لو حابب التحدي الصح مع جيم بلاي وقصة ممتازين، يبقي اللعبة دي ليك وهتدعيلي 

هاك شاب غامض منعرفش عنه أي خلفية غير إنه من قرية اسمها قلعة القلب الطيب Good Hearted fort بيجي لبلد اسمها سانهو عشان يدور علي أخوه الكبير باك واللي يعتبر قدوته لكن هاك بيكتشف إن أخوه اختفي في ظروف غامضة
وفيه بنت اسمها تي ار ايت بتتصل بيه وبتبدأ تساعده عشان يوصل لخيوط الغموض ده مم خلال رحلة 2d غاية في الصعوبة وجيم بلاي ممتااااز
اللعبة من نظام Hack and slash في عالم من cyberpunk كل شوية بيكتسب فيها هاك قدرة تخليه يتعمق أكتر في عالمها وده لمحبي التحدي مش كدة وبس بيطور من القدرة دي وبيقابل شوية وحوش لاما بيحاربها لاما بيطاردوه ..
وده من خلال مهمات اساسية ومهمات فرعية بتخليه يتعمق في قصص تانية هتفهموا منها العالم اللي بيمشي فيه هاك
اللعبة برضه لازم تكون قوي الملاحظة عشان هتكتشف أماكن مخفية لمحبي التحديات ..
المبهر إن اللعبة متوفرة بمساحة صغيرة جدا علي الهواتف والبي سي وننتيندو سويتش، وقت ممتع مع هاك في رحلة بحث عن أخوه باك.
ميعادنا قريبا مع لعبة جديدة وتقرير جديد
بعين اللاعب