أول حاجة وإهم حاااجة صلاة الفجر والله صدقووني مام متشبعوش رقاد تنوضو فرحانين ومريحييين نفسيا وهاذ الشي يمدلكم طااقة إيجابية رائعة ربي يثبتنا ويهدينا يااارب ...شكرا من القلب اختي دداح
امييين يا رب تكونو حاملين في زوج اختي ربي يرزق كل محروم بالذرية الصالحة انا اليوم ٢٨ يوم دورة و مجاتنيش راني ندعي باش متجيش هههههههههه ربي يفرحنا يا رب
@@gjjdjgjbkgt5020 ياختي الإرادة كي تقولي غدوة ان شاء الله نوض نصلي الفجر و ندعي ربي باه يعيني على شقا الدنيا وشوفي النتيجة ديجا بديتي بالعبادة انتي اصلا بدون شعور تحسي براحة وسكينة في القلب ومن هاذا تتعودي عفسي على قلبك وتنجحي باذن الله مع الصبر وديري قيلولة بعد صلاة الظهر تنحي التعب تاع المنوض بكري حبيبتي وربي يقدرك امين
هههه المليحة كي تنوضي على الظلمة فالليل وتعفسي عليهم ... ماعليش اختي مرحلة وتفوت ويكبرو ان شاء الله وتتوحشي هذو اليامات، اذن من الاحسن شوفي للامر من هذا المنظور وحاولي تستمتعي بولادك في كل مرحلة عمرية وهوما من حقهم يلعبوا ولكن حاولي تولفيهم يرتبوهم واذا رفضوا تظاهري بانك رايحة تمديهم لاطفال اخرين يعرفو يعتنوا بالالعاب وديريهم في صندوق وخبيهم ... واذا طلبو العابهم خليهم يوعدوك بانهم يرجعو يرتبوهم، واعطيهم فرصة اخرى.. وهكذا وان شاء الله يتعلموا مع الوقت...
"هاجَر التي كانتْ تسْعَى صُعُوداً ونزُولاً بين الصَّفا والمَروة كان غاية أملِها ( قِربة ماء ) فجاءَها نبعُ زمزمَ الذي لم ينضبْ حتى اليوم هكذا فَرَجُ اللهِ حين يأتي" ياحى ياقيوم برحمتك نستغيث أصلح لنا شأننا كله .
اليوم انا دابزت مع المواعين وقعدت غير نفرغ مليت من الشقا و الغمة لا خرجة لا دخلة غير Copier coller كل ليوم رانا سامحين في روحنا بزاف هيا هاد السمانة نتهلو في رواحنا شا قلتو
كل ما ننوي نتهلا في روحي يخرج الشقا من تحت لارض و تمرض بنتي و نجيب السوايع مع التعب حتى نقول بالاك هاد الدار راهو فيها جيش نتاع عباد وانا ماعلاباليش زيد يجي هاداك الراجل بعد ما نقي الدار يلقلبها فوقاني تحتاني نوض نعاود الشغل الكل من جديد والله الواحدة خطراتش تجهل 😱😫😢😢😢
مساء الانوار //انا معاك انا ضد كل حاجة زايدة في الدار نشري غير الاشياء الي نحتاجها ونرمي الحوايج الي مانلبسهاش وانا ضد التدوير ونقلكم اخواتي كثرة الكركبة والخردة في المنزل تجيب الطاقة السلبية
ولله غير راني كي الجدارمي راني نربي بيبي 10شهور او واحد يقرا راني نعيا بزاف يعطيك الصحة سوجي هايل
5 лет назад
حبيبتي لكن اكيد الى تكون منظمة وتربي اولادها على انو كل حاجة يردوها لبلاصتها صدقيني وتولف راجلها يعاونها وتدعي ربي سبحانو ودير برنامج كل يوم جمعة برنامج واش راح دير فالاسبوع وجبات غذائية وروتين يومي اسبوعي شهري وتخلي مجال لظروف الطارئة صدقيني وكيما قلتي انا اول حاجة درتها هي ماري كوندو جبت زوج ساشيات في كل مكان مثلا غرفة نومي ملابس لي نلبسهم خليتهم وساشي الاول حوايج يصلحو للاستهلاك صدقتهم والساشي 2 الى نرميهم مي ننصحكم كي ترميهم متخلطيهمش مع زبل اعزكم الله لانو كاين ناس عندهم واش يديرو بيهم كيما احنا فلمكان الى نسكنو فيه كي تكون حاجة قش نحطوه بجنب وربي يوفقكم يارب 🤗😘😘
