السبب السابع مازن متجول مدير التصوير ...كان صاحبى فى ثانوى ودخلنا تجاره اسكندريه سوا وساب سنه اولى وسافر القاهره معهد سينما تصوير وربنا كرمه ووفقه وده كان اول خاجه يعملها هو و خليج نعمه
ع فكره حتي لو مكنتش فاهمه ان جواه فكره اعمق من الكوميديا بس كنت بحبه فشخ واول مره اعرف انه فشل في السينما لانه كان فيلم تحفه وعاءلي كنا كلنا بنعد نتفرج عليه بس فكره ان طلع اخراج احمد مكي هو راجل عظيم في كل حاجه بجد♥️
السبب السابع لحبى للفيلم انى كنت وقتها فى ثانوى وكنت كبيره وفاهمه الفيلم نوعا ما وده حببنى فيه ومهما اتعاد بتفرج عليه وبضحك على افيهاته ❤❤ وشابوه على مجهودك وبالتوفيق وان شاء الله صفحتك تبقى اكبر صفحه 😊
الفيلم عظيم فعلا ومخدش حقه عشان محدش كان فاهم النوع ده من الافلام وسبب حبي في الفيلم ده الموسيقي وكمية الضحك الغير طبيعية و اختلافه عن بقية الافلام المصرية
الفيلم دا لو داخل مع أي مقارنه ف تاريخ السينما المصريه حرفيا كلها هيكسب لانوا ببساطه منتج جيد ومتميز ف الصناعه من كل شيء ف عبقريه رهيبه حرفيا دي الافلام اللي تضحك وتحس بالسعاده وتخرج مفضي دماغك حرفيا زي الطبخه المضبوطه لا زياده ولا نقصان بالحرف perfect
حسيت ان الفيلم بيركز على إسلوب الاعلام في تعظيم الشخصيات وانه بيعمل منهم بشر غير طبيعيين ، ومستحيل اي حد في الدنيا مهما عمل انه يقدر ينافسهم ، زي لما يحيى اصر انه يلاعب فومنشي والناس يلي حوااليه قالو مستحيل من يلي بشوفوه في التلفزيون ، ولكن على ارض الواقع طلع فومنشي مجرد حد متمرس ولما يحيى اشتغل على نفسه قدر انه يقفل ملفه ، مكي عايز يوصل رسالة وهي متصدقوش الشو الاعلامي .
برافو عليك والله فيديو فعلاً جميل ، الحاسه السابعه من افلامي المصريه المفضله وهو دايما الريفرنس بتاعي في شرح Dan Harmon's story Circle لأن غير انه فيلم مكتوب كويس انا بستمتع وانا بشوف بأنبساط الناس بتفاصيله
أول حاجة نفسي القناة تكبر بجد و كم السعادة ده يوصل لأكبر عدد من الناس علشان انت تستحق ده.. تاني حاجة الفيلم ده من قائمة مفضلاتي في السينما المصرية و الكوميديا بتاعته مش اي حد يفهمها فعلا.. تالت حاجة جميلة اوي اللفتة بتاعة جروب مش لوحدك مش كتير من اليوتيوبرز بيخرج برة المايك و الموضوع و يكلم المشاهد بشكل مباشر و يقوله انا حاسس بيك بجد براڤو عليك. 🤍
ان احمد مكى كان وقتها لسة فى بداية حياته وعمل فيلم عظيم زى ده ، فلما بشوف الفيلم ده بنفتكر نفسنا إلى اغلبنا لسة فى بداية حياته وبناخده كالهام ومرجع لينا اننا نقدر نعمل عظمة واحنا لسة فى البداية ونكمل بعظمة حتى النهاية
الحمد لله كان عندى ٢٥ سنه لما الفيلم اتعرض و ملحقتوش فى السينما بس لما شوفته فهمته و حبيته جدا و لحد دلوقتى احنا خسرانين مكى المخرج اللى اقوى بكتير جدا من مكى الممثل
الثامنيل جميل اووي و الفيلم دا جامد بجد بكل تفاصيله حقيقي ♥️ شكراً أنك اتكلمت عن الفيلم بعد السنين دي من عرضه هو فعلا من افضل اعمال الفيشاوي ممكن لو ينفع تعمل مراجعه او تحليل كده للفتره بتاعه قنوات ميلودي تتحدي الملل
من اكتر الحاجات اللي عجبتني في الفيلم هوا الاخراج و الموسيقى التصويرية و الاغاني المستخدمة و المونتاج و اللي واضح فيهم بصمة احمد مكي في كل تفصيلة في الفيلم
ياريت لو تعمل شرح اكتر عن انواع الكوميديا زي الساخر والسوداء وما الى ذلك حقيقي استفدت من فديو الكوميديا السوداء في كتاباتي وحقيقي اسلوبك حلو جدا اتمنى متوقفش ابدا يا صديقي
حلقة تحفة و مجهود رائع💙 و الفيلم جميل بكل تفاصيله 💙 بحب محتواك جدا استمر و متتأخرش علينا 💙 و ادعيلي اني انجح في الثانوية و افرح أهلي و لكل الطلاب بردو💙
