أحييك على شجاعتك في هذا الطرح.. الشباب الي موجودين بالعراق خصوصا الى ما كانوا واعين لها او مولودين بعد هذه الاحداث ، ما يقدر يشوف هذه الصورة الكبيرة ، بسبب المشاكل اليومية الي يعانون منها ، كل ما ذكرته اني عشته ، اني مواليد 87 ماطلعنا من بغداد في وقتها وذاكرتي حية بالتفاصيل عن تلك المرحلة المؤلمة اتصور كنت صف رابع عام .. جان عدنا ستلايت بالبوكة بالسطح لان كان ممنوع طبعا ، وشفت وسمعت السقوط لايف على قنوات الجزيرة ابو ظبي وهم اتذكر اني جنت فرحان بالبداية ، ، حتى اتذكر قلت لوالدي الدنيا رح ترخص وكلشي رح يتوفر ، قال لي كلشي يقولون عليه رح يصير بالعكس ، وفعلا .. اتذكر اول مرة شفنا دورية امريكية راجلة ، وانكليزيتي تعبانة سألت جندي شكد رح تبقون قال لي عشر سنوات ، مع العلم الكلام السائد في وقتها انه رح يسلمون كلشي للعراقين وينسحبون ، كل تغيير محوري صار بعد 2003 جان يقول لي هذا البلد متجه من سيء الى اسوء ، قناعاتنا بأي تغيير ايجابي بدأت تتلاشى وصحينا على كابوس مرعب اسمه العراق الجديد ، كيف كنت اداوم بجامعة النهرين بالجاديرية وبالطريق اعبر فوق جــ ـثــ ـ ث القتلى .. وكيف كانت دوريات تخطف الطلاب من باب الجامعة بالجادرية او النهرين من ضمنهم صديقي . الي الان هو في نيوزلندا واني في المانيا ، اغلب اصدقائي في النهرين من مرحلتي او زملاء المتميزين الي كنت فيها هم خارج العراق الان ، 90 % منهم خرجوا كهجرة .. بل حتى زملاء العمل معي في شركة هواوي لم يبق منهم في العراق الا عدد قليل .. طاقات خسرها العراق بسبب هذه الهمجية الحاكمة التي غذاها شهوة الشعب للدين وللطقوس والزيارات الي افقدت العراق اهم عوامل نهوضه ان كان له اي مستقبل يذكر فلن يكون على ايدي هؤلاء اللصوص والعصابة ، واشاركك الرأي .. اي شخص الان يملك مهارة وذهنية لا تلائم العراق يجب يتعب على نفسه وان يخرج اليوم قبل باجر .. من جمهورية الموز العراق
فعلا شي يحزن و يكأب اني هم جاي اعيش اسوء ايامي هنا تاريخ العراق كلة مأساة و حروب تريد فترة هادئة حتى تنخلق لك ذكريات حلوة ماكو احيانا اضطر اعيش بعالم موازي و اتخيل اني محقق احلامي هذا الشي شوية يصبرني و ينطيني امل بالحياة
صار تقريبا ٨ سنوات اني بعالم اليوتيوب والمقاطع بس هذا المقطع افضل مقطع اشوفه بحياتي اهنيك استاذ حسام ع هذا الثقافه والوعي العظيم ربي يحفظك ويوفقك في حياتك القادمه وان شاء الله في المستقبل القريب جدا راح تعلم الغه واترك العراق الى الابد💙
بصراحة شگد تابعت ناس عاليوتيوب بخصوص الهجرة وبخصوص المستقبل بحياتي ما شفت انسان واعي ومثقف وصادق والأهم من جميع ما ذُكرَ أعلاه بأنك غير طائفي وبعيد عن الدين..... بالمناسبة اني ايزيدي وكلش احترمك تحياتي الك استاذ حسام
