ليه أهلي يعملوا كده في جهازي ! خدوا بالكوا من الغلط ده 

طيب انا عقبال ما صورت الفيديو ده ونزلته شوفت فيديوهات كتير وعرفت ان الطاسات اللي بتقشر دي بتبقي اكتر حاجة بقي مضرة فعلاً ف دي من الحاجات اللي هتترمي مش هينفع تروح لحد والحاجة التانية اللي نسيت اقولها ف الفيديو ان الافضل طبعاً قدر المستطاع نطلع لله حاجات تكون حالتها كويسة عشان دي بتروح لربنا اول حاجة بس زي ما وضحت ف الفيديو في ناس حالتها صعبة جداً فبالنسبالهم الحاجات دي كويسة فبدل ما تترمي نديها لحد محتاجها ولو هو مش محتاجاها بقي يبقي يرميها بمعرفته وبرضه اللي في امكانيات الواحد يعمله ؛ الحاجة الاخيرة لو عجبكوا الفيديو ما تنسوش تشاركوه بقي مع أصحابكوا عشان تشجعوني أعملكوا فيديوهات اكتر وشكراً🤓

بصى يا مريم عندنا فى العيلة بيعملوا فكرة حلوة لجهاز البنت بدل مانشترى حاجات فى الجهاز بنحوشلهم دهب يعنى كل ماما مكان يبقى معاها فلوس تشترى حاجة دهب حتى ولو جرام زى الحروف مثلا وشوية شوية نبيع الحروف دى ونجيب خاتم لحد لما جيت اتجوز كان عندى ٣ غوايش كبار وسلسة تقيلة متعانين لجهازى ماما بعتهم واشتريت كل حاجة جديدة ومن غير مايتزنقوا فى الجهاز بتاعى يعنى الاهل المفروض يحوشوا دهب مش مواعيين

اكتر حاجه محببانا فيكي وسبب كبير من نجاحك هي الواقعيه انك عايشه زينا كده ومش بتتصنعي ♥️

ع فكرة مطبخك بيدي طاقة و روح ونشاط لأنه فاتح والحيطة فاتحة ورايق وهادي .. المهم ترتاحي فيه وانتي بتطبخي مش لازم عالموضة يعني البساطة أحلى

معلومة ليكى يامريم احسن صوانى للكيك والبسبوسة هو الكيك الالومنيوم وده مش كلامى ده كلام سالى فواد خبيرة التغذية لان الالومنيوم بيوزع الحرارة كويس

كنت رايحة اظبط الدولاب عشان مكركب وامي ليها سنة بتقول ظبطي😂 فلقيتك نزلتي فيديو نتفرج الاول بعدين نظبط😂😗💜💛💛💛💛💜

احنا بالأردن ما بنشتري ولا بنجيب اشي كلشي على الشباب 😂😂 حتى المكياج والاواعي بنشتريها من المهر الي هم برضو بدفعوا النا يعني مرتاحين فكل حاجة 😌😌💃💃💃💃

الڤيديو حلو.. بس لو سمحتي ي مريم ممكن تتكلمي ع فتره الخطوبه ضروري لان ان شاء الله هتخطب قريب بس كنت مخطوبه قبل كدا واهلي فشكلوها تاني يوم الشبكه ف انا حاليا خايفه م تكرار التجربه 🙂 لايك لو سمحتم عشان الكومنت يوصل 🙋

بصي نا بحب فيديوهاتك جدا جدا وبستفاد منها بطريقه رهيبه ❤❤وبستنيها أول ب أول 💙💙💙💙💙 بس ف مشكله بسيطه حضرتك الفيديو بيطول بسبب ان ف نفس الجملة بتتكرر كذا مره سوري لو ضايقت حضرتك بس قصدي خير

مريم نصيحه لموضوع تنقير الالومنيوم ده بلاش تبيتي فيها حاجه خصوصا لو حاجة بصلصة لانها بتبوظ الالومنيوم ده سبب تنقير الالومنيوم ❤❤

انا عمري ١٨ سنة وماما بدأت تجهزني وجابتلي بالفعل مجموعة من اطقم المطبخ وانا شايفة ان فكرة انها تجهزني من دلوقتي اضمن واحسن علشان محدش ضامن برده يمكن الفلوس اللي موجودة دلوقتي اللي بتجبلي بيها متكفيش لما اجيم كل حاجا مرة واحدة لما اكون داخلة علي جواز فا بالعكس يا جماعة ده انكوا بتتجهزوا من بدري ده احسن و برده ميكونش من بدري اوي يعني لو بدأتوا لما يكون سن البنت ١٨ ده كويس جدا

