شكرا لك خويا الحبيب فرحتينا بزاف واخا انا ما عنديش علاقه مع هذا الشيء انا نجحت الحمد لله شحال هذه شديت البيرمي ديالي ولكن بقاو فينا هذوك الناس مساكن يوقع اليوم هذاك الشيء كنتمناو لهم ان شاء الله النجاح
مكاين اللي خرج على عباد الله قد المدارس اللي ماعندهاش حس المسؤلية تايقولك حفظ الصورة والجواب ديالها وصافي، واحد النهار سولت المونيتور على إلى كنت فالطريق السيار فمسلك الاندماج وتقادى ليا مسلك الاندماج والطريق عامرة كيندير ندامج؟ قاليا وا تاتعمقي بزااف تانتي ماتبقايش تفلسفي فهادشي خودي الصورة كيفما هي قدامك ببساطة وصافي. قتلو غيجاني الفضول حيت قلتو فيه ألف متر، قاليا إلى عامرة الطريق بقاي غادية فطريق التوقف الاستعجالي حتى تندامجي، الصراحة بقى فيا الحال حيت حتى هادوك اللي فالقسم عاجبهوم حفض ونوض،قالولي ماتبقايش تسويلي بزاف باش نساليو خلاص السلاسل راه غي تيضيع الوقت فالشرح. من تما مابقيتش تانسولو ولا تانراجع معاهم حيت عرفتهوم سرهوم ديك الطريقة اللي تايدير معاهم، حافظين الصورة ورقم الجواب صافي، وليت تانفهم كلشي فالفيديوهات فاليوتيب ونقلب عالمعلومة بوحدي
شكرا خويا استفدت من الشرح ديالك في الفيديوهات السابقة و دوزت البارحة و جبت 35 و التطببقي داز في سلام و الحمد لاه حصلت على رخصة السياقة ، متمنياتي بالتوفيق للجميع
شكراً جزيلاً لك استاذ الحبيب ستفدنا من نصائح ديالك والفيديوهات اللي كتقدم فقناتكم المحترمة والحمد لله نجحنا وخدينا البيرمي جعل الله عملكم هذا في ميزان حسناتكم يارب العالمين
متافق معاك في مسألة نمشي عند مدرسة ذات سمعة انا كنعرف واحد السيد ممتاز صاحب مدرسة و لكن لواليد عكس ليا مخلانيش نمشي نقرى عندو حيت بعيد على فين ساكنين معرفتش كيفاش نقنعو
بحالي بحالك أخويا دوزت ليوم جبت 29 أغلبية مبدل داك شي في مؤسسة نقولو واحد 70% أما داكشي لخر كولو جديد علما أنا دافع في شهر15/11/23 فين ما كنفول ليه دفع ليا ضوسي كيكوليك مكينش رونذيفو وكاين لي جاه ساهل غير نتا وزهرك الله يوفق الجميع.