لا لا القناه الجميله قوي وجامده قوي ويا رب تكمل ويا رب توصل مليون وانت من الناس اللي المفروض توصل مليون بجد وبصيت بص على على فيديوهاتك وعجبتني قوي على فكره انا مواليد 2004 وحضرت عصر الكوميديا جميل انت وتتكلم عليه ...❤❤
الفيلم دة انا فاكر لما اتفرجت عليه الوحيد الي ضحكني و الجزء بتاع الاعلان المصري لما شوفته قولت فاضل يجيبوا ابو الهول يشجعه و كنت بتريق لقيت ابو الهول فعلا 😂😂😂 فا حسيت ان الفيلم دة حاجة سبيشال و بيكلم جيلنا و فاهمنا فا حبيته جدا
السبب السابع انت حاطه في اخر الفيديو الموسيقي اللي بتشتغل مع دخلت احمد الفيشاوي جامدة اوي بضحك كل ما بتشتغل متنساش تعمل فيديو عن ليه فيلم كامب اكتر فيلم رعب بيضحك
الفيلم انا شوفته كذا مره وانا صغيره وعمري ما فهمته وكنت شايفه انو فيلم سخيف ودمه تقيل ومش مفهوم بجد لكن لما عرفت انو مكي هو اللي اخرجه وسمعت ناس كتير بتتكلم عنه وبتشرحه نظرتي ليه اتغيريت جدااا واكتشفت انو كان فعلا فيلم سابق عصره اكتر من انه فيلم غريب ومش سهل يتفهم
فعلا شوفت الفيلم ده قبل كده في التليفزيون ، و فعلا في البداية لم استوعب الفيلم و كنت صغيرة جداً مش اوي يدوبك كان عندي 11 سنة ، بس فعلا تضحك و لما رجعت اتفرج عليه بعد مدة ابتديت افهم و فعلا نفس اللي حضرتك قولته هو اللي كان في بالي 😊😊
السبب السابع ممكن يكون الاهتمام بالتفاصيل والذكاء الي في الفيلم الي بان في مشهد لما كان بيحلم انه بيلاعب الراجل الصيني وجه يقرا افكاره لقاها بالصيني ومفهمش حاجه وقال بيفكر بالصيني حقيقي مشهد رغم بساطته الا انه عبقري والكوميديا فيه عاليه ومدروسه والفيلم بكل ما فيه عظيم واندريتدد لابعد الحدود
4:13 هو اللبس أصلا واخده تارانتينو من لبس بروس لي أيام الموجة الأولى لأفلام الفنون القتالية، يعني من بروس لي لتارانتينو لأحمد مكي 😂 فيديو جميل، استمتعت
حقيقي اكتر حاجة بحبها فالقناة والمحتوي بتاعك انك بتاخد حاجات عادية في حياتنا و تطلع منها شغل جامد جدا وتورينا فيها ابعاد مختلفة و تفصلهالنا عشان كدة كل حاجة بتعملها بتعلق معانا عشان احنا متعلقين بيها بجد شكرا علي مجهودك جدا ♥️♥️♥️
انا ف الاول مبتابعش التشانلز دي ،بس حقيقي صوتك مميز جدا ولطيف لأبعد حد يخليني باخد فكرة وبستمتع ف المشاهدة كانه فيلم بجد بسبب ميكس الصوت واللقطات الجميلة، شابوه ليك والله وربنا يوفقك اكتر واكتر لحد م توصل لاكتر مما تتمني لانك موهوب وتستحق دا جدا ❤️❤️
والله القناة اول مرة تقع قدامي بس طالما بتتكلم عن الحاسة السابعة ف لازم اشترك😂💙 الفيلم ده عظيم من كل النواحي حرفيا اخراج مونتاج تمثيل على قد ما هو متعوب فيه اوي على قد ما هتحسه بسيط جدا ومش معقد بمكن القصة زمان عشان كانت جديدة على الناس ف محدش حبها ده خلاه منجحش الا انه حاليا من انجح الافلام المصرية اللي لسة بيتاخد منها ميمز لحد دلوقتي بجد شكرا على الحلقة الجامده
السبب السابع المؤثرات الصوتية حسيتك هتقول كده 😂 + الحلقة حلوة انا كنت بشوف الفيلم وبيضحكنى جدا من غير ما اكون فاهمة كل ده وانت بتتكلم عن مكى حسيت أن شخصية الرابر اللى جواه كانت ظاهرة فى الاخراج وكده علشان بيجيب ريفرنس لكل حاجة حتى اللبس وبيرمى دبل ميننج كتير فبجد برافو
الحلقة بتاعتك جت قدامي بالصدفة وفتحتها بسبب حبي للفيلم دا وانه فيلمي المفضل فعلا لدرجة اني لما كبرت ودرست مونتاج وبدأت اخرج فيديوز اكتشفت ان معظم شغلي مشابه للفيلم من كتر حبي ليه , انت استاذ و الفيديو بتاعك طريقت سرد الموضوع عالمي , اشكرك علي الحلقة الجميلة دي و مبسوطة بأشتراكي في القناه