بصراحه الاهل اللي بيجيبوا لبناتهم دول نعمة انا اهلي مجابوليش حاجة واتعايرت بده وللعلم كان عندهم المقدرة

ما عنا باي دولة قصة الاهل يجيبو جهاز وملابس واواني للبنت أو الشب!! الشب بشتغل بتاجر شقة واذا كان بخير ببيني والاهل بعد الفرح بباركو بجيبو عفش فراش وحرامات واجهزة كهربا ممكن وممكن باقي الاقارب يجبيو حاجات زجاج كبايات وو ! يعني بيجيبوها باوانها ولو مش معاهم فلوس كتير بيجمعو سواء وبحيبو حاجة عليها العين لكن بالاصل كل هاد على الزوج بالاصل يعفش البيت اهالينا مش مجبرين! وممكن البنت تساعد من مهرها شوي

علي فكره ممكن الصواني دي تعملي فيها كيك وتفرشب فبها ورق زبده او لمونيوم مش هتبقي مضره خالص ومش هتتصل بلاكل اصلا

مع احترامي يا مريم..بختلف معاكي في جزئية الصواني والطاسات الالومنيوم.انا متجوزة من سنتين وشوية. احلي حلويات وكيك بيتعمل في الصواني الالومنيوم..حتي محلات الحلويات بتعمل في الومنيوم.احلي تسوية الطاسات الالومنيوم تقلي سمك فيها.افضل ما تقلي في تيفال او جرانيت وتهلكيهم. او ممكن تقلي في الاستانلس بس يبقي ثقيل ومحمل. وانا اقصد يتجاب صينيتين الومنيوم والباقي يتشكل بايركس و تيفال او جرانيت او حسب اللي الواحد بيحبه ويستريحه له ويكون عملي. عموما الالومنيوم بينقر مع الاستخدام مش من الركنة. ولو عندك تيفال مقشر بدليه من الاهرام او زهران وتدفعي الفرق.

الصواني الالمونيم دي تحفه ما شاء الله وشكلها حلو كمان ولو خدتي بالك الجوانب بتاعتها عاليه تحفه فالتورت وهتلاقيها بتتباع فمحل الحلواني الي الان الحله الجرانيت تحفه فالارز

بصي انا معاكي ف كل حاجه قولتيها ومعاكي جدا ف انك هتطلعيهم لله وعارفه ان مش قصدك حاجه انك بتقولي انك هتعملي كدا بس الي ضايقني الطريقه الي بتقولي بيها عالحاجه كلها وحشه ودي قشرت ودي مالهاش لازمه ودي بتاع ف عشان لو حد هياخدهم مايبقاش حاسس ب اد ايه هي حاجات وحشه وماتنفعش .وربنا يقدرك علي كل خير يارب⁦♥️⁩⁦♥️⁩

والله معك حق نحنا بسوريا وصلنا لوضع كنت احلم بحلة اطبخ فيها او مغرفة او صحون طقم متل بعض والله العظيم بس الف الحمدلله على كلشي دائما وابدا والف الحمدلله انو تحسن الوضع الله يفرج عن الجميع

حاسه بيكي في حته العفش لأن عفشي بردة عملناه عموله وكراسي السفرة بتتكسر من اول شهر والركنه الخشب بتاعها اتفصص بعد متجوزت بشوية وخشب اوضه النوم انا بقلق ساعات من نومي علي صوت طقطقه الخشب دا غير اني فجاءة لقيت الضهر بتاع الدولاب وقع والرفوف بتقع وحاله ميعلم بيها الا ربنا وبدعي علي النجار اللي عملنا العفش وبقالي 4 سنين جواز بس وشايفه قرف وربنا يرزق وتغير العفش كله وهيترمي في الزباله فعلا

لا اهم حاجه تحوش فلوس وتجيب لما وقت الجواز

مريم كلميني عن مايو أنا هتجوز هناك وكل لما اروح ارجع مخنوقه من هدوء المكان علشان أنا ساكنه في مكان حيوي فخايفه جدا من القاعده لوحدي وخطيبي هيكون طول اليوم في الشغل يعني حاولي تقوليلي ممكن اتعامل ازاي في يوم وكمان تقوليلي ضروري انتي بتروحي لباباكي امتي لاني محتاجه اشوفك جدا وافضفض معاكي انتي لاني شخصيه كتومه وانتي برتاحلك جدا

