الإخوان ذوي القلوب الرحيمة الله إجازيكم بخير والله العظيم الى حتى وصلات العظم عاد درنا هاد القناة انا والزوج ديالي باش نتعاون معاه على الوقت والزمان الله إجعلها في ميزان حسناتكم يوم القيامة يارب دعموني وحسبوها صدقة جارية أخوتي 🥺🥺🥺
السلام عليكم أنا بغيت نعاود لي فقلبي وبغيت تنصحيني ماما حلومة أنا عندي مشاكل مع راجلي دائما كيغضب على الشقى إلى دخل ولقى شي بيت مامجموعش ولا حوايج مامصبنينش ولا ماعن مامغسولينش ولا شي حاجة كيغضب وكيقطع عليا الهضرة أنا كنشقى علاش قديت ماكنبغيش نكلف على راسي صحتي هي الأولى مع العلم أنني عندي وليد باقي صغير عندو 6 شهور وبنت عندها 7 سنين وأنا فالغربة يدي بوحدي كلشي مني طياب وعجينة وماعن وتسياق وكلشي وراجلي بغا كل نهار يجي يلقا الدار كتشعل بالنقى وأنا نكون لابسة مقادة حالتي و أولادو يكونو نقيين وكلشي هو هاداك أنا كنقولو رآه حتى واحد فينا ماكامل أنا مانقدش على هادشي كامل كل نهار ماحيلتي لشغل الدار ولا لطياب ولا نعجن الخبز ولا ولدي نرضعو ونخرقو ولا بنتي ولا لراسي رآه عياني كل مرة نفس المشكل ودابا راه قاطع الهضرة 15 اليوم وزيد عليها ماكيخرجنيش ومانع عليا نخرج بوحدي وحتى البلاصة فين ساكنة غير بلاصة الفلاحة ماكاين مايتشاف تصوري من رمضان ماخرجت غير الدار حاسة براسي غاندخل فاكتئاب ماعرفت كيندير معاه نصحوني راني هضرت معاه مابغاش حتى يتناقش غير ساكت ماكياكل فالدار ما والو وكينعس فالصالون هادشي بكثرت ما كثر مرضني في نفسيتي مابقاش كيجيني نعاس هاد الراجل ماعاجباه حتى حاجة كنحس بيه باقي معايا غير على قبل الأولاد وأنا كنبغيه وما بغيتش هادشي يتطور أكثر من هاكا هو ولا كيقوليا معفونة ماكتجمعيش دارك ديما مرونة وأنا كندير علاش قديت وحتى الگلسة فالدار قنط بزاف تخنقت هو ملي ولدت وهو عازل الفراش داير سبة بالولد قالك ماكيخليهش ينعس ولا غير كيجي من الخدمة كيشد التليفون وسداري حتى ينعس وكيبقا يقوليا حيدي منك نعاس ديال الصباح انا مع ولدي كيرضع بليل ناكنعسش مزيان كنخرج بنتي تركب تمشي المدرسة ونرجع ننعس ما كنفيقش بكري وملي كيجي كيبقى يخاصم عافاك نصحيني شنو ندير والله يرحم الوالدين بلا تعالق سلبية لي فيا كافيني .
اختي حاولي تبدلي انت حياتك و ديري مجهود في التخمال و الدار و ماكلة زوينة و لبسي داكشي زوين الى جا و بزز عليك غايجي حداك و صبري واه مصلحتك اختي شي بعد المرات كانشدو الخاطر للراحل حيث راه مكينش شي حل اولا غادي تكفس الامور حاولي تبداي بشوية بشوية النهار الاخير حاولي تقادي كولشي و تقادي انت يحي يلقى الامور مقااادة و بدلي المرضوع و بلاما تقولي ليه كيجاتك الدار او كيحيتك انا خليه هو يرد البال ههه غير الصبر اختي الرجال الى تكفسو يوليو يقلبو على السبة و حنى ليكانكلو الدق و رااااااه كوووووولهوم بحال بحال بلاما يفكر الانسان في الطلاق داكشي ليعطانا الله نرضاو بيه و صافي و مديرو شوية تضحيااات حيث يمكن الرجال كايعانيو في الخدمة اولا كبرو في عاىلة نقية بزاااف لحد الهلوسة داكشي كايبقى ماثر فيهوم مكيعرفو يعيشو الا في هاداك الوضع بالضبط الصبر اختي
سلام اختي انا قريت تعليق ديالك انت فين ساكنة حاولي ديري صحابات متعودين ليهم سرك غير ياباشا تبدلي الوقت وتدخلي الدار ك بطاقة اجابية ودار حولي ملي اكون هو في خدمة حتى تبقى ساعة وجمعيها وطلقي البخور وخاليه دابة هو مريض بالنقة صعيب اتبدل انت حاولي تبدلي راسك وخرجت بدلي الجو راه الجلوس في دار صعيب الحال عليك اختي
انا مدوزة مع الراجل 30عام ديال زواج وديما كنحصلو كيخون صافي ونسكت ومكنقول ليه والو وعايشة وهو ديما كيغوت على ابسط حاجة ومنفخ ولكن صابرة حيت موفر ليا كلشي الحمد لله كيفما كيقولو حاجة كتغطي على حاجة على قبل الوليدات ولكن دابا مع السن راك عارفة مبقيتش قدرت نصبر والله حتى شي مرات كنفكر فالطلاق كاع عييت من الغوات والخيانات واخة هو وصل للسن اللي خاصو يتبت ويترزن والو خف من رزقو قولو لي شي نصيحة ابنتي واختي لعل وعسى يتبدل المود ديالي 😢😢