@@HusamNoaman يا أخي والله العظيم نفس حالتك لأنه آني نفس مواليدك وعايش تلك الفترة المأساوية المظلمة من تاريخ العراق وصراعاته الوحشيةالدموية..وبمجرد كملت الفيديو حسيت بنوبة إكتئاب وحزن لأن رجعتني لذيچ الفترة المرعبة وزدتني يقين بأنه حالياً العراق مستحيل تغيير أوضاعه للأفضل إلا بحدوث معجزة😥😥..ولكن آني أهنيك على ثقافتك وكلامك الواقعي وتفكيرك الواعي💐🌺💐.. وأرجوا منك الإستمرار بهذه المواضيع السياسية والإقتصادية لتوعية وتنوير عقول غالبية شبابنا العراقيين لأنه إنظلموا بسبب هذه الأنظمة الدكتاتورية العسكرية القمعية لعقود طويلة إلي سابقاً كانت تستخدم الخطابات والشعارات القومية وحالياً تستخدم الخطابات والشعارات الدينية والمذهبية لأثارة مشاعر وعواطف عامة الناس البسطاء لتخدير وتغييب عقولهم عن رؤية الحقيقة المأساوية المؤلمة لبلدهم المنهوب والمدمر بسبب فساد هذه العصابات والمليشيات إلي إتخذت الشعارات والخطابات والدينية الطائفية كغطاء للتستر على إجرامهم وفسادهم.. أتمنى منك الإستمرار بهذه المواضيع الواقعية لتوعية وتنوير عقول الشباب.(( أنت وأحمدالحسيني وأحمد الفارابي)) صرت من المدمنين على قنواتكم ومحتواها الفكري الرائع💐🌺💐
الحرب في العراق حرب فكريه الحمدلله كاعد نلتمس اكو تغير بطريقة تفكير الفرد العراقي رغم أنها بطيئة وذلك بسبب الانترنت خل المجتمع ينفتح على العالم كله وبدأ الانسان العراقي يعرف انه مو وحده عايش بالدنيا وعليه أن يتقبل الاخرين رغم اختلافه عنه
33:44 بهاي الدقيقة من تگول خسرنة المعركة احس مثل نغز السهم داخل بگلبي مدا استوعب العراق هذا حالة واحنا خسرنة وكل الشهداء دافعو عن لا شيء مجرد أرقام جديدة تُتلى على ألسنة مذيعين الاخبار الي الناس تشوفه وتضل تتحسر من طفولتي لحد هسه كلة اخبار حرب وتعب بس تباوع بوجوه الناس بالعراق تحس بالتعب التعب مسيطر وواضح عليهم هذي وجوه الخسرانين كلشي راح وخسرنة كلشي ماكو امل ولا حب بالعراق حتى الانسانية بدت تتلاشى الوضع ديتغير للاسوء دائماً واذا بيوم من الايام تغير للاحسن راح تكون الخسائر فادحة انهار وبحيرات من الدم واخاف اخسر الي احبهم بهذي الحرب وهذا الوضع الي بس الله يگدر يغيره المهم دير بالك على نفسك أستاذ لا يروحون يوصلون الك انت هم
اللهم ارزقني هجرة إلى ألمانيا لا أدري من أين اللهم إن شوقي وإرادتي للخروج من العراق هي بقدر شوق يوسف إلى يعقوب اللهم إن حاجتي للخروج من العراق هي بقدر حاجة اليتيم للمال اللهم إن اصراري على الخروج من العراق هو بقدر حبي وخشوعي لك يا أرحم الراحمين يا الله فأرزقني هجرة إلى ألمانيا للخروج من هذا البلد الذي لا يعيش به سوا الحيوانات
@@HADarsh-gz7hz شنو دخل آل البيت (عليهم السلام) بل الموضوع انتم واحد يسقط بل ثاني وما تصيرون ايد وحده ابد العراق لل جميع مو بس الى شيعة هسة إذ اليهود فاسدين اروح اكول موسى (علية السلام) فاسد وذا المسحين فاسدين وكفار اكول عيسى (عليه السلام) فاسد والك هاذ يا مقياس گاعد تقيس بية وجاي تطعن باهل البيت (عليهم السلام)
