حبيبت قلبي قبل اي شيئ نورتيني♥️ رز المحشي فحفظة التلاجه هيكون معاكي زي الفل بدل الاسبوع اتنين. لا كن الفريزر بيهري الرز متكتريش اعملي رز يمشيكي حشوتين مثلا انا هسهلها عليكي وعملك صلصة المحشي تكون جاهزه معاكي تحطي فيها الرز والخضره علي طول حتي الخضره هعلمك تفرزيها يعني كله هيكون سهل وجاهز وبألف هنا علي قلبك ياروحي🥰♥️
انا كل اسبوع لازم اسلق كيلو مكرونه وأحطه فتلت اكياس فالتلاجه عادي مع الصلصه اللي بعملها بتاع المكرونه والخضار واتبل نص بانيه فالتلاجه. بتلاقي نفسك فثانيه عملتي غدا لو راجعه من شغلك او بترتبي البيت او الاولاد راجعين من المدرسه تحفه. بس فريزر لأ
اسلقي الكرنب عادي. وقطعيه وسيبيه يتصفي كويس. وبعدين فرزيه فالحشو بئي. تطلعي الورق من الفريزر وتسيبيه يفك نص فكاكان كده يعني بتحشي وهو شبه متلج. وتخلصي حشو تسقيه بالشربه بتغلي وتسوي علي طول لوبات معاكي وتسويه تاني يوم مثلا هيكون مجلد خالص ده بيتحشي وتسوي علي طول👍 طولت عليكي بنتي معلش❤️
انا معنديش بنات وأحلي ماما من احلي بنوته🫶 متحرمش منك ولا من زوقك. واول ما اشوف كلمة ماما هعرف انك انتي علي طول واي سوأل اي حاجه قوليلي وانا اجوبك ياست البنات كلهم♥️
التلاجه من جوه ليها رف مغلق بغطا بيكون الرف اللي تحت الفريزر مباشر بيتشد للأمام ويرجع. يشبه درج التلاجه شويه كده. من الباغ هوه. عشان ليه باب وديما مغلق. ف مش بيسرب درجة الحراره فبيحافظ مده أطول علي اي حاجه موجوده فيه. فهمتيني ياقلبي♥️
