#لوحة_باهتة 

Да, вы правы, это действительно работа, достойная награды.❤️❤️

اولا ميرسي كتير كلك ذوق ❤️ نيجي للي إنتي فهماه من المسلسل لأن فيه نقط كتير إنتي فهماها غلط او مش وصلالك ... ✨ ديلا حبها ل كوزجون ثابت و ابدي ، مع كل غضبها و كسرتها من قسوته عليها مقدرتش بردو تكرهه أو تتخلي عن حماية حياته .... المسألة ملهاش علاقه. بإحساسها بالذنب لأن عقدة الذنب انتهت لما كوزجون قراء مذكراتها من و هي صغيرة لحد سن الشباب و عرف هي عملت ايه و مرت بأيه كل السنين اللي هو كان غايب فيهم و حتي عرف هي دورت عليه أد إيه دي حتي سألت عليه المشردين في الشوارع ... من وقتها انتهت عقدة الذنب لأن كوزجون قالها انتي كنتي طفلة و ملكيش اي ذنب ده ذنب ابوكي .... ✨ مسألة محاولتها للنسيان طول الوقت فده من كتر حبها فيه .... ديلا أتمنت تفقد الذاكرة مش بس تنساه ، لان عذابها و هي مش عارفة مكانه كان كبير و عذابها أن هي ليها يد في ده كان كبير و خوفها عليه كان كبير ، كل ده خلي سنين عمرها تمر بصعوبة و كأن جزء كبير جواها مفقود مع فقد كوزجون عشان كدة أتمنت تنسي عشان تقدرش تعيش لكن طبعا مقدرتش ..... ✨ هي فضلت عند فيرمان عشان تحمي كوزجون من السجن حسب اتفاقها مع فيرمان و فعلا كانت هتتجوزه لان وقت ما بتفترقي عن حبيبك كل الرجالة في الدنيا بتتساوي ، لأن المميز الوحيد بينهم في قلبك مش موجود ف جوازها من اي راجل مش هيغير كتير من اللي هي فيه و ضيفي علي ده امتنانها ل فيرمان أنه أنقذها ف يبقي هو احسن من غيره و عشان مجروحة من كوزجون و مش عايزة تمر معاه باللي مرت بيه قبل كده و وصلها للانتحار و كمان فيرمان كان لابس أمامها وش الملاك لحد ما كوزجون كشفلها وش فيرمان الحقيقي في الحلقات الأخيرة و علي اكدلها كلام كوزجون فعرفت مدي خطورة فيرمان .... ✨ يمكن كان ممكن تنجوز فيرمان فعلا لو مكنتش شافت وشه الحقيقي لكن الاكيد انها مستحيل تحبه لأن قلبها من الاول و للآخر كان ل كوزجون و ده كان محركها الأساسي ديما .... الجواز حاجة و الحب حاجة تانية خالص و منتهي السعادة لما يجتمعوا في علاقة واحدة ... ✨ لما سابت الأدلة في الشجرة كانت خلاص شافت وش فيرمان الحقيقي و عرفت انها لازم تبعد عن الحياة دي كلها ، حياة الإجرام سواء مع كوزجون أو مع فيرمان ... كوزجون كان ديما اختيار قلبها اللي ملهاش حكم عليه و فيرمان كان اختيار عقلها اللي اول ما شاف حقيقة فيرمان رفضه و فضل عندها قلبها اللي مازال ملهاش حكم عليه و عشان كده كان لازم تهرب من غير ما تواجه كوزجون عشان ميأثرش عليها و يخليها تفضل جوه دائرة الإجرام إللي خربت طفولتها و شبابها و كل حياتها و خدت منها ابوها و كوزجون حبيبها كمان .... هيه كانت عارفة أن أكبر خطر علي كوزجون هو الأدلة إللي مع فيرمان و دي هي اتصرفت فيها خلاص و اخدتها منه و سابتها ل كوزجون في الشجرة لكن ك مواجهة وش ل وش بين فيرمان و كوزجون كانت واثقة أن كوزجون هيقدر يحمي نفسه خصوصا انها بعد ما اخدت الأدلة خلاص مبقاش فيه حاجة تقدر تعملها مع فيرمان تحمي بيها كوزجون .... و عشان تحمي كوزجون من علي اخوها اخدت منه وعد أنه ميقربش من كوزجون و لا يأذيه و كانت عارفه أن علي هيلتزم ب وعده معاها .... يعني حاولت بكل الطرق تأمن حياة كوزجون قبل ما تبعد .... ✨ ديلا كان ديما خوفها الوحيد من البداية و خصوصا في المرحلة الأخيرة دي علي حياة كوزجون مش حياة فيرمان لان لو كوزجون اذي فيرمان كانت عارفة أن اللي ورا فيرمان هيفضل يطارد كوزجون و هتفضل حياة كوزجون في خطر .... يعني بردو المهم عندها حياة كوزجون مش فيرمان .

