قبل عشر سنوات او اكثر تخرج ابني من الثانوية العامه بعد ان تعبت عليه ومافيه اختبار تحصيلي او قدرات او كفايات الا سجلته فيه علشان تزداد فرصه بالقبول بأي برنامج من برامج شركات سابك وارامكو وصدارة .. ولله الحمد والمنة قبلوه ارامكو لدراسة تخصص كان ضد رغبة ابني تماما .. وهنا آتى دوري كأب (حازم) وارغمته على قبول العرض وقد كان .. ودارت الأيام واستمر الابن ونجح في عمله جدا وتزوج وإنجب ابناء وبنات وكل ما زارني قبل رأسي مرتين الاولى قبلة اشتياق لوالده والثانية قبلة امتنان لي على (ارغامه بالقبول) ختاما يا ابنائي .. بهذا الزمن الصعب الفرص تزداد ندرة و المنافسه عليها حاميه .. فمتى ما سنحت لك اغتنمها فورا .
ماشاءالله قصة ابتعاثك لهندسة البترول جدا رائعة لكن الخيرة فيما أختارها الله وحتى ابتعاثك لأمريكا بتخصص الهندسة الكهربائية جدا مثيرة للإهتمام والشخص لازم يختار طبعا التخصص اللي يحبه عشان يبدع فيه نفس ماسويت أنت طبعا😎❤️✨ والحمدلله ع كل حال رمضان كريم🌜🌜 🇩🇿🇸🇦.
والله ماشاء الله اسلوبك جدا جميل وسردك وانتقاءك لتفاصيل الموضوع جدا جدا جميل طوال الوقت قاعد اسمع وانا استمتع جد جد جزاك الله خير بس كنت اتمنى المقطع بدون اي مؤثرات او اي اغنيه بحكم رمضان وموفق خير ❤
جزاك الله خير استاذ احمد الله يوفقك دنيا وآخرة يا رب قصتك ملهمة جداا ما شاء الله واحمد الله على ظهور هذا المقطع لي لعله يكون خيره لي وانا بإذن الله ببدا مشواري لمستقبلي ومحتاجة نصائح اذا في مجال اتواصل معك
سبحانك يارب..قبل كم يوم كنت بسجل في ابتعاث ارامكو بس لما وصلت لترتيب الرغبات ما ارتحت وما حبيت التخصصات الموجودة وقررت أشد حيلي بالتحصيلي يارب يا كريم اجيب ١٠٠ بالتحصيلي ويتحقق اللي ابيه:(
رجعت لي ذكريات وخليتني اتذكر اغرب فتره في حياتي فتره اختبارات الابتعاث و التحصلي , وقتها كنت اقطع نفسي عشان ارامكو ودرجاتي كانت ممتازه الحمدالله ةلكن بعد الاخبتار تفس الي حصل لقيت الكل جايب العيد وانا من ضمنهم للأسف رفضوني وكنت زعلان ولكن ربك دايما له خطه افضل من خطتك الحمدالله دخلت الجامعه و اعفوني عن السنه التحضيريه اختصرت سنه من حياتي وبعدها ربي سهلي والان تبقى سنه ونصف على تخرجي . و اموري مشيت نصيحه للشباب الي بالفتره هذي ابذل الاسباب ةتوكل على الله لاتعلم اين الخيره
@@فهدفهد-ي5س4ج كان عندك التليجرام ادخل قروب جامعة البترول وتلاقيها ومعها التفاصيل، ولكن حسب ما اذكر في سنة ٢٠٢٣ (ان كان غيروها مدري) يختبرونك عندهم في الجامعه اختبار انجليزي ورياضيات على حسب الدرجة الي تجيبها تحذفها او جزء منها او تدرسها وتقدر تختبر ايلتس بدال اختبارهم من خارج الجامعه وتجيب درجة ٦ والمهارات الاربع تكون ٥،٥ على الاقل وتحذف الانجليزي فقط والرياضيات لازم الي عندهم بس و الله يوفقنا وياك وكل مسلم
