ياام سامي على ذكر النو المطر الشتا فكرتيني في بابا الله يرحمو ويرحم باباك كان كي انقولو الشتا راهي تطيح ايقلنا ماتقولوش الشتا فصل ومايطيحش قولو المطر فهل من مترحم على ابي 😭
@@karimalekouara541 حتى احنا ختي ابي وامي الله يرحمهم يقولو النو المطر واتتاع ذرك راكي عارفة يقولو شتا وهي في الحقيقة كلمة خاطئة لان الشتا فصل يسقط في المطر 😘
شحال نحبك يا أم سامي قد ما نسمعك ما نشبعش أنا عمري ستين سنة لو كان غير جيتي جارتي شحال راني حابة نتلاقى بيك ربي يحفظك انت و عايلتك و يبقي عليكم الستر 🤲
أم سامي والله غير تنحيلي على خاطري و كل ما نسمعك نولي نبتسم و نضحك وحدي و نسمعلك لآخر حرف و هدرتك تدخل للقلب ماشاءالله ، ربي يحفظك و يخليك 🥰🤲🏻 La meilleure 🥹❤️
يا حبيبتي كلامك دواء و كلام صواب الفين بالمئة انا عندي بنتي في سن الزواج و رفضت نمدها للدار العائلة بنتي عاقلة او ما تقدرش على المشاكل انا طلبت وليد فاميليا يخاف ربي خدام او عندو دار قالولي راكي تتشرطي يرحم باباك قوليلي اذا طلبت المحال راكي تحكي فالواقع ربي يهدينا و يهدي العباد في هاد البلاد و يرزقنا ناس ملاح كما حنا و يفرج على كل مغبونة
سيلزمنا عمراً إضافياً لنسيان هذه السنوات التي قضيناها بزمن لا يشبهنا ، بغابة دخلناها طيوراً و خرجنا منها حطّابين ، سيلزمنا قلوبا أكبر لتتسع كل هذا الأذى ، سيلزمنا الكثير من الإيمان و الدُعاء و التأمُل لنسيان كل ما مررنا به في أرضنا"
السلام عليكم يا ختي أم سامي والله ياكلامك صح وصح وصح أنا عشت في دار العائلة حتى لقيت صغري كامل راح بلاما عشت حياتي ،،،قلت لإبني شوف يا بني نهار تزوج إدي مرتك وروح عيش حياتك كيما تبغي ،،،ونتمنى بناتي يعيشو في ديارهم وحدهم إلا إذا ربي كتب حاجة أخرى ،،،يعطيك الصحة❤❤❤❤❤❤
أمي كلامك رائع وحق دار وحدها ولات شرط من شروط الزواج😂 أمي الله يرزق كل واحد دار لأن لما تغلق دارك بالمفتاح وترتاحي شعور لايوصف أمي ❤ وتحلية رائعة يعطيك الصحة أمي ❤
ام سامي تعجبيني كتهدري الصراحة على العروسة والله مكين كما الواحد يسكن وحدو باش يبعد على المشاكل كما قلتي العروسة كتكون في دارهم عقلية وكي جي لناس البيت تولي شكون يهدر معاها
ونعم المراة والله يا ناس هذه المخلوقة داءما على صواب وعلى طريق الحق .ربي يعطيك على حساب قلبك الابيض هذا ويطول في عمرك يا طاطا .ياليتك تنزلي كل يوم فيديو ا غير ندخلو في سبات عميق وانتي توقضيننا منه.اللهم اجعلها قدوة لكل الاجيال
مساء الورد ام سامي 🌷يسلم هذاك الفم ڨصرتك حلوة وحسيت روحي قاعدة قدامك عجبني الفيديو كملت حتي للآخر يعطيك الصحة علي وصفة التحلية الرائعة ربي يحفظك ويجازيك خير يارب❤️❤️🌷
ام سامي طاطا خبري نسا ولبنات. يتهلو فصحتهم يتهلو يتهلو فصحتهم فصحة سنانهم فصحة رحم يديرو تحاليل يديرورو برواحهم صحة هيا الاساس فكلش ...يشرو اسبيراتور يشرو كل حاجة لي تسهل ليهم كل حياتهم ويتهلو يتهلو فصحتهم ويخطوهم مصحابات صحابات لا بنات خال لا عم لا جارة ينفسوك في كلش ويروحو فتالي ويخلوك وماشي بلومة. ولكن. كل واحد فالاخرة نفسي نفسي. فتهلاو فصحيحتكم وتهلو باش تكونو في اعلى اعلى درجات الجنة مترضاوش بلقليل في صحتكم وفي درجات الجنة ...وسمحيلي طاطا باغسكو راكي كبيرة عليا ونا فقط حبيتك تحكيلهم على هذا الموضوع انا راني صغيرة ولكن فاتو عليا صوالح كبار عليا. تعوقت في عمر صغير بسبب الزعاف ونرجع لقبي ودوكا الحمد لله رجعت وراني نتعالج ولكن والله ماني حابة اي وحدة تفوت بتجربتي مطلقا ...عيشي بلفرح واي حاجة تضرك فوتيها ومتفوتيش روحك مطلقا حتى اذا تخدمي في دومان وحاسة روحك لالا تقدري تكوني في دومان اخر جربي متخافيش .وهذا مكان .😊وتصنتو لطاطا ام سامي تفرج على لقلب وتعطيك كلمة تاع خير ودربي يفرحها ويفرحليها لبنيات.