طبعاً صار كم يوم امتابع فديواتك واليوم فعلاً عجبتني نضرتك وتحليلك للوضع داخل العراق صراحه طريقة تعبيرك بالضبط نفس فائق الشيخ علي ربي ايخلص ناس من هاذه الغمه السوداء اخوك من محافظة ميسان 🇮🇶
اني اتمنى الفديو هذا ينتشر بكل مكان بالعراق لان كلامك عين الواقع اني حييييل اشكرك ع وعيك وعلى الفديو المليان وعي للعراقين بهذا الفديو انت نطيت كشف لهواي احداث صارت للعراق العضيم شكرا لانك حجيت الحق الله يوفقك
تحليل واقعي وجميل جداً وخير دليل احنا كشباب مواليد نهاية 90 عشنا طائفية والتهجير وتأملنا خير وبعدها اجانة داعش وانتهى داعش وتأملنا خير وبعدها اجتي المظاهرات وتأملنا خير والوضع هو هو ما تغير بعد كل فترة تمنينا يتغير الوضع لكن دائماً نحو الاسوء والقادم اصعب واصعب ورب العالمين ذاكرها بالقران قال تعالى ان الله لا يغير ما بقوم حتى يغيروا ما بأنفسهم اعتقد شعبنا ميتغير مدام كلمن ويريد مصلحتة الشخصية او حزبة او طائفتة ومستحيل نسبة كبيرة من الشعب يغيروا نفسهم ويصلحوا نفسهم من ورا العراق لذلك كل التوقعات تشير نحو الاسوء والله المستعان
للئسف بعد سنوات كثيرة هاذي الايام يله عرفت واقتنعت من خلال بحثي عن هواي امور تخص الوضع السياسي وايقنت انو امريكا صح مرادت الخير للعراق ودمرته وسلمته ليران وفعلا لن يكون هناك تغيير سلمي في العراق كان وما يزال بلد الصراعات وسوف يستمر... افكر اطلع ولاكن انتظر واكول الشغله مو سهله لازم تحسب حساب الخروج وامكانيه خساره كلشي مو سهله وممكن تبيع كلشي وترجع لبلدك حافي مثل مصار ويه هواي من معارفي وخسرو حياتهم حته بالعراق ورجع يبدي من الصفر جنت طالب سادس اعدادي وحته المدرسه عفته قبل سنوات قليله البلد مايشجع انو تتعب وتبقى كاعد لاحول ولا قوة يأما تنتمي لحزب متعرف شوكت يسووك طعم وتروح بالرجلين لنا الله مع تحياتي للجميع
اخوية حسام، اني طبيب وازغر منك ٤ سنين، ذكرتني بايام النزوح الى ديالى بل٢٠٠٣... وعلى الرغم من اختلاف وجهات النظر بيني وبينك بخصوص اوربا (لانه ٣ مرات سافرت وحاولت استقر بلدانمارك ومجرعتهه، الى ان سديت الموضوع رسميا ورجعت للعراق بقناعة تامة)، الا انه كلامك جدا فرحني لانه عندك حيادية بعيدا عن الانحياز... وهمزين منشنت الشايب اياه لانه لعب نفسي بفديواته واراءه الواهمة الحالمة اولا (هو فعلا ميعرف شيريد، بس يعترض ع الجميع ويحلم بعيدا عن الواقعية)،وينتقد المعتزلين عن العملية السياسية ويسميهم حزب القنفة وهو اولا گاعد بتركيا ومنصب روحه خطيب تشرين.... وثانيا على كولتك الحقيقة انه المتظاهر السلمي لاحول ولاقوة ولايگدر يسوي اي شي لانه بوجهه اكو سلاح واجرام، والافندي ينكر هلحقيقة باوهامه واحلامه... وثالثا قرفني لانه مذهبيته طغت على وطنيته المزعومة، لذلك ٢٤ ساعة يرقع لطائفة معينة ويهون من نسبة الخضوع لايران وقوة الطائفية لدى البعض. عاشت ايدك وصح لسانك بردت گلبي.
