عندي عجانة اديسون من السيف غاليري حلوه مرا وسعرها حلو وللحين ماشاء الله معاي وتعجن تمام وحلوه للاستخدام العادي لكن حلوه للامانه مرا بس مدري اذا للحين متوفره او لا ، استغفرالله العلي العظيم وأتوب إليه. سبحان الله وبحمده ، سبحان الله العظيم. اللهم صل وسلم على محمد و على آله وصحبه آجمعين.
أنا اشتريت من السيف عجانة من شركة جانو ماهي بطاله واشتريت عجانه من كينوود ممتازه بس لاتاخذين الي فيها ملحقات لأن الصراحة كبيره والملحقات أحس الوحده تستخدم المفرده احسن بالنسبه لي إنتم عندكم محل اسمه دنيا الأسعار فيه تخفيضات رهيبه لأن السيف ولا قصر الأواني اسعارهم غاليه وفيه شركة على كيفك دايم اشوف إعلاناتهم والصراحه أنصحك بالعجانه تخلي العجينه قطنيه تهبل
انصحك عجانه السيف جانو لونها احمر او ابيض خمسه في واحد عمليه فيها فرامه وفراده سمبوسه البف و اله الكبه كاس للعصير وطاحن القهوه ملحقات العجان سعرها في السيف جالري ٤٩٠ تقريبا سعتها كبيره اتوقع سبع لتر تكفى عايله كبيره
تسلم يدينك.وعليكم بالعافية. كلامك صحيح ناس كثير يحبونها. انا اسويها من حوالي ٦سنوات . مره سويتها حق ولدي عندهم جمعة في رمضان وكل واحد يجيب شي ومن ذاقوها وهم خلوه نصيبة دايما هذي اللقيمات . انا احط عليها دبس التمر وتطلع لذيذة. بس صراحة ماكنت احط جبن مع العجن بس نحشيها بجبن .لكن احس لماتعجن مع الجبن تطلع ألذ. بجرب ان شاء الله. بالنسبه للعجانه انا اخذت السيف من كم سنة وبالتخفيضات اسعارها جدا مناسبة . وروووعة في العجن . نسيت اقول اني مااغمسها بالشعيرية اسويها بدونها وتطلع لذيذة.
سأل رجل مهموم حكيماً فقال : أيها الحكيم لقد أتيتك وما لي حيلة مما أنا فيه من الهم ؟ فقال الحكيم : سأسألك سؤالين وأريد إجابتهما فقال الرجل : أسأل .. !! فقال الحكيم : أجئت إلى هذه الدنيا ومعك تلك المشاكل؟ قال: لا فقال الحكيم : هل ستترك الدنيا وتأخذ معك المشاكل ؟ ... قال: لا فقال الحكيم : أمر لم تأت به، ولن يذهب معك. الأجدر الا يأخذ منك كل هذا الهم فكن صبوراً على أمر الدنيا وليكن نظرك إلى السماء أطول من نظرك إلى الأرض يكن لك ما أردت ، ابتسم فرزقك مقسوم وقدرك محسوم وأحوال الدنيا لا تستحق الهموم لأنها بين يدي الحي القيوم،،،،ء
السلام عليكم ورحمة الله وبركاته انا اشوف تاخذي عجانه ماركه كويسه حتى لو استخدامك لها قليل انا كان عندي عجانه مو اصليه وكان معاها ملحقات وماكانت غاليه كانت ٣٠٠ ريال ولكن خربت بعد ٦ شهور واخذت بعدها كبنود ولها عندي الان اكثر من ١٠ سنين فأنصحك بكينود
العجانه اذا ماتستخدمينها كثير خذي عجانه من نون رخيصه وحلوه جودتها بعض الاوقات تصير عليها تخفيضات اقل من ١٠٠ ريال حتى انا نفسب اشتريها بس مااستخدمها كثير وتاخذ حيز كبير فالمطبخ احتمال اخذ من نون لاني اخذت اجهزه منهم كثير ولها سنين عندي ماخربت
خذي عجانه اديسون اربعه في واحد تعجن و معها خلاط و مطحنه و فرامه لحم اخذتها من السيف غاليري ب ٤٨٨ توي من اسبوعين اخذتها اتوقع العرض باقي موجود الحقي عليه ❤