@@lanature8022 و الله غير صح و نقول لوكان غير ما رميتهاش. أما حوايج واحدوخرين نقول دوك نعس روحي إلا ما نلبسهاش هاد الصيف نرميها. و من بعد نقول لالا نزيد الصيف الجاي بالاك نلبسها. و هاكدا كل فصل و مع الآخر ما نرمي والو
والله لي تدير ربي في قلبها وتقول بسم الله وتبدا تخدم ماتخافش خلاص من الشغل🙆🙆🙌🙌 والله انا دايما يخرجوا ولادي وزوجي في الصباح ويخليو فوضى 🙇🙇.كلشء يرموه في الأرض الماء سايح .الحليب سايح الغداء يسنا الفراش مخلط القش فوق المشينة🙅🙅 .والله نبغى نبكي .😭😭 ونقول ياربي وكتاش نخلص ومن بعد نقعد ونستغفر ونشهد 😩.ونقول ياربي انت الوحيد لي تعاوني .معنديش غيرك ..ونتكل على الله و نديماري .صدقونيي توصل العشرة ونص نتاع الصباح يكون كلشي في بلاصتوا وحتى الغداء واجد🙌🙌 .صح نتعب بزاف ولكن النهاية تكون سعيدة 🙌🙌.وناس زمان قالك اخدم وتفرج 🙆 والله لي شد في ربي مايخاف ومايطيح .الحمد لله على ما أعطانا .😍😍😍😍😍😍😍
والله احنا كامل هكذا كي نوض صباح كأن احنا نرقدو وغيرنا ينوضو سعات كي نوض نقلق. الفوطات في الارض الارض تتعالك بلحليب بالجي الريدو طاير نولي نقولهم كي نخدم كي مانخدمش لازم نتعاونو ماطيشوليش برك لحوايج في الارض ربي يكون في العون
درتيلي كوراج يا أختي والله غير انا كما نتي بصح الأشكال كي كون وليدي راقد مع باباه مينوضوش بكري لأنه زوجي مريض بعرق لاسا بسيف باش ينوض صافيك تقعد الغرفة مخربة والمطبخ يشدلي بزاااااف الوقت معلاباليش علاش الا انا تقيلة فالشغل ولا لالا ربي يعينا برك
السلام عليكم ورحمة الله وبركاته الحمد لله نخدم شغلي ونربي ونرضع وندرس ببيتي ونحفظ كتاب الله مافي اي تعقيد التوفيق من الله المهم حسن التوكل عليه والاخذ بالاسباب اذن الاخت نجاح رجاءا ماتخلعيش الاخوات على الشغل والنظام هذه هي المرأة راعيةفي بيتها و مسؤولة عن رعيتها وربي خلقها بطاقة تتحمل هذه المسؤولية الحمد لله لايكلف الله نفسا إلا وسعها... ربي يقدر كل الاخوات ويأجرهن في بيتهن الدعاء الدعاء.
مرحبا مجددا اختي الكريمة اعتذر ربما قسوت عليك في التعليق لكن ارجو ان تتقبلي رأيي بصراحة كثرة الكلام عن الاشغال المنزلية والتنظيم اعطاها حجم اكبر من حجمها... حتى بعض الاخوات كن يشتغلن على بيوتهن كما ربوهن امهاتهن يعتي على الفطرة و الحمد لله موفقات في هذا الجانب لما شافو كثرة الفيديوهات على هذا الجانب تخلعو وفقدو الثقة بالنفس... ادري ان تنظيم البيت في حد ذاته فن من الفنون وألف في هذا الميدان الكثير من المذكرات لكن ينبغي ان نعطي كل شيء حجمه لا زيادة ولا نقصان وسلام الله عليك.