حياك الله استاذ حسام وربي يوفقك .. و نسئل الله ان يجمع قلوب كل العراقيين على حب الوطن و يوحد كلمتهم ومواقفهم وان يزيح عن هذا البلد واهلة كيد اعدائه انه على كل شيء قدير
اني مستمتعه جدا بقناتك انا رسمت حياتي ومركزه ع نفسي واطور مواهبي علما انا نفس مواليدك حاليا اعزف الموسيقى الكمان طالبه وأيضا معلة انكليزي وحاليا قدمت ع كليه ايضا ويوميه اكتشف شي جديد عندي وانا مستعده للخروج لحين ما لااعرف فقط انا مستعده 🤣😍 كل الحب للحياة ولك ستاذ وسام
كل كلام استاذ حسام صحيح واني كوني احد ابناء تشرين ومن شرارة الثورة الناصرية نص التشرينين اذا مو الاغلب مايعرف شيريد وعنده رموز وخطوط حمراء ولايملكون روح الانتماء للوطن!!!
استاذ من اول كلمتين حجيتهه ما راح يصير تغيير ابد وللاسوء والاوضاع الجاية بس الله يستر منهه حتى لو يتغير النظام او النواب كلهم اذا يريد يصير تحسن فد شي بسيط جدا الفساد ما ينتهي ابد المشكلة بينه ك ناس مستحيل نتطور مثل هاي الدول ال يتطورت الخليج وغيرهه .. على كولت والدي من ذاك الوقت يكول العمر خلص حرب وحصارات.. هي مو بس وزارات كدامي اشوف حتى الموظفين الصغار بالدوائر الحكومية فساد بفساد يعني الجديد الي يصعد ب المناصب العليا هو فاسد من اساسة بنسبة كبيرة مو الكل طبعا
استمتعت جدا بطريقة سردك وتحليلك للأحداث وبنفس الوقت انعصر گلبي على حال هذا البلد ومصيرة المجهول .. شاگول عليك صدام من سلمتنة بيد امريكا وإيران لو مثقف هذا الشعب ومهتم بالتعليم وبناء الدولة وعايف الحروب ماجان هذا حالنة للأسف.
انته انسان كلش واقعي وصريح وعندك طريقة سرد جداً راقيه رسالتك وصلت حسام العراق لا يصلح للعيش والسفينه جاي تحترك اكو خيارين اما تطفر وتنجو او تظل تحترك لا خيار ثالث 🌹♥️
اسوء شعور ممكن يمر بي الانسان بحياتة هو ان يشوف بلده يتحكم بي عدوة هذا كلامك كل مرة احجي بي وي الناس القريبة علية لكن لا حياة لمن تنادي والله تكتلك الحركة من تشوف هيج بلدك يدمر كدام عينك ومتكدر تسوي شي وصمة عار وان شاء الله السيناريو الثاني يصير لان ماعتقد امريكا تحب تتكون قوة ضاربة تهددهة بس شلون مادري اذا الشعب ينطي ط... لايران
قمه الروعه كلامك واني رسام تشريني احد الفعاليات الي ذكرتهم. عيوني دمعت الله شاهد ..... ومدى تفكيري نفس تفكيرك وان شاء بس اتخرج سنه جايه اكون يمك بألمانيا ان شاء الله 💙
طبعا هواي شغلات وامور وسيناريوهات ماجنت اعرفها بس عرفتها منك وكلش تألمت على حال العراق العظيم بس رغم كل الفرضيات الي قد تحصل نتأمل خير ونقول ان الله عادل ويحب أهل العراق وينصر المظلومين نتأمل خير في الأيام القادمة