احمد تبي نصيحتي : سو سلسله حق قصص نجاح حق طلاب جامعيين كيف قدرو يجتازو التخصص وكيف قدرو يتعايشون مع الضغوط ، واذا قدرت تستضيفهم وتتكلم انت معهم يحون افضل
عزيزي احمد اخوك محمود مصري تابعت. دخلت ابحث عن مواصفات ارامكو للبناء بما اني مهندس مدني.. لقيت الفيديو تبعك ما بعرف ليش دخلت اشوفك ولكن كملت الفيديو للآخر ماشاء استفدت بكمية طاقة إيجابية ❤.. اشكرك على اصرارك واتمني لك التوفيق ❤❤❤
قصتي مع ابتعاث ارامكو تشبه قصتك قبل سنتين كنت محتار جداً اروح لهم أو لا كنت ساعة أقول لنفسي بروح وساعة اقول لا ابغا تخصص ثاني، طبعاً كنت في مدينة بعيده عن مدينتي وكان فيه ملفات لازم ارفعها لهم وماهي عندي فكانو كل فترة يتصلون علي يقولون ارفع الملفات وقرب وقت بداية الأسبوع التعريفي كان تقريباً باقي عليه أيام قلت خلاص لازم اسافر أو اتصل عليهم واقولهم اني انسحب من البرنامج حتى وقت السفر قبل ما اركب السياره قلت لأبوي خلاص برفض وما يحتاج نسافر وكان ابوي شايف فيني التردد اصر علي اننا نروح لمدينتنا حتى لو برفض، ولما وصلنا اليوم الثاني اتصلو علي عشان ارفع لهم الملفات الناقصة قلت لهم بدون تفكير وبتردد ابغا انسحب من البرنامج قالت ليش قلت ما ابغا التخصص ورجعت عند ابوي قلت له رفضت وانا اغلي من داخلي من القلق وفي ليلتها ما قدرت انام كل احس جسمي حار وقاعد افكر كيف رفضت الفرصة وقلق من المستقبل وانا راجع للمدينة اللي كنت اقضي فيها الإجازة كنت قلق وافكر اتصل عليهم اقولهم بكنسل انسحاب وبنضم للبرنامج لو مقعدي باقي متاح لكن ما اتصلت، بعدها بيومين اتصلو علي قالو رتب رغباتك واعطوني ثلاث تخصصات جيولوجيا وجيوفيزياء وهندسة بترول طلبت مهلة افكر ورجعت لدوامة ساعة بقبل وساعة برفض اليوم الثاني قلت لهم خلاص بنسحب وبمجرد ما رفضت شعرت بحرارة في جسمي وندم غريب مثل كل مرة حسيت فيها اني فوت فرصة ابتعاث ارامكو. وأنا حالياً في كلية الطب والصدق باقي ما حسيت الطب يناسبني مستواي أقل من المتوسط بين الطلاب وماعندي الشغف في الدراسة ولازلت كل ما اشوف فرصة تعجبني افكر اغير التخصص كون مستواي منخفض ولاني معجب في الطب ولكن اللي خلاني اختاره هو اني كنت حاب التخصص وانا طالب في الثانوي وكان يعجبني اسلوب حياة طلاب الطب والأطباء. ما ادري وش الهدف من قصتي لكن حبيت انشر مرحلة من حياتي كانت الأصعب ولعل القادم أجمل. 😊😊
@@talalalqahtani9091 مافيه شك الطب من أشرف وأفضل المهن لكن قصدي ارتياح الشخص في تخصصه وقدرته على الإبداع فيه. ولو رجع الزمن فيني ما اتوقع بروح ارامكو لأن ماعندي أي اهتمام في التخصصات اللي عرضوها علي.