عندك الحق لازم نعيشو بسطاء لازم نتخلصو من قاع الزيادة لي ديرنا التقلاق انا هاد المبدء راني عايشة بيه جربو تصدقوا كل حاجة عزيزة عليكم لي ما تستغملوهاش او تشوفو الراحة النفسية لي ربي يعوضكم بيها
انا راني رجل هنا و رجل لهيه،بلا ما ننسى الخدمة،جهاد،،من قوة التعب داخل الما نرقد،ربي يقدر كل وحدة،وصراحة الحاجة لي ما نسحقهاش نمدها ولا نرميها،حتى راجلي كي يحوس على حاجتو وما يلقاهاش يقولي sûrement رميتيها،
انا كيما نتي بصح في الثامن تعبت و نظم في داري او نفرز فيها من جيها و من جيها نوجد في حوايج الزياده و نخمم في القاطو و ش نشري هملت روحي و زوج اولاد يقراو لازم تقعدي معاهم وتقريهم يارب نسلكو علي خير ويكون في ميزان الحسنات
@@muuhsineamur9134 في سبيل اللله.....نصيحة و ادعييللي ربي يسخرللي ...و يسببللي باه بنتي ...تتغلب على صعوبات التعلم..... المهم دعاء.هاذا كي تكوني بالألم تاع المخاض.... اللهم ياولى نعمتي و يا مفرج كربتي. اجعل ما اخاف وأخشى بردا وسلاما عليا كما جعلت النار بردا وسلاما على إبراهيم انك سميع الدعاء.... بربي ان شاء الله تكون اسهل ولادة......عن تجربة
والله انا لوكان نصيب نهار يعود فيه يومين تالمو مانيش نلحق بين شغل البيت وتربية وقراية ولادي وديفوا كي ما نلحقش نحس روحي مقصرة ان شاء الله ربي يدير التاويل
سلام ددوحة راني حابه نشكرك بزاف على كل المجهودات عندي بنتي مهبلتني على القطة انتاعك شيبا شافتها معي ا في الفيديو من وريتيهانا نطلب من كل من قرء هذا الفيديو أن يدعي لابنتي الوحيدة الشفاء راه عندها عملية جراحية خطيرة في الشهر نوفمبر فساعدوها بدعاء واجركم عل الله
والله يادداح غير بربعة ذراري بصح والله مالحقت اذا دخلت للكوزينة مانخرج واذا بديت في الشنابر ما نكمل وتاني كاين اللي تشتكي من الضيق انا ليتساع هو اللي معييني نهار كامل وانا نجري موراهم يا مور لفتات تاع الخبز يامور لكواغط......عيييييت
الدار كي تكون كبيىرة تقدري تغلقي البيوت و لا الصالون باش مايدوروش فيها كامل.بصح كي كون الديق ماكاش وين تروحي لازم تقعدي تبعي هما بخربو و كيما قلتي لفتات و الالعاب و نتي تخملي.
مالا خواتاتي أنا عييت من الضيق كوزينة وشومبرة وحدة و3اولاد ناكلو فيها نرقدوفيها ولادي يلعبو فيها يقراو فيها وزيد أنا نخيط يجيوني الزبونات فيها لازم كل دقيقة نخملها ونقيها باه نقابل الناس وراكم مجربين الاولاد واش يخليو وراهم الالعاب والادوات والفتات وووووووووو المهم ربي يعينا ويخلينا صحتنا وهاذا راه في ميزان حسناتنا نشاالله اللهم ارزقنا الأمن في البلد والعافية في الجسد والاصلاح في الولد آميييييييين
احسن يوتوبوز في الجزائر لا بل في العالم لانكي تمسي النقطة الحساسة وهي المرأة. متزوجة منذ سنتين و استفدت كثيرا منك انشاء الله تقراي تعليقي و ديرينا فيديو علا الناس لي مرزقهمش ربي بالأطفال ،بالتوفيق حبيبتي.