افضل حاجه للشوار اننا نشتري سبايك ذهب بالفلوس اللي معانا بدل ما نشتري بيها حاجات وموضتها تخلص وكمان الذهب قيمته بتزيد مع الوقت ووقت الجواز بمنتهى السهوله ممكن نبيعه ونشتري اللي عايزينو

بحبك يامريم انا عندي 15 سنه وف تالته اعدادي وهيكون ف امتحانات ايام رمضان كل سنة وانتي طيبة ف عايزه تعملي نصايح ازاي نذاكر ايام رمضان اللي عايز فيديو ازاي نذاكر ايام رمضان لايك 😻

مريم انا بحبك قوي ومتابعكي من بقالي فتره لازم اسمع كل فيديو ليكي بجد والله بعرف معلومات جديده ف جواز ف نضافه ف كل حاجه ماشاء الله عليكي ربنا يوفقك يارب

طبعا في ناس عندها بنات وولاد ومفكروش خالص هيعملو ايه فالمستقبل معاهم بستغربهم فعلا مهما كانت الظروف صعبه لازم يفكروا هيتصرفوا ازاي فالمستقبل

فعلا يا مريم في بيوت كتير محتاجه اوعي ترمي اي شي عندك جمعيات كتير بتعيد تصليح وناس كتيره معندهاش وربنا يجزيكي كل خير

بصي انا الحلة كانت بتنقر مني كدة ماما قالتلي الالمونيوم لازم تنشفيه من الماية بعد ما تغسليه عشان مش ينقر او يسود بقيت بعمل كدة في باقي الحلل وكويسة ومش نقرت خالص انت بحبك جداا ي مريومة ربنا يوفقك

انا زيك بالضبط والله في موضوع العفش الحمدلله ربنا يعوضنا خير ان شاء الله

أول تعليق ... ي ريت تعملي فيديو للبنات المخطوبين المكتوب الكتاب و فتره الخطوبه طويله نصايح و كيف استفيد من هالمده وتجربتك

عارفة إنتي جميلة ليه 💜 جميلة عشان كلامك طالع من قلبك فبيوصل لقلبنا علي طول 😍😘

مريومة انا فرحي ف شهر ٩ وخايفة جدا من تغير المكان وكدا و ازاي هتعامل معاهم وكدا وكمان ازاي هيبقا ليا حياتي لوحدي دا غير ان انا عصبيه وخايفة لما اتعامل معاهم وكدا واتعصب يزعلو مني بس هو غصب عني جدا والله انا بتنرفز بسرعة ممكن تتكلمي عن الحياه بعد الجواز وكدا وازاي اتعامل معاهم واغير من عيوبي ازاي وياريت تجوبيني ف فيديو ياريت بجد مريم انا نفسي تردي عليا بجد محتاجة كلامك ممكن تردي عليا

مريم ممكن تعمليلنا فيديو ازاي نهتم بصحتنا قبل الجواز ولو في اكل. معين او فيتامينات ناخدها عشان انا هتجوز بعد العيد ان شاء الله وخايفة من موضوع الضعف دة مع الجواز والحمل باذن الله ياريت تفيدينا

بس الصواني الالمونيوم دي يامريم تحفه ف الحلويات والاكل لأنها بتوزع الحراره احسن استخدميها

انا ماما وبابا عملو فكره كمان جميله انهم اشترو كمان بيتين في اماكن مختلفه بحيث سعرهم يزيد مع الوقت وينفعنا مستقبلا في الجهاز طبعا والجواز وكدده انا واخواتي

انا اهلى كانو بيجبولى جهاز وانا عندى 15 سنة بس انا لما شفتهم بيجيبو قلتلهم بلاش بس باحترام و بهدوء و فى ساعات كنت بهزر كمان وانا بكلمهم فكانت الفكرة ان احنا نجيب دهب و نشيلو عشان لما اكبر بردو الحاجة كل شوية بتغلى و اكيد لما هكبر هتبقى الحاجة اغلى بكتير فبابا قال خلاص نجيب دهب يعنى جنيه دهب و الكلام دا و بقينا نعمل كدا

فعلا.. و مش حتسلمي من لسان حد. سواء اكلمتي او سكتي كله انتقاد. و اللي بيعلق ما تحمدي ربنا اظن لو حصل معاهم نفس الموقف كان اكلمو و تعصبوا.. ايه المثاليه المصطنعة دي..!!