انت الأفضل والله كلامك صواب انا ندمت الي مشرطش داري وحدي راني في ١٥ سنة ومازالني في هذا الحال راني صابرة انشاء الله ربي يفرج عليا ادعيلي يا ام سامي احبك في الله
أم سامي حبيبتي ❤❤❤ ادعي لعجوزتي ترتاح راهي براليزي من لطونسيو عندها شهر وهي انسانة طيبة كثيرا وجهها منور ريحة الجنة ربي يشفيها أم التوأم من سطيف تحييك هذا هو سبب غيابي عن التعليقات
ربي يشفيها و يعافيها إن شاء الله و بارك الله فيك يا الفحلة إن شاء الله عرايسك يديرولك كيما راكي دايرتلها هكذا كنت مع عجوزتي ربي يرحمها كنت نعاملها مثل أمي أو أكثر توفات في حجري و اليوم الحمد لله ربي نعم عليا بزوج عرايس علاقتنا ما تتصوريهاش تقولشي صحاباتي ماشي عرايسي ربي يبارك فيهم و في وليداتي و في أحفادي ربي يجازيك كل خير👍
مااروعك يا ام سامي والله عندك الحق في كل كلمه قلتيها وان عن نفسي منمتش بنتي لدار العايله لانو انا مازلت فيها ليومنا هاذا 19 سنه ومازلت معنديش دار منحكيلكش حجم المعاناه والحمد لله معند ماندير
والله يا بنت عمي غير بردتيلي قلبي واش قلتي ڨع صح 14سنة وأنا نعافر فيهم وليوم الحمدلله بصح وصيت على بناتي إلا مت بلاكم تمدوهم لدار العايلة لي عشتها أنا ميعيشوهاش هوما
يا ام سامي يا الام لحنينة ياريتك تفتحيلنا قناة اسمها الشياخة مع ام سامي 😂هههه والله نحب حكياتك والله احبك في الله❤ وسيرتو كي تشربي القهوة وتحكي كثريلنا حكاياتاك الباهيين وكلامك الزين ينحي على القلب
والله يا ام سامي كلامك درر انا معاك في كل ماقلتيه الام كما تشوف لبنتها تشوف لبنت الناس انا عندي عروسة دارت وحدها كما قالوا ناس زمان تعوم بحرها المهم وليدي يكون متهني اما لبناتي رافضين رفضا قاطعا السكن في بيت العائلة ربي يلاقيهم بلي يتمناو شكرا اختي ام سامي متتبعة خفية
حبيبتي يالغلية والله غير تنحلي عل قلبي جبها قد قد ملي عشت وحدي حمدله يربي لعلمين رحمة ميكونش مشاكل طبلية لقرونة لونها جا هبل عليك يزينة تعنا ربي يخلك لنا انشاء الله حبيبتي
سلام ام سامي وسلام لكل المشتركات انا عندي طفلة وحدة رزقي ربي بها بعد 13سنة قلت لباباها ان شاء الله ما نشرط الا الدار وحدها لاني عشت مع العلية 14سنة وشفت وسفريت في صمت ولا كل شي على صحتي من هذا المنبر نقلك ميكتي عندك الف حق واحلى جام من ام ايمن سلام.