شكرا أختي في الله و الله عندك حق شغل الدار ميكملش الحمد لله جيت غي انا و راجلي الحمد لله يا ربي راجلي معاوني سورتو كي راني بالحمل مريت بأصعب فترة وحم و ضرك الحمد لله ادعولي حبيباتي اليوم درت ايكو و عندي بنوتة أول حمل ليا ربي يرزق كل محروم و ربي يجعل بنوتتنا انا و زوجي فاتحة خير علينا و رزق يا ربي
تعيش تعيش تعيش ربي يحفظك يا طنطا ديرينا فيديو تعامل الأم مع المراهق ولدي عمرو 15 عام رايح يهبلني جانبي عقلية بلي لازم نخاف تصوري وانا فقدت السيطرة على أعصابي وبابا يقولي ساعفيه يكبر ويعقل احكينا عن تجربتك لا تنسيني
والله غير راني مزوجة في شحال و كل شهرين نطيح كل يوم على بيت نرمي و لا نمد قاع واش منسحقش حوايج بيلات بوشونات سرابت كلش كلش تقاشر هدوك تاع فردة كاين فردة مكاش 😂 هاذ الشي يديلي كاش ربع ايام تخفاف دنيتي و تاني حمد الله عقلي ف راسي خدامة و نخرج كل ليوم للزنقة بصح منشري والو بلا منكون محتاجة نشلل عويناني و ندخل داري و معنديش العقدة تاع لازم يكون عندي كلش مقلةة للبيض و مقلة لكراب و مقلة للبطاط و مقلة للشوا و صباطا كل لوم و كل نوع الخخخخخ je fais vc ce que jai و حمد الله راضية على روحي في هذي الحاجة خيرات ربي 😂 شكرا على الفيديو
صح كلامك دوحة الدار غولة انا دروك تعشيت وخليت الكوزينة مقلوبة قلت بالك حي يدخل الخاين يغسلي نشفو ويغسلي لماعين والله يا خواتاتي غير كرهت من الروتين تاع الدار لادخلة لا خرجة من غير الشغل اف على هادي قررت اليوم ما نقيش الكوزينة علقت بلاكة فوقها حداد ههههههه الي صرالها كيفي تقولي
لا لا يا حنونتي كلش كلش غير لماعن تع لعشا منخليهمش نخاف كشما تصرالي حاجا ولا الناس مترحمنيش 😤ويقولو دارها وحدها وتضل غير راقدا ولا تجيني كاش خرجا على غفلا فرح😁 او قرح😭 منخليش كوزينتي تضرب تقلب و ريحتها قارصا 😪وكل وحدا ورايها🤗
يا لعميرة يا لعزيزة يا معجون قلبي نتي ههههه ، نححححححب نسمعك صوتك مررريح ربي يهنيك صلوا على خير خلق الله ، اللهم صلي وسلم وزد وبارك على سيدنا محمد وعلى اله وصحبه اجمعين الى يوم الدين ربي يهنيكم خوتاتي و يسعدكم في الدارين ياارب امين ، محلاها لمة و قعدة مع خوتاتي ددوحات و ربي يجازي القائدة تاعنا ختنا نجاح خير الجزاء 🙏😍💞
مسا ء النور.والله الا مرات نقي الكوزينة على 12 تاع ليل.نرڨد ولادي تديني عيني شوية ونوض نكمل صوالحي.ومرات نولي نبكي.surtou لي عندها ولاد صغار وقراب من بعضهم في لاج.الله يكن في العون.شكرا على التحفيز
حبيبتي الغالية انتي مثلي الأعلى يعطيك الصحة راني ندعيلك على نصائحك القيمة التي ساعدتني كثيرا في التغلب على شغل الدار وكلامك دواء للعقل و القلب والله نحبك في الله بالتوفيق ان شاءالله
يعطيك الصحة تحيتي عليا الهم رغم اني جديدة معاك طبقت نصاءحك والحمد لله رجع بيتي جنة حتى اولادي عاونوني ورحعنا ناشطين بعد الخمول ربي يحفظك ويجعلها في ميزان حسناتك
تعرفي دداح قستيني في اسوء صفة اتصف بها صراحتا نخبي لحوايج لمنسحقهمش والله يااختي دداح بنتي كي كبرت ساعات تعارك على الحوايج لمنسحقهمش ماهوش بخل لكن لااعرف مرض ولاولف لست اعلم
والله ما تاني كيما نتي كي تكون حاجا قديمة تعز عليها و ما ترمي والو بصح كي نروحلها نرميلها نص القش ونولو متعاركين على والو انا الله غالب كي نخمل لازم نقص ولازم نمد ولازم نرمي.
