قرأت في سبعينات القرن الماضي بحث لماذا الاغنية العراقية حزينة والاغنية المصرية فرحة . ويقول الباحث سبب ذلك يعود الموسم الفيضان ففي العراق ياتي الفيضان قبل موسم الحصاد ليخرب المحصول الزراعي بينما في مصر ياتي الفيضان بعد موسم الحصاد فيكون الفلاح المصري قد حصد وباع محصوله
الحزن في اغاني وحياة العراق بصورة عامة صار عادة بعد غزو المغول الهمج للعراق, العراق لاكثر من 6000 سنة كان من اعظم بلدان العالم واكثرها تقدم وازدهارمن الناحية العلمية والثقافية وهم كان من اغنى بلدان العالم لكن بعد دمار العراق بيد المغول تدهور حال العراق وبدأت حملات مجازر بيد الفرس والترك والكرد والبريطانيين ثم الامريكان ودول التحالف (اللي من ضمنهم دول عربية) وللأسف منتهت ليومنا هذا ولا كدر العراق ينهض حتى يرجع لمكانتة ويكون من اهم دول العالم هنا بدأ الحزن بحياة العراقيين بسبب مئات السنين من الدمار والتراجع وفقدان الاحبة اما مصر وغيرهم بما يسمى بالدول العربية مكانت بعظمة العراق الطويلة ولا تدمرت مثل العراق فالحزن بعيد عن حياتهم ... الفيضان وما الفيضان هاي كلاوات العيد يا عزيزي
الاغاني العراقيه حزينه لان متأثره بالقصائد الحسينيه المشهور بيها العراق وخاصه المناطق الجنوبيه اضافه إلى معظم شعراء القصائد المغناه من الجنوب الي عدهم قدره عجيبه على تصوير المشاعر بالكلام ومعظم الشعراء كتبوا هذه القصائد نتيجه حدث حقيقي او قصه واقعيه مر بيها الشاعر
منور عيني افندينا واللهي بالرغم اني من مواليد 2000 بس كُلش كُلش احب الاغاني العرراقيه القديمه و اسمع كُله قديم لان القديم بي معنى من ناحيه كُلشي الكلمات اللحن ف لذلك احبه♥️
اني من الممكن اسمع اي اغنية نزلت بتاريخ ١٩٠٠ لحد تاريخ ٢٠٠٠ بس من المستحيل اسمع الاغاني الي نزلت بزمن ٢٠٠٠ قسم بالله من اسمع الاغاني القديمة واجي اسمع اغنية حديثة يصير عندي اكتئاب
احلى قناة استمر يا مبدع متابعتك من بغداد 🇮🇶🇮🇶🇦🇪🇦🇪 بالنسبه للاغاني احب كل الاغاني العراقيه بس كل وحده تسمعها حسب مزاجك او الحاله الي انت بيها مثلا بالافراح تسمع اغاني فرح ومسيقى من تكون حزين اغاني هادئه و لحنها حزين يعني النوعين حلوين بس كلشي بوكته حلو حسب الحاله الي نمر بيها نسمع
اغانينا بالزمن الجمييل ماكو احلى واجمل منها❤ اما اليوم اغاني بس طربكة وصياح ومع ذلك اشوف الكل يسمعها !!!!! بدون مبالغة والله لما اسمعها احس باحتقار حتى تجاه نفسي وخصوصاً من اني وصغيرة بيتنا كان يصدر بيه الاغاني القديمة وكبرت واني اسمعها منور ❤
بيئتنا حزينة، واقعنا حزين ومن زمان لذلك أغانينا يطغى عليها طابع الحزن والشجن الفن مرآة المجتمع مو معقولة أنت بخضم معاناة وألم وتصدح بالغبطة والسرور.. الدكتور علي الوردي قال أنه الأنسان العراقي شخصية عاطفية جداً سخي حتى بمشاعره وأحاسيسه وهذا الشيء يعبر عنه العراقيون جلياً بأغانيهم وأشعارهم نظراً للتمكن الصوتي وجمال اللهجة الي توصل الفكرة بصورة صحيحة.. بالنسبة الي اني أحب أغاني السبعينات والتسعينات كُلش، وأحب عراقيتي وفخورة بيها جداً🕊♥🇮🇶🇮🇶
