مقطع مفيد جدا جدا .... وهناك الجزئية المعنيه يضيافة المرأة لا يقصد فيها الإستنقاص لا قدر الله بل الفطره أنه كيف للحاضر أن يعزمها وهو لا يحل عليها والشكرا شكرا يالميموني والبدو أهل عرف وكرم
جزاك الله خير لكن الاسلوب فيه استهزاء عالي كأنك انت الوحيد الي يعرف هالمعلومات!! قدم المعلومه للي يجهلها بشكل مفيد المسأله سهله جداً ،، تقبلها بكل صدر رحب
موضوع مهم وجميل ومفيد خاصة لأهل الخليج.. لانهم عندهم عادات وتقاليد ممتازة ف الضيافة. و هذه العادات تختلف عن عادات فب دول عرببة أخرى.. بعض الاشياء التي تخض الضيافة عند الخليجين عيب، بينما عند دول اخرى تعتبر عادية..
عز الله انك صادق ، ما غير جهد بلا فينا بحجة العادات ، حتى بالاسلام التكلف ما يجوز الناس ماكله تراب ، واذا قدمت له ذبيحة سودانية يفظحك ، الي يزعل عند بطنه لا يجينا .
والله يا عبدالله انك ولد ابوك وهذا السنع والتربيه السنعه والاصول الله يرحم والديك دنيا واخره ، في الحقيقة ومع الاسف اختلط الحابل بالنابل الناس صارت ما تعرف الاصول والاحترام والتقدير ، الله يكثر من امثالك يا ولدي …. بوسعد
عندنا بالعراق عادات وقوانين بالعزوبيه الي هي اكرام الضيف اضن تختلف عنكم كل ماذكرت موجود عندنا بالتفصيل واضيف له ان في حاجات او اجزاء بالذبيحه منها مايقدم للضيف خصوصا ومنها يمنع تقديمه منع بات مثلا في الطعام الي يكون خروف مقطع وهذي طريقه اغلب اهل العراق انهم يقطعون الذبيحه راس الذبيحه النصف الاعلى الي فيه الاذن هذا يوضع امام الضيف اكراما له ومعه الزند هذول لابد من وضعهم امام الضيف اما نصف الراس الاسفل الي فيه اللسان فهذا لايقدم للضيوف الرجال ابدا وتقديمه لهم انتقاص منهم انما يقدم للضيوف النساء او يترك لاهل البيت ثانيا(( المذبح)) او مفصل الذبح الي تجي عنده نقطع اتصال الرقبه بالراس الي يكون الذبح عنده هذا يمنع تقديمه للضيف مهما كان السبب وتقديمه يعني انك تتهم الضيف في عرضه والعياذ بالله الشي الثالث هو عظم القص الي يكون بالصدر ترتبط فيه الاظلاع ويكون يشبه المثلث عندنا نسميه القصص بالكاف هذا ان وجد امام الضيف بشكله الكامل لايجوز للضيف مد يده لهذا السهم او الجزء الا بعد ان يقوم المعزب بتفصيخه للضيف يعني المعزب يمد يده ويفصل هالقصص للضيف وبعدها ياكل ماعليه شي كما يمنع تقديم الكرش وملحقاته مع طعام الضيف او الكراعين الي هي الارجل وتقديمها لايكون الا للضيف القريب مثل الاخو او ابن العم الي لك معه علاقه حميمه اتمنى اكون ضفت لموضوعك الشيق شيء ولو قليل اخوكم العراقي
بالنسبة لعزيمة اهل الشمال الغربي من جهينة وبلي والحويطات وبني عطية يقولون حياك الله ياضيف على القهوة ويقصد فيها قهوة ومعاها واجب الضيف اما في بعض المناطق من دون ذكر اسماء اذا قال لك حياك الله على القهوة يعني ماتذوق عنده غيرها شي وهذي فيها قصة للشيخ سعد ابن غنيم رحمة الله عليه كان قالط له عند معازيب عند بعض القبايل وسألوه عن احسن عزيمتهم للضيف عندهم الي هم معازيبه والديار الي حولهم او عند ديار ابن غنيم والديار الي حول دياره قال لهم انتم اذا عزمتم الضيف ماتكذبون عليه لكن حنا اذا عزمنا الضيف نكذب عليه قالو كيف هذي قال انتم اذا عزمتم الضيف تقولون حياك الله على القهوة ياضيف ولما يقلط عندكم تعزمونه على واجبه لكن حنا اذا عزمنا الضيف نقول له حياك الله ياضيف على القهوة وبعد مايقلط يقلط على قهوة وواجبة معه .