بارك اللّٰه فيك اختي نجاح على المجهود انت تانيك مرحبا بيك في ديورنا وقلوبنا الشغل باش يتنظم وربة البيت ما تتعبش لازم يكونوا الركاين منقيين كي تكون المرأة قادرة لازم تكون تسيق الركاني مليح تخمل خزانها مليح تشوف طاشة مثلا في الحيط او في الباب تغسلها تم تم ما تخليش الخماج حاشاكم يتراكم تمسح كل يوم الغبرة وخاصة الحوايج انتاع الغسيل ما تخليهمش يتلمو كي يكونوا الركاين نقيين والحوايج مغسولين والخزاين مرتبين ماكاش الشغل واللي عندها الدراري كل دقيقة تخدم راهي رفدت حذاء راهي رفدت لعبة راهي رفدت شوية خبز ولا حلوة طاحت هذا ما شي الشغل هاذي متعة مع الأولاد هكا كانت تقولنا يما كي يكونو راكين منقيين حتى ويدخل عليك ضيف على غفلة ما تحشميش وانت تكوني مرتاحة نفسيا وكيما قالت اختي نجاح اهتمي انت أولا بنفسك حتى وتكوني عارضة ضياف اول حاجة ادريها شبحي روحك قبل ما تشبحي الطابلة انا نعرف وحدة كانوا يروحو عندها الضياف بزاف ومسكينة هي غير تحط وترفد وضياف يجوها مبدلين ومسڨمين اللّٰه اللّٰه وهي حالتها حالة وحد الخطرة رحت عندها ما كانتش مليحة قتلها واش بيك راكي مريضة قالتلي ايه راجلي مرضني بالهدرة قتلها غير الخير قالتي عايرني بالضياف قاللها شوفي النساء كيفاش دايربن وانت تالقة روحك المهم عايرها مسكينة تحكيلي وتبكي قتلها عندو الحق لوكان ما جاش يحبك ويحب يشوفك انت الأحسن ما يهدرش ونصحتها على كل حال لوجه اللّٰه قالتلي امبصح تعرفي النساء لوكان نسڨم ونتحف روحي يقولوا راهي تزوخ وتبين في روحها قتلها خليهم يقولوا المهم شوفي زوجك واش يقول انا نقوللكم الصح يا خياتي والله بنت مرا ما تشوف حشاكم زبلي انا خطرة وحدة كانت تجي عندي هي وصحبتها قالولي انت علاه كل ما نجو عندك تنقي وتسقمي روحك قالولي احنا لوكان تحطينا في الزبل نقعدو قتلهم اقعدوا في الزبل انتاع داركم ماشي في داري انا نقول كل امرأة تخدم ليها ولولادها وزوجها فقط حتى ويكون عندك الضيق معليش نقي اجيك ضيف على غفلة ولا تمرضي ولا يمرض كاش واحد في العائلة كي تجبدي جراية تجبديها نقية اللّٰه اللّٰه واسمحولي طولت،،،،،😙😀 اعرفي شخصيتك من رقم حذاءك خمسة وثلاثين نعومة ستة وثلاثين مهذبة سبعة وثلاثين ودودة ثمانية وثلاثين امرأة مثالية تسعة وثلاثين خجولة وتبكي بزاف أربعين رومانسية بشكل غريب واحد وأربعين متفهمة اثنان وأربعين أشك انها فتاة ثلاث واربعين لا زم تسجل في الجيش 😂😀😙😍
ههههه الله ياطيك الخير ياام ايوب ضحكتيني انا 38 يعني امرأة مثالية انشا الله يارب وانتي شحال جابلي ربي كامل الارقام خاطر الصفات الملاح كامل فيك حبيبتي باين فالسان مغراف القلب احبكي في الله