انا الحمدلله جهازي كلو على العريس هذه تقالد العراق ممكن يذكروني بهديه لكن البيت والاثاث كلو على الراجل وبما اني عايشه بمصر دائما انصح صديقاتي المصريات وامهاتهن ان تجمع فلوس ويوم ميجي وقت الجهاز والشقه تكون موجوده تشتري الي هي عوزا انا جارتي لامه جهاز بناتها من 2005 والى بناته متجوزو لسه صغيرين فحرام الي صار يعني الى عشر سنين او خمس سنين الي قدام هتاخذ كل الجهاز ترمي وتشتري من جديد لكن لو جامعه ذهب او فلوس كان شترت مره وحده وتهنت بكل شي شكرا الك حبيبتي الفديو مميز ومفيد كالعاده 🥀❤️

انا متفقه معكي بس في تعليق بسيط هو انو ممكن اجهز انا نفسي بس ابدي برفيع زي المعلق السككين السبتله وكده بس مجبش صوني وحلل ومفرش ولبس وي كده يعني عوزا تجهزي نفسك جهزي بس بحدود معينه ....

انا وجهه نظري فى موضوع الجهاز ان البنت اول ماتتخطب يبدأوا اهلها يجهزوها،لان الموديلات بتتغير،ممكن بعض الحاجات الى مش بتبطل تتجاب

جزاك الله خير وربنا يعوضك خيرا منها ان شاء الله وفعلا لازم نعمل حسابنا ان الزمن والموضة بتتغير ف مانكترش اوى

انا انصح اى بنت انها لو عايزه تجهز بدرى تجيب فوط مفروشات معالق اطباق اى حاجه تكون ساااااده هو دا ال بيعيش ومبيقدمش والحاجات ال بيتاجب منها مره واحده زى الحلل مثلاً دى تيجى وقت الخطوبه

مريومه عايزين فيديوهات عن ازاي توفق البنات الصغيرين المتجوزين وفي نفس الوقت بيدرسوا في الجامعه مثلا زي، بليييز

انا من الناس اللى ما اتجابلى ولا معلقة...وبعد سنتين الان لسه ٣ حلل فقط و صينيتين فرن فقطططط...الله يسهل

انا بعشق وعندك مصداقيه رهيبه انا فعلا لسه هجوز وقولت استغل الموقف وجبت كل الحاجات الي كنتي بتقولي عليها ف skin care وتحفه جربت تجربه اولي بس تحفه جدا

الفيديو جميل اوي و فعلا ف حاجات الاهل بيجبوها ملهاش لازمة خالص بعدين كل حاجة الومنيوم ف جهازي مستخدمهاش للاسف😢 فياريت يشيلوا فلوس أو دهب افضل

انتي جمييييييييييييله انا الايميل بتاعي اتقفل لما فوني اتكسر وعملت ميل تاني بقالي كاام شهر بدور عليكي وناسيه اسمك والله والله لسه كنت بفكر يارب تيجي صدفه قدامي زي اول ما عرفتها وشوفتها صدفه واقسم بالله بفتح فوني لقيتك قدامي صدفه واشتركت تاني ف قناتك 😍⁦♥️⁩ انتي جميييله

مريم بصي انا مخطوبه واهلى بيجهزولى بس فى حجات كتير اوى فى وجهه نظرى انها مهمه جدا لاكن بالنذبالهم ملهاش اي لازمه مفيش اي حاجه بتيجى على زوقى حتى فى مطبخى ومهما اتكلمت ماما تقلى انتى متتكلميش غير فى شنطه هدومك بس غير كده ملكيش دعوه بحاجه وانى احاول اجيب مثلا فى حجات واشلها من ضمن مثلا اكسسواراتى وديكورات بيتى تقلى ملهاش اي لازمه حتى لما اجى اجيب اي حاجه فى هدومى على شان مجبش كل حاجه مره واحده ويبقى تكلفه عاليه برضو مترضاش وكل متعجبنى اي حاجه وابقى عايزه اشلها انا تقلي هتيها على حسابك وانا يادوبك مصروفى على القد ومبترضاش تدينى اي حاجه وبيبخلو فى كل حاجه انصحينى اعمل ايه على شان انا حقيقي تعبانه