@@SheryTurkishArt شكراً جداً على رد حضرتك. 🌹 أكيد أنا واصلني حاجات كتير غلط و ده لأني ما شفتش المسلسل كله فده خلى مواقف ديلا المتناقضة تلخبطني. يعني مثلاً في بداية الجزء الأول لما رجعت من لندن كانت سكرانة و باست كوزجون و لما رفضها ضربته بالقلم و لو الذاكرة ما خانتنيش هي تقريباً ما كانتش فاكرة كوزجون لحد ما شافته عند الشجرة و ده اللي خلاني أقول إنها ممكن تخش في علاقة مع حد تاني لكن لما عرفت كوزجون إتحركت جواها عقدة الذنب ناحيته، ده غير جوازها منه و لما قالت له إنها إتجوزته عشان نهايته تبقى علي إيديها و إتفاقها مع الشرطة لكن بعد كده قالت لأبوها و عيلتها و بورا إنها بتحبه، و بعدين قالت لقدرت إنها بتكره، بعد كده وقفت قدام الرصاصة عشان ما تجيش فيه، يعني مواقفها متناقضة. نفس التناقض فضل في الجزء الثاني، تقول لكوزجون مش عايزاك في حياتي، و لما كوزجون كبرياؤه يخليه يقولها هو كمان مش عايزها تتضايق، تقوله إنت عايزني أرجعلك يقولها لأ تضايق برضه. غيرتها من جوليا و إنكارها إنها بتغير، كوزجون نفسه قالها إنها كل ما تشوفه تهرب و مع ذلك كل ما يدور وشه يشوفها قدامه أو عند الشجرة، ده غير إنها ما كانتش بترضى تركب معاه لوحدهم حتي هو قالها إنها خايفة منه. ده غير كلام اللي حواليهم زي مرات أبوها اللي قالت إن ديلا هتاخد شهر قبل ما تنفصل عن فيرمان عشان سم كوزجون بيجري في دمها بعد كده عرفنا إن مرات أبوها كانت طمعانة في فيرمان لنفسها، و مرات علي اللي قالت إن ديلا مستحيل تنسى كوزجون و يعد كده قالت إن ديلا تعبت و عايزة ترتاح من اللي شافته. و الأغرب بقى موقف فيرمان اللي ما كانش شايف ردود أفعال ديلا ناحيته و ناحية كوزجون و الوعد اللي خدته منه إنه ما يأذيهوش و نظراتها لكوزجون و كلام خالته و مصمم برضه يتجوزها. كل التناقض ده لخبطني بصراحة. لكن أكيد كلامك صح جداً و مقنع.

بصي عشان تفهمي مسلسل كوزجون بشكل سليم لازم تحطي مبداء أساسي تدور حواليه كل الاحداث المبدأ ده هو مشهدين صغيرين بس بيقولوا و بيأكدوا المبداء ده ... ✨ أول مشهد حفر كوزجون ل اسم ديلا علي صدره عند قلبه في جهة لوحده ... غير الاسماء اللي حفرها علي الجهة التانية و اللي هو ليه عندهم تار و عايز ينتقم منهم لكن ديلا مكانها من البداية مختلف و اي حاجة يعملها كوزجون افهمي ديما إنها بتدور حوالين الحب ده حتي لو ظهرلك العكس . ✨المشهد التاني مشهد بين ديلا و كوزجون وقت عيد ميلاده لما اخدت له شنطة مليانه هدايا كانت بتجيب هدية ل كوزجون كل عيد ميلاد حتي و هو غايب طول السنين علي أمل أن في يوم من الايام يتقابلوا تاني و تعوض معاه كل اللي فات ، كوزجون في دمها طول الوقت ، و كان فيه شيئ جواها بيشدها ليه من أول مشهد و هي لسه مش عارفة شخصيته و أن هو ده كوزجون حبيبها ، يمكن عشان كده حاولت تبوسه يمكن يتأكد احساسها أو يتنفي .... ، أي حاجة تعملها ديلا خليكي واثقة بردوا أن الدافع ليها حبها ل كوزجون مهما ظهرلك العكس ، إللي يفضلوا فاكرين بعض بالشكل ده طول السنين دي و رغم الفراق و القسوة و احساس الذنب صعب قوي حبهم بموت ...

@@SheryTurkishArt كلام سليم جداً. أنا هادور على موقع مترجم عربي أو إنجليزي للمسلسل و هتفرج عليه كله عشان أحسن من الدبلجة. و في إنتظار فيديو جديد ليكي عن كوزجون و ديلا و برضه هابحث في قناتك عن فيديوهات لمسلسلات تانية شفتها قبل كده. تحياتي ليكي.

أهلا بيكي ديما حبيبتي ❤️ ده لينك مسلسل كوزجون مترجم عربي علي موقع قصة عشق s.esheaq.onl/series/%d9%85%d8%b3%d9%84%d8%b3%d9%84-%d8%a7%d9%84%d8%ba%d8%b1%d8%a7%d8%a8-%d9%85%d8%aa%d8%b1%d8%ac%d9%85-d97dk/