ههههههه يا عمري عليك يا ام ايوب حبيبتي ،عجبتني هديك تاع اقعدو فزبل تاع داركم ) حشاك هههههه، و عجبتني تاع الجيش انا نلبس 39 صحيح كنت بزززززاف خجولة و نرجع للور دوك لالا خير نقصت شوية ، ربي يدوم الضحة و البسمة ربي يهنيك يا الحنونة يا لبليدية الحرة 💞ليلتك سعيدة
مساء الخير ،يعطيك االصحة اختي دداح نصائح لي تمديهم روعة انا راني معك لازم نفرزو صوالح لي ما نستحقوهمش نظام هو اساس الحياة، انا حتى ناس لي ولاو يديرولي طاقة سلبيا في حياتي غربلتهم
الله يبارك عليك يا ختي نجاح.. راكي مرجع في حياتي.. وحابة ننجح كيما نتي، اسم على مسمى.. حبيت برك سند لي إن شاء الله يكون نتي، حبيت نصورلك برنامج الاعمال المنزلية ديالي باش تمديلي رايك فيه وتنصحيني.. حبيت نبعتهولك في الخاص تعيشي رديلي يا أملي في النجاح.. للعلم فقط انا استاذة جامعية توظفت منذ عام وحابة نوفق بين داري وعملي وطفلي ذو ثلاث سنوات.. انتظر ردك يا استاذتي في النجاح..
لبنآت خآالتو رآهي بالحمل عندهآ 3 ولاد و ميتــة على طفلــة هذا ما راعي متمنية مسكينــة الله يعطيكم مآ تتمنآو إدعولهآ ربي تكون بنت لي ف كرشهــآ و ربي إن شآء الله يستجيب دعوآتكم ليهآ و يحققلهآ أمنيتها شكرا حبيباتي
والله يا خواتاتي انا انسانه موسوسه لدرجه ما تتصوروهاش الدار من جهة والاولاد منجهة لازم نقريهم يوميا مع النقص ليراه في المدرسه يخي علااااابااااالكم لوكا ن ما يقراوش نهار واحد نحس بالذنب صدقوني عندي اختي تقلي راكي تقتلي في روحك باطل وانا مخالفتها تماما لان الاولاد امانه لازم نتهلاو فيهم الله المستعان😓😖😨😧👭👬
ركزززيلي على الغاتيساج هههههه... نحس ب وحد الراحة..... وحد الشعور......خاصة كي نجوز على الكانكايري و نجيب پاكي تاع لي صاك پوبال حاشاكم.... ندخل هايلة للدار ههههه... و نغاتيسي كللللش... نحس روحي خفيييفة و الدنيا تشعل موفقة انشاء الله و يعطيك الصحة اختنا الرائعة دداح
يعطيك الصحة انا خدامة والله كي ندخل للدار نحصل فالكوزينة حياتي خدمة و شغل ماعنديش كامل الوقت و لكن راني كيما انت منظمة وقتي بين الدار و الاولاد و الخدمة الله المعين
والله نحبك في الله. وصوتك وكلامك نحبك يا العزيزه ونصائحك ما شاء الله وربي يرزقنا الرضا بكل ما أعطانا ويرزقنا بدار واسعه والصحه والهناء لينا ولجميع المحتاجين
ايه و الله طليتي على قلبي لكن مافهمتش علاش ماراكيش تردي عليا قتلك بعتلك رسالة في الفايسبوك الخاص بك عندي مشكلة راني غارقة فيها و نحتاجك او بالاحرى نحتاج نصيحتك او ممكن تطرحيه كموضوع للنقاش الله يخليك طاطا دداح شوفي كيفاش تديري و ردي عليا 😥😥😥