اعتقد الاستئذان من المعزب بعزيمة الضيف هذا اول يوم الضيف يجيك من بعيد ويكون بضيافتك ثلاث ايام لكن الوقت هذا ما تحتاج الا انك تعزمه قدام معزبه والحاضرين على الصحن
كلامه صحيح بس فيه بعض المغالطات . اقصد عند اهل نجد . فهو ذكر ان لانزل ضيف او اتاك من المطار تتصل به وتقول من معزبك... . اولًا هذهِ لانفعلها ك قبايل سبيع وعتيبه ومطير والعجمان والسهول والدواسر في نجد ثانيًا الضيف احتماليه كبيره بيفهمك غلط وكأنك ماتبيه تبي تخلص منه كأنك تقول له فيه احد عزمك غيري؟ ولكن . نستبدلها ب ( عشاك عندي الليله) والضيف بيبرر هل عنده معزّب او لا جزاكم الله خيرا .
لا تنظر أو تنتظر ضيفك وهو يأكل خل الأمور بسيطة من غير كلفه أو تكليف زيادة وإحراج خليك طبيعي على طبيعتك لا تقلد العادات الا اللي تجي منها تتوافق مع الفطرة السليمة
اما بخصوص اذا حد سبقك في العزيمه وعزم الضيف قبلك و لا وجب الضيف يعني ما استعزم، انا معك انك ما تعزم بعد رفض عزيمة الرجال، ولكن ايضا ما يجوز انك تسكت، لانه قد تفهم انك ما تبغي تعزم لذلك لول ما تشوف الضيف بيرفض العزيمه ، تقوم تساعد الي كان يعزم وتقول للضيف يا بوفلان وافق لابوفلان و ان شاء الله عقبه يكون عندنا وتعطيه من الكلام الطيب، اما تسكت و لا تعزم ما تكون حلو، وفي بعض الاوقات يمكن تعاتب الضيف باسلوب طيب، وتقول مالك حق تحلف و احنا فرحانين فيك و من هذا الكلام الطيب الي يطيب الخاطر و يرفع من قدر الضيف و يجعله يشعر بتقدير الحضور له
لاسندت العزيمه صوب المعزب ماعاد احد كرم احد ابواب الكرم مفتوحه والكريم مثل الحصان يطمر الحواجز ويتعداها سلوم نجد ماهي قران منزل السلوم تختلف من قبيله لقبيله وكلامك هذا للضيف بعيد الدار اما الخوي او الرفيق كلامك مايشمله
كلامه كله سليم بس ابضيف شي اذا ضيفين كل واحد بصحن الافضل انطرهم يقومون وبعدين تقوم هذي الي اشوفه وطريقته هي الافضل واما بالنسبه للعزيمه الضايعه لازم يقوم كبار السن اول ويقلطون وماتقوم من الصحن الا بعد مايقوم احد من كبار السن الموجودين اذا كنت اصغرهم بالعمر وانت ماهو الضيف وهذي صارت معاي وحسيت انه غلط قمت من الصحن قبل الشيبان لانه اعتبرت اني غريب واول مره اجي عندهم وحسيت انهم يبوني اقوم قبلهم بس مهما كان لاتقلط قبل كبار السن ولاتستعجل بالقومه الا وانت الضيف وحاول انك تقوم الكبير منهم مجامله بس لاتلزمه ولاتطول قوم اول واحد هي مساله تقديريه ولاتقلط مع كبار السن حتى لوتمون عليهم ومافي ضيف
اقصد اذا انت ضيف وفي احد من الموجودين من كبار السن قلطه مكانك مجامله بس لالتزمه يعني قوله اقلط ابو فلان وانت قايم مجامله ولا تطول بالكلام معه ولاتلزمه ولازم يكون اهو الكبير من الموجودين واقلط انت على الصحن لانه مراح يقلط اهو المفروض راح يقدمك ولاتستعجل بالقومه من الصحن ولاتطول مساله تقديريه تقدرها انت وقوم اول واحد من الصحن اذا كنت انت الضيف