في حاجات مبترحش موضتها حتى لو سنين كثيره انا بشتري حاجات بتعجبني وبحطها عجنب ومبترحش موضتها الحاجات الغاليه الثقيله الالوان المحايده زي الذهبي فضي ابيض اسود وكده مبترحش موضتها 😊👌

ايه نوع المكرويف للى عندك وايه نوع الا الاطباق تتحط فيه كيف الاستخدام عندى ميكرويف مش بستخدمه غير للتسخين عايزه اعرف هو ليه استخدام تانى ولا لا

بصي في جمعيه ايادي مصر في حالات كتير محتاجه وبيوت محتاجه عفش وفرش وطبعا الثواب عظيم جدا وكلنا عارفين أن أي حاجه مستعمله مبتجبش سعر اصلا حتي لو استعمال بسيط

م تتكلمي ع جهاز العروسه واي أحسن حاجه ونجيب اي

ربنا يجزيكي خير ع فكره انا حصل معايا نفس اللي حصلك بالملي بجد ماما بتجهزني من وانا صغيره جدااا وبردوا الألمنيوم وقصه العفش لحجره النوم وبقالي 4 سنين 😂😂😂 وماشيه في سكه التغير اهو بردوا ربنا معاكي ومعانا يارب ♥️♥️

هاي مريومة انا من السودان عندنا اهل البنت الخالات والعمات وبناتهم بيهدو ليك الاطقم والحاجات وبي كدا بيخففو على ام العروسة بتجيب الحاجات الناقصة بس انا برضو لو مشيت محل الاواني ولو لقيت حاجة عجبتني بخبيها🤣

يعمرري مدري ليش من اشوف مقاطعج ارتاح كلامج يخبل 🇮🇶💜

يامريومه انتي ممكن تبيعي الحاجات دي لبتاع الالمونيوم تشوفي الالمونيوم بتتباع بكام الكيلو وتبعيها

ع فكره احلي صواني الالمونيوم يامريم تسويتها حلوه اوي

انا نفسي اقالك ع مشكلتي وتعملي فيديو عليها مشكلتي ف حياه الجهاز انا عندي25سنه متعقديش مع عريس وأهلي الحمد لله كويسه ماديه بس مش عارفه ده بخيل ولاايه ماما تعبانه نفسيه بسبب موضوع كنت بحب شخص 8سنين واتقدم كتير وحصل مشاكل كتير قوي محلصيش نصيب وخطب مره وفشكل وراجع ليه تاني وانا قولت لاء خطب تاني وسبني بس اهلي والمشاكل اللي عندي هو عنده حق قوليلي اعمل ايه انا الحمد لله بصلي وبستغفر ربنا وقريبه من ربنا بس تعبت من كل حاجه ف حياتي 🤦 ياريت تردي عليه وادعليي

ما تكلمينا ي مريوم ع ازاى نختار الوان دهانات الشقه والديكور والعفش

صح انا الحاجات القديمه بتكون احسن وأقوى بس ليش بدل ما يشترو الجهاز ما يسيفو فلوس ولا يشترو ذهب اذا خايفين يصرفو الفلوس . ولما تتجوز البنت يجهزو من السيفنق ولا يبيعو الذهب عشان الجهاز

ممكن تعملي فيديوه ع ترتيب الشقه والالوان والموضه وكده بليز

انا بجد بيعجبنى الحاجات التركى بس بجيب الحاجات الرفايع المفيده فعلا فيه افتكاسات كده بسمع فيديوهات للبنات اللى عمله ريفيو عن الحاجات دى وبصدقهم بجد انها مثلا فيها حاجات ملهاش لازمه وعلى هذا الاساس بروح اشترى وبصراحه انا مش بحب اتقل على اهلى لما ربنا بيبعتلى فلوس فى مناسبه او عيديه بروح اجيب

الأفضل يحطوا لهم فلوس والله اعلم الواحد حيتزوج ولاحيعيش لحد ماالبنت تكبر فالفلوس تجيب بيها الأشياء الماشيه علي الموضه بوقتها

انا ضد انو البنت تتجهز من بدري ممكن يحوشو فلوس ويخلوها دولار مثلا او دهب لان وهيا صغيره ي بتجيب على ذوق مامتها ومش مستوعبة الموضوع على عكس لما تتخطب عارفه بيتها ومطبخها هيبقا لونو ايه بتحس بالي بتشتريه وبتجيب على عصرها