استاذ والله كلامك صح لمن تكلمت على ألمانيا لان عندك قأئد ألماني اسمه إريك فون مانشتاين كان مارشال ألماني ذهبي وكان اسطوري بمعنى الكلمه ولاكن كان عنده بعض الأحيان كان مرتكب جرائم حرب ضد السوفيت والبولنديين والاوكرانين وغيرهم لاكن الي شفع له انا تمام كان قأئد عسكري ألماني تابع لهتلر لاكن كان مامنضم لحزبه النازي وايضا كان لمن يحارب يحارب على مود يدافع عن ألمانيا والجيش الألماني وليس عن هتلر هاذا القائد حوكم بتقريبا 18 سنه حكم وبعدين طلعوه بعد ست سنين من السجن لان احتاجوه الحلفاء لتكوين الجيش الألماني وهو كان قأئد عسكري يعرف تحركات خصمه الشهير مثل جوكوف القائد العسكري السوفيتي وعنده خطط قد تكدر تمنع السوفيت من ان يدخلون حرب ضد أوروبا الغربيه أسأل اي ألماني عمره ستين سنه وفوق وراح يعرفوا وغيرهم من الجنرالات الي مثل كارل دونيتز قأئد الأسطول الألماني وغيرهم تحيه الك من الموصل 🇮🇶❤️
احب ارائك جداً وكنت منتظرة تتكلم بهذا الموضوع لان نظرتك ثاقبة للأمور وتحليلاتك منطقية وذات دراية ومعرفة عالية وعندك استشراف للأحداث المستقبلية مستنبطة من عبر الماضي وزواغيرة وافخاخة الي ما يلتفتها الا صاحب بصيرة واستيعاب وتنور ...والحلو بيك اسلوبك بالكلام السهل الممتنع يعني ابسط الناس تستوعبة وطريقة كلامك عراقية قح كانك الحجي راضي في موس الحلاق يعني اللهجة واللكنة العراقية وكانك أب يتكلم مع اولادة بأمانتك في النصح وهذا جاي من انسانيتك العالية المتجذرة بالعراقي حليبك طاهر استاذ ....ارجو ان أكون نصفتك ابو شيللو بوصفي الك بالعراقي حليبك طاهر ورحم الله والديك على هذهِ التربية الله محي اصلك🌹
@@HusamNoaman اسم bella اصله لاتيني واستخدمو الاسبان ومعناه الفتاة الجميلة فشيء غريب انو الحكومة الالمانية رفضت الاسم !!!!! لو انت جاي تقصد بالدولة .. الزوجه؟؟ اني ارجح الزوجه لان احنه بالعراق عادة نطلق على الزوجه كلمة الحكومة او الدولة
@@Alialjanabi92 لا هو يقصد بالحكومة الدولة مو زوجتة وناشر منشور بهالخصوص ع الفيس سبب رفض اسم cello لان اسم ذكر وبالمستقبل ممكن تتعرض بنته للتنمر لاحض التفكير بآبسط التفاصيل حتى يضمنون راحة المواطن
اني اتذكر رجعت من بغداد الى سامراء يمكن يوم 7-4 اتذكر واحد بالسيارة كام يبجي انت بكلامك ذكرتني بي و اتذكرت كيف كان بعض ناس فرحانه وبعدين اكتشفنا ان هذا الشعور خاطيء و اتذكرت ايضآ اني هم تقريبآ بنفس المستوى الدراسي مالتك او مقارب الى حد ما وقت سقوط النظام لان اني مواليد 1989 تحياتي الك ياسر احمد
سلام خاص الى الاستاذ حسام اشكرك على هذه الحلقة المميزة والتي حللت فيها الامور بشكل دقيق وهذه هي حقيقة الأحداث التي جرت في العراق وعلى الشعب العراقي ان يستوعب لهذه الحقيقة المرة وشكرا
طبعا رغم صغر سني وقلة المواقف الي مريت بيها مقارنة بيك ..لكن اني وصلت لهاي القناعه قبل سنتين من بعد ثورة تشرين ...عرفت انه العراق ماممكن يتغير سلميا لذلك فكرت بموضوع الهجرة وغسلت ايدي من الوضع ...كل الي اتمناه انه الحك اكمل لغة وارتب اموري قبل لتصير كارثه بأي وقت