اول الضيف يقوم لانه يقوس باقي الوليه اذا انتصفت لهل البيت لان الذبيحه كان تنزل كامله الحين اليدي من الذبيحه تدخل على اهل البيت ولكن ممكن الضيف يقوس لدور الثاني من العيال الصغر وانا اشوف انو فيه حكمه بس في الفترات الاخير صارو يقولون يربع سعوديه اذا ماورهم احد خاصه اذا الضيف مكمم 😄
فيه ناس بدون ذكر اسماء يهايطون بالوقت الحاضر ومسوين راعين كرم وهم في الماضي يسرقون الضيف ويضربون الدخيل ويهينون الطرقي ويستقوون على الاجنبي اذا كانوا مجموعه ولايذبحون الا نعجة او عنز وتلقى دمها يصب بالصحن والعزيمه سلف ويذبح لك علشان ياخذها منك بعدين وقهوتهم صفراء تجيب الهم وَذَا قلطت على الصحن جاب جماعته وعياله كلهم معك علًى واجبك وقاموا يتناهشون اللحم تقول ضباع قدامك وَذَا طلعت برا تلقا سيارتك مكسور قزازها او المرايه مكسوره من عيالهم وانت عندهم ماتلقا الترحيب ولا حتى الوجه البشوش الان صاروا يسوون فيها مراجل وكرم يبي يقلدون الناس المحترمه بس ماش الماضي حقهم بعررر كرم الله الطيبين
ماقصرت بيض الله وجهك وفيه عادات ايضن موجوده عندبعض العرب كثيره واغلب العادات متقاربه في السعوديه وفي الجنوب عندبعض قبائل عسير يقلطون الضيف وعياله واهله فقط على واجبهم وفيه ايضن كان قديم عندبعض العرب يخلون الضيف يوزع الذبيحه وايضن يطفون الأنوار والإضاءة على الضيف والحاضرين على العشاء وكان ايضن يسمون ذبيحت الضيف وهي حيه زمان ماكان فيه مفطحات مايعرفونها الاقريب كان يقدم الراس واجزاءالذبيحه معى المعلاق للضيف الي هوالكبده والقلب والشواكل واخر الظهر والسبله وكثير من العادات باقي ماذكرتها للضيق الوقت وامتلاء الصفحه بالكتابات وفيه ايضن عاده عنداهل الجنوب اسمها الطف أو الوصل هذي للضيف قبل العشاء في وقت بعد العصر من اكلات شعبيه عصيدوعرائك وعيش ومشاغيث وغيرها كثير وعندهم لازم يذوقون الضيف مرق الذبيحه قبل العشاء والازم تكون الذبيحه كامله والاينقص منهاشيء وكثير لم اقولها للضيق الوقت
والله ما كنا نحضر العزايم بسبب هالبروتوكولات والتفاصيل الدقيقة اللي محتاجة كتاب تقراه وتراجعه قبل تروح أي عزيمة. عادات جميلة ماننكر لكن للأسف لم توثق في كتاب ومافي أحد يعلمك هالسلوم بطريقة واضحة وسهلة الا اذا شافوك طحت قي موقف محرج هههههه وكل واحد يتنقّد ويستعرض انه يعرف
خذ العلم من ابوك او اعمامك او عيالك عمك الكبار ،لا تفوت فرصة ملاقاه الناس عشان اشياء تنفهم مع الوقت ،وخذها قاعدة ، ما يتعلم الي يستحي او الي يتكبر، النقص ملازم للإنسان فلابد يتعلم