عندنا في السعوديه الزوج يتكفل في كل شي المهر وتجهيز البيت من الألف إلى الياء من مطبخ وأثاث وكل كل شي وهو اللي يحجز قاعة الزواج ويجيب المطربين والأكل على حسابه .. يعني من الآخر كل كل شي الزوجه تجيب بس الكوشه فقط تختارها وتنسقها .. وكمان المصورة فقط

السلام عليكم انا بحبك اوي انا لسه متبعاكي من فتره بسيطه بس معلش انا بس كنت عوزه اقول حاجه مش اصدي حاجه وحشه والله بس انا بقول ان الحاجه اللي طلعه لله المفرود تكون احسن حاجه عندنا لانها طلعه لوجهة لاني لو فكرتي ربنا عمرو مابيدينا حاجه وحشه وتخيلي ان ربنا ده شخص حاشه لله طبعا وجي ياخد حاجه منك اوضيف عزيز عليكي شويه اكيد هطلعي احسن حاجه عندك حبا فيه او حفاظا ع شكلك قدامه مابالك ده ربنا هطلعي له ايه

بصراحه انا ولدتي كانت بتجبلي كل شهر حاجه واحده ابتدت من ٣ اعدادي ولحد دلوقتي اساسا لسه مخلصتش حاجه وكلها حتي لو قديمه بحبها جدا وكفايا انها من ولدتي

انا برضه يا مريم مبحبش مطبخي خالص كل مادخله اتضايق وافضل افكر إزاي اجدده ربنا يوسع علينا يارب

فى شركة بتأخذ الحلل القديمة و تعملها جرانيت او سيراميك فممكن تصلحيهم و تديها لله

في زهران بيعملو تبديل يامريم تديهم الالومنيوم ده وتدفعي فرق بسيط وتاخدي مكانه تيفال زهران برضو

حبيبتى انا مخطوبة وفرحى فى 5/2021 ممكن تعرفينى أة الحجات الى لازم اجبها والكميات من كل حاجة لان انا مش عرفة وماما عوزة تجيب حجات كتير وانا بقول لأ ملهاش لازمة هى بتقول انتى مش عرفة حاجة (ارجوكى ردى عليا فى اسرع وقت)

النقر السودة في الالمونيوم اوالاستانلس في الحلل بتبقي بسبب ان بتتساب فترة علي النار فاضيه

والله انا بردوا ف حجات ف مطبخي اش عجباني بس اعمل اي بقي الحمدلله لا واي ف العفش كمان ف حجات اش عجباني عاوزه تتغير 😂😂😂ربنا يوسع عل الجميع يارب 😍

هوا احنا ليه يا جماعه ف مصر بنبالغ اوى ليه كدا ف الجهاز ولازم نشترى حجات ملهاش اى ستين لازمه يعن مثلا مليون فوطه و35 الف بطانيه و 12740 ملايه و1000000000 كبايه ليييه كل ده ليه مصعبين الجواز اوى كدا ف مصر ليه متكنش الحجات على القد على الاقل محدش يستصعب الجواز ومصاريفه وتكاليفه وفيها ايه لما النيش ده يتلغى خالص ويتجاب مكانه حاجه صغيوره كدا رقيقه يتحط فيها حجات قليله مثلا ليه ميكنش الشقه simple كدا يعن مثلا مكان الحجات ال ملهاش لزمه دى نجيب احنا العفش متيين وكويس علشان يعيش نظبط احنا حجات اهم ف الشقه العفش .الدهان . البلاط نجيب الحجات الاهم دى تبقا كويسه وبعدين نبقا نفكر ف الحجات ال مش ضروريه لو الحاله متسمحش مش لازم نستلف ونعمل قروض علشان حجات ممكن ف الاخر منستخدمهاش لازم نحس باهلينا شويه علشان ربنا يبارك لينا ف حياتنا والبنات ال بتتامر على اهليها وعايزه تجيب كل حاجه ومع انهم ممكن تكون حالتهم صعبه جدا وفى الاخر مبيعجبهمش حاجه لازم نحس باهلينا شويه يا جماعه علشان يفضلوا كدا راضيين عننا دايما ..... 💙💙💙💙يارييت تتكلمى ف الموضوع ده يا مريم يارييت ........ 💙💙💙💙💙💙

بس على فكرة يامريم الصدقة بتقع في يد الله قبل اي شئ يعني طلعي الحاجة تكون كويسة ونضيفة