ذكرتني ب جدي ،جان يحجيلنا هواي عن حجايات وسوالف بغداد وشلون جان الملوك يحكمونها ، جدي جان من زمن الاربعينات ببغداد يعني احنه من ذيج الحقبه بغداديين وعايشين وظالين ببغداد لحد الان ، وهسه الله يرحمه ، جان هو مصدر ثقافه بيتنا ، كولشي حلو ، حرفيا جان هو انارة وشمعه للبيت
كون ا العراق هو بلد السواد الارض الطيبه ورطبه ووفرة المياه مما جعلها بوفرت الزراعه ا وبلد غني بكل شيء لهذا كثرت عليه الغزوات والاحتلالات منذ قدم الزمان الى هولاكا ووجنكيز خان والتتر والمغول واخرين وليومنا هذا يتسابقون المحتلون لغزو العراق وضحايها القتل والويلات بلملاين مما ادى الحزن هو من حياتهم اليوميه ومن حقهم حتى الغنا يكون حزن
الاغاني العراقية ، تتماشى وية المود الي انت بيه اذا الصبح مثلا تگدر تسمع هيثم واذا الضهر تسمع ياس او رياض او اي اي واحد من العمالقة واذا بالليل تسمع سعدي البياتي اجمل مقامات وعتابة
اي شخص يريد يعرف شنو سبب ان الاغاني العراقية بهالشكل لازم تعرفون أن أصل الشعر والمقامات العراقية والي تكونن كلهن علمودة وهوالبكاء على الحسين! عند اهل الجنوب بشكل عام الي همة حوالي ثلاث ارباع العرب العراقيين (الشيعة) ان البكاء علىالحسين واحدة من العبادات لذلك تشوف ان الفن عدهم كيف تخلي الناس تبكي وهذا من ايام الامويين لليوم مستمرين بهالشي لذلك يتفننون بمحاولة انزال الدمعة سواء بالكلمات او الاصوات ولان الموسيقى حرام فتشوفين ادخال الموسيقى اتى متأخرا وكانه طارئ على الاغنية العراقية
الأغنية العراقية الحزن مالتها جاي من قضية وحادثة الأمام الحسين المفجعه.الي أصبحت الناس في ذلك الوقت تنوح يوميه.فظهرت اللون الحسيني وهذا اللون اثر على كافة الألوان والمقامات بالعراق.لان أصبح الصوت العراقي صوت حزين مجروح .فصار حزنه وفرحنه نفس الشي.لكن مانشعر بي احنه فقط الغير عراقي يشعر بي..
بالبداية عاشت ايدك اخويه على الفيديو اللي يتناول أصناف واطوار الغناء العراقي بس جبار عكار الله يرحمه طوره الغناء البدوي اللي يعتمد على العتابة والربابة تحياتي
3:34 لا يابة وجعت گلوبنا هالايام افضل القديم الحزين مثل : شگول عليك، يا حريمة، ردتك تمر ضيف احيانا حتى لو الموسيقى فرايحية بس الكلمات حزينة ممكن تخليك تبچي اذا مست إحساسك..
مشتبه عيوني الافندي ، المقام العراقي هو تراث العراق العثماني وليس العراق العراقي ، نفس التوصيف مالته عالهوية العراقية والبغدادية ينطبق على نوع واحد من الفن وهو المربع البغدادي ، المربع البغدادي چان بوكته ينافس المقام العراقي بالشهرة بس هذا مال الطبقة الشعبية من الشعب العراقي والمقام مال الطبقة الأفندية والباشوات يعني الطبقة العالية بمستواهه المعيشي .. وخير مثال على النوعين هو المفردات الملازمة للمقام العراقي الأصلي مثل ( جانم ، أمان أمان ، أمان ربي أمان ، وكثير من المفردات الأخرى ) والمربع البغدادي ما يحتاج اسولفلك عن البريج والبلبولة ، وباقي المفردات الشعبية القح
سؤال الحلقة يحير أغلبية الاغاني حزينة أني أكول يمكن بسبب المقام العراقي المقام العراقي من أسمعة حتة اذا الكلمات مو حزينة أحس بالمقام حزين ويوصل للگلب ف يجوز العالم قبل تعودت علة سمع شي حزين او مؤثر بيهم ومن عدهة الناس ترغب الاغاني الحزينة وبعد ما أدري + عاشت أيدك الحلقة تجننن👏💕
