للاسف استغلوا طيبتي وخسرت نفسي وصحتي✋من اليوم فرصة نتغير في معاملتي مع الناس ونقص من الطيبة الزائدة 

عندك الحق ماما حلومة طيبة زائدة خلاتني نعاني لحدي اليومنا هادا دبة منين جمعت راسي او شديت رجلي وليت خايبة واش نبقى هكذا ولا نولي كيف كنت عفكم ديرو جيم باش تشوفو ماما حلومة

هاذ القضية ديال نخلي ولدي عندك وقعات ليا، بنت خالتي قالت ليا غنجيب ولدي يدوز عندك السبت والاحد وافقت وجا عندي ولكن قلت مع راسي خاصني تا نجربها ونخلي ولدي عندها ،فعلا مشا ولدي دوز النهار الأول والنهار الثاني عيطات وقالت ليا ر ولدي غيمشي لابسين مع صاحبو اجي تاخذي ولدك من تم مبقاتش كتجيب ولدها لانها جربت منين خليت ولدي عندها وتهنيت والحيلة أحسن من العار

السلام عليكم الأخت حلومه انا خاصني نصيحه على قبال جارتي اتمنى تتفهموني أولا انا متزوجه وعندي ثلات أولاد يعني منشغله بزاف وجارتي راجلها مات الله يرحمو وأولادها كبار خدامين المشكله انها ساكنه عندي لأتفه سبب دق في الباب ونقولها مشغوله تدخل بلا عراضة وتبقى شايخه في كلام انا مايهمنيش حتى ونقول ليها خاصني نصاوب لغدى تقولي واش غالي ديري يعني متطفله بزاف وترجع لعشيه تحب كأس أتاي ما تخرج حتى مع وقت لعشى وانا راجلي خدام ولدي خدام خاصهم عشيوه في وقتها حتى وصلت بيها الأمور تحب تعرف واش من مشتريات جاتني من عند livreurs راه الكلام طويل عندها فوق الخمسين وانا عندي ربعين اذا لبست شي حاجه قصيره في المنزل بالطبع تقولي شرفتي مابقالك تلبسي وتتجملي ادا بنتي خرجت تحضيها من النافذه وتقولها فين غاديه انا حشمانه من ولادها الصراحه داخلين سوق راسهم قوليلي كيفاش نتعامل معاها يرحم الوالدين

انا راني باقية هكاك ديما داري مفتوحة لبعيد و لقريب كنسمح فوليداتي باش نرضي الناس. تخيلي حتا من اختي الى مشيت عندها لدارها كنقلع سباطي ف الباب و نبقى نعاونها و هي إلى جات عندي كدخلي بسباطها حتا لقاع الدار و متهز حتا كاس و كنحشم نهضر معاها. ولكن دبا نبدا نتغير حتا انا

السلام ياريت تقراي ميساج أنا عندي أخت زوجي مكتسولش فيا و نهار فاش تجي عندي كتكلم بلغوات مع دخلة تاع الباب(علاش مكتسولوش أمكتعيطوش...) نتمنا تجاوبيني باش غنجوبها كنحس فحال إلى أنا ألي مني الغلط وشكرا تحياتي لك وبالتوفيق إنشألله 💐🌹💐🌹💐🌹👍👍

أنا من الجزائر واقدم دروس خصوصية بلا ثمن في سبيل الله ولكن الناس يستغلون طيبتي واليوم أصبحت مريضة والحمد لله كل الاحبةفي الله نصحوني وسمعت نصيحتك واليوم تركت هذا الناس وشكرا اختي في الله من الجزائر اشكرك وابعث لك التحية والحب من وهران تحياتي لك شكرا اختك سعاد

يلاه عقنا اختي حتى فات الفوت و الناس ولفوا فينا نكونوا ديما رهن الإشارة ديالهم. شكرا لك على هاد النصائح القيمة.

لا توصي يتيم على بكا اختي بنات اليوم جامعين راسهم ومحافضين على صحتهم كاع ماتيطيحوها على الامهات ديالهم عاد يطيحوها على البراني

ماما حلومة بغيت نمرتك بغيت نبقى نهضر معك 😢😢 انا محتاجة بزااف لنصائحك 🙏🙏

كلامك معقول معقت براسي حتى ولات في عمري 40عام هههه ومرضت ومعقلوش عليا لي كنت حاسباهم بحال نفسي وانا نجمع راسي وشديت تقاري

والله حتى أنا ماما حلومة يلا غنجمع النوضة ونجمع راسي ونفيق من الݣلبة ما نبقى ندير الخير فحتى شي واحد إلا أقرب المقربين واللي واجب عليا شرعا وقانونا (ساااااااااالييييينا )😠

عندك الحق طيبة زايدة كتخرج علينا وناس كتستغلها وكاينة الي كيفهمها ضعف شخصية لكن هي نعمة من عند الله و وقت الي كنتغيروا ومكنبقاوش في حياتهوم عاد كيعرفوا بقيمتنا وقت الي حنا صافي مكنقدروش نزيدوا

وايه ماما حلومة حتى انا جمعت راسي دبا ولاو كيشفو شيشفات فيية بحال الى درت ليهم شيحاجة ولكين وليت قوية

خالتي حلومة دويلينا على الضرر من عند العائلة الله يجازيك بخير الخالات

اللهم اغتنا ولا تجعلنا من القانطين

تبارك الله عليك ماما حلومة واللهلا حطيتي يدك على جرح الله يفجيها علينا

عندك الحق ماما حلومة يستغلوا غير طيبتنا علي اخييير داروااا علينا نصاءحك مفيدة

تبارك الله عليك لالة حلومة توحشنا ديرينا نصائح عافك زيدينا من هذ المواضيع الله احفظكم ونجيكم غزالين تبارك الله

حتى في السلف ديال الفلوس، الاب ديالي الله يرحمو وصاني قالي لي كتسلف من عندك تانتي واخا ممحتاجاش جربي شي نهار وتسلفي من عندو وشوفي ردة فعلو

سلام ماما حلومة الله احفضك لينا يارب دعيو مع الام ديالي بالشفاء والله اميمتي لكين غير ليستغلك الحب ديال الله كعما بقا الحمد لله على كل حال