رمضان كريم 🌙 ثابروا ف رمضان ف الطاعات لان الاجر راح يكون مضاعف و الله يتقبل طاعاتكم و صيامكم و قيامكم و يغفر ذنوبكم و يفرج همومكم و يشفي مرضانا و يرحم موتنا و يعتق رقابنا من النار يارب 🤲🏼 والله يوفقكم و يكتب لكم اللي في الخير يارب وللجميع يارب 🤲🏼
يا الله يا حلو الصدفه تخيل اني الان قبل كم دقيقه كنت على وشك فقدان الشغف. في القدرات لكم ان تتخيلون سنتين بكمل وكل مره احاول اعيده للمره الثالثه راح علي بعد ما ذكرت 🥹واحس يا الله 10:38 الدبدوب يمثلني
والله يبو حميد مشكور عالقصة الجميلة ومشكور لتحفيزك لنا من بعد سماعي لقصتك تذكرت اية ( فإن مع العسر يسرا إن مع العسر يسرا ). دعواتكم لي بالقبول بالابتعاث ولكم بالمثل يارب ❤❤
انا دخلت اختبار ارامكو بس لعلي ما توفقت بالانجليزي فما نجحت بالاختبار لكن بعدها ترشحت في وظيفتك بعثتك على تخصص ذكاء اصطناعي على امريكا بس حصلت لي مشاكل كثير وحولت لبريطانيا كثير مرات كانت تراودني نفسي انسحب من صعوبة الدراسة والبيئة الدراسية الي تعتمد على التعليم الذاتي والضغط النفسي كان شديد جدا خاصه مع كورونا, انا والي معي كلنا كنا نقول احنا ايش طلعنا من جامعات السعوديه, ولو رجع فينا الزمن ما فكرنا نطلع بريطانيا ابدا بس الحمدلله الايام عدت بحلوها ومرها وباقي لي كم شهر واتخرج بإذن الله
الله يكتب أجركم و يبارك لكم في علمكم ، اثار انتباهي نقطة لما قلتي تحملنا البيئة السيئة و التعلم الذاتي و الضغط .. و الجامعات السعودية ؟ اعتقد ان البيئة السيئة فيها أسوأ باضعاف و الضغط اكبر
@@user-ph1cx9rk8i الله يجزاك خير واياك ممكن جامعات السعودية تختلف من جامعه لثانيه ومن تخصص لتخصص بس بالنسبة لتجربتي في الدراسة بجامعات السعودية، فهي محدودة بما اني درست ترم واحد فقط. ولكن، خلال تواجدي هناك كانوا الدكاترة أكثر تجاوب ومستعدين للمساعدة. كانت السلايدات او الكتاب هو الأساس للتعلم والاختبارات، وكانت فيه كويزات وميدات وتكليفات تساعد في فهم المواد ورفع الدرجات بشكل عام وأخيرا كانوا الطالبات متعاونات والبيئة مريحة. اما تجربتي هنا في بريطانيا (في جامعتي خصيصا) قضيت منها سنتين دراسة عن بعد, بعض سلبياتها ان - الدراسة تعتمد كليا على التعليم الذاتي، يعطونك محاضرات تعتبر ملخص للمواضيع، ويعطوك مصادر كثير من ابحاث وكتب ويقولون اقراها تراها داخله معك بالمنهج - ما يساعدون، ما فيه شيء اسمه تواصل مع الدكتور يساعدك، يقولك لو عندك سؤال ارسل لي ايميل وممكن يرد وممكن لا + ما فيه دف بالدرجات نهائيا - اذا غبت عن اختبار او ما سلمت مشروع لازم ترفع طلب رسمي للجامعة ويأخذ منهم الموضوع اسبوعين وغالبا راح يرفضون طلبك الا اذا كان سبب قوي جدا - ما فيه درجات حضور ولا مشاركه ولا اختبارات قصيره ولا شيء. بس خلال الترم اما تسلم مشروع، او اثنين، او تختبر اختبار نهائي يحدد درجتك في المادة الي درستها ترم كامل. - الاختبارات والمشاريع فيها تحدي كبير، لدرجة ان نسبة الرسوب في اختبارات الاون لاين اعلى بكثير من الحضوري. - نسبة الطلاب الي يجيبون فوق 70% في المواد تكاد لا تذكر ونسبة الي يجيبون اقل من 40% عالية (رسوب) - نظام السنه الدراسية قريب من نظام مدارس السعودية، اترام ومواد وما فيه حذف مواد واذا رسبت بالمادة تأخذ دور ثاني واذا رسبت تأخذ دور ثالث واذا رسبت ما راح يسمحون لك تكمل دراسة. لكن فيه إيجابيات طبعا، منها ان الدكاترة ما عندهم تحيز لأي طالب، ومستحيل يرسبك عشانه مشخصنها معك. ونظام الدراسة هذا راح يساعدك كثير اذا كنت بتكمل دراسات عليا، وجودة الجامعات ومرافقها ممكن تكون افضل بشكل عام
