الخلاصه ياجماعه الخير المكثفة كافية و بإذن الله تعالى و هي شاملة لافكار الكتاب و هني برا أفكار الكتاب ما رح يجيبو بس شرط تدرسونا كلها وتحلوها بايدكن و تفهمو كل افكارها بالتوفيق للجميع ❤❤❤❤
انا دورة هالسنة قدمت الدورة الاولى حصلت مجموع صافي ٢٠٤ والحمدلله على كل حال رح قدم تكميلي رياضيات وعربي فقط خسرت بهل مادتين ٣٣ علامة ٨ علامات بالعربي و ٢٥ بالرياضيات وبقية المواد في مواد تامة ومواد رحلي شغلات بسيطة مو نقص دراسة ولكن متل الي حكاه الشب توترت كتير ك تجربة اولى الي و هالشي ادى انو الوقت يروح مني وما قدرت سيطر عليه و ان شاءالله املي كبير وايماني بالله كبير انو هدول علاماتي ورح رجعهم كلهم الامتحان بعد يومين دعواتكم النا والله لا يضيع تعب حدا ❤
شكرا استاذ فارس على كلشي استاذ المكثفة كافيه لحالها ندرسها لحتى نجيب 600؟ في داعي نرجع نعيد كتاب ونحل نماذج ؟ أنا حليت المكثفة كلها ولاحظت فرقت معي. أنا بس ندمت اني ماتابعتك من اول المدرسة لأنو في استاذ رياضيات بعرفو قلي لا تتابعيه💔 بس عنجد هلق وقت تابعت معك ع المكثفة والشروحات صرت متمكنة اكتر وكتير شغلات ماكنت بعرفن من الدورة الأولى هلق صرت متمكنة فيهن شكرا كتيير استاذ ❤️❤️
يا استاذ بحبا لهالمادة و كنت قول ما عندي مشكلة شو ما جيب و المهم جيب رياضيات تامة و المشكلة انضربت رياضيات و فيزيا و بعدني ما بلشت بس ان شاء الله هلق اتحمست و رح بلش هلق اسهر عالنواسات خلصهن 😂 يا استاذ ادعيلي ما جيب نفس الشي بالفيزياء 😂😃 كمان شغلة انا دايماً بحل بالترتيب ليلة الامتحان قررت بكرا حل بطريقتك و ما جربت حل نموذج و زاد معي وقت و ما توترت ؛ صحيح علامتي ما عجبتني دورة اولى بس رح جيب ال الستمية ان شاء الله
صار حلمي الوحيد إني جيب ٦٠٠ بالتكميلي لأن الأستاذ فارس عندو قدرة بخلي الطالب يحب الرياضيات وفعلاً خلاني حبا وأحضر جلساتو بدون ملل الأستاذ اينشتاين جقل ألف شكر الك❤️❤️🫶
طلابنا الغوالي💙 شروحات مكثفة الرياضيات ( طريقك نحو ال 600) على قنوات يوتيوب youtube.com/@on-line قناة خاصة تلغرام لشروحات مكثفة الرياضيات 2023 مع حل الوظائف 👇 t.me/to600forever _______________________________ فديوهات وظائف مكثفة طريقك نحو ال 600 موجودة بهذه القائمة 👇 الرجاء التجريب أولا ثم التأكد من الحل وهذه القائمة متجددة سيتم تحديثها كل فترة للتأكد من حلول وظائفكم تاغات لرفقاتكن💕💕 ru-vid.com/group/PL_wMoU2WzqG0xpcMEhPi63E-WOkImlOf3 _____________________________ شروحات مكثفة الكيمياء على قنوات يوتيوب youtube.com/@user-ui3gf6po3v قناة تلغرام خاصة لشروحات مكثفة الكيمياء 2023 👇 t.me/cheme2023 ________________________________ شروحات مكثفة الفيزياء على قنوات يوتيوب youtube.com/@user-ui3gf6po3v قناة تلغرام خاصة لشروحات مكثفة الفيزياء 2023 👇 t.me/ph2023bac ______________________________
يعطيك العافية أستاذ انا رايح خلص الجزء الاول من المكثفة بلحق الجزء الثاني لقبل الامتحان طولت لانو صار معي ظرف ياريت تطمني واذا في طريقة لخلص المكثفة بسرعة مشكور استاذ على جهودك انا تبع اذا صغرنا الجلسة منجيب 400🤣
أستاذ انا معي عقدة من الرياضيات مستواي بكل المواد جيد جيداً الى ممتاز إلا الرياضيات يعني خايف إني ما انجح فيها، واتوقع العذر من استاذي والمشكلة بمنطقتي الاساتذة ماشيين كتير ومابقدر تابع معهم متوتر وخايف عيد السنة من ورا الرياضيات