مساء الخير سوال لو سمحت لو في مثلا حوض تم عزله و بعد اختبار ثبت انه تمام لو احد الاركان حصل له تكسير مثلا عشان نعدي ماسورة صرف ونمشيها علي الارض هل ممكن دهان العازل علي التقطيب الللي علي الماسوره عند مكان دخولها من ااجدار وشكرا للافاده
لو عزل اسمنتي من النوع دة .... ممكن الخامات بس تقريبا ٢٢٥٠ لاننا ف شغلنا بنجيبها من كيماويات البناء الاصلية المعتمدة مش اماكن بير سلم و دا خلاف مصنعية صنايعي العزل .... دا باعتبار ان السطح مفيهوش اي عيوب او مشاكل ولازم اللي بيعزل حد يكون فاهم مش اي صنايعي ياخد الخامات و نقولة اشتغل.
هيا الافضل طبعا اننا نعزل ع الخرسانة مباشرة لان كدة كدة حضرتك هتضطر تركب بلاط تاني بعد ماتعزل السطح بتاعك مش هينفع يفضل ع العزل كدة و لو عملت الطريقة دي كدة انت هتضيف أحمال بلاط اضافية ع السقف فكدة هتبقي الضعف و احنا مش عارفين سمك بلاطة الدور قد اية ...لان المقاولين في الغالب مبيهتموش ببلاطة اخر دور كتسليح و خرسانات و سمك الرقة نفسها فاحنا بنبعد عن القصة دي و نامن نفسنا لان لو حضرتك حبيت تعمل عزل حراري و عزل رطوبة بالاضافة انك هتعمل عزل للماء و طالما سطح فبنعمل خرسانات ميول ع الجرجوري عشان صرف مياة الامطار فعشان نوصل لكل الطبقات دي محتاجين سمك كبير جدا و حمل زيادة بالاضافة ان حضرتك عامل بلاط قديم و فية فرشة رمل و اسمنت تحتة فالافضل نعزل ع الخرسانة مباشرة عشان اقدر اتحكم ف سمك التشطيب بتاعي و بعد كدة اعمل البلاط بتاعي عادي و اقدر اضيف انواع العزل الاخري لو حابب و اتحكم ف ميول السطح و صرف الامطار.
سؤال ضروري يا هندسه ؟ انا للاسف عملت عازل بارد على الخرسانه وللاسف عزلت السملات اللى هيتبنى عليها من فوق ؟؟ هل فيه طريقة لمعالجة ده او طريقة لما ابني على العازل المونه ما تفصلش عن الخرسانه ؟؟ هل المنتج اللى حضرتك عالجته يلتصق مع البيتومين ؟؟ ارجو الرد سريعا لانى مش عارف اعمل ايه
بيسرب يبقي في مشكلة ف سقية السيراميك انة مش مسقي كويس لو حضرتك قدرت انك تعالج الفواصل و تسقيها كويس باسمنت ابيض لباني و بعديها اسمنت ناشف و تكحل الفواصل و تجيب صنايعي بما يرضي اللة تمام او تجيب مادة ملي فواصل من كيماويات البناء الحديث و تسقي بيها السيراميك من اول و جديد لو عملت كدة و مفيش نتيجة هتلاقي العيب من اماكن الوزر لان اكيد مش معمول رقبة ازاز فالحل انك هتشيل السيراميك و تعزل عزل اسمنتي ضد الماء او عزل انسومات و ف كلتا الحالات لازم تنضف السطح كويس جدا عشان لو نقطة ف السطح متعزلتش ووصلها مياة يبقي ولا اكتك عملت حاجة فالافضل حاليا واللي كلة بدا يلجا لية لانة اثبت كفاءتة هو العزل الاسمنتي بس اللي يشتغلة يكون صنايعي عزل