❤🩹 " من آمن بعوض الله آتاهُ عظيمًا " ♡ - الإمام الرضا ⦅ عَلَيْهِ الّسَلَامُ ⦆: أحسن الظن بالله، فإن الله عز وجل يقول: أنا عند ظن عبدي المؤمن بي، إن خيرا فخيرا، وإن شرا فشرا . ♥︎ - رسول الله ⦅ وآلـﷺـه ⦆: والذي لا إله إلا هو، لا يحسن ظن عبد مؤمن بالله إلا كان الله عند ظن عبده المؤمن، لأن الله كريم بيده الخيرات، يستحيي أن يكون عبده المؤمن قد أحسن به الظن ثم يخلف ظنه ورجاءه، فأحسنوا بالله الظن وارغبوا إليه . ♡ - الإمام علي ⦅ عَلَيْهِ الّسَلَامُ ⦆: من حسن ظنه بالله فاز بالجنة، من حسن ظنه بالدنيا تمكنت منه المحنة . ♥︎ - رسول الله ⦅ وآلـﷺـه ⦆: أكبر الكبائر سوء الظن بالله . ♡ - الإمام علي ⦅ عَلَيْهِ الّسَلَامُ ⦆: حسن ظن العبد بالله سبحانه على قدر رجائه له، حسن توكل العبد على الله على قدر ثقته . ♥︎ - الإمام الباقر ⦅ عَلَيْهِ الّسَلَامُ ⦆: ما أبالي أصبحت فقيرا أو مريضا أو غنيا، لأن الله يقول: لا أفعل بالمؤمن إلا ما هو خير له . 📚 ميزان الحكمة
يالله سجلت و اختبرت قبل ٤ سنوات و كان من اجمل الاختبارات اللي اختبرها 😂 كمية الدلع اللي شفتها كل شوي مارين يعطوني عصير و فطاير و مويه اما بالنسبة للاسئلة اتذكر سألوا كل بنت نموذج عربي او انجليزي و الرياضيات كان عبارة عن زوايا و مثلثات و حسابهم
@@ahmedmmd الحمدلله جتني رسالة القبول مع حفل تخرجي من الثانويه ولكن ما كملت معاهم كانت رغبتي الاساسيه وهدفي التخصصات الطبيه و الحمدلله دخلتها. مجرد فضول و خيار ثاني تسجيلي واختباري مع ارامكوا
@@Reema-de4rt سبحان الله نفس وضعييي كنت بجرب بس كذا فضول بس لما وصلت ترتيب الرغبات ما ارتحت وما كملت التسجيل يارب يارب اجيب ١٠٠ بالتحصيلي وانقبل طب واجي ابشرك ههههههههههههههههه
مقطع جميل صراحه وفعلا الخيره فيما اختاره الله الواحد ما يدري وش مكتوب له لذلك من المفترض الواحد ما يجزع ويرضى الله يوفقك يا راعي المقطع❤ ،وبرضو عجبتني حركة الدبدوب اللي ورى 😂
طبعاً الله يعطيك العافية على سردك الجميل بس اتمنى لو مافيه موسيقى وحابة اسأل وش الفرق بين موظفين ارامكو الي يبتعثون وموظفين ارامكو الي يدرسون في جامعة الملك فهد للبترول والمعادن
يالله صارلي نفس الشي تقريبا تسكر كل شي وحاولت لين خلاص راح الشغف واستمريت بشيء ما ابيه بعدين انسحبت منه ورحت مكان وتخصص ماتوقعتهم ولافكرت فيهم يارب لك الحمد فعلاً الي الله كاتبه لنا أفضل من الي بخاطرنا
انا اسنان كنت جدا شغوف بالكمبيوتر وكمان التخصصات الصحيه وكنت دايم اروح مع ابوي في المستشفيات واشوفه يعالج المرضى يوم كنت صغير فرغبتي كانت طب او ابتعاث علوم الكمبيوتر .انقبلت في الcpc بس تخصص مب شغفي (هندسه كيميائيه) وفي النهايه صليت صلاة استخاره وحسيت انه مب مكاني و رفضت . كان افضل قرار سويته انا الحين طالب في الحرس تحضيري وان شاء الله ناوي على تخصص الطب ومعدلي 4.93 باقي بس اخلص هذا الترم على خير. ادعولي بالتوفيق و النجاح🤲
@@qhindq اذا هي وظيفة رسمية اسحب على الجامعة والكلية، لانك ماتدرس الا عشان تتوظف واذا جاتك الفرصة لاتفوتها لانها يمكن ماتجي مره ثانية وبعد ماتتوظف ويشتد عودك وتقدر تعتمد على نفسك حينها اذا كان الشغف الدراسي لايزال يراودك تقدر تكمل في الجامعات الي تدرس بالنظام اليلي وبعدها روح والله يوفقكك
تعتبر هندسة البترول احد أفضل التخصصات التي تطلبها ارامكو بحيث بعد التخرج قد يكون الموظف operation engineer وهذا المسمى الوظيفي هو احد اسرع الوظائف في ارامكو من ناحية الترقيات والتدرج في المناصب بسرعة. معلومة، الاخ المهندس أمين الناصر رئيس شركة ارامكو كان قد تخرج من جامعة البترول والمعادن بتخصص هندسة بترول واليوم هو رئيس الشركة
الله يوفقك و ييسر أمورك و الخيرة في ما اختاره الله. بس تدري انا لو بمكانك آخذ التخصص لأنه اعرف ناس في أرامكو يقولون اكثر تخصص عليه طلب هو هندس البترول تخيل أكثر من آي تي. هندسة البترول اغلبها مواد علمية حسب ما سمعت تدرس سنة في الظهران و تكمل ثلاث سنوات في أمريكا. الله يوفقنا و يرزقنا و اياكم. و مبروك عليك الشهر.