العسر لن يدوم والشدة لن تطول والليل يتبعه فجر 👌والصبر أجمل العبادات 👌 والدعاء يسحق الهموم فإذا قلت يارب فإما أن يلبي لك النداء او يدفع عنك البلاء او يكتب لك أجرا في الخفاء اللهم إنا نسألك الفرج القريب🤲.🤲🤲
سلام عليكم أمي ام سامي ضحكتيني حتى شبعت بعد الاختبارات وراني صايمة برك من باب تنبيه كانديا قاطعيها اشري صومام والله الف رنك نعرفها تدخل باش يشروا سلاح لاخوتنا تع غزة نحرمهم منها واسمحيلي اذا زعفتي مني وادعيلي راني في أمس حاجة الدعاء انتي واخواتي الطيبات
عندك الحق يا ام سامي انا من ضحايا دار العايلة . لي اوله شرط آخره نور . اي وحدة داخلة على زواج تشرط دارها وحدها لان القلوب قصاحت و القلوب ظاقت و ربي يجيب الخير
أم سامي كلامك عسل الله يبارك تعجبني هدرتك و الله يبارك عندك الحق في كل موضوع تهدري فيه حبيت نسقسيك كي تغسلي تلخضرة ما تفسدلكش انا كي نغسلها تخسرلي مديلنا تدابير كيفاش نحتافظو بيها من فضلك
ههههه ضحكتيني أم سامي على القيادات العليا والله غير جبتيها أنا كي كنت عند عجوزتي نوض على 8 قلبي يولي يخبط من الخلعة روح عندها للكوزينة صباح الخير ما ترجعهاليش وعمري ما قلت لراجلي والحمد لله راني بداري بعد ما جوزت service militaire .نموت عليك يا أحلى أم سامي 😂❤
واه يا ام سامي عند الحق ليق وحدة دير دارها وحدها انا من جيل تسعينات وتزوجت مع أهل زوج ولاكن مشاكل عجوزي دارت فيا منكر وكاتلتني بسحور ضروك راني بداري وحدي حمدلله
ياما ياما كي ضريتيني بهدرتك فكرتيني فالوجع تاعي كي درت النية فالدار الكبيرة وقلت هذي داري مع تالي كي راحو الكبار جابوني برا حسبي الله ونعم الوكيل فيهم خرجوني من داري في وقت ضيق وقالو حقنا وكامل الناس قالولي ايه حقهم وهذي هي الحقيقة ولكن ربي كبير وحنين بعت طومبيل وذهبي وشريت أف2 قيسي وتهنيت من فيڨورتهم وضرك حابين نعاملهم كي بكري وأنا ماقدرش نخزر في وجهم ياما فرغتلك قلبي نموت على روتيناتك بنتك من شلف شطية 😊
السلام🌹 عليكم حبيبتي أم سامي الانسانة الطيبة والام الحنون والله نفرح كي نسمع صوتك وكلامك صواب وحتى حنا نقولو النو للمطر كي سمعتك ضحكت من قلبي الله يفرح قلبك حبيبتي🌹🌹🌹 سلام من مرسيليا لاحلى أم سامي الجزائرية 🇩🇿🇩🇿🇩🇿
عندك الحق ياا ام سامي هادو قاااع فاتو عليا انا تزوجت في دار العايلة طفل واحد عند يماه و2 بنات وانا صغيرة عليهم ف داك الوقت كان عندي 23 سنة الدوش قاتلي مرة ف السمانة الخرجة لازم نشاورها لحبيت حمام لازم نشاورها الدونتيست كي رفدت الجوف وجعوني ضروسي دارتلي حااالة عجوزتي قاتلي كن خدمتي ضروسك كي كنتي ف دار باباك راكي تبروفيتي في وليدي ونزيدك هدي نسكن مع دارنا حومة وحدة ممنوع نبات لازم نروح صباح ونولي عشية وممنوع نروح لدارنا لازم يديني راجلي ولا تديني هي 3 اشهر قسمتلي قاتلي كل واحد ياكل وحدو الكوزينة ممنوع ندخلها عشية لازم طيبي صباح برك عشية تسخني برك وسكتت وكي رديت السبوع راجلي زعمة داني حوس بيا يا ام سامي لاقاتني م الباب مشنفة عليا ومخلااات مابقات كيفاه تروحي تحوسي لازم تشاوريني وقعدت شحااال منايفتني لدرجة انو العيد رحت نقبل عليها محبتش هي وبناتها غالقين الباب على روحهم وانا عروسة جديدة قاعدة في بيتي نندب على سعدي ومكانش عندي حتى تلفاز وخلي وخلي وخلي هدو رؤوس اقلام ودك الحمد لله بعد 10 سنوات لارمي استقليت بداري وحدي يكتر خير ربي وربي يفرج على كل وحدة مغبونة