انا مجبتش معلقة ف جهازي يا مريم وداخل سني علي ٢٤ غير الاسعار عالية والظروف كمان ربنا يصلح الحال

اشرحي لي طريقة تجهيز الزواجات عندكم انا قاعده اتابع الفيديو وانا مو فاهمه حاجه ليش الاهل يجهزون للبنت؟ المهر وين ينصرف ؟ ليش العروس هي اللي تجيب اغراض للبيت؟ وليش لازم كل شيء يكون جاهز قبل الزواج ؟ ليش مو بعد الزواج تتقضون اشياء بسيطه للمطبخ بدون تكليف ؟ عندي اسأله كثيره ودي تسوين فيديو تشرحين فيها اساسيات مصاريف الزواج بمصر ، قد شفت بفيديوهات ثانيه انهم يجهزون غرفة البيبي قبل الزواج ويأثثونها وحتى الالعاب يجيبون؟ بس ليش التكليف يمكن ربي مايرزقكم ابناء يمكن يتأخر الانجاب وتصير موضة الغرفه قديمه وتهتري وتأثثون من جديد؟ مادري اغلب الدول زواجاتهم كذا ولا لا لكن بالسعودية جداً جداً مختلف العروسه ماتجيب اي حاجه للبيت ابداً وتكون شقة متواضعه لهم الاثنين بس لين الله يرزقهم بابناء.

انا بقي بابا مش عايز يجيبلي اي حاجه في الجهاز خالص و عايزني اجيبه انا و للاسف لسه مش بشتغل ولا حتي موافق نقرأ فاتحه أو نعمل خطوبه كان نفسي يكون عندي اب حنين

مريم حبيبتي انا اختك من تونس بتابعك بقالي فترة... لو أمكن تعملي فيديو على فرشاة التقشير و تقوليلنا منين ممكن نجيبها خاصة أن احنا مش من مصر... لو سمحتي 😊😊😍😍

والله يا مريوم الأمهات بتخاف ترمي الحاجه وبستخسرها ماما جبتلي طقم تيفال واتجرح بسيط وبقول هرمين لما قالتلي هاتيه وغسليه وقشرته من للسواد وبستخدمه وجبتله مكانه طقم ألومنيوم حلو مفيش فايده ام ملك

ممكن تجيبي طقم الجرانيت فرداني يا مريم او هاتي طقم الحلل بس انا جايبه بتاعي ب ٣٥٠٠ بس خلي بالك تجيبي اللي ايده منه فيه كله جيرانيت و الايدين بييجي معاها خشب بتتركب ب مسامير دا احسن نوع

بلبنان عنا البنت مابتجيب شي كل شي عالعريس 💔😃 الشقة والصالون وغرفه القعدة والتلفزيون وغرفه النوم وكل أدوات المطبخ وكل العفش دفايات فرشة سرير مكيف المهم كل شي كل شي بيعوزو البيت من الإبرة للطربوش وهو لبيسوي الشقة واذا ماعندو شقه بيعمر بيت ليتزوج حتى صالة الفرح وفستان العروس وشعرها ومكياجها نهار العرس على حسابو وكل شي بالعرس على العريس والدهب بيلبسها ياه عالخطبة بس العروس هي لبتختار كل شي بالبيت البنت بتفوت عالجاهز عالبيت بس منطول فترة الخطبة بتوصل الخطبة من سنة لسنتين لتلاته لأربعة وممكن اكتر ليجهز بيتو وعفشو وعرسو وكل شي وبحال اذا هي موظفة وحابة تساعدو بفترة الخطبه ممكن تحط معو بالدفع بس هي مش ملزومة ابدآ وممكن اذا أهلها من ذوقهم يعني واذا بدهم يساعدوها بيجيبولها مثلا نقوط ممكن تلاجة براد ممكن بوتجاز غاز ممكن الصالون ممكن السجاد ممكن غرفه النوم ممكن ملابسها للبيت ومناشف وشراشف وشغلات بسيطه ممكن احتمال اذا بتشتغل او امها تجبلا ياهن بس كمان في منهم العريس لبيجيبهم المهم هي مش ملزومة تجيب ولا حتى قشة عالبيت 🤔 وبتفرق حسب المناطق بس نحنا بالبقاع هيك لأن هو الرجال وملزوم بكل شي بس في مناطق بيعطو مهلة مثال سنة ولازم تتزوج فبيكون صعب اذا حالته على قدو وكان من زمان لو ماعندو بيت بيجيب غرفه نوم وبيسكنو مع أهله لكانو اشترو بيت أو عمرو بيت بس حاليآ قليل واحد بالمية لبتقبل تسكن مع أهل عريسها بس اغلبيه المناطق هيك كلو عالعريس بس الفرق مافي مقدم ومابيدفع شي العريس مقدم بيكتبو المقدم بس عالورق مثلآ قرأن او شيئ رمزي والمؤخر مثلآ ٢٠الف دولار ٣٠ الف دولار ٤٠ الف دولار ٥٠ الف دولار واكتر في منهم مبالغ كتيره هيدا بحال اذا اتطلقو مثلآ بيصير بدو يدفعهم للعروس