أهم شي تذكري يا أمونه التوكل على الله أولاً وان التوفيق من عند ربي الحين شهر خير إدعي ربي بكل يقين انه يوفقك ، اعرف وحده جايبه فوق ال ٩٠ ولا انقبلت بكل بساطة التوفيق من الله ادعي ربي وابذلي الأسباب والله يوفقك يارب ويكتب لك الخير فالامور كلها ويختارلك ولا يخيرك يارب وان ماكتبه ربي اعرفي وخليك على يقييين كبيييير إنه خييييير لك واحمدي ربي على هالشي وبتتذكرين كلامي بيوم من الأيام ، وادعي دايم ( اللهم اكتب لي الخير وارضني به ) .. بالتوفيق ❤❤
@@LAYANVLOG بإذن الله الله يسعدك على الكلام اللَبِق واللي يعكس جمال اخلاقك يا ليّونه متوكلين على الله دومًا والله معانا اينما كُنّا ولكن الان قاعدين نعيش قلق من المستقبل وبإذن الله ربي ييسرها لنا جميعًا
اتمنى منك يا احمد لو تكرمت تنزل فيديو عن برامج التدريب و التجهيز للابتعاث في المملكة وايضا برامج الابتعاث شفت الفيديو القديم بس لو بالامكانية لان اكيد في اشياء جديدة بعد سنتين
ياحبيبي قلبي احمد مساء الخير او صباح الخير على حسب ماانت عليه... اتمنى انك تتكلم عن التغير اللي يصير من الحياة في التعليم العام قصدي على (الثانويه) والتعليم العالي(الجامعه) ترا المساله اللي في الحياه الجامعيه والتغيرات والضغوطات في امور ماحد عارفها.. من طالب في اخر ترم في الجامعه ولله الحمد
قبل ٦ شهور شفت المقطع هذا فترة اختباري لارامكو والحمدلله بعدها جاني قبول في البرنامج ولكن للاسف صار لي زيك ولا عطوني التخصص الي كنت ابغاه وانسحبت والحمدلله على كل حال لعلها خيره
انا انقبلت بارامكو وسابك واخترت اكمل دراستي في الخارج وبعد ما رجعت صار الوضع اصعب بالقبول وكلهم يبون خبره 😔. اخويائي موظفين في ارمكو الحين وانا شغال بشركة خاصه
بس احيانن تبي تخصص انت راغب فيه فعليا وبنفس الوقت يخدمك بسوق العمل لو طلعت من ارامكو مو الكل يتوظف فيها لين يتقاعد البعض ياخذها ١٠ سنوات او ١٥ سنه ثم يطلع يشوف الحياه الطبيعيه يلقى الشركات المحترمه ترحب فيه للتوظيف مثل STC صندوق الاستثمارات العامة روشن وغيرهم بحكم عمله السابق ويعيش نفس الناس الطبيعيه يعمل ٨ ساعات الى ١٠ ساعات ويرجع بيته ويحصل على غالبية مميزات ارامكو فيه شركات كثير تعطي مميزات وبدلات ممتازه.
ياخي والله حمير الي كذا الله يهديهم بس قال انا سحبت عليهم عشان تخصصي مو مو كذا تاخذ رزقك ياخي ترا الحياة مهي على مزاجك لازم تتواكب معا التغيرات الي الله وجهك عليها الله دايم يكتبلك الاحسن انا تخصصي الاساسي ادارة مبيعات وتسويق وصدف معيا اني انقبل في شركة قويا تدريب سلاسل امدادات ومخطط على ارامكو بعد ما اخلص ولو انقبلت انشاء الله فني إطفاء في ارامكو راح اغير تخصصي بدون ما افكر وذا الشي انا اسميه توجيه الله لك في حياتك ومستقبلك أتمنى الناس الي تقرأو كلامي ذا يسو زي ❤