صحيح اخي الجزء الي اخذته بولندا إسمه مقاطعة سايليزيا وهذه المقاطعة إحدى مقاطعات الرايخ الثاني والثالث وفقدوه الالمان بسبب خسارتهم بالحرب العالمية الثانية . حتى بروسيا الشرقية خسروها ومقاطعات الالزاس واللورين الي ينحدر منها اباطرة الهابسبورغ-لورين. اذا تخسر حرب معناها وجودك يتاكل واحنا العراقيين خسرنا الحرب واستقلالنا
والدي كان نائب ضابط ،،، اصروا عليه يترك الواجب ،،لكنه رفض والتحق لمعسكره وانقذ زملائه من القصف وتم قصف موقعه وسقط الرباط مال السقف عليه واستشهد ،،،كلمته هي ،،،((شلون اكعد بالبيت والامريكان يطبون لبيتي ))
استاذ حسام لو سمحت حاول تلتقي بواحد عراقي من المجموعة الطبية بالمانيا حتى نعرف كل التفاصيل لان انا شفت الحلقة مالتك مال مجموعة طبية وحلقاتك الباقيا بس هم عندي شغلات مبهمة ف ياريت تسوي لقاء حتى لو اونلاين مع طبيب او صيدلي ❤️❤️❤️
كل الي اكوله كلامك ذهب خالص شرح مختصر مفيد لمستقبل العراق العظيم ( بس طلعت الدنيا من عيني صار عندي إحباط) الله يسعدك ويوفقك ويحفظك هيج واحد مثلك لازم يطلع من العراق حرامات يبقى
شرح جميل و واقعي إلي أتمنى من إلي ايريد ايهاجر مو من يطلع ايكولد لكيت بلاد مسلم بغير مسلمين ومن هذا الخرط ترى العراق وصل إلى هذا الحال وصار زريبة بسبب الدين
ما شاء اللة ع وجهة نظرك احيك على هاذة التحليل وسرد القصة وماقلتهة واقعي وحقيقي اليوم اني وصديقي مختلفين بالافكار ويعتقد ايران حمت العراق مع العلم اني بالجنوب بالمستقبل القريب سوف تصبح العراق محافظة ايرانية ولا وجود للعراقين ( وراح تنترس ايرانيين ) وهاذة مالاحظنا في بهاي السنين وجود ايرانين وبكثرة يعملون ويعيشون داخل العراق 😢😢😢
اني اكلك ليش امريكا متفرط ب ايران لان ايران صايره بعبع للخليج وبدليل نفط الخليج كله لمريكا لان بس يحجون يهددوهم ب ايران ف مستفادين منهم مصائب قوم عند قوم فوائد
مع انو اني اتفق معك في كثير من الافكار ، لكن اختلف معك في بعضها ومنها نقطة انو العالم يقول الناس الي تروح زيارة تابعين لايران وايران تحركهم ، اخي الدول العظمى عندهم حس مخابراتي عالي جدا ويعرفون نسب الناس الي في المليشيات وال تحمل سلاح والي مستعدة تحمل سلاح بشكل دقيق جدا اكثر من ما انت تتخيل ،اذا على هذا كلامك معناها الشعب الكوري الشمالي كله يحب الرئيس !! باعتبار انو كل الشعب يطلع بكل المناسبات ويهوس للرئيس ! اكيد لا و العالم كله يعرف انو كثير من الشعب ضده (مع اختلاف الامثلة وهنا طالعين بشكل مباشر للرئيس)
انا معك في كل النقاط لكن هنالك نقطه اتعارض بها معك 20:20 ما تقوله في هذه الدقيقة هو خلط اوراق لان زيارة الأربعين شيء وايران شيء اخر فهل عندما يذهب شخص للسعوديه وتسفاد السعوديه من الاموال التي ينفقها هناك والحماية التي تملكها لأنها ارض مقدسه بالنسبه للمسلمين واي خطر او اذى يصيبها سيسرع جميع المسلمين في العالم لحمايتها ومثلاً هنالك بعض الاشخاص ضد السعوديه فيجب على الفرد المسلم ان لا يذهب للحج؟