كلامك جميييل جدا وعملي وعقلاني ربنا يبارك فيكي يااارب

مريم وحشتيني بصي انا عاوزه روتين للجسم عشان يفتح وهل المواظبه ع السويت د؟؟ ممكن تفتح اماكن غامقه مع العلاج بتاع الدكتوره مثلا و الشعر انا بصراحه مستتقله نقطه كل شويه سويت ووجع الليزر زي ما قالو بيسمر و بيطلع بعدمده. الشعر اسمك و اتقل

احنا بالاردن ما عندناش الكلام ده الحمد لله كله على العريس😂🤣

بحب طريقة طرحك كتير كتير و بتمنى انو ما يبين تعليقي فلسفة او نقد ، بس لو شوي تقللي من مدة الفيديو و تختصري نتوفة بالكلام بكون افيد و احلى

مريومه الجميلة فيديو مفيد كالعاده 👌 بس بلاش موضوع الطاقه لانه غير صحيح 😇

انا اهلي مجهزونيش غير لما اتحدد ميعاد فرحي مش حتي لما اتخطبت واول حاجة ماما جابتهالي فالمطبخ طقم المنيوم الدهان وكان عندها إصرار تمام عليه ده غير الحاجات الجديدة وكل واحد بيبقي ع حسب امكانياته متضغطوش ع اهاليكوا الدنيا دلوقتي غالية جدا

يا أستاذه تنصحينه بأى نوع من الحلل السيراميك وخلافه الكويسه بعد إذنك عوزين خبرتك

ربنا يباركلك على الكلام الحلو ده بحبك فى لله ♥

انا مطبخي تركي ع الاخر 😂😂😂😂كلو اسود والرخامه جرانيت رصاصي 😂😂😂😂😂 بقالي خمس سنين وعجبني والله

عايزة اقولك أن انا اتجوزت بحلل سيراميك و حلل المونيا تمام السيراميك نوعها نيوفلام كوري اصلي والله العظيم مكملتش سنة و اتدمرت و دلوقتي ركنتها و بستعمل الالمونيا مش كل الحديث عملي بجد كانت فلوس و اترمت في الارض

نقطة الطاقة خلي بالك منها يا مريم لأن بها جزء شركي بالله عافانا الله .. الله هو الذي ينفع ويضر ..

انا نصيحتي انه يخبو الفلوس وبعدين لما البنت تتجوز يجهزوها

ان شاءالله نشوف الشقة الجديدة انت اشتريت شقة أم ايجار وايه العيوب والمميزات مثل عرضك للشقة الاولى

انا اهلي كانوا بيجهزوني تقريبا من وانا ١٠ وكنت بتضايق من الموضوع عشان متبقاش قديمه وانا حقيقي ف حاجات دلوقتي وجَوازي قرب جايبها منها اتنين بسبب انها قدمت زي الصيني وغيرها بس ف نفس الوقت ف جزء إيجابي وهو اني لم اتخطبت محتاجتش اجيب حاجات كتير تقريبا منزلتش جبت غير الهدوم والرفايع بس خصوصا ان ف حاجات هلقي تمنها اضعااف ف هو مش واحش قوي ولا حلو قوي يعني يجهزوا من بادري بس ب المعقول مش كل حاجة تتجب

مريووومه بحبك اووووي بجد ، واخدتك قدوة ف حاحات كتيييير ربنا يباركلك ياارب 💙💙

مريم طب ايه افضل الحلل الجرانيت ولا السراميك

كل فيديو اسالك نوع الارواج والاكلدور بتاعك ايه

ربنا يسعدك ويكرمك ويراضيك 😘

ممكن تعملي فيديوو عن حاجات العروسه ونجيب اي وكدا